စာစဥ် ၅၆ : အပိုင်း ၉
အပိုင်း ၁၀၇၉ : တစ်ယောက်၏ စွမ်းရည် အကန့်အသတ်ကို ကျော်လွန်၍ ကြိုးစားခြင်း
လင်းဖုန်း၏ စကားများကို ကြားရသောအခါ ယန်နန်းလိုင်နှင့် ချင်းနင်သူတော်စင်တို့က အချင်းချင်း ပြန်ကြည့်လိုက်ကြသည်။ ယန်နန်းလိုင်က မေးလိုက်သည်။ "မာစတာလင်းက ဘာများ လိုချင်ပါသလဲ"
လင်းဖုန်းက တိုးတိုးလေး ပြောလိုက်သည်။ "ပဏ္ဍိတဆယ်ပါး ရွှေရောင်ဆေးလုံး… ကောင်းကင် ဖြစ်တည်မှုလမ်းစဥ် ရွှေရောင်ဆေးလုံး… အသက် အစားထိုးခြင်း ကောင်းကင်ဆေးလုံး… အန္တိမ အသိဉာဏ် နတ်ဘုရား ဆေးလုံး…"
ယန်နန်းလိုင်၊ ချင်းနင်သူတော်စင်နှင့် ဝူမန့်ချီတို့က နားကြားမှားသွားသည်ဟု ထင်သွားကြသည်။ ဟင်းလင်းပြင် ဘုရားကျောင်းမှ တပည့်တစ်အုပ်စုကလည်း ကြားခဲ့ရသည်ကို မယုံနိုင်ခဲ့ပေ။
ဂူကျွန်းနှင့် ဂူမိသားစုမှ တပည့်များကလည်း စိတ်ရှုပ်ထွေးသွားကြသည်။
ပဏ္ဍိတဆယ်ပါး ရွှေရောင်ဆေးလုံးသည် ဟင်းလင်းပြင် ဘုရားကျောင်း၏ မဟာစိတ်ဝိညာဥ် ဆေးလုံး လေးလုံးအနက်မှ တစ်ခုဖြစ်သည်။ သူသည် ကမ္ဘာဦးခေတ်က ချုံးဧကရာဇ်က တီထွင်ခဲ့ခြင်း ဖြစ်၏။ နောက်ဆုံးတွင် ဆေးလုံး ဖော်စပ်နည်းသည် မဟာဟင်းလင်းပြင် သူတော်စင်၏ လက်အတွင်းသို့ ကျရောက်လာခဲ့ခြင်း ဖြစ်သည်။
ဤဆေးလုံးသည် တစ်ယောက်၏ အသက်စွမ်းအင်များကို အားဖြည့်ပေးနိုင်ကာ ဒဏ်ရာများကို ကုစားနိုင်စွမ်း ရှိသည်။ အကယ်၍ အင်မော်တယ် ဝိညာဥ် ပထမ အဆင့်နှင့် ဒုတိယ အဆင့်မှ ကျင့်ကြံသူ တစ်ယောက်က သောက်လိုက်မည် ဆိုပါက နောက်တစ်ဆင့်သို့ တက်လှမ်းနိုင်ရန် အောင်မြင်မှုနှုန်းကို တိုးတက်စေနိုင်သည်။
ကောင်းကင်ဖြစ်တည်မှု လမ်းစဥ် ရွှေရောင်ဆေးလုံးသည် မဟာစိတ်ဝိညာဥ် ဆေးလုံးလေးလုံး အနက်မှ နောက်ထပ်တစ်ခု ဖြစ်သည်။ သောက်သုံးလိုက် အပြီးတွင် သူသည် ကျင့်ကြံသူအား စောင့်ရှောက်နိုင်သည်။
ဤဆေးလုံး၏ အစွမ်းများသည် ကျင့်ကြံသူ၏ ခန္ဓာကိုယ် အတွင်း၌ အမြဲနေနေကာ အရေးကြီးသော အခိုက်အတန့်တွင် သူသည် ရတနာ အလင်းတန်း တစ်ခုအဖြစ်သို့ ပြောင်းလဲသွားကာ ထိုကျင့်ကြံသူ၏ အကာအကွယ်ဒိုင်း အဖြစ် ဆောင်ရွက်ပေးနိုင်သည်။
YOU ARE READING
ဂန္တဝင်ဂိုဏ်းချုပ် အတွဲ(၄) Unicode
Adventure✓✓✓✓ MC က FAကြီး ✓✓✓✓ ဇာတ်လမ်းအကျဉ်း လင်းဖုန်းဟာ အချိန်ခရီးသွားခဲ့ပြီး စနစ်တစ်ခုကို ရရှိခဲ့ပေမယ့် သူ့ရဲ့ဖိအားတွေဟာ တောင်လိုပဲကြီးမားပါတယ်။ "စနစ်ရဲ့ အဓိကမစ်ရှင်" လင်းဖုန်းဟာ ဂိုဏ်းတစ်ဂိုဏ်းကို တည်ထောင်ရမှာပါ။ အဲ့ဒီဂိုဏ်းလဲ ဒီကမ္ဘာမှာ သမိုင်းဝင်န...
