စာစဥ် ၅၆ : အပိုင်း၁၅
အပိုင်း ၁၀၈၅ : နောက်ထပ် စစ်မြေပြင် တစ်ခုတွင် ရန်ငြိုးရန်စများကို ဖြေရှင်းခြင်း
ဆေးလုံးကျင့်ကြံမှု ပြိုင်ပွဲ၏ ရလဒ်များသည် လူအချို့၏ မျှော်မှန်းချက် အတွင်းတွင် ရှိနေသော်လည်း အများစု၏ မျှော်လင့်ချက်များထက် ကျော်လွန်သွားခဲ့သည်။
ဂူမိသားစုသည် လွင်တီးခေါင် စိတ်ဝိညာဥ် ရေကန်၏ ဝင်ပေါက်တစ်ခုအား အံ့ဖွယ် ကောင်းကင်ဘုံဂိုဏ်းထံသို့ ဤအတိုင်းပင် လွှဲပြောင်း ပေးအပ်ခဲ့သည်။ လင်းဖုန်းသည် သူ့အား ရရှိအပြီးတွင် လေ့လာလိုက်၍ စိတ်အတွင်းတွင် တစ်စုံတစ်ခု ပေါ်လာသည်။
"သူက ဆေးလုံးတစ်လုံးရဲ့ အရည်အသွေးကို မြင့်မားအောင် လုပ်ပေးနိုင်တယ်… ဒါပေမဲ့ ဆေးလုံးက အဆင့်မြင့်လာလေလေ သူ့ရဲ့ အကျိုးသက်ရောက်မှုတွေက လျော့နည်းလေလေပဲ… ဒါတောင်မှ သူက အမတန်မှ အသုံးဝင်သေးတယ်"
အတိတ်က စကားပုံ တစ်ခုရှိသည်။ အဆင့်မြင့်လာ လေလေ တိုးတက်ရန် ခက်ခဲလေလေ ဖြစ်သည်။ သူ၏ အကန့်အသတ်ထက် အနည်းငယ် ပိုကာ တိုးတက်နိုင်လျှင်ပင် အမတန်မှ ကောင်းမွန်နေပေပြီ။
ဟင်းလင်းပြင် ဘုရားကျောင်းမှ မဟာစိတ်ဝိညာဥ် ဆေးလုံးလေးမျိုးနှင့် ပတ်သတ်၍ ချင်းနင်သူတော်စင်နှင့် ယန်နန်းလိုင်တို့သည် သူတို့အား သွားလေရာ သယ်ဆောင်ထားကြမည် မဟုတ်ချေ။ သို့သော်လည်း သူတို့က ကတိဖျက်ကြမည် မဟုတ်ပဲ အနာဂတ်တွင် ပိုင်ယွင်တောင်မှနေ၍ အံ့ဖွယ် ကောင်းကင်ဘုံဂိုဏ်းထံ ပေးပို့ပေးကြမည် ဖြစ်သည်။
ဤတာဝန်သည် အဆင့်နိမ့် ကျင့်ကြံသူများ အတွက် သင့်တော်သည့် တာဝန်တစ်ခု မဟုတ်သဖြင့် လင်းတောက်ဟန် ကိုယ်တိုင်က လာပို့ပေးမည် ဖြစ်သည်။
လင်းတောက်ဟန်သည် ဆေးလုံး ကျင့်ကြံမှု ပြိုင်ပွဲအား လာမကြည့်ခဲ့ပေ။ သူသည် ယန်နန်းလိုင်၏ ညွှန်ကြားချက်များကို ရရှိသောအခါ ယခင်အတိုင်းပင် တည်ငြိမ်နေမြဲ ရှိသေးသည်။ ဤနိမ့်ကျသော အလုပ်နှင့် ပတ်သတ်၍ သူသည် မငြင်းဆန်ခဲ့သလို အရှက်ရသည်ဟုလည်း မတွေးခဲ့ပေ။
YOU ARE READING
ဂန္တဝင်ဂိုဏ်းချုပ် အတွဲ(၄) Unicode
Adventure✓✓✓✓ MC က FAကြီး ✓✓✓✓ ဇာတ်လမ်းအကျဉ်း လင်းဖုန်းဟာ အချိန်ခရီးသွားခဲ့ပြီး စနစ်တစ်ခုကို ရရှိခဲ့ပေမယ့် သူ့ရဲ့ဖိအားတွေဟာ တောင်လိုပဲကြီးမားပါတယ်။ "စနစ်ရဲ့ အဓိကမစ်ရှင်" လင်းဖုန်းဟာ ဂိုဏ်းတစ်ဂိုဏ်းကို တည်ထောင်ရမှာပါ။ အဲ့ဒီဂိုဏ်းလဲ ဒီကမ္ဘာမှာ သမိုင်းဝင်န...
