السكه شمال بقلم / لولو_محمد ( كامله )

الجزء الخامس عشر

(((((((((((((السكه شمال )))))))))))))))))))
#لولو_محمد
الحلقه الخامسه عشر
محمود / كنتى عوزانى اسكتله بعد اللى عمله
مرام / لا تبقى راجل و تقفله زى الرجاله
محمود يبصلها
مرام / اخر حاجه بقى يا محمود انا و انت معدش فى حاجه بنا لا انت اخويا و لا اعرفك اخرك جارى و زميلى فى الكليه و ان كان عالشغل فدا ملوش دعوه انت و تيته بقى و ان كان على عمتى فهى برده ملهاش دعوه دى امى اللى ربتنى و لحم كتافى من خيرها خلاص
............................
محمود / و اهون عليكى يا مرام
مرام / مانا هونت عليك انام معيطه كنت جيت راضيتنى و لا حتى كلفت خاطرك برنه تليفون
محمود / مانا كنت مخنوق و متعصب و مش شايف قدامى
مرام / و انا دلوقت مخنوقه و متعصبه و مش شايفه قدامى يا محمود
محمود / حقك غلطان و مقدرش اتكلم بس ممكن اطلب منك طلب
مرام / اتفضل
محمود / افتكريلى حاجه حلوه تدينى عشانها فرصه تانيه
مرام تبصله
محمود / ايه معملتش معاكى اى حركه جدعنه خلاص كلو اتمسح عشان لحظه شيطان دانتى قلبك قاسى اوى
مرام / انا نمت معيطه امبارح بسببك
محمود / و انا كمان والله
مرام تبصله محمود يرمى نفسه على اقرب كرسى و يتنهد
محمود / انا مخنوق اوى و عينى مكسوره مش عارف حتى ارفعها فوشى فالمرايه
مرام تروح تقعد جنبه
محمود / حقك عليا انا اسف
مرام / على قد الغلاوه على قد الزعل
محمود / ازعلى حقك تزعلى و اى كان اللى هتعمليه انا راضى بيه ان شالله حتى تضربينى بالجزمه بس كلو الا انك تقطعى معايا
مرام تبصله
محمود/ احنا ملناش غير بعض يا مرمر
مرام / متقوليش يا مرمر احنا متخانقين
محمود / طب قوليلى ايه يرضيكى و انا هعمله
مرام/ انا خدت على نفسى عهد مهما حاولوا يستفزونا مش هنخليهم يغلطونا تانى احنا مش بتوع مشاكل احنا عاوزين نرجع و نركز فى شغلنا و مزاكرتنا زى الاول محناش بتوع ضرب و خناقات
محمود / حاضر شوفى حتى لو جه يضربنى مهرد عليه هسيبه يضربنى لو ده يرضيكى
مرام / ميرضينيش طبعا و اللى يقرب منك اكله بسنانى
محمود / ليه اكونش غالى عندك
مرام / تصدق انك عيل غلس
محمود / ههههههههههههههههههههههههههه اجيبلك ورد و لا شيكولاته
مرام / هاتلى تقدير عالى اخر السنه
محمود / من عنيا
مرام / تسلم عنيك قوم يلا غير هدومك و انا هعملك لقمه حلوه تاكلها
محمود / سامحتينى
مرام / لا بس هعمل نفسى مسامحاك
محمود/ ماشى نص العما
محمود يبتسم و يقوم و مرام تتنهد و تمسك الموبايل تلاقى طلب اضافه باسم منى منصور مرام تحاول تفتكر و بعدين تفتح البروفايل و تقلب فيه ادعيه وورد و صور اطفال و اغانى
مرام / ماشى
مرام تقبل الاضافه و تسيب الموبايل و تقوم تدخل المطبخ
...........................
فى كافيه بالليل
زياد قاعد مع مونى يدخل كامل يسلم على زياد و يقعد
زياد / ازيك مونى حكتلى كتير عنك
كامل / اتمنى يكون بالخير
زياد / لا متقلقش هو بصراحه اكيد كان نفسى نتكلم شويه لوحدنا بس مونى مبتتوزعش و بتتقمص و ممكن تقعد طول الليل تعيط و انت تراضى فيها
كامل / هههههههههههههههههه لا و على ايه
زياد / اصلها دلوعتنا بقى اخر العنقود انت عارف بتصرف كام فى الشهر
كامل / اكيد مبلغ محترم انجى عندنا مقولكش دمار
زياد / قولى بقى يا كيمو تسمحلى اقولك كيمو صح
كامل / عادى خد راحتك
زياد / انت بتشتغل ايه
كامل / انا حاليا بشتغل مع والدى بس لما اسافر لندن هبقى المدير التنفيذي للفرع هناك يعنى طبعا ده جنب دراستى
زياد / ممتاز و معاك ايه بقى
كامل / انا تجاره اداره اعمال
زياد / هى لما كلمتنى امبارح ملحقتش اسال كويس بس بصيت عالاسهم فى البورصه بصه سريعه هى ليه انخفضت الفتره اللى فاتت كدا
كامل / بتحصل و اكيد انت متابع الركود الاقتصادي اللى حاصل فى البلد و لا ايه
زياد / ااااااه و ناويين تعيشوا فين بقى
كامل / انهى بلد يعنى مكان مهى تحب لندن دبى هنا لو حبت نروح روسيا انا معنديش مانع
زياد / ايه ملكش راى
كامل / لا ليا بس انا بحب السفر فاكيد مش هنعيش فمكان واحد و لو كانت ادتك فرصه تسال اكتر كنت هتلاقى ان شركتنا ليها فروع فبلاد كتير اوى
زياد / لا اكيد عارف طبعا ما شاء الله مجموعه ليها وزنها فى السوق انتى عارفه يا مونى انها المجموعه المنافسه لمجموعه مازن
كامل / السوق مفتوح للكل مدام منافسه شريفه و لا ايه
زياد / طبعا بس انت عارف ليه مازن مرتبطش لحد دلوقت
كامل / لانه لعبى
زياد يبصله باستغراب
كامل / ايه كنت متوقع اجابه تانيه زي مثلا ملقاش البنت اللى تملا عينه او لان كل البنات طمعانه فيه
زياد / لا ذكى ما شاء الله
كامل / انا قابلت مازن و اتفاقى معاه انى استنى والد مونى لما ينزل مصر و اتقدم رسمى و انا احترمت الاتفاق لحد ممونى كلمتنى و قالتلى اقابلك و اتعرف عليك و انا معنديش اى مانع انى اتعرف على عيلتها واحد واحد فالاول و الاخر هنبقى عيله
زياد / قول ان شاء الله
كامل / ان شاء الله
زياد / و ياترى بقى اتفقتوا عالشبكه
كامل / والله اللى يقول عليه عمى انا مستعد حتى لو قالى اتاقلها بالدهب هى تستاهل و اكتر
كامل يبص لمونى تنكسف
زياد / تعرف انا و مازن لينا مبدا كدا مش عارف انت رايك فيه ايه
كامل / اتفضل
زياد / ان العريس بياخد عروسته بشنطه هدومها مع ان مازن رايه ان حتى دى هو هيجيبهالها
كامل / انا مش شايف فيها مشكله مدام العريس مقتدر ليه لا هو يعنى هيستخسر فشريكه حياته
مونى / عن اذنكوا
مونى تقوم و تمشى
كامل / مونيكا هارمونى
زياد يجرى وراها و كامل يحاسب و يجرى وراهم مونى تركب تاكس و تمشى و هى بتعيط كل واحد ياخد عربيته و يطلعوا وراها
............................
فى الفيلا
مازن نازل من عالسلم يقابل مونيكا بتعيط تترمى فحضنه
مازن / مالك يا قلبى فى ايه مين زعلك
مونيكا / انا مش هقعد فى مصر دقيقه واحده بعد النهرده
مونيكا تجرى على اوضتها و مازن يطلع وراها
.......................
فى جنينه الفيلا
زياد ينزل من العربيه و كامل ينزل وراه
زياد / كامل انا اسف بس انا محتاج اتكلم مع اختى شويه انا متاكد انها لما هتهدى هتتصل بيك
كامل يقف يبصله
زياد / عن اذنك
زياد يسيبه و يدخل جوه و كامل يفضل واقف مدايق و ياخد عربيته و يمشى
...........................
فى اوضه مونيكا
موني / انا الغلطانه اصلا انى اعتبرته اخويا الكبير انا الغلطانه
زياد يدخل
زياد / للدرجادى
مونى / انت ازاى تعمل كدا هيقول عنى ايه اهلى بخله
مازن / اكيد لا طبعا اكيد فى سوء تفاهم و انتى فهمتى غلط انا مستعد اكلم كامل
زياد / تكلمه تقوله ايه تعال خد اختى و فوقيها شوال فلوس
مونى / كامل مش محتاج فلوس كامل مش زيك مستنى المصروف كامل بيشتغل من و هو فى الكليه مع باباه و كان جايب تقدير فى الكليه و هيكمل ماستر و الفرق بينك و بينه سنتين بس
زياد يبص لمونى و مازن متابع
مازن / احم .. انا عارف ان كامل شاب كويس بس زيزو بيغير عليكى انتى اخته الصغيره برده و مش سهل ان اى حد ياخد اختنا الوحيده دا لازم يمر باختبار كشف هيئه و فيش و تشبيه و فيلم هو انتى شويه
مونى / هو مكنش بيتكلم غير عن الفلوس
زياد / ايه الاوفر ده هو مش انت اللى قولت انك هتاخد عروستك بفستان الفرح اللى انت دافع تمنه مش انا نفسى كنت عامل كدا مع لبنى
مونى / اصلا مش من حقك تتكلم فى الحاجات دى بابا و عمى بس هما اللى ليهم الحق يتفقوا و بابا عمره مكان هيرخصنى كدا
زياد / برخصك
مونى / ايوه لما تقوله خدها بشنطه هدومها تبقى بترخصنى انت مش هتجهزنى من جيبك و اصلا كامل مش مستنى منك حاجه دا لولا جدته متعلقه بيهم كان زمانهم عايشين فى اميركا و دارسين هناك
زياد / انا مش هرد عليكى انتى لسه صغيره و متفهميش حاجه
مازن / اهدوا بقى الموضوع ميستاهلش
زياد / قولها هو انا يابنى عملت مع لبنى غير كدا
مونى / انت هتقارنى بالرخيصه بتاعتك
زياد / احترمى نفسك
مونى / ايه ادايقت اوى لما قولت عليها رخيصه معلش اصل انا معرفلهاش معنى تانى لا الحقيقه فى ليها معانى كتير بس اسوء
زياد / مونيكا
مونى / تسميها ايه واحده تعيش مع واحد منغير جواز و تخليه يصرف عليها و على مامتها و يشتريلها كل حاجه من الالف للياء و ترفض تتجوزه و لما تشبع فلوس ترميه كانه تشيو مستعمل
زياد يضرب مونيكا بالقلم مازن يزقه بعيد
مازن / انت اتجننت
مونى / انت بتضربنى بتضربنى عشانها
مازن / اطلع بره يا زياد اطلع بره انت ايه اللى جرالك
مونى / انا بكرهك بكرهك من النهرده انت ميت بالنسبالى انت سامع ميت
مازن يقفل الباب ورا زياد و يبص لمونى قاعده عالسرير بتعيط يروح يحضنها
مازن / حقك عليا انا
موني تعيط
مازن / انا هكلم كامل و اقوله ان زياد مكنش فى المود عشان البريك اب بتاعه
مونى / و هى عشان سبته يدمرلى حياتى
مازن / معاش و لا كان اللى يقرب من حياتك و انا عايش و اللى انتى عوزاه بس هو اللى هيحصل يا قلبى
مونى / هحط عينى فعينه ازاى بعد اللى حصل
مازن / قوليله ان زيزو كان بيمتحنه بيشوفه شاريكى و لا لا اقولك متكلميهوش انا هكلمه و هظبط كل حاجه خلاص
مونى / انا عمرى مهسامحه و اول مروح هقول لمامى و بابا على كل حاجه
مازن / زياد بيمر بفتره صعبه انتى عارفه ان ده مش طبعه
مونى /  دا مش مبرر انه يضربنى دا عمره مزعق فيا حتى يقوم يضربنى و عشانها انت متخيل
مازن / انا متاكد انه ندمان اوى على اللى عمله و متاكد اكتر انه هيجى يصالحك
مونى / انا خلتهم يحجزولى على اول طياره انا هروح
مازن / و تسبينى
مونى تبص فى الارض مازن يحضنها
مازن / اللى يريحك
مازن يطلع و يقفل الباب وراه و هى تقعد تعيط
........................
فى اوضه زياد
زياد قاعد بيلعب عربيات
مازن / ليك نفس اوى
زياد يبصله و يرجع يكمل لعب مازن يشد الفيشه
زياد / ايه كنت خلاص هكسب
مازن / انت اتجننت و لا حصل فى عقلك حاجه انت مش حاسس بالمصيبه اللى انت هببتها و لا ايه
زياد / مكنش المفروض تغلط فى مرات اخوها الكبير
مازن / انت سخن و لا ايه حكايتك هى مش سابتك و الموضوع خلص فى ايه مالك
زياد / وسع وسع
زياد يروح يحط الفيشه تانى
مازن / انت يابنى مش الصبح كنت بتدور على عروسه
زياد / لا انا كنت بدور على واحده تكون حلوه و لبنى تشوفها معايا تغير ترجعلى و خلصت
مازن يبصله
زياد / اااااااااااااااااااه قصدك مرام
مازن يهز راسه
زياد / يابنى مدا كبيرها ليله اتنين عشره اكتر من كدا ملل اوى معندهاش حاجه جديده تقدمها يعنى
مازن / هعتبر دى اعراض انسحاب سمها من دماغك
زياد / انا عارف ان مونى زعلانه هسبها تهدى شويه و بعدين هروح اصالحها
مازن / هتكون سافرت
زياد ميعبرش و يبدا لعب
مازن / لو لبنى اللى زعلانه بتجرى تصالحها حتى لو هى اللى غلطانه لكن اختك تضربها و تسبها تعيط و لما تبقى تهدى هتراضيها انت ايه يا اخى متفوق بقى
زياد / صبرنى يارب
مازن / صبرنا احنا  يارب اللعب اللعب مدا اللى انت فالح فيه
زياد / متقلقش اللعب لسه هيبتدى
..............................
تانى يوم فى الكليه
لبنى /ههههههههههههههههههههههههههههههه
نورا / ياااه قولت نكته انا
لبنى / والله انا مش لقيالها اسم تانى
نورا / على العموم براحتك انا حذرتك و انتى حره
لبنى / زياد عمره شوفى عمره مهيقدر يبص لواحده غيرى
نورا / بس انتى سبتيه و هو سنجل دلوقت و من حقه
لبنى / حطى كلامى ده حلقه فودنك زياد قال الكلام ده عشان انتى تقوليهولى فاغير و ارجعله
نورا / بس مش زياد اللى حكالى
لبنى تبصلها
نورا / مازن اللى حكالى جالى امبارح بعد موصل مونى المطار
لبنى / مونى سافرت
نورا / اه سافرت و مازن و زياد متخانقين
لبنى / ليه ايه اللى حصل
نورا / مازن محكاليش غير اللى قولتهولك
انس يدخل يقعد
انس / بتقطعوا فى فروه مين
نورا / بقولك ايه يا انس
انس / عيون انس
نورا / انت سمعت مازن امبارح و هو بيزعق لزيزو صح
انس / اه كان بيقوله شوفلك واحده تانيه و شيل الفكره دى من دماغك حاجه كدا
نورا / شوفتى
انس / هو فى ايه
لبنى / مش شرط على فكره ممكن يكون قاله كدا عشان كان عاوز يرجعلى و مازن بيمنعه
نورا / طب ماولى بقى مازن ميقوليش فمقولكيش لانك اكيد لما هتعرفى هترجعى لزياد
انس / هو فى ايه
لبنى / الاغرب ان مازن يقولك اصلا
نورا / قصدك ايه
لبنى / للدرجادى ههههههههههههه
نورا / انتى بتكلمى نفسك يا بنتى انا مش فاهمه حاجه
انس / هههههههههههههههههه جوين ذا كلوب
لبنى / بقولكوا ايه فى بول بارتى جامده النهرده عند محمود الباشا متيجوا نروح
انس / انا باس وعدت زيزو امبارح اننا هنروح حفله عيد ميلاد مروان المنسى فى فيلته الجديده
لبنى / اوووووف انا نسيت خالص نسيته خالص دانا حتى كنت جيباله هديه حلوه اوى
انس / طب متيجى
لبنى / لا مش هاجى هبقى اتصل بيه و خلاص
نورا / على فكره مش معنى ان انتى و زيزو سيبتوا بعض انك هتقاطعى صحابكوا يعنى لو كان زيزو هنا النهرده مكنتيش هتقعدى معانا
انس / مثلا يعنى
لبنى / انا بالنسبالى عادى بس انا مش عارفه ان اكيد وجودى مش هيبقى مريح بالنسباله
انس / خلاص انا هقوله انك جايه الحفله لو وجودك مش هيكون مريح مش هيجى
لبنى / هفكر
...................................
فى الشركه
مازن قاعد عالمكتب شاب يدخل
شاب / حضرتك طلبتنى
مازن / ايوه تعال.. السى دى عليه مجموعه سيفيهات عاوزك تفرزهم و اللى ينفع يتوظف فاى فرع فاى مكان وظفه و بلغنى و ابعتلى الباقى عالميل
الشاب / تحت امر حضرتك
مازن / اتفضل انت
الشاب يطلع بنت تدخل و تدى مازن كارت
مازن / خليها تتفضل
البنت / حاضر
البنت تطلع و بنت تانيه تدخل
بنت 2/ نهى الفيومى ايفنت بلانر
مازن / اتفضلى
نهى تقعد
مازن / انا معايا قايمه بمواعيد افراح و تفاصيلها عاوز ابعتلهم فوتجرافر و حسابه عندى و قالولى انك بتتعاملى مع احسن فوتجرافرز فى البلد و مش هتقصرى رقبتى
نهى / متقلقش حضرتك
مازن / انا مش قلقان و عاوز سوفت كوبى من الافراح دى
نهى / بسيطه اى حاجه تانى 
مازن / لا شكرا تقدرى تمشى
نهى / عن اذنك
نهى تمشى و صفوت يدخل
صفوت / مصدقتش لما قالولى انك هنا
مازن / هههههههههههههههه و مضيتلك كل الورق اللى انت محتاجنى امضيه عاوز خاجه منى بقى قبل ممشى
مازن يقوم يقف
صفوت / ايه قله الادب دى يا ولد هو خالك ملوش اى حق عليك
مازن / ازاى بس يا خالو هو انا ليا بركه غيرك
صفوت / لا يا شيخ اخبار مونى ايه
مازن / سافرت الفجر
صفوت / بدرى كدا
مازن / اقولك ايه بس يا خالو الواحد مبقاش عارف يلاقيها منين و لا منين
صفوت / مانت لو تبطل القرف اللى بتعمله ده حياتك هتتعدل
مازن / هههههههههههههههههه قرف امال لو مكنش العرق يمد لسابع جد يا خالو
صفوت / مهو عشان انا عشت عيشتك السوده دى بقولك اتلم و اتجوز واحده تصونك و تخلفلك حته عيل كدا يطلع عينى بدل متصحى فيوم تلاقى نفسك لوحدك زيي
مازن / طب متتجوز يا خالو ايه اللى مانعك و خلف و هاتلنا عيل يطلع عينا احنا حد منعك
صفوت / اتجوز واحده فسنى ان خلفت في خطوره علي حياتها و تسبلي عيل احتاس بيه و اموت و اسيبه عيل و لا اتجوز عيله طمعانه فيا
مازن / طب ايه رايك فاحتمال تالت خالص اتجوز واحده تحبها و تحبك و تاخدوا بالكوا من بعض و عيشوا سوا بلا عيال بلا وجع قلب
صفوت / يا جزمه انا عاوز افرح بيك عاوز اشيلك حته عيل عاوز احس ان تعبى فتربيتك مراحش هدر
مازن يقوم يقف و يعدل هدومه
مازن / هو انا متربى يا خالو
صفوت / و لا شوفتها
مازن / طب السلام عليكوا
صفوت / هههههههههههههههههههههههههه يلا يا جزمه
مازن / هههههههههههههههههه سلام
.............................
فى الفيلا عند مازن
زياد نازل من فوق يقابل شاب
زياد / اهلا اهلا ابو حميد ايه يا راجل كل ده تاخير
الشاب / والله المواصلات
زياد / و لا يهمك قولتلى فى التليفون انك هتظبطنى
الشاب يطلع ورق
زياد / كل حاجه
الشاب / كل المعلومات اللى حضرتك طلبتها عن مرام موجوده هنا
................................