ဂန္တဝင်ဂိုဏ်းချုပ် အတွဲ(၄) Unicode

အပိုင်း ၇၃၁ မှ ၇၃၅

စာစဥ် ၃၉ : အပိုင်း ၁

အပိုင်း ၇၃၁ : အခြေအနေများ ရုတ်တရက် ပြောင်းသွားခြင်း

ပင်လယ်နဂါး ဘုရင်ကပင် ကျင်းဟွမ်အမတ်၏ အပေါ်စီးမှ ဆက်ဆံမှုအား အနည်းငယ် မပျော်မရွှင် ဖြစ်သွားခဲ့သည်။

သို့သော်လည်း သူခင်းကျင်းပြသထားသော တိုက်ပွဲစွမ်းအားများမှာ အမှန်တကယ်ပင် ကြောက်မက်ဖွယ်ရာ ကောင်းလှသည်။ အကယ်၍ ရှောင်ကျန်းအာနှင့် သူမ၏ လက်အတွင်းတွင် ရှိနေသော မှော်ရတနာ နှစ်ခုကပင် ပင်လယ်နဂါး ဘုရင်အား အလေးအနက် ထားစေခဲ့လျှင် ကျင်းဟွမ်အမတ်၏ ချမ်းသာကြွယ်ဝလှသော နောက်ခံသည် မသေဝိညာဥ် အဆင့်တွင် ရောက်နေခဲ့ပြီ ဖြစ်သော ပင်လယ်နဂါး ဘုရင်အတွင်ပင်လျှင် ပို၍ကြီးမားသော ပြဿနာဖြစ်သည်။

နတ်ဘုရား သတ်ဖြတ်သူ ရုပ်သေးရုပ်သည် အင်မော်တယ် ဝိညာဥ် အဆင့်မှ စွမ်းအားများကို မရနိုင်သေးသော်လည်း သူ၏ ရုပ်ခန္ဓာကိုယ် စွမ်းရည်သက်သက်နှင့်ပင် သူသည် အင်မော်တယ် ဝိညာဥ် အဆင့်မှ ကျင့်ကြံသူများအား ယှဥ်ပြိုင်နိုင်သည်။

ပွားစည်းခြင်းအဆင့်မှ မှော်ရတနာ - အင်မော်တယ် တော်ဝင်အလံ

သန္ဓေလောင်းအဆင့်မှ မှော်ရတနာ - မဟာရေခဲ လမင်းအလင်း ပေတံ

ထို့အပြင် ကျင်းဟွမ်အမတ် ကိုယ်တိုင်ကလည်း အခြေတည်ဝိညာဥ် နောက်ဆုံး အဆင့်၏ အထွတ်အထိပ်တွင် ရောက်နေခဲ့ပြီ ဖြစ်သည်။ သူသည် သိုင်းပညာရပ်များအား အထူးကျွမ်းကျင်ပြီး သူ၏ ဘဝသက်တမ်းတလျှောက်တွင် မရေမတွက်နိုင်သော တိုက်ပွဲများကို တိုက်ခိုက်ခဲ့ပြီး ဖြစ်သည်။ သူ၏ တိုက်ပွဲစွမ်းအားများသည် သာမန် အခြေတည်ဝိညာဥ် နောက်ဆုံး အဆင့်မှ ကျင့်ကြံသူများထက် များစွာသာသည်။ သူသည် အင်မော်တယ် တော်ဝင်အလံနှင့် မဟာရေခဲ လမင်းအလင်း ပေတံတို့၏ စွမ်းအာများကို အစွမ်းကုန် မထုတ်သုံးနိုင်သေးသော်လည်း သူ၏ စွမ်းအားများမှာ အထင်ကြီးဖွယ်ရာ ရှိနေခဲ့ပြီ ဖြစ်သည်။

ဤကဲ့သို့သော အခြေအနေမျိုးဖြင့် သူသည် အင်မော်တယ် ဝိညာဥ် အဆင့်မှ ကျင့်ကြံသူများနှင့် ရင်ဆိုင်ရလျှင်ပင် ကျားတစ်ကောင်က ဖြူတစ်ကောင်နှင့် ရင်ဆိုင်ရနေသကဲ့သို့ ဖြစ်နေပေလိမ့်မည်။ သူတို့သည် သူ့အား ဒဏ်ရာရအောင် လုပ်နိုင်လိမ့်မည် မဟုတ်ပေ။