ဂန္တဝင်ဂိုဏ်းချုပ် အတွဲ(၄) Unicode

အပိုင်း ၈၁၁ မှ ၈၁၅

အပိုင်း ၄၃ : အပိုင်း ၁

အပိုင်း ၈၁၁ : တစ္ဆေတစ်ထောင်မြား၊ နတ်ဘုရား ကြေးမုံကျောက်တုံး

ယခုအချိန်တွင် ကျန်းလေ၏ လက်များသည် အားသွားပြီ ဖြစ်သည်။ ပျက်သုဥ်းခြင်း လှံတံရှည်မှာလည်း ပျောက်ကွယ်သွားခဲ့ပြီ ဖြစ်၏။ ယခုအချိန်တွင် ဝမ်လင်း၏ အစစ်အမှန်နှင့် ပုံရိပ်ယောင် ကမ္ဘာ၏ အစွမ်းကြောင့် ဟင်းလင်းပြင်သည် အက်ကွဲသွား၍ ကောင်းကင်နှင့် မြေကြီးတို့မှ လေဟာနယ် တစ်ခုလုံးသည် ဖရိုဖရဲ ဖြစ်နေခဲ့သည်။ ပျက်သုဥ်းခြင်း လှံတံရှည်မှာ အခြား တစ်နေရာသို့ စုပ်ယူသွားခြင်းကို ခံခဲ့ရ၏။

ဝမ်လင်း၏ ဒုက္ခရောက်နေသော ရေများအပေါ်မှ တံတားနှင့် ရင်ဆိုင်ခဲ့ရချိန်တွင် ကျန်းလေသည် သူ၏ လက်ဝါးများကို ဖွင့်လိုက်ကာ သူ၏ ရုပ်ကိုယ်ခန္ဓာ သိုင်းပညာရပ်များသည် ဖြစ်တည်မှု အဖြစ်သို့ အကောင်အထည် ပေါ်လာခဲ့၍ ဟင်းလင်းပြင် ပုံရိပ်တစ်ခု အဖြစ်သို့ ပြောင်းသွားခဲ့သည်။

ကောင်းကင်၏အောက်တွင် ချော်ရည်ချော်ခဲများက ပေါက်ကွဲထွက်လာခဲ့သည်။ ကမ္ဘာပျက်သောနေ့က ရောက်ရှိလာခဲ့သကဲ့သို့ပင် ဖြစ်သည်။

ဖျက်ဆီးခြင်း ကပ်ဆိုးတစ်ပါးက ကျရောက်လာသကဲ့သို့ ဖြစ်ကာ ချော်ရည်ချော်ခဲများက ပျံ့နှံ့လာခဲ့၍ ငရဲသို့ ရောက်နေသကဲ့သို့ ဖြစ်သွားခဲ့သည်။

ဒဏ္ဍာရီလာ အကြွင်းမဲ့မီးတောက် ခုနှစ်ပါး အတွင်းတွင် အပါအဝင် ဖြစ်သော ခိစတိဂါဘ အစစ်အမှန် မီးရှူးတိုင်။

ကျန်းလေသည် သူ၏ ခိစတိဂါဘ သန့်စင်ခြင်း လက်သီးကို အဆုံးစွန်အထိ ထုတ်လွှတ်လိုက်ကာ သူ၏ ပြိုင်ဘက်အား ခိစတိဂါဘ အစစ်အမှန် မီးရှူးတိုင် တောက်လောက်လျက်ရှိသော ငရဲထံသို့ ဆင်းသက်သွားစေခဲ့သည်။ တစ်ယောက်သည် ဤကဲ့သို့သော နေရာတစ်ခုသို့ ရောက်သွားပါက သူသည် အဆုံးစွန်သော နှိပ်စက်ညှဥ်းပန်းမှုများကို ခံရမည်ဖြစ်ကာ ပြန်လည်ဝင်စားနိုင်မည် မဟုတ်တော့ချေ။

ခိစတိဂါဘ အစစ်အမှန် မီးရှူးတိုင်ကို ဆင့်ခေါ်ခဲ့သော လက်သီးသည် ဝမ်လင်း၏ ငရဲကမ္ဘာ အကြွင်းမဲ့ရေမှ ဆင့်ခေါ်ထားသော ဒုက္ခရောက်နေသော ရေများအပေါ်မှ တံတားနှင့် ရင်ဆိုင်တိုက်ခိုက်လိုက်သည်။