အခန်း (၁၄၉)
လုလီရှင်းနှင့် သူမကြားရှိ အကွာအဝေးသည် တိုတောင်းလှပေသည်။ သူ့အသက်ရှူသံကိုပင် သူမ ခံစားနိုင်နေသည်။ သူမရဲ့ နှလုံးခုန်သံလည်း မြန်ဆန်လာသည်။ တစ်ကိုယ်လုံးတောင့်တင်းလျက် တုန်လှုပ်နေလေသည်။ ဇာတ်ညွှန်းစာရွက်ကို ကောက်ကိုင်လျက် ရင်ဘတ်ရှေ့တွင် ဒိုင်းသဖွယ် ကာရံလိုက်လေသည်။ လုလီရှင်းအားကြည့်ကာ စိုးရွံ့နေမိလေသည်။
အပြစ်ရှိသလို ခံစားမိလျှင် ယခုကဲ့သို့ ပြုမူမိကြသည်ချည်း ဖြစ်လေသည်။
- "တစ်မိနစ်သာ ကျန်တော့သည်။"
လုလီရှင်းသည် ငုံ့လျက် ကျီချင်းချင်း၏ မသက်မသာအမူအရာကို ကြည့်လိုက်သည်။
သူမ၏နားရွက်များသည် နီရဲနေလေသည်။ လုလီရှင်း၏ မျက်လုံးများသည် နက်မှောင်လာကာ လည်ပင်းသည် လှုပ်လာသည်။
"စောနက... တကယ်တော့..."
သူသည် ကျီချင်းချင်း၏ နားရွက်နားကပ်ကာ တီးတိုးပြောလိုက်သည်။ "ဘေဘီ၊ ကိုယ်လည်း မင်းကိုချစ်ပါတယ်။"
ဖလပ် ___
ထူထဲသော ဇာတ်ညွှန်းစာရွက်သည် ကျီချင်းချင်းလက်ထဲမှနေ၍ လုလီရှင်းခြေထောက်နားသို့ ကျသွားလေသည်။
"အာ" ကျီချင်းချင်းသည် နားကြားမှားသလို ကြောင်နေလေသည်။
- "တုန့်ပြန်မှုအောင်မြင်သည်၊ ကျန်းမာရေးအမှတ် + ၁ မှတ်၊ ၄ နာရီကြာ ရှင်သန်နိုင်သေးသည်။"
- "နေ့စဉ်တာဝန် သုံးပုံတစ်ပုံပြီးမြောက်၊ ကျန်းမာရေးအမှတ် + ၁ မှတ်၊ ၅ နာရီကြာ ရှင်သန်နိုင်သေးသည်။"
ခဏအကြာတွင် ကျီချင်းချင်းသည် လှုပ်လာသည်။
ကိုယ်လည်း မင်းကိုချစ်ပါတယ်တဲ့၊ လုလီရှင်းသည် သူ့အား တကယ်ချစ်သည်ဟု အထင်မမှားနိုင်ပါ။
ကျီချင်းချင်း၏မျက်နှာသည် ရဲတွတ်လာပြန်လေသည်။ ရှက်ရွံမှုကြောင့် ခြေချောင်းလေးများပင် ကွေးထားပေသည်။
"မ မဟုတ်ပါဘူး၊ ရှင်ထင်နေသလို မဟုတ်ပါဘူး၊ ရှင်... ရှင် ကျွန်မပြောတာ နားထောင်ပါ၊ ကျွန်မက စာ စာသားတွေ အလွတ်ကျက်နေတာပါ၊ မယုံဘူးဆိုရင် ပြမယ်"
YOU ARE READING
ငါ့ဇနီးက ငါ့ဘဝပဲ (MM TRANSLATION)
RomanceType: Web novel (CN) Associated Names: I'm young and I'm waiting at home for my spouse to return Ta Tuổi Còn Trẻ Tưởng Thủ Sống Quả [ Xuyên Thư ] 我年纪轻轻想守活寡[穿书] English Names: My Wife is My Life! Chinese Author: 公子闻筝 English Translator: Sleepy Transl...
