ဗီလိန်ကငါ့ကိုအရမ်းချစ်တယ်(Arc 1 to 4)

Arc 1.29

unicode

အပိုင်း(၂၉) (လွှမ်းမိုးနိုင်စွမ်းကြီးတဲ့ဥက္ကဌက ငါ့ကိုလုယူချင်နေတယ်-၂၉)

[ပစ်မှတ်ရဲ့နှစ်သက်မှု ၉၉.၉%ပါ]

[မစ်ရှင်အပြီးသတ်နိုင်ဖို့ ၇ရက်သာ ကျန်ပါတော့တယ်]

[ပစ်မှတ်ရဲ့ စိတ်အမှောင်ဖုံးမှုက ၁၀%ဖြစ်ပြီး နှစ်သက်မှုမှာ ရာနှုန်းပြည့်သွားတာနဲ့ မစ်ရှင်အောင်မြင်ပြီလို့ သတ်မှတ်ခံရမှာပါ]

[Host, ထပ်ပြီး အချိန်မဆွဲပါနဲ့တော့ အခုပဲ အလုပ်ကို လက်စသတ်လိုက်ပါ]

ရှောင်မီဟူ၏အသံက ပိုင်ယွီ၏နားထဲ၌ မြည်ဟီးနေသည်။

မည်သို့ပင်ဖြစ်စေ လက်ရှိတွင် ပိုင်ယွီအတွက် တာဝန်ကိုအပြီးသတ်ရန် အခက်အခဲမရှိတော့ပေ။

တကယ်တမ်းတွင်လဲ ပြီးလုနီးပါးဖြစ်နေသည့် မစ်ရှင်သည်လဲ ပိုင်ယွီ၏အချိန်ဆွဲမှုကြောင့် လဝက်ထက်မက ကြာနေရခြင်းဖြစ်သည်။

ထိုကာလအတွင်း၌ မစ်ရှင်ကျရှုံးလုနီးပါးအထိ ကိစ္စများဖြစ်လာမည်ဟု မထင်ထားခဲ့ကြချေ။

အမှားအယွင်းများမရှိရန်အတွက် ရှောင်မီဟူသည် ဆက်တိုက် သတိပေးနေသည်။

"အိုခေ ငါသိပါပြီ"

ပိုင်ယွီသည် အသံတိုးတိုးလေးနှင့် ပြန်ဖြေလိုက်သည်။ ယခုအခါ သူ၏ခန္ဓာကိုယ်က အတော်လေးတောင့်တင်းနေပြီဖြစ်သည်။

ခပ်ယဲ့ယဲ့အပြုံးလေးက သူ၏မျက်နှာထက်ဝယ် ပေါ်လာလေသည်။

အာ တကယ်ကြီး ထွက်သွားရတော့မှာပဲ...။

နျဲ့လင်းယွီအား သေလောက်အောင်မုန်းသော်လဲ တံခါးကိုကန်ဖွင့်၍ဝင်လာသည့် အခိုက်အတန့်၊ သူ့အားပွေ့ဖက်ကာ တောင်းပန်စကားဆိုသည့်အခိုက်အတန့်တို့၌ ထိုအမုန်းတို့က ချက်ချင်းလွှင့်ပယ်သွားရသည်။

နျဲ့လင်းယွီကမူ သူ့အားခွင့်လွှတ်ပေးရန် ဆက်တိုက်တောင်းဆိုနေသည်။

မည်သည်ကို ခွင့်လွှတ်ရပါမည်နည်း။

သူသည် ဤနေရာမှ ထွက်သွားရတော့မည်ဖြစ်ကာ ထိုသူအား နောက်ထပ်တွေ့နိုင်တော့မည်မဟုတ်။