unicode
အပိုင်း(၁၀) (လွှမ်းမိုးနိုင်စွမ်းကြီးတဲ့ဥက္ကဌက ငါ့ကိုလုယူချင်နေတယ်-၁၀)
နျဲ့လင်းယွီသည် ပိုင်ယွီ၏မျက်ဝန်းထဲမှ ကျဆင်းလာသောမျက်ရည်စတစ်စတိုင်းစီအား ငြင်သာစွာနမ်းရှိုက်လိုက်သည်။
ငံကျိကျိမျက်ရည်စများက သူ့ပါးစပ်ထဲရောက်ချိန်၌ ခါးသီးမှုတို့အဖြစ် ပြောင်းလဲသွားလေသည်။
နျဲ့လင်းယွီ၏နှလုံးသားထဲ၌ နောင်တတို့ဖြင့် ပြည့်နှက်နေသည်။
ထိုသူများက သူ့ရှေ့တွင်ပင် ပိုင်ယွီအား အနိုင်ကျင့်ရဲသည်က သူ့အပြစ်သာဖြစ်သည်။ သူမရှိသောအချိန်များတွင် ထိုကိစ္စမျိုး မည်မျှလောက်ဖြစ်ခဲ့ပါမည်နည်း။ စိတ်ကူးကြည့်၍ပင်မရချေ။
ပိုင်ယွီက လက်ကိုဆန့်ထုတ်ကာ နျဲ့လင်းယွီ၏လည်တိုင်ကိုဖက်လိုက်ပြီး နူးညံ့စွာဖြင့် "မင်းငါ့ကိုမမောင်းထုတ်သရွေ့ ငါမင်းကို မထားခဲ့ပါဘူး"
နျဲ့လင်းယွီသည် ပိုင်ယွီ၏ပါးနှစ်ဖက်ကို လက်ဖြင့်ထိန်းကိုင်၍ နှုတ်ခမ်းများကို အတင်းဖိနမ်းလိုက်သည်။ သူ၏နှုတ်ခမ်းနှင့်သွားများကိုသုံးကာ ထိုလုပ်ဆောင်ချက်ကို ထပ်ခါတလဲတလဲလုပ်ဆောင်ခဲ့သည်။ ထိုသို့ပေါင်းစပ်သွားသည့်ခံစားချက်က အလွန်ကောင်းမွန်ပြီး အနှီလူအား သူ၏နှလုံးသားထဲ လုံးဝပိတ်လှောင်ထားချင်နေသည်က နတ်ဆိုးတစ်ကောင်၏အတွေးနှယ်။ ပိုင်ယွီထားသွားမည့်ပုံရိပ်ကို တွေးမိလေလေ သူ့နှလုံးသားထဲ၌ ဖော်ပြ၍ပင်မတတ်သော အကြောက်တရားတို့က ပြည့်နှက်လာလေလေပင်။
ထိုအမျိုးသားသည် သူ့အပိုင်သာဖြစ်သည်။ ထိုသူ၏ကိုယ်စိတ်နှလုံး၃ပါးစလုံးက သူနဲ့သာသက်ဆိုင်ပြီး မည်သူ့အတွက်ကြောင့်နှင့်မှ ထိုအမျိုးသားကို ထွက်သွားခွင့်မပြုနိုင်ပေ။
ရှောင်မီဟူသည် သူ့အရှေ့မှာ အဖြစ်အပျက်များကို မြင်နေရသည့် သူ့ကိုယ်သူပင် မယုံကြည်နိုင်ပေ။ [ပစ်မှတ်ရဲ့နှစ်သက်မှု +၁၀]
[Host ဘယ်လိုလုပ်လိုက်တာလဲ ထွက်မသွားရဘူးဆိုတာကို သေချာသိနေတာလား ဟိုမိန်းမဆိုးက ဘာဖြစ်သွားပြီလဲ]
ပိုင်ယွီသည် နျဲ့လင်းယွီနှင့် ပြင်းပြစွာနမ်းရှိုက်နေသောကြောင့် လူချင်းပင်မခွဲနိုင်ပေ။ ရုတ်တရက် နားထဲ၌ ရှောင်မီဟူ၏အသံ ထွက်ပေါ်လာသောအခါ တစုံတယောက်ကို ရိုက်ပစ်ချင်လာသည်။
"ငါအလုပ်ရှုပ်နေတာ မင်းမမြင်ဘူးလား ငါ့ကိုလာမနှောင့်ယှက်နဲ့ ထပ်နှောင့်ယှက်မယ်ဆို Systemပြောင်းဖို့ လျှောက်လွှာတင်လိုက်မှာ"
ရှောင်မီဟူသည် နာကျင်စွာဖြင့် ငေးကြည့်နေမိသည်။
ဟေး ဒီHostက အရမ်းရက်စက်တာပဲ...။
မလှမ်းမကမ်းမှ ပိုင်လင်သည် သူ့ရှေ့မှအဖြစ်အပျက်များကိုကြည့်၍ တစ်ကိုယ်လုံးပေါက်ကွဲလုမတတ်ပင်။
ထိုရှုယာသည် တကယ်တုံးအသော်လဲ သူ၏အစ်ကိုက ပိုတုံးအသည်က အသိသာကြီးပင်။
ထိုအချိန်က သူလုပ်ခဲ့မိသည့်အမှားကြောင့် နျဲ့လင်းယွီသည် ပိုင်ယွီအား ပိုမိုစွဲလန်းသွားရပါသလော။
YOU ARE READING
ဗီလိန်ကငါ့ကိုအရမ်းချစ်တယ်(Arc 1 to 4)
Fantasyပြောဖူးသလိုပဲ Arc 1ကရေးထားပြီးပေမဲ့ ကိုယ်ကအစကနေပြန်တာမို့ မတူတာရှိနိုင်ပါတယ်နော် ။ #MTL ကယူပြန်ထားခြင်းဖြစ်ပါသည်။ ✌️
