Unicode
အခန်း (၇၄) - မင်း ကြိုက်တာ မှန်သမျှကို ဝယ်ပစ်လိုက် (၃)
စာရေးသူ - 公子闻筝
ဘာသာပြန်သူ - No Noe (Miracle_Phyu97)
ကျီချင်းချင်းက နှလုံးခုန်နှုန်း မြန်ဆန်သွားသည်။ လုလီရှင်းက ဘယ်လိုလုပ်ပြီး သိသွားတာလဲ။
"ရှင် ဘယ်လို သိတာလဲ။"
လုလီရှင်းက အေးအေးဆေးဆေး မေးမြန်းနိုင်ဖို့ သူ့ကိုယ်သူ ထိန်းချုပ်ထားရသည်။ "မင်း ဘာလို့ ကိုယ့်ကတ်ကို မသုံးရတာလဲ။"
ကျီချင်းချင်းက သူမရဲ့လုပ်ရပ်က မှန်ကန်တယ်လို့ ယုံကြည်ပြီး ပြောပြလိုက်သည်။ "ဒီအချိန်အတောအတွင်းမှာ အဖိုးက ကျွန်မကို ကောင်းကောင်း ဂရုစိုက်ပေးတယ်၊ ဒါ့ကြောင့် ကျွန်မ အဖိုးအတွက် လက်ဆောင်ပေးချင်ခဲ့တယ်။ အဲဒီပုတီးအတွက် ရှင်က စပေါ်ငွေပေးခဲ့တယ် မဟုတ်လား။ နောက်ထပ် ပေးဖို့ ကျန်တဲ့ လက်ကျန်ငွေကို ကျွန်မ ပေးလိုက်တယ်။ ဒါဆို ဒီလက်ဆောင်က ကျွန်မတို့နှစ်ယောက်ရဲ့ ပူးပေါင်းလက်ဆောင်လို့ သတ်မှတ်လို့ရတယ်လေ။ အဲ့တာက အဖိုးကို ပိုပျော်ရွှင်အောင် လုပ်ပေးနိုင်ပြီး အဖိုးက ကျွန်မတို့နှစ်ယောက် အဆင်ပြေနေတာကိုပါ သိရလို့ အရမ်းဝမ်းသာသွားမှာ။"
-- "သေခါနီး သတိပေးချက် - ကျေးဇူးပြု၍ သင့်ဇနီး ကျီချင်းချင်းအား နောက်တစ်နာရီအတွင်း သင့်ခရက်ဒစ်ကတ်ဖြင့် ယွမ်ငါးသိန်းကို သုံးစွဲခွင့်ပြုပါ၊ မဟုတ်ပါက သင် ရုံးတွင် အလုပ်လုပ်ရင်း ရုတ်တရက် သေဆုံးသွားပါလိမ့်မည်။"
လုလီရှင်းက တစ်ခဏတာ အံ့အားသင့်မှုကြောင့် အေးခဲသွားသည်။ "ငါ မနေ့တုန်းက ၃၅ နာရီ စုဆောင်းထားတာကို ငါ မှတ်မိတယ်။"
Little Aက သူ့ရဲ့ လက်ကျန်ကို တွက်ချက်ကြည့်လိုက်သည်။
"အဲ့တာက ဒီလိုပါ၊ မနေ့က ညနေ ၆နာရီမှာ သင့်ရဲ့လက်ရှိကျန်းမာရေးတန်ဖိုးက ၃၅ နာရီဖြစ်ပေမယ့် နှစ်ဆယ့်လေးနာရီကျော်သွားပြီး အလုပ်မပြီးသေးရင် ကျန်းမာရေးတန်ဖိုး ၁၀နာရီကို နုတ်ယူသွားပါတယ်။ သင့်ရဲ့ ကျန်းမာရေးတန်ဖိုးက သုညထက် နည်းသွားမျိုး သို့မဟုတ် ညီမျှသွားတာမျိုးဆိုရင် သင် ဘဝတစ်ပါး ကူးပြောင်းသွားနိုင်တာမို့ သင့်မှာ ဒီတာဝန်ကို ပြီးမြောက်ဖို့ တစ်နာရီပဲ ကျန်ပါတော့တယ်။"
YOU ARE READING
ငါ့ဇနီးက ငါ့ဘဝပဲ (MM TRANSLATION)
RomanceType: Web novel (CN) Associated Names: I'm young and I'm waiting at home for my spouse to return Ta Tuổi Còn Trẻ Tưởng Thủ Sống Quả [ Xuyên Thư ] 我年纪轻轻想守活寡[穿书] English Names: My Wife is My Life! Chinese Author: 公子闻筝 English Translator: Sleepy Transl...
