စာစဥ် ၅၆ : အပိုင်း ၁၃
အပိုင်း ၁၀၈၃ : ငါတို့က အံ့ဖွယ် ကောင်းကင်ဘုံဂိုဏ်းရဲ့ ကမ္ဘာကို နားမလည်နိုင်တော့ဘူး
ရှောင်ယန်၏ လက်ဝါးအစုံမှာ သူ၏ အရှေ့တွင် ရှိနေကာ သူတို့အတွင်းတွင် ရွှေရောင် အရေအတွက်သုံးခု အင်းရှစ်ကွက် ပုံစံတစ်ခုက ဆေးမီးဖို အပေါ်မှ ဟင်းလင်းပြင် အတွင်းတွင် ပေါ်လာသည်။
မူလက ခက်ထန်စွာ ဟိန်းဟောက်နေသော အသံများသည် ပို၍ပို၍ တိုးလာကာ ကြံရာမရသည့်ပုံများ ပေါက်လာသည်။
အားလုံးတို့ကလည်း အံ့ဩ တုန်လှုပ်သွားကြသည်။ "သူက မိစ္ဆာစိတ်ရိုင်းတွေကို ဒီလိုမျိုးပဲ ဖယ်ရှားလိုက်တာလား"
"အချိန်… အချိန်ဘယ်လောက် ရှိသွားပြီလဲ" တစ်စုံတစ်ယောက်က အော်ဟစ်လိုက်သည်။ သူ၏ ဘေးတွင် တစ်စုံတစ်ယောက်က အချိန်ကို ကြည့်လိုက်ကာ တုန်လှုပ်သွားသည်။ "အစကနေ အခုအထိ ၇ရက်ကို ကျော်လွန်သွားဖို့ အမွှေးတိုင် တစ်တိုင်ထွန်းစာ လိုသေးတယ်"
အားလုံးတို့သည် ရှောင်ယန်ထံသို့ ကြည့်လိုက်ကြသည်။ "သူက အချိန်မီ ပြီးပါ့မလား"
"သူပြီးသွားရင်တောင် သူ့ရဲ့ အမြန်နှုန်းက အကြီးအကဲ နှစ်ယောက်ထက် နှေးသေးတယ်… သူ့ရဲ့ ဆေးလုံးတွေက ဂရန်းမာစတာရဲ့ နေမင်းကိုးစင်း စိတ်ဝိညာဥ် နတ်ဘုရား ဆေးလုံးထက် သာနိုင်တယ်လို့ ငါမယုံဘူး" ချန်းလင်က သူ၏ အံကို ကြိတ်၍ အော်ဟစ်လိုက်သည်။
"ဒါ့အပြင် သူက ဒီဆေးလုံးတွေရဲ့ အပြည့်အဝ ကျင့်ကြံပြီး မိစ္ဆာစိတ်ရိုင်းတွေကို ဖယ်ရှားချင်မှ ဖယ်ရှားနိုင်မှာ… ဆေးလုံးကပ်ဘေးကို တည်ငြိမ်အောင် ကြိုးစားရတာက လွယ်ကူတဲ့ ကိစ္စတစ်ခု မဟုတ်ဘူး"
"အထူးသဖြင့် အချိန်တိုလေး အတွင်းမှာ တည်ငြိမ်အောင် ကြိုးစားရတာပဲ… သူက အရင်ကထက် ပိုပြီးမှ ခက်ခဲသွားလိမ့်မယ်… သူက အလောတကြီး လှုပ်ရှားရတဲ့ အတွက် အမှားတွေကို ပိုလုပ်မိနိုင်တယ်… ပေါက်ကွဲမှုတွေတောင် ဖြစ်သွားနိုင်တယ်"
ချန်းရှင်းယုသည် ရှောင်ယန်၏ ဆေးမီးဖိုအား စိုက်ကြည့်နေကာ လေးနက်စွာဖြင့် ပြောလိုက်သည်။ "မင်းရဲ့ စိတ်ကို လျှော့ပါ… သူ့ရဲ့ လုပ်ဆောင်ချက်တွေကို အသေအချာ ကြည့်ထားပါ"
YOU ARE READING
ဂန္တဝင်ဂိုဏ်းချုပ် အတွဲ(၄) Unicode
Adventure✓✓✓✓ MC က FAကြီး ✓✓✓✓ ဇာတ်လမ်းအကျဉ်း လင်းဖုန်းဟာ အချိန်ခရီးသွားခဲ့ပြီး စနစ်တစ်ခုကို ရရှိခဲ့ပေမယ့် သူ့ရဲ့ဖိအားတွေဟာ တောင်လိုပဲကြီးမားပါတယ်။ "စနစ်ရဲ့ အဓိကမစ်ရှင်" လင်းဖုန်းဟာ ဂိုဏ်းတစ်ဂိုဏ်းကို တည်ထောင်ရမှာပါ။ အဲ့ဒီဂိုဏ်းလဲ ဒီကမ္ဘာမှာ သမိုင်းဝင်န...
