السكه شمال بقلم / لولو_محمد ( كامله )

الحلقه ٦٣

((((((((((((((((((السكة شمال )))))))
#لولو_محمد
الحلقه 63
لبنى /و تستفيد ايه بقى مالكلام ده ان مازن مبيثقش فيك مازن باعك و بقى بيخطط من وراك
زياد / و ايه الجديد طول عمره مبيكشفش خطته لحد
لبنى / ماعدا نورا
زياد / و سافرت خلاص
لبنى / و ان كان جد ان كان بيحبها بجد هتسيبه يتجوزها هتسيب الكلبه دى تعمل راسها براسى دى اللعن من ماهى دى هتخلى حياتى جاحييييييم انت فاهم جحييييييييم
زياد / مش هيحصل اوعدك اوعدك
لبنى / و ايه حكايه مونيكا دى كمان تجيبلها طقم سولتير بالمبلغ ده هديه دى مجابتليش كيس شيبس حته
زياد / هنسيب مرام و مازن بقى و نمسك فمونيكا
لبنى / انا تعبت
زياد / انا وعدتك انى هخليها تبوس رجلك و هخليها تبوس رجلك مهما كان التمن مهما كان التمن و ده وعد
..................................
فى شقه مرام
سميحه / ها قررتى و لا لسه
مرام / انتى عارفه يا تيته انى مقرره مالاول بكره هقوله مش مرتاحه و كل واحد يروح لحاله
سميحه / ماشى
مرام / احنا عايشين فى غابه يا تيته
سميحه / ربنا اقوى مالكل
مرام /  كنت فاكره ان حوار امل هو اسوء حاجه ممكن تحصل لحد بس حوار شريف مش اقل منها و شريف بيقول ان فى مواقف كتير اسوء فى ايه فى الدنيا ممكن يحصل لحد اسوء من كدا
سميحه / مش مهم ايه الاسوء المهم ان لا امل و لا شريف خسروا نفسهم فى البلاء اللى مروا بيه
مرام تبصلها
سميحه / البلاء هو اختبار صعب من ربنا و احنا يا نصبر و ندعى ربنا يرفع عننا يا نغلط و نخسر نفسنا
مرام / ربنا ميكتبها علينا
سميحه / امين يا بنتى امين دلوقت نامى بقى عشان وراكى قرار مهم اوى تاخديه بكره
مرام / الله مش قولت انا كده كده وخداه
سميحه / يا عالم بكره مخبيلنا ايه مش يمكن يعمل حاجه تخليكى تغيرى رايك هههههههههههههههههههههههه
مرام / ظريفه اوى يا تيته تصبحى على خير
سميحه / و انتى من اهله يا قلب تيته
سميحه تدى مرام ضهرها و مرام تحاول تنام يجيلها نوتيفيكاشن
سميحه / مقولتلك متطفيش نور الصاله
مرام / لا بجد شكرا يا تيته
مرام تطلع بره و سميحه بتدحك
.................................
فى شقه مازن
مازن / عامله ايه دلوقت احسن
مرام / انا عاوزه انام
مازن / و انا كمان جدا موت على فكره
مرام / خلاص متيجى ننام و نبدا بكره فريش و خلاص
مازن / ماشى بس هاخد بدل الوقت ده
مرام / بعينك
مازن / ههههههههههههههه كم انتى قاسيه يا امراءه ... صحيح يا مرام هو انا ممكن اغلس عليكى بسؤال
مرام / بجمله اسال
مازن / مدام انتى مش طيقانى اوى كدا ليه ادتينى التلت ايام
مرام / اممم تصدق لو قولتلك انا بسال نفسى نفس السؤال ده اقولك انا سؤال اغلس منه
مازن / عز الطلب اتفضلى
مرام / انا من يوم مشوفتك و انا بحاول بكل طاقتى انى ابعد عنك اتجاهلك انسى انك اتخلقت اصلا و كل مره تحصل اى حاجه تخلينا نتعامل سوا عقلى بيقعد يقرف فيا يقرف فيا يقرف فيا و مع انى بحكم عقلى فى كل حاجه مبسمعلوش نهائى
مازن / ههههههههههههههههه
مرام / لا و الاكتر ان مفيش حد شوف مفيش حد شكر فيك
مازن / الحمد لله محبه الناس دى بتبقى من عند ربنا
مرام / هههههههههههههههههههههههه انا مش عارفه ليه وافقت اديك التلت ايام دول مع انى واخده قرارى اصلا و لسه قايله لتيته دلوقت انى بكره هقولك مفيش نصيب برد عليك فى التليفون و ارغى ليه بقى هاه ليه مترد ليه
مازن / و انا اش عرفنى بتزعقيلى انا ليه هو انتى كل حاجه تتنرفزى عليا انا ايه الافترى ده ربنا عالمفترى يا شيخه فى ايه هو فى كدا
مرام / هههههههههههههههههههههههههه
مازن / اعترفلك بحاجه
مرام / ياريت
مازن / عارفه حفله الخريجين
مرام / مالها
مازن / انا دخلت الجروب مخصوص عشان الاقى حجه اتكلم معاكى بيها
مرام / بتهزر
مازن / اعترفلك بحاجه كمان
مرام / هو فى كمان
مازن / يوووووه كتير
مرام / هههههههههههههه قول
مازن / انا اشتغلت اريج فحوار الورق عشان اصعب عليكى و تساعدينى فلاقى حجه برده اكلمك
مرام / و ايه كمان عملت ايه تانى قول قول
مازن / فى واحده فى عندك فى الفريندز اسمها منى منصور
مرام / بيتهيالى مالها
مازن / دى مش منى منصور دى انا
مرام / يا جزمه
مازن / ههههههههههههههههههههه بس والله عملت كدا لهدف نبيل
مرام / نبيل .. نبيل و لا نبيله يا منى
مازن / ايوه ايوه امسكيهالى بقى انا غلطان انى قولتلك
مرام / عملتى كدا ليه يا حبيبتى
مازن / كنت عاوز اطمن عليكى كنتى مدايقه يوميها و انا كمان كنت مدايق اوى يوم مضربت محمود بعد مهددتينى بالقتل لو ضربته
مرام / مش سبب على فكره
مازن / بس بزمتك انا عمرى كلمتك و لا رخمت عليكى بالاكونت ده
مرام / استنى ثانيه خليك معايا كدا
مازن / معاكى
مرام تمسك الموبايل و تلعب فيه
مرام / ازاى مختش بالى يا غبائى انت كنت بتطلب اكل على عنوانك ازاى مختش بالى خالص يا غباااائى
مازن / هههههههههههههههههه
مرام / انت بتدحك حقك بصراحه ادحك و يا ترى بقى دا اخر اعتراف و لا لسه عندك
مازن / لا عندى بس مش هتكلم غير قدام المحامى بتاعى
مرام / هههههههههههههههههه طب اعتراف باعتراف بقى
مازن / ايوه
مرام / انا اللى اديت رقمك لمدام انتصار مرتضى فى دار ايتام بكره احلى
مازن / و فين الجريمه فالموضوع انا عاوز اعترافات ساخنه عاوز حاجه امسكها عليكى
مرام / بعينك
مازن / متغلاش عليكى
مرام / بصراحه انا كنت مراهنه انك مش هتعمل اى حاجه
مازن / و خسرتى لانى عملت بس والله مكنت اعرف ان ليكى دخل بالموضوع
مرام / و فرحت امى لما انت عملت كدا .. اوى
مازن / كويس عملت حاجه حلوه
مرام / لا عملت كتير
مازن / ايوه دى سكه احسن مالاعترافات المخزيه بتاعتى قولى عملت ايه انا تانى كويس 
مرام / امل و اللى عملته
مازن / ياريت كنت اقدر اعمل اكتر
مرام / و يوم وقفتك لتوفيق
مازن / هو انا قولتلك ان توفيق هو اللى فكلى الفرامل بتاعه العربيه كان عاوز يموتنى ابن ال... و لا بلاش ميستاهلش
مرام / ابن الجزمه
مازن / ههههههههههههههه دانا مرضيتش اشتم قدامك
مرام / لا دى مش شتيمه هو امه جزمه الحيوانه جت و هددت تيته عشان اوافق على جوازى من الزفت اللى هى مخلفاه قال ايه جوزيها محدش عارف بكره مخبيلها ايه
مازن / لا بس رديتهاله رجله دى بسببى
مرام / يستاهل
مازن / سيبك يا ترى عملت حاجه تانيه كويسه
مرام / اممم اه انك لما اتخانقت مع محمود مكسرتش ايده مع انك كنت تقدر و هو يومها الصراحه كان يستاهل و احنا لما اتخانقنا كان عشان انا وقفت فصفك
مازن / و انا سبته عشان خاطرك و اقسم بالله مستحمله عشان خاطرك برده مع انى مش هنكر انى بغير منه بشكل غبى
مرام / ليه يعنى
مازن / هو ايه اللى ليه هو قريب منك اوى بيشوفك كل يوم بيكلمك كل يوم
مرام / الله مش اخويا يعنى انا المفروض بقى اغير من مونى
مازن / مهى مونى مش عايشه معايا بشوفها كل فين و فين و كلامنا تليفونات شوفتى عمرك اخوات كدا
مرام / بصراحه لا انتوا اصلا عيله غريبه اخوك يطلع مش اخوك و اختك ... طب اعترفلك حاجه كمان
مازن / قولى
مرام / اول ممونى دخلت و انت جريت حضنتها
مازن / ايوه
مرام / انا ادايقت اوى ... مش عارفه يمكن عشان شكلى كان هيبقى ايه قدام الناس دى كلها و خطيبى بيحضن بنت تانيه قدامنا ... ساعتها كان فى قبيله شياطين بتلعب فى دماغى
مازن / كانت بتقولك ايه الشياطين ولاد الكلب دول
مرام / انك جاى تجرحنى وسط اهلى او بتستغلنى عشان تغيظها و هى لما عرفت انك هتخطب يعنى انت فاهم
مازن / دانتى واخده عنى فكره وحشه اوى
مرام / معرفش بس بما اننا بنصارح بعض قولت اقولك
مازن / و بما اننا بنتصارح فانا ادايقت اوى اصلى فاول الكلام كنت معشم نفسى انك هتقولى مثلا غيرتى عليا مثلا او حاجه زى كدا
مرام / انا اغير ... دا من رابع المستحيلات قال اغير قال انا عمرى مغير
مازن / مفيش بنت مبتغيرش
مرام / لا فى لو واثقه من نفسها
مازن / اللى مبتغيرش مبتحبش
مرام / طب مانا مبحبكش
مازن / امال مكمله كلام معايا لحد دلوقت ليه و انتى هتموتى و تنامى
صمت
مازن / ممكن نقول فضول
مرام / ايوه فضول ... فضول انى اعرف انت هتعمل ايه فى التلت ايام تغير بيهم رايي و لعلمك التلت ايام قربوا يخلصوا مش باقى غير ساعات و فالاخر برده هقولك مفيش نصيب
مازن / مسكين يا مازن طب افتكريلى حاجه مالحاجات الحلوه اللى عملتها معاكى دى تغيرى بيها رايك الوحش ده
مرام / اه و وقفتك معايا فى حوار احمد من اوله لاخره اه صحيح انا اسفه على اللى عملته معاك لما اكتشفت حقيقته
مازن / عادى كان رد فعل طبيعى جدا بس لو عالزعل بقى فانا مش هنكر انى زعلان دلوقت مالحوار بتاع مونيكا ده بس هعزرك انتى لسه متعرفنيش برده
مرام / هو انا ممكن اعترفلك بحاجه
مازن / بتستاذنى ؟؟ متقولى دا يوم الاعترافات اصلا
مرام / انا بقيت بخاف اوى
مازن / منى ؟؟
مرام / مالدنيا تعرف يمكن لحد فتره قريبه كنت فاكره انى قد الدنيا دى كلها و مفيش حاجه تقدر عليا بس ففتره صغيره اوى اكتشفت انى ضعيفه اوى و عاجزه انا مش بالقوه اللى كنت فكراها و حتى اهلى اللى كنت بستقوى بيهم مهماش اقوى منهم هما كمان عاجزه زيي و يمكن اكتر تعرف انا بقيت بخاف عليهم هما كمان ياترى هعمل ايه لو جرالهم حاجه زى الحاجات اللى شوفتها الفتره دى طب لو حد زباله من اللى فاكرين نفسهم فوق القانون و الناس حاول ياذيهم هقدر اساعدهم طب هساعدهم ازاى و الاحساس ده مدايقنى اوى
مازن / تصدقى لو قولتلك انى عندى نفس الخوف ده و خصوصا انى عارف الناس الزباله دى ممكن اذاهم يوصل لحد فين
مرام / بمناسبه الاعترافات انت عمرك كنت منهم
مازن / طول عمرى ليا حدودى انا لما باذى باذى حد يستاهل انه يتاذى لكن انا كويس مع الكويس بالرغم انى بعمل حاجات كتير غلط بس لسه بخاف من ربنا برده
مرام / انا بدات اصدع من قله النوم
مازن / خلاص انا اسف خشى نامى مش هسهرك اكتر من كدا
مرام / ميرسى على فكره
مازن / يو ويلكم بس على ايه
مرام / عشان رغيت معايا و خلتنى اجيب اخرى كدا هدخل و انام منغير مقعد افكر فشريف و اللى مر بيه و افضل انكد على نفسى كانى كنت مكانه بجد مش قادره اتخيل ان حد يمر بحاجه زى دى ازاى واحد يستحمل كل ده عشان الفلوس
مازن / لا مش عشان الفلوس هو استحمل ده عشان امه و اخواته
مرام / لو انت مكانه لا قدر الله مستعد تتنازل زيه كدا
مازن / عشان اهلى انا مستعد ابوس الجزم و لو فى حاجه اقل من كدا هبوسها على فكره
مرام / و انا كمان
مازن / لو ده هيخليكى تنامى مرتاحه فانا بوعدك ان ده مش هيحصل طول مانا عايش حتى لو لا قدر الله مكنش فى نصيب
مرام / تصبح على خير
مازن / و انتى من اهله
.....................................
فى امريكا
فى الكافيه اللى نورا شغاله فيه الشاب المصرى يدخل البنات اللى فالكافيه يدحكوا و يتودودوا الشاب يروح يقعد بنت تروحله و معاها براد القهوه
البنت / كوفى
الشاب / ماى اى اسك ابوت نورا اى كانت سى هير انى وير ايذ شى اوك
البنت / كوفى
الشاب / يس بليز
البنت تصبله و تمشى و هو يفضل يبص يمين و شمال و يخلص فنجان تيجى بنت تانيه تصبله يبتسم و يفضل قاعد لحد منورا تدخل بتلبس المريله يشورولها عليه هو اول ميشوفها يبتسم تروحله
نورا / مساء الخير
الشاب / ازيك
نورا / الحمد لله كنت بتسال عنى
الشاب / استغربت لما ملقتكيش الحمد لله انك بخير
نورا / كنت فبريك اجيبلك حاجه
الشاب / شكرا انا اصلا البريك بتاعى خلص و لازم ارجع الشغل
نورا / ثوانى هجيبلك الشيك
الشاب / اوك
نورا تروح ثوانى و ترجع تديله الحساب يدفع و يقوم عشان يمشى
الشاب / نورا
نورا / نعم
الشاب / كنت بسال يعنى لو ينفع يعنى انا بخلص شغل الساعه سبعه لو تحبى يعنى
نورا / انا عندى شفت تانى اسفه مش هينفع عن اذنك
نورا تمشى و الشاب واقف ثوانى و يمشى نورا تليفونها يرن تروح فجنب
نورا / مصدقتش لما لقيت رقمك
لبنى / هههههههههههههههههههه ليه هو انتى فكرانى واطيه زيك انسى صحابى القدام و معبرهمش حتى بمكالمه تليفون
نورا / ماشى يا ستى حقك عاملين ايه
لبنى / اهو محتاسين بسبب خطوبه مازن لعبتها صح بنت ال... يلا مش مهم
نورا / عمرك مطيقتيها ههههههههههههههههههه
لبنى / مش هكدب للحظه شكيت انه خطبها عند فيا بس يعنى اكيد هو مش شاغل نفسه بيا اوى كدا
نورا / اكيد يعنى و بعدين مانتوا ساعات كنتوا بتتفقوا عليه
لبنى / ايه انا اتفق مع دى مستحيل
نورا / ان كنت ناسى افكرك
لبنى / تفكرينى بايه انا و مرام عمرنا متفقنا
نورا / مرام ؟؟
لبنى / ايه ده هو مقالكيش انه خطب مرام
نورا / لا انا فكراكى بتتكلمى عن ماهى
لبنى / هههههههههههههههههههه ماهى مين لا طبعا
نورا / الله هو مش خطبها فى خطوبه مونى
لبنى / ههههههههههههه يا سذاجتك و انتى صدقتى دا كان تمثيل
نورا / انا لازم اقفل هحاول اكلمك بعدين
لبنى / اوك ... سلام
....................................
فى شقه مرام
مرام تصحى مالنوم و تطلع الصاله تلاقى سميحه بتحط فطار عالترابيزه
مرام / صباح الخير يا تيته
سميحه / صح النوم يا روح تيته بنت حلال و حماتك بتموت فيكى خشى اغسلى وشك و تعالى كليلك لقمه
مرام تهز راسها و تدخل الحمام و ثوانى و تطلع مالحمام شايله طبق غسيل كبير مليان غسيل
سميحه / طب كلى لقمه الاول و بعدين انشرى
مرام / كان المفروض انشرهم بالليل بس نست كدا هيكمكموا
سميحه / و انا هتعب نفسى على ايه قال يعنى هتسمعيلى خشى ياختى انشرى يمكن الخمس دقايق اللى هتاكلى فيهم هى اللى هتخلى الغسيل ميكمكمش صبرنى يارب
مرام تبتسم و تفتح البلكونه و تدخل تحط طبق الغسيل و تبدا تنشر اول قطعه التانيه التالته كوره تنط عندها فى البلكونه تبص تلاقى العيال بتلعب
مرام / بالراحه كنتوا هتعورونى
ولد صغير/ احنا اسفين هناخد بالنا
مرام تبتسم و تحدفهالهم و تبص تلاقى مازن داخل الحاره يشوفها يشاورلها واحد من القهوه يسلم عليه و يقفوا يتكلموا و هى تكمل نشير و كل شويه تبص على مازن يدخل القهوه مع الراجل مرام تخلص و تدخل لسميحه
سميحه / الاكل برد يا بنتى
مرام / مازن جه و قاعد مع الرجاله عالقهوه تفتكرى بيتكلموا فى ايه
سميحه / يا خبر بفلوس دلوقت مازن يطلع و يحكيلنا ببلاش
مرام / على رايك متعمليلى سندوتش
سميحه / هو انا مليش ادخل يعنى بس مش المفروض تقومى تلبسى حاجه تانيه يعنى تقابلى بيها خطيبك
مرام / مهواش خطيبى ماشى و بعدين مانا لابسه الاسدال اهو
سميحه تبصلها و تشرب الشاى مرام تاخد كبايتها و تشرب بق
مرام / اوووووف طيب
مرام تقوم تدخل الاوضه و ترزع الباب وراها و سميحه بتدحك
............................
عالقهوه
مازن / والله لو اقدر اكيد مش هتاخر
الراجل / احنا عارفين اننا متقلين عليك
مازن / لا ابدا خليه بس يعمل زى مقولتلك كدا و باذن الله خير
الراجل / حاضر هقوله
مازن / عن اذنكوا انا بقى
الراجل / طب كمل الشاى بتاعك
مازن / مره تانيه عن اذنكوا
مازن يمشى و يروح ناحيه بيت مرام يلاقى توفيق واقف عند البوابه يطنشه و يدخل
..................................
فى شقه مرام
الباب يخبط سميحه تقوم تفتح
مازن / صباح الخير
سميحه / حماتك بتموت فيك تعال افطر
مازن / و انا كمان بموت فيها والله
سميحه / هههههههههههه ادخل يا بكاش
مازن / امال ...
مرام تفتح باب الاوضه لابسه عبايه نبيتى قطيفه و طرحه
مرام / صباح الخير
مازن / صباح النور ازيك نمتى كويس
مرام / اه الحمد لله
سميحه / انتوا هتفضلوا واقفين كدا متقعدوا
مرام / هعمل شاى
مرام تدخل المطبخ و مازن يروح يقعد
سميحه / بص انا ساكته بس عشان فالاول لكن نظام الرغى لحد الصبح ده و لا تعرفوا تركزوا فكليه و لا فدراسه انا الحال المايل ميعجبنيش
مازن / حاضر
سميحه / اعملك ساندوتش بقى و لا تغمس
مازن / لا اعملى ساندوتش
مازن يوطى على سميحه و يوشوشها
مازن / انا بفتفت و انا باكل خليها لما تدبس بقى تبقى تعرف
سميحه تدحك بصوت عالى مرام تدخل شايله الشاى
مرام / الشاى .. خير بتدحكوا على ايه
سميحه / مفيش
سميحه تدى ساندوتش لمازن
مرام / بقى كدا ماشى ... ها يا مازن ناوى على ايه النهرده
مازن / ناوى على ايه فى ايه
مرام / اخر يوم هتعمل ايه
مازن / كنت بفكر بما انه اجازه و مفيش كليه ناخده من اوله و نخرج
سميحه / هنروح فين
مازن / انتى عاوزه تروحى فين يا قمر
سميحه تعمل ساندوتش و تحطه قدام مازن
سميحه / طب ايه رايك نقضى اليوم فى البيت و اعملك المكرونه بالبشاميل اللى انت بتحبها بس لو عاوز تخرج انا معنديش مانع
مازن / والله يا تيته عرض ميتفوتش بس احنا لسه واكلينها امبارح
سميحه تحط ساندوتش تالت قدام مازن مرام تقوم تدخل المطبخ
سميحه / مالها دى ... بتعملى ايه يا مرام مش هتفطرى
مرام من جوه / ثوانى و جايه
مازن يحط الساندوتش و يقوم يدخل وراها و يخبط على باب المطبخ يلاقيها بتقلى بيض
مازن / ممكن ادخل
مرام / عاوز حاجه اجيبهالك
مازن / لا شكرا افتكرتك زعلتى
...............................