စာစဥ် ၅၅ : အပိုင်း ၈
အပိုင်း ၁၀၅၈ : အံ့ဖွယ် ကောင်းကင်ဘုံဂိုဏ်း အတွင်းမှ မရေမတွက်နိုင်သော အခွင့်အရေးများ
အကယ်၍ ဤမစ်ရှင်အား ပြီးမြောက်လိုလျှင် သူ၏လက်အောက်မှ တပည့်များ တစ်ထောင်ကျော်သွားအောင် လင်းဖုန်းသည် နောက်ထပ် တပည့်လက်ခံပွဲ အခမ်းအနား တစ်ခုကို ပြုလုပ်လိုက်ရုံပင် ဖြစ်သည်။ ပြီးတာနှင့် သူသည် ကောင်းကင်စကြာဝဠာ အလင်းတန်းကမ္ဘာ အတွင်း၌ နေလိုက်ရုံပင် ဖြစ်၏။
သို့သော်လည်း ဤအဓိက မစ်ရှင်၏ အထူးဆုလာဘ်နှင့် ပတ်သတ်၍ လင်းဖုန်းတွင် အကြံပေါင်းစုံ ရှိနေသည်။ သို့ရာတွင် သူ၏ ဆန္ဒများ ပြည့်ဝနိုင်သလော ဟူသည်မှာ မသေချာနေပေ။ သူသည် ဤအခွင့်အရေးကို ယူကာ အတည်ပြုရမည် ဖြစ်သည်။
ထို့ကြောင့် လင်းဖုန်းသည် သူ၏ ဆုလာဘ်အား ရယူရန် အလောတကြီးဖြင့် ဤမစ်ရှင်အား ပြီးမြောက်အောင် မပြုလုပ်ခဲ့ပေ။
ဒုတိယ မျိုးဆက်မှ ဆက်ခံသူ တပည့်များ အနက် တန်ကျွင်းအပြင် ဟန်ရန်၊ ကျိုးယွင်ချုံး၊ ဟွမ်ကျန်းထင်၊ ယန်တီနှင့် ယင်းလော်ရှတို့သည် ယခုအချိန်တွင် အခြေတည်ဝိညာဥ် အဆင့်နှင့် နီးကပ်နေပြီ ဖြစ်၏။
လျှိုရှဖုန်းနှင့် လီရှင်းဖေးတို့ကလည်း ရွှေရောင်ဗဟိုချက် နောက်ဆုံး အဆင့်သို့ အောင်မြင်စွာနှင့် ရောက်သွားကြပေပြီ။ သူတို့ အနေဖြင့်လည်း များမကြာမီ ဟင်းလင်းပြင် လျှပ်စီးကပ်ဘေးများကို ကျော်လွှားနိုင်ခြေ ရှိသည်။ ထို့အပြင် တန်ယွင်ချင်း၊ ကျူးကော်ဝမ်ချိုး၊ ကျောက်ဟွမ်၊ စွန်းရွှယ်အာ၊ ခေါ့ကျင်းနှင့် ယန်ဝူဝေတို့ကလည်း ဤကဲ့သို့ စွမ်းဆောင်နိုင်စွမ်း ရှိနေသည်။
အကယ်၍ လင်းဖုန်းကသာ ကောင်းကင်စကြာဝဠာ အလင်းတန်းကမ္ဘာ အတွင်းသို့ မဝင်ခဲ့ပါက သူသည် တတိယ မျိုးဆက်တပည့်များ အတွင်းမှ ထူးချွန်ပြောင်မြောက်သော ပါရမီရှင်လေးများ တောက်ပလာမှုကိုပင် မြင်နိုင်ဦးပေမည်။ကောင်းကင်စကြာဝဠာ အလင်းတန်းကမ္ဘာ၏ အကူအညီဖြင့် ဤပါရမီရှင်များကလည်း အခြေတည်ဝိညာဥ် အဆင့်သို့ နှစ်ပေါင်း၅၀အတွင်း ရောက်နိုင်ခြေ ရှိသည်။
STAI LEGGENDO
ဂန္တဝင်ဂိုဏ်းချုပ် အတွဲ(၄) Unicode
Avventura✓✓✓✓ MC က FAကြီး ✓✓✓✓ ဇာတ်လမ်းအကျဉ်း လင်းဖုန်းဟာ အချိန်ခရီးသွားခဲ့ပြီး စနစ်တစ်ခုကို ရရှိခဲ့ပေမယ့် သူ့ရဲ့ဖိအားတွေဟာ တောင်လိုပဲကြီးမားပါတယ်။ "စနစ်ရဲ့ အဓိကမစ်ရှင်" လင်းဖုန်းဟာ ဂိုဏ်းတစ်ဂိုဏ်းကို တည်ထောင်ရမှာပါ။ အဲ့ဒီဂိုဏ်းလဲ ဒီကမ္ဘာမှာ သမိုင်းဝင်န...
