စာစဥ် ၅၅ : အပိုင်း ၃
အပိုင်း ၁၀၅၃ : ခွန်းလွန်တောင်မှ တောက်ပသော အလင်းတန်း
ယင်ပင်လယ်တွင် အပြင်းအထန် ဒဏ်ရာရခဲ့သော တခုန်း ဇန်မာစတာသည် ယခုအချိန်တွင် ထပ်မံတိုးတက်ရန် မဖြစ်နိုင်တော့ချေ။
ယခုအချိန်တွင် သူ၏ ဇန်စိတ်က ဒဏ်ရာရသွားကာ မှော်ကျိန်စာ ရုပ်ခန္ဓာကိုယ်က ကြေမွသွားသည်။ သူသည် ယခုအချိန်တွင် ရွှေရောင်ပုံစံ ဒုတိယ အဆင့်သို့ပင် ပြန်ရောက်နိုင်တော့မည် မဟုတ်ချေ။
သူ၏ ရွှေရောင်ပုံစံသည်ပင်လျှင် အက်ကွဲကြောင်းများဖြင့် ပြည့်နေသည်။ သူ၏ လက်ရှိအခြေအနေမှာ အလွန်အမင်း စိုးရိမ်ဖွယ်ရာ ကောင်းနေ၏။
သို့သော်လည်း လျှမ်ပန်းကလည်း သူ့အား မကူညီနိုင်ခဲ့ပေ။ သူသည် ဘေးမှနေ၍ ကြည့်ရုံသာ ကြည့်နေနိုင်သည်။ သူယခု ကြုံတွေ့နေရသော ကူရာမဲ့မှုသည် သူ၏ လက်အောက်မှ အင်မော်တယ် ဝိညာဥ် အဆင့်မှ ကျင့်ကြံသူတစ်ယောက် အသက်ခံနေရသည်ကို တွေ့နေရသည်ထက်ပင် ဆိုးသေးသည်။
တခုန်း ဇန်မာစတာသည် အနာဂတ်တွင် သူ၏ မှော်ကျိန်စာ ရုပ်ခန္ဓာကိုယ်ကို ပြန်လည် ဖန်ဆင်းနိုင်မည် ဟူသော အချက်ကို လျစ်လျူရှုထားသည်။ သူသည် ကမ္မလမ်းစဥ်နှင့် အံ့ဖွယ် ကောင်းကင်ဘုံဂိုဏ်းမှ ဗုဒ္ဓတရားကို ပြစ်မှားသည့် သဘောတရားကိုသာ အာရုံ အပြည့်အဝ စူးစိုက်ထားသည်။
သူ၏ ရွှေရောင်ပုံစံမှ အက်ကွဲကြောင်းများက ပြန်ပိတ်သွားသည်။ သို့သော်လည်း မကြာမီပင် ထပ်ဖန်တစ်ခါ ပြန်၍ အက်ကွဲသွားကြသည်။ နောက်တစ်ကြိမ် အက်ကွဲသွားသောအခါ ယခင်ကထက် ပို၍ပင် အခြေအနေ ဆိုးလာသည်။
"ကမ္မလမ်းစဥ်… ဗုဒ္ဓတရား ပြစ်မှားခြင်း… အကြောင်းအကျိုး မရှိခြင်း… မှားတယ်… ကမ္မမျဥ်းကြောင်းကို ပြန်သွားခြင်းက အကြောင်းရင်း တစ်ခုတော့ ရှိရမယ်… ကမ္ဘာအတွင်းက အရာအားလုံးနဲ့ သက်ရှိအားလုံးတို့က ကမ္မလမ်းစဥ် အတွင်းမှာပဲ ရှိရမယ်… ဒါပေမဲ့… အကြောင်းရင်းက ဘယ်မှာလဲ… ဘယ်မှာလဲ"
တခုန်း ဇန်မာစတာ၏ မျက်ခုံးများမှာ မြင့်တက်လာသည်။ သူသည် စိတ်နှင့်လူနှင့် မကပ်နေရုံတင် မကပဲ အမျက်ဒေါသ၊ ခက်ထက်မှုများနှင့် ပြည့်နေသည်။
ESTÁS LEYENDO
ဂန္တဝင်ဂိုဏ်းချုပ် အတွဲ(၄) Unicode
Aventura✓✓✓✓ MC က FAကြီး ✓✓✓✓ ဇာတ်လမ်းအကျဉ်း လင်းဖုန်းဟာ အချိန်ခရီးသွားခဲ့ပြီး စနစ်တစ်ခုကို ရရှိခဲ့ပေမယ့် သူ့ရဲ့ဖိအားတွေဟာ တောင်လိုပဲကြီးမားပါတယ်။ "စနစ်ရဲ့ အဓိကမစ်ရှင်" လင်းဖုန်းဟာ ဂိုဏ်းတစ်ဂိုဏ်းကို တည်ထောင်ရမှာပါ။ အဲ့ဒီဂိုဏ်းလဲ ဒီကမ္ဘာမှာ သမိုင်းဝင်န...
