Halos one week na rin kaming andito sa Pangasinan and okay din naman kasi super useful talaga sa 'kin ng pahinga na 'to. Kahit papaano nakahinga na ako. Though sa isang linggo na andito ako, hindi ko rin nakausap si Agnes. And gets ko naman kasi ayoko rin naman siyang guluhin ngayon dahil ito lang din chance niya na makasama family niya.
Pagpasok ko sa kwarto namin, nagulat ako na nagliligpit ng gamit sila Dawn.
"O, uuwi na ba tayo?"tanong ko.
"Hindi. Aalis tayo. We're heading off sa next destination natin."
"Wait akala ko ba Pangasinan lang?"
"Pachuchay, di pa nga tayo nakakapagenjoy, uwing-uwi ka na. And since we are already here sa North, why don't we go up north even more?"
"Wow sa up north even more, saan naman tayo pupunta?"
"Let's go to Baguio!"
"Baguio? Ano namang gagawin natin sa Baguio?"
"Di mo ba alam na masarap mag-Christmas sa Baguio? Kasi malamig dun and festive."
"Guys wala akong jacket."
"Pachuchay ang corny mo! Just buy a jacket there. Sumama ka na lang. Wala ka namang choice. Unless gusto mong maiwan ka dito mag-isa sa Pangasinan."
"Kelan tayo aalis?"tanong ko.
"Now na. Check-out lang tayo then we're going there."
"Nakakaloka kayo mga bakla. Akala ko Pangasinan trip 'to bakit tayo aakyat ng Baguio?"
"Daming hanash. Halika na. We want to go to Baguio since we're already here."
"Fine. Fine."
"Alam mo aakyat ka rin naman kasi ng Baguio."
"Oo nga pero sa 24 pa."
"Sus, 15, 24, pareho lang yun. And besides, wala kang car so we're taking you hostage anyway."sabi ni Dawn.
At dahil wala naman nga akong control, ayun nagbyahe na kami paakyat ng Baguio. Since si Dawn ang nakaisip umakyat, siya rin nagvolunteer para magdrive. Habang nasa byahe kami, nagpatugtog naman si Nicole and for us to stay awake, kumakanta kaming apat.
I miss going out on a roadtrip kasama sila. Dati kasi nung hindi pa ako masyadong busy sa work, magse-set talaga kami ng alis namin and we'll just drive around. We usually go sa La Union, but this year nagkaron ng change of plans. And we would usually have our usual playlist and we'll be singing to the whole playlist.
"Mahal ba kita o ano, ewan ko."kanta namin nila Nicole. "Hindi mo lang alam, takot lang akong masaktan, iniingatan lang aking puso."
Agnes. Bakit ko naisip bigla si Agnes?
