(((((السكة شمال )))))))))))
#لولو_محمد
الحلقه 33
مرام / هو احنا جايين هنا ليه
احمد / امال كنتى فاكره هتشتغلى فين
باب الاسانسير يتفتح و احمد يتحرك و مرام وراه راجل يفتحله مكتب
الراجل / اهلا احمد بيه
احمد / صباح الخير يا عم فاروق احلى قهوه بقى ماشى
الراجل / تؤمر
احمد / قهوتك ايه يا مرام
مرام / لا ميرسى مش عاوزه شكرا
احمد / لا القاعده هنا بالمشاريب خليهم اتنين عصير يا عم فاروق اصل احنا قعدتنا طويله
................................
احمد يدخل و مرام وراه ثوانى و باب تانى صغير يتفتح و بنت تدخل منه
البنت / صباح الخير احمد بيه
احمد / صباح الخير يا نسرين .. مرام اللى هتتمرن معاكى
نسرين / اهلا و سهلا
مرام / اهلا
احمد / اقعدى يا مرام واقفه ليه
احمد يشاور لمرام تقعد على انتريه تقعد و هو يروح يقعد عالمكتب و نسرين تروح وراه شايله ملف
نسرين / البوسطه احمد بيه
احمد / سبيها شويه و هاتيلى العقد
نسرين / حاضر ثانيه واحده
نسرين تحط الملف عالمكتب و تمشى و احمد يروح يقعد على الكنبه جنب مرام
احمد / هنا احسن كتير مالمكتب على الاقل نقدر نتكلم براحتنا
مرام / هو انا ممكن اسال فحاجه من باب الفضول يعنى
احمد / خدى راحتك اتفضلى
مرام / اشمعن انا يعنى حضرتك اكيد كان فى ناس كتير مقدمين فى المنتدى معقول مفيش حد مناسب غيرى و لا هو كلهم اتعينوا ليه كلمتنى بنفسك مش فاهمه حاجه بصراحه
احمد يبتسم
احمد / الطلبات لسه متفرزتش لسه قدامنا للاجازه
مرام / امال حضرتك جبت نمرتى منين
احمد / اللى يسال ميتوهش و بعدين مش قولتلك بطلى حضرتك دى قلعت البدله و لبست كاجوال اعمل ايه تانى يعنى عشان تصدقى انى صغير مش عجوز يعنى
مرام / هههههههههههههههههه مش عارفه
احمد / مرام انتى ليكى فى الكوره
مرام / بصراحه لا
احمد / احسن والله مبناخدش منها غير حرقه الدم المهم الفريق اللى بيكسب لازم يكون لعيبته كلهم ممتازين و حريفه و بيعرفوا يوصلوا للجون و يسددوا كمان و المدير الفنى الشاطر هو اللى يعرف يجمع الفريق ده و يمرنهم و يوجههم صح تعرفى المدير الفنى بيجيب اللعيبه منين
مرام / من الانديه التانيه
احمد / او من الناشئين فهمتى بقى و لا لسه
مرام / هما بيقولوا انى ذكيه بس مش عارفه ليه الموضوع بايظ هنا ههههههههههههههههههه
احمد / انا عشان اكون راجل اعمال ناجح لازم اخطف الموظفين الناجحين من الشركات التانيه و اقدملهم مرتبات اعلى و ظروف شغل احسن او الاسهل انى اللحقهم فالناشئين اللى زيك قبل مغيرى يشوفهم عشان كدا مكنتش لازم اضيع وقت معاكى ها فهمتى كدا و لا هغير رايي فيكى و اروحك
مرام / هههههههههههههههههه لا فهمت
احمد / الانسان الناجح يا مرام لازم يكون واثق فى قدراته و مؤمن انه احسن من غيره و انه يقدر يحقق اكتر من غيره
مرام / اكيد بس حضرتك كنت بتقول هتمرن للاستاذه معلش هتمرن على ايه
الباب يتفتح و نسرين تدخل و فاروق يدخل وراها شايل صينيه
نسرين / العقد حضرتك
احمد / شكرا تقدرى تتفضلى
احمد ياخد الملف و فاروق يحط العصير قدام مرام
احمد / شكرا يا راجل يا طيب
فاروق يبتسم و يمشى و نسرين تقفل الباب
احمد / احلى عصير فريش هتدوقيه فحياتك اتفضلى
احمد يناول مرام الكبايه مرام تاخدها منه و تبتسم و تحطها احمد يديها العقد
احمد / دا يا ستى عقد لمده خمس سنين منهم اتنين تمرين هتتمرنى هنا مع انسه نسرين و بلاش استاذه دى لحسن تزعل ههههههههههههههههه
مرام / هتمرن على ايه برده
احمد / انسه نسرين تبقى مديره مكتبى زى مبتقولوا عليها كدا السيكرتيره الخاصه بيا بتنظم مواعيدى و ملفاتى و كل حاجه ... ايه اتفاجاتى و لا ادايقتى
مرام / لا لا ده و لا ده انا بس مكنش نفسى خالص اشتغل سكرتيره يعنى
احمد / غريبه كان نفسك تشتغلى فى الحسابات مثلا و لا علاقات عامه و لا فين بالظبط
مرام / يعنى
احمد / انتى عارفه مرتب مديره مكتبى كام
مرام / واضح انه كبير
احمد / خمس تلاف جنيه فالشهر
مرام / واو كبير فعلا بس
احمد / بصى يا مرام الوظيفه مش بس بمرتبها الوظيفه بانتى هتتعلمى ايه و هتتعاملى مع مين سهل اوى انك تتعينى فى مكتب بس العلاقات يا مرام هى سر النجاح العلاقات اهم مليون مره مالفلوس هى اللى بتفتحلك السكك و الابواب المقفله و الوظيفه الوحيده بعدى اللى تضمنلك العلاقات بالناس الصح هى السكرتاريا بلس انها الوظيفه الوحيده اللى تضمنلك انك تتعلمى الاداره فى اسرع وقت مش انتى برده نفسك تكبرى مشروع الاكل بتاعك و لا ايه
مرام / لا دا واضح ان حضرتك سالت فعلا
احمد / انا اعرف كل صغيره و كبيره عن كل واحد بيشتغل معايا هنا مهو مش اى حد ادخله بيتى و لا ايه يا مرام
مرام / فدى معاك حق
احمد / ها هتمضى
مرام / هو انا ينفع استاذن اهلى الاول
احمد / اكيد طبعا انتى مبتشربيش العصير ليه ايه مبتحبيش البرتقان و لا ايه
مرام / لا بحبه
مرام تبص فى الساعه
احمد / اتاخرتى و لا ايه
مرام / لا بس
احمد / على العموم انا مش هضيع وقتك اكتر من كدا انا عارف انها فتره امتحانات و انتى اكيد وراكى مزاكره قومى اما اوصلك لو تسمحيلى طبعا
مرام / كفايا اوى ان حضرتك جبتنى لحد هنا مش عاوزه اتعبك انا هروح لوحدى
احمد / انا كدا كدا كنت همشى خلينى اوصلك فطريقى تعالى
احمد و مرام يقوموا
...............................
فى دبى
فى مول كبير مونى بتمشى مع ست
الست / مش معقول يا مونيكا مش هتفضلوا متخانقين العمر كلو يعنى
مونى / سورى يا مامى بس هو حتى محاولش يعتزر
فريده / مفيش بين الاخوات اعتزار و هو كلمنى و قالى انها كانت لحظه نرفزه
مونى / و راحت الحمد لله يعنى لما الست هانم رجعتله
فريده / انا كلمته جامد و هو اعتزر و قالى انه هيصالحك اول ميجى فالاجازه
مونى / ميتعبش نفسه .. واو بصى بصى الدريس ده هيبقى تحفه عليا
فريده / طبعا يا روحى تعالى
فريده و مونى يدخلوا المحل
مونى / انا هروح اقيسه
فريده / اوك و انا هشوفلى حاجه هناك
مونيكا تدى لفريده شطتها و تروح تقيس الفستان فريده تروح تبص على استاند بنوته تيجى تخبط على ضهرها تبص وراها
بنت / طنط فيرى ازيك وحشتينى مووووت
فريده / ماهى روحى ازيك زعلانه منك موت كدا يا بنت كل ده متجيش تزورينى و لا تسالى عنى
ماهى / والله يا طنط لسه راجعه من لندن مفيش كام يوم
فريده / لا بس احلويتى اوى
فريده تلف ماهى
فريده / ايه دا حب بقى و لا ايه
ماهى / ههههههههههههههههههههههه ابدا والله
فريده / معقوله ... انا بس مش فاهمه انتى و مازن
ماهى تبص فى الارض
فريده / حاولى تكلميه يا ماهى
ماهى / خلاص بقى يا طنط كل واحد راح لحاله
مونى تطلع لابسه فستان احمر
مونى / هاى ماهى ازيك
ماهى / واو ازيك يا مونيكا بجد معرفتكيش شكلك اتغير خالص كبرتى و بقيتى قمر
مونى / ميرسى ايه رايك يا مامى
فريده / حلو اوى يا روحى
مونى / انا هاخده هروح اللبس
فريده / اوك
مونى تمشى فريده تفتح شنطه مونى و تطلع الموبايل و تقلب فيه
فريده / على العموم فكرى مازن فامتحانات دلوقت هيخلص قريب انا متاكده ان مصر وحشتك ابقى كلميه لو حبيتى ده رقمه الجديد
فريده تكتب رقم مازن فى ورقه و تديها لماهى و تعمزلها
ماهى / سعيده انى شوفتك
فريده / انا اسعد يا قلبى
ماهى / عن اذنك
ماهى تمشى و مونى تطلع
مونى / ايه ده هى مشيت الحمد لله دى فظيعه
فريده / ها فى حاجه تانيه عجباكى و لا كفايا كدا
مونى / فى محل شوزات هنا عارض كولكشن تحفه تعالى نبص عليه
فريده / تعالى
.....................................
فى شارع مرام
تيفا وواحد كمان قاعدين عالناصيه يشربوا سجاير عربيه احمد تركن و مرام تنزل منها و احمد يمشى و مرام تمشى فى الشارع و تيفا و التانى يمشوا وراها
الشاب / متحن يا جميل
تيفا / بس ياض عيب دى بت حتتى
الشاب / لا مؤاخذه ياسطى
تيفا / عليا النعمه المكنه بتاعتى اجمد من عربيته بس انتى جربى
مرام تمشى و متردش
تيفا / انتى مستكبره تردى عليا و لا ايه
تيفا يمسك ايدها تبصله مازن يمسك ايد تيفا تيفا يسيب ايد مرام
مازن / روحى انتى
تيفا / انت قد المسكه دى ياض
مرام تبص و تمشى جرى على محل الجزاره الواد يفتح المطوه مازن يسيب ايد تيفا
مازن / خلاص حقك عليا حصل خير
تيفا يفتح مطوته
تيفا / انت هتستهبل يا روح امك طب وربنا مانت خارج منها
مازن / والله انا خايف عليكوا تعوروا نفسكوا بالحاجات دى
تيفا و التانى يبصوا لبعض و يبصوا لمازن واقف هادى و مبتسم التانى يحاول يضربه بالمطوه بايده اليمين مازن يمسك يده بايده الشمال و هو بيلف و يضربه بكوع ايده اليمين فوشه و يضرب ايده فركبته المطوه تقع تيفا يحاول يضربه بالمطوه مازن يزق الواد يقع فى الارض و يمسك ايد تيفا و هو باصصله و يشده ناحيته بسرعه يضربه بالدماغ يقع فى الارض اسعد و محمود و الناس يتلموا و يفرقوهم عن بعض
تيفا / انت بتضربنى يا ابن الكلب انت مش عارف انا مين والله لوريك والله لتشوف
تيفا يجرى على ورشه اخوه
محمود / امشى يا مازن امشى و كفايا اللى عملته لحد كدا
مازن / نعم !!! دا واد ابن كلب دا كان بيعاكس مرام
محمود / احنا هنعرف نتعامل امشى
مازن / والله !!! طب مش ماشى
مازن يروح يقعد عالقهوه و يسقف
مازن / هات شاى يابنى
الكل واقف بيبص مجدى يدخل و معاه تيفا و رجاله اسعد يروح يقعد جنب مازن
اسعد / الشاى يابنى
محمود يبص وراه يلاقى امه و مرام و مديحه واقفين فى البلكونه يروح يسحب كرسى و يقعد جنبهم
محمود / مبيجيش من وراك غير القرف
مازن يبصله و يضرب كف على كف و القهوجى يجيب شاى و يحطه مجدى يسحب كرسى و يلفه قدام مازن و يقعد عليه و يبص لمازن و مازن يمسك الشاى و يشرب و بعدين يحطه و يزود معلقه سكر و يقلب
مجدى / شكلك ابن ناس مش بتاع مشاكل
مازن / مبدورش عليها بس اعمل ايه
اسعد / اخوك الغلطان يا مجدى
مجدى / له كبير يا معلم لكن اخو مجدى الحو مينضربش و اخوه عايش
مازن / يبقى ربيه عشان مينضربش
مجدى يقوم و يحدف الكرسى بعيد مازن يقوم قدامه
مجدى / دانت بترد كمان
سميحه تدخل
سميحه / جرا ايه يا مجدى يابن حسين الحو هو فى ايه
اسعد / حصل خير يا حجه حقك عندى
سميحه / قسما بالله لو اخوك فكر بس فكر يقرب من بنتى تانى لاكله بسنانى انت فاهم ايه ملهاش اهل لا و بتتعاكس فين فالحته ووسط اهلها جرا ايه يا حاره لو ملناش امان فيها نسيبها احسن
راجل / لا يا حجه حقك علينا
فخرى / اصلا الواد ده زودها اوى و احنا ساكتين عشان خاطر عضم التربه بس كفايا اوى يا مجدى
تيفا / و انت مالك انت يا عم فخرى متخليك فحالك
سميحه / انت كمان ليك عين تتكلم
تيفا / جرا ايه يا وليه انتى هتعملى فيلم روحى شوفى المحروسه بتاعتك كانت مع مين الاول
سميحه / اخرس انا بنتى اشرف مالشرف
تيفا / اه صح الست هانم كانت نازله من عربيه و فى واحد موصلها مين ده بقى ان شاء الله يا ست سميحه خالها اللى فالبرازيل
محمود يحاول يضربه الناس تحوشه
محمود / انت هتتكلم عن ستك كمان
اسعد / خلاص يا محمود حقك عليا انا يا حجه حقك عليا
مجدى يشاور للرجاله و يتحركوا للناصيه بوكس يدخل و مليان عساكر و ينزل ظابط
الظابط / فى ايه يا حو هو انا مش هخلص منك و لا ايه
مجدى / فى ايه بس يا باشا مانا قاعد فحالى اهو
الظابط / مازن باشا اهلا وسهلا ازى حضرتك
مازن / انا كويس ازيك يا معتز بيه
معتز / كلنا بخير تسلم يا باشا و ياريت تبلغ سلامى لصفوت بيه
مازن / متقعد تشرب معانا كبايه شاى و لا قهوه دا حتى القهوه دى بتعمل شاى حلو اوى
معتز / ههههههههههه دا واجب علينا يا باشا
مازن / مره تانيه ابقى اجى ازورك مخصوص
معتز / باذن الله تانس و تنور يا باشا تانس و تنور ... هو فى ايه يا جدعان ايه اللمه دى جرا ايه يا حو هو كل يوم خناقه و لا ايه
مجدى / لا خناقه ايه مفيش الكلام ده خالص يا باشا متقلقش احنا فالاول و الاخر اهل و جيران و مشاكلنا بنعرف نحلها بنا و بين بعضينا مش كدا يا ست سميحه
سميحه / اما نشوف
معتز / بقى كدا ماشى ..على العموم لو احتجت اى حاجه يا باشا رقمى مع سعاتك
مازن / اكيد
اسعد / اتفضل يا باشا اشرب شاى
معتز / مره تانيه عن اذنكوا ... سلام يا حو ... فضيلى اللمه دى يابنى
مجدى / سلام يا باشا
معتز يمشى مازن يقوم يطلع فلوس
القهوجى / دا واجب علينا يا باشا
مازن يبتسم و يحط الفلوس فجيب القهوجى و يمشى خطوتين و يلف
مازن / متزعلش يا .. انا مكنتش هضربك بس انا كنت بدافع عن نفسى مع انك تستاهل بصراحه
تيفا يبص لمجدى ساكت مازن يمشى و محمود واقف بيغلى و يبص فوق على مرام واقفه ياخد سميحه و يطلعلها
مجدى / تعال يا توفيق عاوزك
مجدى و تيفا يمشوا ووراهم الرجاله و الناس تتفرق
.........................
فى شقه مرام
مرام / يعنى انا الغلطانه دلوقت
مديحه / يا جبروتك يا مرام بجد مش عارفه انتى جايبه الجبروت ده منين
مرام / هو اى حاجه تحصل انا السبب متقولى حاجه يا تيته
سميحه / بقول مالصبح بس مبتسمعش مفيش حاجه حصلت اصلا موضوع و اتفض
مديحه / و احنا مستنين ايه يحصل اكتر من كدا هو كان ناقص حد يتعور يعنى
محمود / اصلا هو انتى فاكره يا تيته ان الموضوع اتفض على كدا هو جاب البوليس يخرجه لكن احنا بقى
مديحه / قولهم
مرام / هيعمل ايه يعنى
مديحه / بت انتى اهمدى متفقعنيش
محمود / بصى مالاخر كدا مفيش نزول مالبيت لحد مالموضوع يهدى و كويس ان الدراسه واقفه و من هنا للامتحانات يبقى يحلها حلال ماشى
مرام / والله !! يعنى اتعاكس و كمان اتحبس دا ايه ده
محمود / اصلا ايه اللى جاب مازن هنا
مرام / و انا اش عرفنى متساله انت اصلا بتكلمنى ليه دا بدل متروح تتشطر عالزفت ده اللى عاكسنى عاملينلى محكمه
مديحه / يلاهوى يلاهوى يلاهوى انتى ايه جنازه و تشبعى فيها لطم شايفه يا حجه البت بدل متلم الليله بتقوله يروح يتخانق مع البلطجيه
مرام / انا مقولتش كدا
محمود / انتى فاكرانى مقدرش اعمل اللى مازن ده عمله و اكتر انتى عارفه الناس بيقولوا عليكى ايه تحت
مرام / يقولوا اللى يقولوه انا معملتش حاجه غلط الكلب ده اللى غلط و انضرب و مش انا اللى ضربته كمان انا مالى
محمود / الناس هتقول رجاله اتخانقوا بسبب بت محدش هيقول انه عاكس محدش شافه و هو بيعاكسك اصلا و بعدين ..
مرام / انا بكدب يعنى والله شدنى من ايدى
مديحه / مصوتيش و لميتى عليه الناس ليه
مرام / ملحقتش
محمود / يعنى ملحقتيش تصرخى و البيه لحق يجى من العدم و ينقذك
مرام / هو ده اللى حصل
محمود / لا معلش بقى انتى اصلا ايه اللى يركبك عربيته و تخليه يوصلك لحد هنا
مرام / محصلش
محمود / يعنى مكنتيش راكبه معاه العربيه الواد ابن الكلب ده بيقول شافك و انتى نازله من عربيته
مرام / لا محصلش
مديحه / يعنى الواد ده بيتبلى عليكى يعنى
سميحه / فى ايه يا مديحه
مرام / انا مكنتش راكبه عربيه مازن انا كنت راكبه عربيه الاستاذ احمد
محمود / اهلا ... و مين سى احمد ده كمان
مرام / احمد الدهبى يا محمود
محمود / و انتى تركبى عربيته بمناسبه ايه يعنى انتى عاوزه تشلينى
مرام / المشوار فعلا كان بعيد و هو صمم يوصلنى
مديحه / عاجبك عمايلها دى يا حجه
مرام / انا معملتش حاجه غلط
سميحه / لا غلطتى يا مرام فدى بقى غلطتى
مرام / بجد يا تيته
سميحه / مينفعش يا بنتى تركبى عربيه مع واحد غريب حتى لو مديرك فى الشغل
مرام / يعنى ده مبرر انه يعاكسنى
مرام تبص الكل ساكت
مرام / انا الغلطانه دلوقت مش كدا
الكل ساكت مرام تسيب المكان و تقوم
مرام / انا داخله انام شويه عن اذنكوا
محمود / انا اللى فارسنى البيه قاعد حاطت رجل على رجل و عامل فيها سبع رجاله فبعض دا لما خناقه بتقوم لسانا بيدلدل عشان الحكومه تيجى لكن المرادى ايه الحكومه واقفه قبل حتى مالخناقه تبتدى ايه واقفين عالناصيه
مديحه / تصدق ياحوده معاك حق
محمود / والله مش هستغرب انه يكون كارى الواد ده عشان يدخل و يبان بطل
سميحه / و هيستفيد ايه هو بس يابنى
محمود / انا عارف بقى بصى مالاخر البتاع ده مبيجيش من وراه غير المشاكل
مديحه / عقليها يا حجه احنا فالاول و الاخر ولايا و الناس مبترحمش
سميحه / والله معدت عارفه اعمل ايه و لا اقول ايه الواحد بيبقى قاعد فحاله و المشاكل تجيله لحد عنده
محمود / انا نازل اخلص اللى ورايا و اشوف الحوار خلص على ايه
سميحه / خد بالك من نفسك
محمود / سلام
مديحه / ربنا ينجيك يابنى و يوقفلك ولاد الحلال كان مستخبيلنا فين دا بس يا ربى
مديحه تقعد جنب سميحه
................................
فى شقه تيفا
تيفا و مجدى يدخلوا يدخل اول مامه تشوفه ترقع بالصوت و اميره تدحك فى سرها و تسكت
مجدى / ادخل يا خيبتها ادخل ياللى جايبلنا الكلام ادخل
الست / يلاهوى ايه اللى عمل فيك كدا يا توفيق مين اللى عمل فاخوك كدا يا مجدى
مجدى / احسن اياكش يتربى كام مره قولتلك متعاكسش بنات الحته ها كام مره خلتنى فوسط هدومى
الست / نهارك اسود و منيل يا مجدى اخوك ينضرب بالشكل ده و بدل متجيبله حقه جاى تتكلم معاه
مجدى / ناس مين اللى ضربوه دا واحد بس
اميره تدحك الكل يبصلها
اميره/ عن اذنكوا هبص عالاكل اللى عالنار لحسن يشيط هههههههههه
اميره تكتمها و تدخل
تيفا / وربنا ياما خدنى على خوانه بس قسما بالله مهسيبه
...................................
أنت تقرأ
السكه شمال بقلم / لولو_محمد ( كامله )
Romansaشاب ثرى متعدد العلاقات يقع فى حب فتاه ملتزمه فقيره و يرفض محيطه هذه العلاقه و يحاولون التفريق بينهما
