السكه شمال بقلم / لولو_محمد ( كامله )

الجزء الاول

(((((((((((((((السكه شمال)))))))))))))
#لولو_محمد
الحلقه الاولى
في فيلا ضخمه تقريبا قصر حفله و شباب كتير و بنات بيرقصوا و يدحكوا بنت تدخل شله شباب و بنات
البنت / هاي زياد كل سنه و انت طيب
زياد / ميرسي نوفي تعبتي نفسك
البنت تدي زياد هديه و تبص يمين و شمال بنت تانيه تبصلها بلقم
بنت ٢ / بتدوري علي حد يا نيفين
نيفين / هاه !!!! لا ابدا عادي انا بس مستغربه ان مازن ميحضرش عيد ميلاد اخوه
زياد / بتهزري صح مازن هنا
بنت ٢/ انتي يعني هتعرفي مازن هتلاقيه هنا و لا هنا دلوقت يخلص اللي فايده و يجي هات يا زيزو الهديه اما احطها مع اخواتها بدل مانت شايلها كدا
زياد يدى البنت الهديه و البنت تمشى
شاب / مالك يا نوفي
نيفين / ابدا مفيش عادي
شاب / تعالي عاوزك ممكن
نيفين تروح معاه فجنب
........
في جنب تلت بنات بيتفرجوا و يتودودوا
بنت ١/ شوفوا شوفوا مين هناك
بنت ٢ / الجو الجديد بتاعه مازن
بنت ١/ يا بنتي انا قصدي علي انس هما رجعوا لبعض و لا بتقرطس مازن و لا ايه حكايتها دي بالظبط
بنت ٣/ بيمروا بمرحله خلينا اصحاب احسن
بنت ١/ ايه الهبل ده هو بعد علاقه سنه و نص ينفع يبقوا صحاب كدا عادي
بنت ٢/ يعني ده اللي لفت نظرك و ان انس و مازن اصلا صحاب و انهم كووول اوي كدا ملفتش نظرك
بنت ٣/ لا بس فاكرين لما كانوا مولعين السوشيال ميديا بالصور و التاجز و الكومنتس ابن قلبي و سندي و ضهرى
بنت ١/ ههههههههههههه اهو اتبعت للفرند زون تاني
بنت ٢ / ناصحه عارفه انها مش هتطول مع مازن فقالت اسيب انس يمكن احتاجله
بنت ١ / بتقع واقفه بنت الايه
بنت ٢/ علي ايه يعني
بنت ١/ دي غيره و لا ايه
بنت ٢/ اغير من ايه كلنا عارفين ان مازن لا بتاع حب و لا جواز و لا ارتباط و كلها يومين تلاته و يقلبها زي غيرها
بنت ٣/ و مع كدا كل البنات هيموتوا عليه
بنت ٢ / اوفر اوي
بنت ١/ عيني فيه و اقول اخيه
بنت ٢/ بلدي اوي
بنت ٣ / بصي لو مكنش عشان فلوسه اللي مبتخلصش يبقي عشان شهرته
بنت ١/ قصدك السوشيال ميديا
بنت ٣/ سمعت لبني بتتكلم و تقول انه عنده تصوير بكره الصبح فالتي في
بنت ٢/ بتهزري ليه ممثل و لا مغني
بنت ١/ يجيب والله هاااااااح
بنت ٢/ واقعه اوي
بنت ٣/ بس هو يعبر هههههههههههه
بنت ١ / خفه
........
فى شقه اوضه و صاله فى منطقه شعبى
فالصاله اتنين ستات قاعدين بيصبعوا كفته واحده ام و التانيه جده شاب يدخل شايل اكياس كتير
الست 1 / الله انت لحقت تيجي
الشاب / ارجع يعنى هههههههههههه
الست 2 تحاول تقوم تاخد منه
الشاب / عنك انتى يا تيته انا هدخلهم المطبخ
ست 2/ يا مراااااام محمود داخل
صوت من جوه / تعال انا لابسه الطرحه
محمود ياخد الاكياس و يدخل المطبخ
محمود / الله الله عالمنظر 
مرام / طب متاكل
محمود / لا لما تخلصى هبقى اخد
مرام / تفتكر هتعجبهم
محمود / حلويات مرام دى مركه مسجله يا بنتى بكره الناس تقف طوابير عشان تدوق بس
مرام / يسمع من بقك ربنا
محمود / و دا اقصى طموحك يعنى
مرام / و فيها ايه يعنى عندى هوايه و بنميها مش يمكن دا يكون فتحه خير عليا مش عيب بص كدا فالتليفزيون على كميه برامج الطبخ
محمود / طب و الجامعه
مرام / يابنى لازم يكون فى بلان بى عشان لو لاقدر الله حصل اى حاجه و متعينتش
محمود / الاولى عالدفعه و متتعينيش دا حتى تبقى قله ادب
مرام / ههههههههههههههههه اصل عندى منافس قوى
محمود / اه و مش هفوتهالك بالساهل
مرام / هههههههههههههههههههههههه ماشى يا سيدى
صوت من بره / يا مراااااام هاتى الاطباق اما نعبى و نوزن احنا خلصنا
مرام / خد معلش الميزان من الرفه دى و الاكياس و الاطباق و اطلعلهم على مخلص اللى فايدى
محمود / تؤمرى
محمود ياخد الحاجه و يطلع و مرام بتكمل
...........................
فى الفيلا
انس / بقولك مش عاجبني اللي بتعمليه علي فكره
نيفين / مش فاهمه 
انس / لا فاهمه كويس  هو انتي لسه زعلانه مني
نيفين / يا انس بيتهيالي احنا اتكلمنا فالموضوع ده قبل كدا و اتفقنا نبقي اصحاب
انس / طب و مازن
نيفين / الله دا نورا هنا بنت الايه مشوفتهاش من فتره عن اذنك هسلم عليها و ارجعلك
نيفين تمشي و زياد يدخل
زياد / ايه يا معلم سبع و لا ضبع
انس / ايه يا عم لسه بدرى
زياد / انا بطمن عليك بس مفتكرش ان سهل ابدا تنسي اللي شافته
انس / اللي اخوك السبب فيه
زياد / هههههههههههه ليه هو مازن كان حطلك حاجه اصفره فالعصير مثلا و قلعك و نيمك فالسرير مع رنيا
انس / بس هو اللي فتن عليا عشان يشقطها
زياد / ههههههههههه يابني الحرب خدعه انتوا اتراهنتوا و هو كسب و علي فكره شكله هيكسب المرادي كمان مازن مبيخسرش
انس / مش هيحصل
زياد / احنا فيها و الوضع معكوس افتن عليه و نشوف هيحصل ايه
انس/ هي لبنى فين
زياد / مش عارف خدت الهديه تعينها و مرجعتش هروح اشوفها
انس / قشطه اتكل
زياد يمشي و انس واقف يبص علي نيفين بتكلم نورا
.............
فى الحاره
شاب واقف بينادى مالشارع
الشاب / يا سااااااااااااعد..... يا سااااااااااااعد
شاب تاني يطلع من البلكونه
سعد / نازل نازل
ثوانى و سعد يطلع من باب العماره و يسلموا على بعض
شاب / ايه يا عم كل ده بتلبس
سعد / لا يا عم دانا كنت باخد عشرين جنيه من امى
الشاب / ليه انت خلصت الفلوس اللى ابوك مديهالك و لا ايه دا ابوك لو عرف هينفخك
سعد / ياعم معلى يدك الكام ملزمه اللى صورتهم نفضونى بقولك ايه تعال نعدى على محمود فطريقنا ناخده معانا
الشاب / يلا
................................
عند الفيلا عند نيفين
نورا / يا بنتى انا و سعيد سبنا بعض من زمان
نيفين / بتهزرى ليه دا كان بيحبك اوى
نورا / ايوه بس انا مكنتش بحبه
نيفين / بتهزرى
نورا / والله يا نوفي حاولت كتير خصوصا ان سعيد شاب كويس و بيحبنى بس مقدرتش و انا معاه كنت دايما بحس ان مش ده اللي انا عوزاه فهماني
نيفين / يعني مش اوي
نورا / سيبك انتي سمعت ان انتي و مازن بقيتوا سوا
نيفين / ههههههه ايوه
نورا / ايوه يا عم احكيلي بقي هو بقي و لا انس
نيفين / بصراحه صعب اوي احكم دلوقت انا و مازن مع بعض بقالنا اسبوعين بس لكن انس ....
نيفين تسكت و نبص فالارض
نورا / فهماكي علي فكره سنه و نص مش شويه برضه
نيفين / و عمل ايه بعد السنه و نص انا بجد مش عارفه لو مكنش مازن جنبي فالوقت ده كنت عملت ايه
نورا / ربنا يخليكوا لبعض بس خدي بالك يا نوفي مازن مش سهل
نيفين / مازن مش زي مبيتقال عنه خالص حنين اوي و مهما حكيتلك عنه مش هتفهمي لما بيتكلم معاكي عنيه بتبقي علاطول فعنيكي تحسى انه بيعرف انتي عاوزه تقولي ايه قبل متتكلمي واحنا سوا بحس اني مش عاوزه الوقت يعدي هو عارف انا محتاجه ايه
نورا / انتي هتقوليلي بس خدي بالك برده انا مش قصدي اوقع بينكوا بس لازم تعرفي ان كل البنات اللي قبلك قالوا عنه نفس الكلام
نيفين / ليه متقوليش انه اتغير و انه بيحبنى بجد
نورا / ههههههههه بيحبك ههههههههه
نيفين / في ايه يا نورا
نورا /ماشي هسالك سؤال هو مازن قالك انه بيحبك
نيفين تسكت
نورا / شوفتى .. اقولك انا قالك ايه قالك انه معجب بيكي وانك لفتى انتباهه من اول مره شافك فيها و انك كنتي السبب فانه ميكملش مع ميرنا صح  ... مدام سكتى يبقي صح
نيفين / انتي عرفتي ازاي
نورا / عشان دى نفس الاسطوانه المشروخه اللي بيقولها لكل واحده يشوفها
لبني تدخل
لبني /نورا ازيك عاش من شافك
نورا / حبيبتى يا لبني خسيتى علي فكره
لبنى / هههههههههههه ايه ده بجد
نورا / جدا قوليلى دا دايت
لبنى / دايت ايه انا مش محتاجه اعمل دايت دا زيزو
نورا / ههههههههههه شكله بيتعب
لبني / هههههههههه انتي فهمتي ايه لا طبعا انا مش قصدي كدا خالص الحوار ان زياد مش ملتزم خالص بالجيم بيقول ان وقت فراغه بيحب يقضيه معايا و ان الكوتش بتاعه مش  حلو زيي فروحت معاه عشان اشجعه
نورا / ههههههههههه ايوه بقي
لبني / اعمل ايه بيحبني
نورا / معاكي حق و اصلا جدعه انك روحتي معاه الجيم مليان بنات
لبني  / احنا بنتكلم عني انا و زياد هنا اوك انتي عارفه زياد لو قدامه بنات الدنيا كلها هيختارني انا
نورا / له حق هو هيلاقي زيك فين هههههههههه ربنا يخليكوا لبعض
لبني / ميرسي ... مالك يا نوفي
نيفين / بتصل بمازن مبيردش
نورا / يا تري ليه
لبني تبص لنورا و يرجعوا يبصوا لنيفين
نيفين / علي العموم مفيش مشكله مبسوطه اني شوفتكوا النهرده هروح اسلم علي زياد قبل ممشي
لبني / بدري كدا
نيفين / مش عاوزه اتاخر
نورا / طب استني شويه تلاقي مازن هنا و لا هنا
نيفين /مش مشكله عادي عن اذنكوا
نيفين تمشي
نورا / هبله اوي تصدقي انها فاكره انه بيحبها بجد
لبني / عادي مش هتكون اول و لا اخر واحده مازن يوقعها فحبه يعني و لا ايه يا نونو
نورا / قصدك ايه
لبني  / و لا حاجه عن اذنك
لبني تمشي و نورا تنفخ و تبص يمين و شمال تلاقي انس يبتسم و يشاورلها هاي تبتسمله يروح يقف معاها
انس / اتخانقتوا و لا ايه
نورا / هات مالاخر
انس / ليه المعامله القاسيه دى بس يا نونو دانا بطمن عليكى
نورا / انس لخص و هات مالاخر
انس /ياااااه هو اللى يسافر امريكا يتغير على صحابه كدا
نورا / اسمع يا انس انا اقدم واحده فى الشله دى و عارفه كويس اوى كل واحد فيها فبلاش تدخل عليا الدخله دى مش هتاكل معايا
انس / امال ايه اللى ياكل
نورا / ماشى هجيبلك انا من الاخر انت عاوز ترجع لنيفين تانى عشان انت اتراهنت مع مازن انك هتقدر ترجعها تانى ليك بعد مخسرت الرهان انه هيقدر ياخدها منك صح ؟؟؟
انس / هههههههههه يا بنت الايه
نورا / مش بقولك
انس / لا بصراحه انبهرت بس انتى عرفتى منين
نورا / تؤ تؤ تؤ يا انس ادائك مش عاجبنى النهرده خالص مالك فى ايه متصحى كدا و تركز
انس / المهم هتساعدينى
نورا / و انا مالى
انس / خدمه لاخوكى
نورا / امممم افكر
نورا تيجى تمشى انس يمسك ايدها
انس / هعملك اللى انتى عوزاه اطلبى اى حاجه مازن معلم عليا جامد كذا مره و حوار نيفين كان القاضيه
نورا / و انت ايه اللى مخليك متاكد اوى كدا انى هقدر اساعدك يعنى
انس / عشان انا عارفك و عارف نيفين بتثق فيكي قد ايه
نورا / ايوه بس انت جرحتها جامد
انس / و هو مازن مش هيجرحها امال لو مكنتيش عارفه مازن فين دلوقت
نورا / طب و مدام انت عارف مقولتش لنيفين ليه و خليتها تشوف بعينها
انس / الرهان مع مازن ان نيفين ترجعلى مش انها تسيبه و خلاص لو عملت كدا صحيح هتسيب مازن بس مش هترجعلى و انا مش عاوزها ترجعلى عشان هى سابت مازن انا عاوزها تسيبه عشان ترجعلى فاهمه حاجه و لا انتى ايه نظامك
نورا / اه فهماك و احب اقولك انك بتحلم مفيش بنت هتسيب مازن عشان اى واحد تانى حتى لو قضيت معاه ليله واحده و اقولك حتى لو رجعتلك عمرك مهتملى مكانه
انس / عشان كدا فكستى لسعيد
نورا تسيبه و تمشي يمسك ايدها
انس / اسف اسف بصى انا مش عاوز املى مكانه انا اصلا زهقت منها انا كل اللى عاوزه اعلم على مازن و بس
نورا / انسى
انس / طب على الاقل اسمعى فكرتى
نورا / اتفضل قول
انس / مازن هو اللى سلط رنيا عليا عشان عينه فيها
نورا / مش هتصدقك
انس / هتصدق رانيا
نورا / بتهزر
انس / الطبخه جاهزه و متسبكه ناقصها تتسخن ها ايه النظام
نورا / امممم اقولك انا مش هخسر حاجه كدا كدا مازن كان هيجرح نيفين و يسيبها تسيبه هى احسن
انس / حبيبتى يا نونو
.........................
فى شقه مرام
مرام واقفه هى و محمود بيشربوا شاى فى البلكونه
محمود / انتى عارفه بفكر فالاجازه اعدى على كام سوبر ماركت فى كام حته من اللى هى و اتفق معاهم نجيبلهم الحلويات و الاكل اللى بنعمله و يعرضوه عندهم وواحده واحده نكبر المشروع ده
مرام / و عارف ممكن ايه كمان
محمود / ايوه مخمخى يام الافكار و اشجينى
مرام / احنا ممكن نطبع كروت نحطها فى الاطباق او تعرف الاحلى اننا نروح مكان ماللى بيعملوا العلب دول و يطبعولنا عالعلب اسمنا و ساعتها نبقى و لا لبوار فزمانه هههههههههههههههه
محمود / يااااااه دا يبقى يوم
مرام / مقولتليش انك خارج
سعد و الشاب يقفوا تحت
سعد / ايه يا برنس الجيل نازل و لا نطلعلك
مرام / لا اطلعله
الشاب / يلا يا اسطى خلينا نلحق فام الخروجه دى
محمود / العشا النهرده كفته تيته سميحه
سعد / يبقى نطلعله
سعد و الشاب يطلعوا و مرام و محمود يدحكوا
...........
فالدور اللي فوق فى الفيلا
زياد يفتح باب اوضه يلاقي بنت بتظبط مكياجها قدام التسريحه
زياد / اسف
زياد يقفل الباب تاني ثواني و الباب يتفتح و تطلع منه البنت
البنت / كل سنه و انت طيب يا زيزو حفله حلوه اوي
زياد / اهم حاجه تكوني انبسطتي
البنت / عالاخر
زياد يتصل بحد التليفون يرن جوه يفتح الباب يلاقي الموبايل فالشاحن
البنت / انت بتدور علي مازن
زياد / ياريت دايخ عليه من الصبح متعرفيش هو فين
البنت / لا معرفش قالي انه هيفصل و هيرجع بس انا اتاخرت اوي و مش هقدر استناه اكتر من كدا
زياد / اه اسف تحبي ابلغه حاجه
البنت / ابقي خليه يكلمني بقي سلام يا زياد
البنت تحاول تبوس زياد يبعد و يبتسم
البنت / سوري سلام
البنت تمشي
زياد / اعمل فيك ايه بس يا مازن علاطول مدوخني كدا
لبنى تدخل
لبنى / لقيته ؟؟؟
زياد / لا حتى سايب موبايله هنا
لبنى /  طب متدور عليه يمكن يكون فاوضه هنا و لا هنا
زياد / دورت فكل الاوض و البواب قالي انه ممشيش و عربيته تحت
لبني / امال راح فين بس اسمع لو انس كسب محدش يلومني انا مش فاهمه هو جايب البرود ده منين نيفين مشيت زعلانه عالاخر و طبعا انس استغل فرصه غياب سي مازن احسن استغلال
زياد / يا بنتي متاخديش الموضوع علي اعصابك انس ملوش فرصه اصلا انتي مشوفتيش قفلته ازاي و سابته و راحت تتكلم مع نورا
لبني / ايوه و بعدها مشيت او انا افتكرت ده وانا بوصل ريم لقيتها واقفه مع شله اكرامي و مرضيتش تروح معاهم
زياد / اكيد مانتي عرفاهم هيحفلوا عليها طول الطريق خصوصا بعد ممازن حلقلها النهرده
لبني / بس روحت مع انس
زياد / غريبه دي
لبني / المهم الناس مشيت خلاص انا هروح بقي هتوصلني و لا اتصل بالسواق
زياد / هتروحي و تسبيني لوحدي يوم عيد ميلادي
لبني / مازن هنا
زياد / و احنا مالنا بيه
لبني / انا مش عارفه هو مبيطقنيش ليه بزمتك انا عمري عملت فيه حاجه وحشه
زياد / يا قلبي هو انتي يجي منك حاجه وحشه برده بس انتي عرفاه بشعره
لبني / براحته بقي انا اصلا بستحمله عشان هو اخوك و عارفه قد ايه انت بتحبه و اي حد انت تحبه انا احبه
لبني تقرب اوي من زياد و تعدله ياقه القميص يمسك ايدها و يبوسها
زياد / باتي النهرده عشان خاطري
لبني / عشان خاطرك انت بس مهو مش كل يوم عيد ميلادك
زياد يحضنها
زياد / بحبك
....................