စာစဥ် ၅၇ : အပိုင်း ၃
အပိုင်း ၁၀၉၃ : နတ်ဘုရားနယ်မြေ အတွက် နောက်ဆုံးအကြိမ် သွေးမြေကျခြင်း
ဝမ်ချီယန်၏ အလင်းတန်း ပုံရိပ်သည် အရှေ့သို့ ဆက်သွားခဲ့ပြီး သူ့တစ်ကိုယ်လုံးသည် အနီရောင် အလင်းစက် အတွင်းသို့ ဝင်ရောက် ပျောက်ကွယ်သွားခဲ့သည်။
လင်းဖုန်းသည် ထိုအနီရောင် အလင်းစက်အား အချိန်အနည်းငယ်မျှ အာရုံခံလိုက်၍ အရှေ့သို့ ဆက်သွားလိုက်သည်။
ထိုအနီရောင် အလင်းစက် အတွင်းသို့ ဝင်ရောက်သွား အပြီးတွင် ထူးခြားဆန်းကြယ်သော ခံစားချက် တစ်မျိုးက လင်းဖုန်းအား လွှမ်းခြုံသွားသည်။ သူသည် ငရဲကမ္ဘာ ပင်လယ်၏ မရေမတွက်နိုင်သော ကပ်ဘေးများ၏ ဝိုင်းရံခြင်းကို ခံလိုက်ရ၍ သူ၏ ကိုယ်ပိုင်စွမ်းအားများကို အသုံးပြုကာ ထိုကပ်ဘေးများကို မခုခံနိုင်ခဲ့ပေ။ သူသည် ငရဲကမ္ဘာ ပင်လယ်၏ နှိပ်စက် ညှဥ်းပန်းမှုများကို ဒီအတိုင်းသာ ခံနေရသည်။
သို့သော်လည်း အခြားတစ်ဘက်တွင် သူသည် ငရဲကမ္ဘာ ပင်လယ်နှင့် ပေါင်းစည်းသွားနိုင်သကဲ့သို့ ခံစားနေရ၏။ ငရဲကမ္ဘာ ပင်လယ်သည် သူ၏ နောက်ထပ် လက်တစ်ချောင်းဟူ၍ ထင်နေရသည်။
ဤခံစားချက်သည် ပေါ်လာပြီးနောက် မကြာမီပင် ပြန်လည် ပျောက်ကွယ်သွားသည်။ လင်းဖုန်းသည် သူ၏ ခေါင်းကို အနည်းငယ် ခါလိုက်ကာ နောက်ထပ် လေဟာနယ် အလွှာတစ်ခုသို့ ရောက်သွားသည်ဟု ခံစားလိုက်ရသည်။
ထိုလေဟာနယ် အလွှာအတွင်းတွင် သူအစောပိုင်းမှ မြင်ခဲ့ရသော ငရဲကမ္ဘာ ပင်လယ်၏ အလယ်မှ အနီရောင် အလင်းတန်း တိုင်လုံးကြီးက ထပ်ဖန်တစ်ခါ ပေါ်လာခဲ့သည်။
ငရဲကမ္ဘာ ပင်လယ်၏ နယ်နိမိတ် စွမ်းအားများသည် သူတို့အား ခွဲခြားထားသော်လည်း လင်းဖုန်းက သူသည် ယခုအချိန်တွင် ထိုအနီရောင် အလင်းတန်း တိုင်လုံးနှင့် အတော်ကို နီးကပ်လာပြီဟု ခံစားနေရသည်။
သူ့အား ကြည့်ရသည်မှာ ဝေးကွာနေသလို တစ်ချိန်တည်းတွင် နီးကပ်နေသည်ဟူ၍လည်း ထင်နေရ၏။
ဤလေဟာနယ် အတွင်းတွင် လင်းဖုန်းသည် ထိုအလင်းတန်းအား စောင့်ကြည့်နေရင်း ထိုအနီရောင် အလင်းတန်း၏ အောက်ခြေတွင် ဧရာမ ကျောက်တုံးတိုင်လုံးကြီး တစ်ခု ရှိနေသည်ကို တွေ့လိုက်ရသည်။
ESTÁS LEYENDO
ဂန္တဝင်ဂိုဏ်းချုပ် အတွဲ(၄) Unicode
Aventura✓✓✓✓ MC က FAကြီး ✓✓✓✓ ဇာတ်လမ်းအကျဉ်း လင်းဖုန်းဟာ အချိန်ခရီးသွားခဲ့ပြီး စနစ်တစ်ခုကို ရရှိခဲ့ပေမယ့် သူ့ရဲ့ဖိအားတွေဟာ တောင်လိုပဲကြီးမားပါတယ်။ "စနစ်ရဲ့ အဓိကမစ်ရှင်" လင်းဖုန်းဟာ ဂိုဏ်းတစ်ဂိုဏ်းကို တည်ထောင်ရမှာပါ။ အဲ့ဒီဂိုဏ်းလဲ ဒီကမ္ဘာမှာ သမိုင်းဝင်န...
