စာစဥ် ၅၆ : အပိုင်း ၂
အပိုင်း ၁၀၇၂ : ကွဲပြားခြားနားသော အကျိုးသက်ရောက်မှုကို ဖော်ဆောင်ခြင်း
လင်းဖုန်းနှင့် ဂူကျွန်းတို့သည် ယန်နန်းလိုင်နှင့် အတူ သူ၏ဘေးမှ ဝူမန့်ချီအား ကြည့်လိုက်ကြသည်။
ယန်နန်းလိုင်သည်လည်း ဝူမန့်ချီဘက်သို့ လှည့်၍ သူ၏ခေါင်းကို အနည်းငယ် ညိတ်ပြလိုက်သည်။ ဝူမန့်ချီကလည်း သူ၏ ပါးစပ်ကိုဟကာ ပြောလိုက်သည်။ "ငရဲကမ္ဘာ ပင်လယ်အတွင်းမှာ ကမ္ဘာငယ် အချို့ ရှိနိုင်တယ်"
"ဒါဆိုရင် ရှင်းသွားပြီ" ဂူကျွန်းက သူ၏ခေါင်းကို ညိတ်ကာ ပြောလိုက်သည်။ "ဒါပေမဲ့ ဒီကမ္ဘာငယ်တွေ ပေါ်လာခြင်းက ပြင်ပ အင်အားစု အချို့ကြောင့် ဖြစ်ရမယ်… သူတို့ဘာသာ ဖြစ်လာတာတော့ မဖြစ်နိုင်ဘူး"
လင်းဖုန်းက ဝူမန့်ချီအား ကြည့်လိုက်သည်။ "ရဲဘော်ဝူ… ခင်ဗျားက ဒီကမ္ဘာတွေ အတွင်းကို ဝင်နိုင်သလား"
ဝူမန့်ချီသည် အချိန်အနည်းငယ် ငြိမ်သက်သွားပြီးမှ ပြန်ဖြေလိုက်သည်။ "မဝင်နိုင်ဘူး… ကျုပ်က သူတို့ရဲ့ တည်ရှိနေမှုကိုပဲ အာရုံခံနိုင်တာ"
ယန်နန်းလိုင်က ဘေးမှနေ၍ ဝင်ပြောလိုက်သည်။ "ငရဲကမ္ဘာ ပင်လယ်ရဲ့ လေဟာနယ် နယ်နိမိတ်တွေက ဟင်းလင်းပြင် ပင်လယ်လိုမျိုး ကမောက်ကမ ဖြစ်မနေဘူး… ဒါပေမဲ့ အထဲက အခြေအနေတွေက ပိုပြီးမှ ရှုပ်ထွေးတယ်… အဲ့ဒီနေရာကို ဝင်ရောက်ရှာဖွေဖို့ ပိုခက်ခဲတယ်"
လင်းဖုန်းနှင့် ဂူကျွန်းတို့က သူဆိုလိုနေသည်ကို သဘောပေါက်လိုက်ကြသည်။ ငရဲကမ္ဘာ ပင်လယ်နှင့် ပတ်သတ်၍ သူတို့ကလည်း အနည်းငယ် နားလည်ထားကြသည်။
"ဟင်းလင်းပြင် ဘုရားကျောင်းရဲ့ ငရဲကမ္ဘာ ပင်လယ်အပေါ်က နားလည်မှုဟာ သေမင်းဧကရာဇ်ကို မယှဥ်နိုင်ဘူး" လင်းဖုန်းနှင့် ရှောင်ယန်တို့က အချင်းချင်း ကြည့်လိုက်ကြသည်။ "ရှေးဟောင်းခေတ်တုံးက သူတို့ဟာ ဝမ်ချီယန်ကို ရှာဖွေဖို့ ကြိုးစားခဲ့ကြတယ်… ဒါပေမဲ့ သူတို့က နေရာမှားပြီး ရှာခဲ့ကြတယ်… သူတို့က ငရဲကမ္ဘာ ပင်လယ်ကို အာရုံမစိုက်ခဲ့ကြဘူး"
ESTÁS LEYENDO
ဂန္တဝင်ဂိုဏ်းချုပ် အတွဲ(၄) Unicode
Aventura✓✓✓✓ MC က FAကြီး ✓✓✓✓ ဇာတ်လမ်းအကျဉ်း လင်းဖုန်းဟာ အချိန်ခရီးသွားခဲ့ပြီး စနစ်တစ်ခုကို ရရှိခဲ့ပေမယ့် သူ့ရဲ့ဖိအားတွေဟာ တောင်လိုပဲကြီးမားပါတယ်။ "စနစ်ရဲ့ အဓိကမစ်ရှင်" လင်းဖုန်းဟာ ဂိုဏ်းတစ်ဂိုဏ်းကို တည်ထောင်ရမှာပါ။ အဲ့ဒီဂိုဏ်းလဲ ဒီကမ္ဘာမှာ သမိုင်းဝင်န...
