ဂန္တဝင်ဂိုဏ်းချုပ် အတွဲ(၄) Unicode

အပိုင်း ၈၃၁ မှ ၈၃၅

စာစဥ် ၄၄ : အပိုင်း ၁

အပိုင်း ၈၃၁ : ယခင်ကဲ့သို့ မာကျောဆဲဖြစ်သည်

ရှောင်ယန်၏ လက်ဝါး ကျဆင်းလာသောအခါ မဟာလမင်း ဓားမာစတာသည် အန္တရာယ်၏ အငွေ့အသက်များကို ခံစားလိုက်ရသည်။

မဟာလမင်းဓားမှနေ၍ ဓားအော်ရာ အလင်းတန်း မြောက်မြားစွာတို့ကို ထုတ်ဖော်လိုက်သည်။ သူသည် ယင်ယန် လောင်ကျွမ်းနေသော ကောင်းကင်ဝင်္ကပါနှင့် ရင်ဆိုင်လိုက်ရ၍ အသွင်သဏ္ဌာန် လေးမျိုး ကောင်းကင်မြစ်လက်ဝါး၏ တိုက်ခိုက်ခြင်းကို ခံခဲ့ရသောအခါ ပေါက်ကွဲလာသည့် ကြောက်မက်ဖွယ်ရာ စွမ်းအားများသည် ဓားအော်ရာများကို ဖျက်ဆီးနိုင်ခဲ့သည်။

သူ၏ ဓားအော်ရာတို့သည် ပျက်စီးလုနီးပါး ဖြစ်သွားခဲ့သော အခါ မဟာလမင်း ဓားမာစတာက မှင်သက်သွားခဲ့သည်။

ခဏအကြာတွင် ယင်ယန် လောင်ကျွမ်းနေသော ကောင်းကင်ဝင်္ကပါသည်လည်း အသွင်သဏ္ဌာန် လေးမျိုး ကောင်းကင်မြစ်လက်ဝါး၏ ပေါက်ကွဲမှုမှနေ၍ ပျောက်ကွယ်သွားခဲ့သည်။ ပေါက်ကွဲနေသော စွမ်းအားများနှင့် ဝင်္ကပါ၏ ပျက်သုဥ်းသွားမှုမှ ဖြစ်ပေါ်လာသော တွန့်လိမ်နေသည့် စွမ်းအားများသည် ပူးပေါင်း၍ ဓားအော်ရာတို့ကို တိုက်ခိုက်လိုက်ကြသည်။ နောက်ဆုံးတွင် မဟာလမင်း ဓားမာစတာ၏ ဓားအော်ရာများသည် လုံးဝ ကြေမွသွားခဲ့သည်။

ရှောင်ယန်သည် ကျင်းဟွမ်အမတ်၏ နတ်ဘုရား ခန္ဓာကိုယ် ချပ်ဝတ်တန်ဆာအား ဖျက်ဆီးခဲ့သည့် တူညီသော နည်းလမ်းကို အသုံးပြုခဲ့ခြင်း ဖြစ်သည်။ သူသည် ဤတိုက်ခိုက်မှု၏ ပေါက်ကွဲနိုင်မှု စွမ်းအားများကို ချုပ်နှောင်ထားခဲ့၍ ပြိုင်ဘက်၏ ခံစစ်များကို ဖောက်ထွင်းနိုင်ခဲ့သည်။ ပြီးတာနှင့် သူသည် ယင်ယန် လောင်ကျွမ်းနေသော ကောင်းကင်ဝင်္ကပါ၏ တိုက်စစ်စွမ်းအားများကို အသုံးပြု၍ သူ၏ပြိုင်ဘက်အား လုံးဝ ဖျက်ဆီးခဲ့သည်။

ကျင်းဟွမ်အမတ်၏ ကိုယ်ပေါ်တွင် နတ်ဘုရား ခန္ဓာကိုယ် ချပ်ဝတ်တန်ဆာအား ဝတ်ဆင်ထားသော်လည်း ထိုချပ်ဝတ်တန်ဆာသည် ဒဏ်ရာရထားခဲ့သည်။ ကျင်းဟွမ်အမတ်၏ ကျင့်ကြံမှု အဆင့်ကလည်း အင်မော်တယ်ဝိညာဥ် အဆင့်သို့ မရောက်သေးသဖြင့် ရှောင်ယန်၏ မီးတောက်လေးခု ကြာပန်းနှင့် ယင်ယန် လောင်ကျွမ်းနေသော ကောင်းကင်ဝင်္ကပါတို့၏ တိုက်ခိုက်မှုတို့ကို မခုခံနိုင်ခဲ့ပေ။