ဗီလိန်ကငါ့ကိုအရမ်းချစ်တယ်(Arc 1 to 4)

Arc 1.17

unicode

အပိုင်း(၁၇) (လွှမ်းမိုးနိုင်စွမ်းကြီးတဲ့ဥက္ကဌက ငါ့ကိုလုယူချင်နေတယ်-၁၇)

စကားပြောနေစဉ်၌လဲ ပိုင်ယွီသည် နျဲ့လင်းယွီ၏လက် နာကျင်နေမည်ကို စိုးရိမ်နေသည့်အလား ပွတ်သပ်ပေးနေသည်။

သေလုမြောပါး အရိုက်ခံထားရသောဝယ်လက်သည် သူ့ရှေ့မှလူ၂ယောက်ကိုကြည့်၍ သွေးအန်တော့မလို ခံစားလာရသည်။

ငါအသားအရေက ကြမ်းတမ်းတယ်ဆိုပဲ။ ငါကြမ်းတမ်းတာက နျဲ့လင်းယွီရဲ့လက်သီးကို မီပါ့မလားဟ...။

ခါးသီးသောမျက်ရည်တို့ ကျဆင်းလာရသည်။

ဒီနေ့တွေ့ခဲ့တဲ့၂ယောက်က ဘယ်သူတွေများပါလိမ့်။ တကယ်ကြေကွဲစရာပဲ။

ပိုင်ယွီကမူ နျဲ့လင်းယွီ၏လက်ကိုသာ တသသကြည့်နေသည်။ လက်၌သွေးစများရှိသော်လဲ အားလုံးက ဝယ်လက်၏သွေးများသာဖြစ်သည်။

ပိုင်ယွီက ဝိတ်တာလေးအား တစ်ရှူးအမြန်တောင်း၍ နျဲ့လင်းယွီ၏လက်ကို သန့်ရှင်းပေးချင်မိသည်။ ထိုအခိုက်အတန့်၌ ချစ်စဖွယ်ကောင်လေးတစ်ယောက်ရောက်လာပြီး သူ့အားတစ်ရှုးကမ်းပေးလာသည်။

"လက်သုတ်ဖို့ ဒါလေးကိုသုံးလိုက်ပါ"

ပိုင်ယွီက ပြုံးပြလိုက်ပြီးနောက် တစ်ရှူးကိုယူကာ နျဲ့လင်းယွီ၏လက်ကို သုတ်ပေးနေသည်။

ထို့နောက် နျဲ့လင်းယွီအား စိတ်အားထက်သန်စွာဖြင့် မျက်လုံးကျွတ်ကျမတတ်ကြည့်နေသောကောင်လေးကို မြင်လိုက်ရသည်။ ထိုကောင်လေးသည် သူနှင့်အတော်ဆင်သည်ဟု ခံစားရသောကြောင့် ပြန်ကြည့်လိုက်မိသည်။

ထိုကောင်လေးက သူနှင့်အတော်လေးဆင်တူပြီး ၄နေရာ ၅နေရာလောက်ပင်တူသည်။

ဘယ်မှာတွေ့ဖူးပါလိမ့်..။

ပိုင်ယွီ၏မျက်လုံးအိမ်များက ရုတ်တရက်ကျုံ့သွားရသည်။ ထိုကောင်လေးသည် မူလဇာတ်ကြောင်းထဲမှ အဓိကဇာတ်လိုက်ဖြစ်ပြီး မူလဇာတ်ကောင်သေသွားချိန်၌ နျဲ့လင်ယွီက အစားထိုးခေါ်လာပြီး သေလုနီးပါး နှိပ်စက်ခံရသူလဲဖြစ်သည်။ရုတ်တရက် အေးခဲသွားသလိုမျိုး ပိုင်ယွီခံစားလိုက်ရသည်။

လက်ရှိတွင် ထိုကောင်လေးသည် ဗီလိန်အား တောက်ပသောမျက်လုံးများဖြင့်ကြည့်နေသောကြောင့် ဗီလိန်ကို ချစ်မိသွားပြီး နှိပ်စက်ခံခဲ့ရပါသလော။

ထိုသို့တော့အဖြစ်မခံနိုင် ဗီလိန်က သူတစ်ယောက်ထဲနှင့်သာဆိုင်သည်။ သူသည် ဗီလိန်၏နှစ်သက်မှုအပေါ် မှီခိုနေရဆဲဖြစ်၍ တပါးသူလက်ထဲ မထည့်လိုက်နိုင်ပေ။