ဗီလိန်ကငါ့ကိုအရမ်းချစ်တယ်(Arc 1 to 4)

Arc 3.23(2)

unicode

အပိုင်း(၇၆) (အဲ့ဒီဗန်ပိုင်းယားအရူးကောင်က ငါ့ယောကျာ်း ၂၃.၂)

သူ့ဘက်မှလက်ထပ်ရန်ဆန္ဒရှိမရှိ မသေချာသေးခင်မှာပင် ရှစ်ယွင်ယီသည် လမ်းဆုံးအထိ တွန်းပို့ခံထားရပြီးသားဖြစ်နေသည်။

ဗန်ပိုင်းယားတို့သည် နှစ်ပေါင်း၁၀၀လောက်သာ အများဆုံးနေနိုင်သော လူသားတို့နှင့်မတူဘဲ လွန်စွာရှည်လျားသော ဘဝသက်တမ်းရှိသည်။

ဤဘဝ၌ နောက်ထပ်လက်ထပ်၍လဲမရတော့ဘဲ ကတိသစ္စာကိုရင်ဝယ်ပိုက်ကာ သေဆုံးရလိမ့်မည်။

မည်မျှကြီးမားလှသော အလျော်အစားပါနည်း။

ထိုအမျိုးသားသည် အလွန်တုံးအပြီး ဉာဏ်ရည်နည်းသည်ဟု ပိုင်ယွီအမြဲတမ်းထင်မှတ်ခဲ့သည်။ သို့သော် အရေးကြီးဆုံးအချိန်တွင်မူ ပြဿနာကို အခြားသူများထက် ကောင်းကောင်းကိုင်တွယ်နိုင်ပြီး ဖိအားများကို တစ်ယောက်ထဲတောင့်ခံကာ အရဲစွန့်ခဲ့သည်။

ပိုင်ယွီကမူ ထိုသူအားပြုံးပြလိုက်ပြီး

"မင်းတောင်မှ ဒီလိုအဆင်သင့်ဖြစ်နေမှာတော့ ဘာကြောင့်များ ငါက ကတိမပေးနိုင်ရမှာလဲ"

ထိုစကားကြားလိုက်သောအခါ ရှစ်ယွင်ယီ၏မျက်လုံးများ ပြူးကျယ်သွားရသည်။

"ရှောင်ယွီ..."

ပိုင်ယွီအား ရင်ခွင်ထဲဆွဲသွင်းလိုက်ချိန်တွင် စိတ်လှုပ်ရှားမှုကြောင့် တစ်ကိုယ်လုံးတုန်ရင်နေခဲ့သည်။ ရှစ်ယွင်ယီနှင့် ပိုင်ယွီမှလွဲ၍ အားလုံးဒေါသထွက်နေကြသည်။

သူတို့၏ဧကရာဇ်သည် ဤသို့အရှက်မဲ့သောသစ္စာကို ဆိုခဲ့သည်။ ကမ္ဘာပေါ်တွင် သန့်စင်သောဗန်ပိုင်းယားမျိုးဆက်တို့ နည်းပါးနေပြီဖြစ်သော်လဲ ရှစ်ယွင်ယီသည် လူသားတစ်ယောက်အတွက်နှင့် တာဝန်ဝတ္တရားကို သွေဖယ်ခဲ့သည်။ သွေးသန့်စင်မှုသာမရှိတော့ပါလျှင် ဗန်ပိုင်းယားမျိုးနွယ်တို့သည် တဖြည်းဖြည်းကျဆင်းလိမ့်မည်။ ထိုအဖြစ်မျိုးက ဗန်ပိုင်းယားတို့အနေနှင့် လုံးဝမမြင်ချင်မတွေ့ချင်သောကိစ္စပင်။

အိမ်တော်ထိန်းအိုကြီးသည် မတ်တပ်ထရပ်လိုက်ပြီးနောက် ရှစ်ယွင်ယီအား ဦးညွှတ်လိုက်သည်။

"ဒီကိစ္စကြောင့် အရှင်ဟာ ကျွန်တော်တို့ရဲ့ ဧကရာဇ် ဆက်မဖြစ်နိုင်တော့ပါဘူး ဒီကမ္ဘာမှာ သန့်စင်တဲ့ဗန်ပိုင်းယားမျိုးဆက်ဟာ အရှင်တစ်ယောက်ထဲမဟုတ်တာကြောင့် ကျွန်တော်တို့တွေ နောက်ထပ်ဧကရာဇ်တစ်ပါးကို တင်မြှောက်ရပါလိမ့်မယ်"

ရှစ်ယွင်ယီ ပြုံးလိုက်မိသည်။ ထိုအဓိပ္ပါယ်မှာ အလွန်ရိုးရှင်းလှသည်။ ဝင်ချက်စတာကိုလွှတ်ရမည့်ကိစ္စကိုသုံးကာ သူ့ကိုဖိအားပေးခြင်းပင်။ အဆုံးသတ်၌ သူ့လိုသန့်စင်သောဗန်ပိုင်းယားမှာ ဝင်ချက်စတာသာရှိသည်။

ရှစ်ယွင်ယီက ဧကရာဇ်ဖြစ်နေသေးလျှင် ဗန်ပိုင်းယားမျိုးနွယ်အတွက် သန့်စင်သောမျိုးဆက်တို့ မချန်ထား၍မရနိုင်ပါပေ။

ရှစ်ယွင်ယီ လက်ဆန့်ထုတ်လိုက်သောအခါ သူ၏လက်ဖဝါးထဲမှ ချိပ်စည်းတံဆိပ်တစ်ခု ထွက်ပေါ်လာသည်။

"အဲ့တာမင်းအတွက်ပဲ ဝင်ချက်စတာကို ရဲတိုက်ဟောခန်းအောက်ထဲမှာ ငါချိပ်ပိတ်ထားတယ်"

စကားပြောပြီးသောအခါ ရှစ်ယွင်ယီသည် ပိုင်ယွီကိုလှည့်ကြည့်လိုက်သည်။ ပိုင်ယွီအား ဖက်လိုက်ချိန်တွင် ထိုသူ၏မျက်လုံးထဲ၌ အပြုံးတစ်ခုကို မြင်တွေ့လိုက်ရသည်။