ဗီလိန်ကငါ့ကိုအရမ်းချစ်တယ်(Arc 1 to 4)

Arc 3.24(2)

unicode

အပိုင်း(၇၇) (အဲ့ဒီဗန်ပိုင်းယားအရူးကောင်က ငါ့ယောကျာ်း ၂၄.၂)

[မစ်ရှင်ကို အောင်မြင်စွာအပြီးသတ်နိုင်ခဲ့တဲ့Hostကို ဂုဏ်ပြုပါတယ်]

ရှောင်မီဟူသည် မြေခွေးလေးအသွင်ပြောင်းကာ ခုန်ပေါက်ပြေးလွှားနေခဲ့သည်။ သူ့အနေနှင့် ထိုခန္ဓာကိုယ်အား အသုံးမပြုရသည်မှာ ကြာလှပြီဖြစ်၍ စိတ်လက်ချမ်းသာစွာဖြင့် ဆက်တိုက်ခုန်ပေါက်နေသည်။

"အင်း"

ပိုင်ယွီကမူ မမြင်ရတာကြာခဲ့ပြီဖြစ်သော ပင်မနတ်ဘုရားကမ္ဘာကိုကြည့်ကာ ပြုံးနေခဲ့သည်။

လွန်ခဲ့သောကမ္ဘာတွင် ရှစ်ယွင်ယီသည် ပိုင်ယွီအား ဗန်ပိုင်းယားတစ်ကောင်အဖြစ် ပြောင်းလဲပေးရန် စီစဉ်ခဲ့သည်။

ပိုင်ယွီအနေနှင့်မူ ဗန်ပိုင်းယားတစ်ကောင်အဖြစ် ထိုကမ္ဘာတွင် အမြဲတမ်းမနေနိုင်ပါပေ။ ထို့ကြောင့် အဆုံးသတ်၌ ရှစ်ယွင်ယီက လူသားအဖြစ်ပြောင်းလဲပေးခဲ့သည်။ နှစ်ယောက်သား ကျန်နေသောဘဝသက်တမ်းကို အတူတူပျော်ရွှင်စွာနေထိုင်ရင်း ကုန်ဆုံးခဲ့ကြသည်။

မော့ယွင်က ရှစ်ယွင်ယီအား လိုက်နှောင့်ယှက်ဦးမည်ဟု ပိုင်ယွီထင်ခဲ့သော်လဲ ရှစ်ယွင်ယီနန်းစွန့်ပြီးချိန်မှစ၍ မော့ယွင်က ထပ်မနှောင့်ယှက်တော့ပေ။ ရှစ်ယွင်ယီအစား ဝင်ချက်စတာကိုသာ စတင်ပြဿနာရှာတော့သည်။

ထိုအခါမှသာ မော့ယွင်သည် ရှစ်ယွင်ယီကို အမှန်တကယ်မုန်းတီးခြင်းမဟုတ်ဘဲ ထီးနန်းအာဏာအတွက် စိန်ခေါ်ရသည်ကို ကြိုက်နှစ်သက်ရုံသာဖြစ်သည်။

[Host ဒီတစ်ခေါက် မစ်ရှင်ပြီးမြောက်မှုအတွက် အမှတ်၂၀၀၀၀ရရှိပါတယ် လက်ရှိရမှတ် ၃၅၀၀၀ပါ]

"ကောင်းပြီ"

ပိုင်ယွီ ခေါင်းငြိမ့်ပြလိုက်သည်။ ဗန်ပိုင်းယားတို့ကမ္ဘာတွင် itemသာမလဲလိုက်မိပါက မီးလောင်ပြီးသေသွားလိမ့်မည်။

ယခုအခါတွင် ထိုရမှတ်များ၏အသုံးဝင်ပုံကို ကောင်းကောင်းကြီးနားလည်လာပြီဖြစ်သည်။ များများရအောင် ရှာထားသင့်ပေသည်။

[Host ခဏနားချင်လား]

ရှောင်မီဟူက အမြီးလေးကိုခါရမ်း၍ တက်တက်ကြွကြွမေးလာသည်။

"မနားတော့ပါဘူး နောက်ကမ္ဘာကို တန်းသွားကြတာပေါ့"

အေးခဲနေသောကမ္ဘာမှ သူ့ကလေးအကြောင်းတွေးလိုက်မိသောအခါ တစ်ခဏလေးမျှပင် မနားချင်တော့ပေ။ ဤနေရာတွင်နားခြင်းက အချိန်ဖြုန်းခြင်းပင်။