((((((((((السكة شمال ))))))))))
#لولو_محمد
الحلقه 152
جميله / ايه يا توفيق مالك بقولك كفايا عليك شرب عشان هتسوق اه الظرف ده فيه كل المعلومات اللى انت هتحتاجها تاخده و تقراه كويس و تفهمه و تعمل اللى فيه بالحرف و متقلقش هتلاقى فيه مبلغ مش بطال .. صدقنى مش بطال خالص
تيفا / و ماله
جميله / ده كارت واحد مهم جدا هيساعدك هو محترف عمل شغل اصعب من دا بكتير جوه مصر و بره مصر هتحتاجله اسمع كلامه و اعمل زى مهيقولك
تيفا / اللى يشوفه الباشا
جميله / خير فى عندك سؤال استفسار فى حاجه فى دماغك يعنى مستنى ايه
تيفا / امشى يعنى ... اه لا مؤاخذه معلش تمام بالاذن انا
توفيق يشد الباب و يمشى
...........................
فى الشركه بعد كام يوم
شريف بيقلب فى ملف و يرتب ورق جواه محمود يدخل
محمود / ايه ياسطى انت هتبات هنا و لا ايه
شريف / هخلص كام حاجه و انزل
محمود / بقولك ايه انت جبت بدله فرح مازن
شريف / اه
محمود / انا لسه نزلت اتفرجت مع مروه على حاجات كتير بس مش عارف بص حوار الفرح بتاع الصبح ده موترنى يعنى انت فاهم
شريف / يا عم متكبرش الموضوع والله لو لبست ايه هيتنطتوا عليك برده
محمود يبصله
شريف / ههههههههههههه يابنى الناس دى النرجسيه فدمها مع الوقت هتتعلم تبقى بارد و تفوت خليك واثق فنفسك انت اللى بتدى للبدله قيمه مش هى بس لو عاوز بقى تشرف مرام يعنى و خايف حد يقولها كلمه تدايقها فلا هنا الوضع مختلف و ننزل دلوقت ننقيلك حاجه تليق بيك
محمود / اصلى يا شيكو
شريف يبتسم و يحط الملف عالترابيزه و ياخد محمود و ينزلوا
...........................
فى شركه جميله
صفوت / انا عارف انى للاسف بلغتك متاخر شويه بس مكنتش عاوز اعزمك الا لما كل حاجتك تخلص
جميله / حلوه اوى الانفيتاشن دى ربنا يسعدهم
صفوت / انا هستاذن انا و ياريت لو لسه فى اى حاجه فاضله تبلغينى طبعا
جميله / بصراحه انا مش عارفه اشكر حضرتك ازاى الحقيقه انا عمرى مكنت فاكره ان الموضوع ده هيتم بالبساطه و السرعه دى
صفوت / انتى بس اللى مكنتيش عارفه السكه بتمشى منين
جميله / هو الحقيقه لا كنت عارفه
جميله تقوم تروح عند البار و تصب كاسه و ترجعله و هو باصصلها
جميله / بس انا كنت عوزاك انت اللى تخلصهالى
احمد يدخل صفوت يقوم يقف
صفوت / انت بتعمل ايه هنا
احمد / ازيك يا صفوت بيه ليك وحشه
صفوت / انا كلامى معاك كان واضح
احمد / و انا نفذته بالحرف انا محاولتش ارجع حضرتك اللى رجعتنى و ميرسى اوى عالشركه الجميله اللى اتنفذت فى وقت قياسى بفضلك طبعا
صفوت / و ماله يا احمد حقك بس اوعى تفتكر ان الموضوع خلص هنا
احمد / لا مخلصش متقلقش حضرتك و ميرسى اوى عالبوكس الجميل الحقيقه احلى دعوه فرح شوفتها من فتره طويله جدا
صفوت يمشى و هو هيطق
احمد / مع السلامه يا صفوت باشا نورتنا طب كنت اقعد اشرب حاجه طيب ... مشى يلا مش مهم نشرب احنا و لا ايه
جميله / تحب اصبلك كاس و لا اعملك قهوه ساده
احمد / هههههههههههه خليها كاس القهوه كدا كدا هنشربها
جميله / والله صعبان عليا دا كان كيوت خالص
احمد / يا حنين
جميله / ههههههههههههههههههههههههههه
..............................
فى شقه مرام
مرام و مروه و اخواتها و امها و امل و امها و مديحه و سميحه و كام بنت من الحاره ملمومين فى شقه محمود و مشغلين اغانى و بيرقصوا مروه تطلع من جوه لابسه فستان البرايدمايد لونه بتنجانى سمبل جدا و رقيق اوى و حلو امل تصفر
مرام / حلو عليكى جداااااااااااااا
مروه / بجد
امل / استنى اما اصورك نبعته لمحمود
مرام / لا لا لا خليه مفاجاه بالمكياج بقى و الطرحه و الدلع
بنت / ايوه بقى ... خشى اقلعيه بقى و تعالى خلينا نولعها
مديحه / عقبالك يا محمود يابنى اما نفرح بيك كدا
مرام / هانت خلاص زى دلوقت السنه الجايه علاطول
الست / السنه الجايه ايه مروه لسه قدامها كتير دى لسه مكملتش سبعتاشر حتى
مديحه / و فيها ايه هو يعنى الناس بطلت تتجوز احنا نكتب عرفى عند اى محامى و لما تتم التمنتاشر نكتب عند الماذون لا اول و لا اخر ناس تعملها
سميحه / انتى بتقولى ايه يا مديحه لا طبعا ايه يعنى يستنى سنه و لا اتنين كمان تكون البنت خدت الثانويه العامه و دخلت الكليه و رتبت نفسها و بعدين عرفى ايه هو احنا وش ذلك
مديحه / يا حجه هو انا بقول حاجه عيب و لا حرام استغفر الله العظيم دا كل الناس بتعمل كدا دلوقت و بعدين هو الجواز ايه مش اشهار هنعملها اكبر فرح و فستان و زفه
سميحه / اسكتى يا مديحه انتى مش عارفه بتقولى ايه اقولك قومى اعمليلنا شاى و لا هاتيلنا حاجه ساقعه و لا عصير و لا اى حاجه
امل / هقوم انا
سميحه / خليكى يا امل مديحه اللى هتقوم اهو تتمشى شويه يمكن الدم يوصل لمخها
مديحه تقوم و هى مدايقه
سميحه/ هى مش قصدها هى بس من حبها فمروه عوزاها فبيتها النهرده قبل بكره
الست / والله عارفه و عشان كدا متكلمتش
سميحه / كانك مسمعتيش حاجه و بلاش الكلام يوصل للمعلم
الست / و لا كانه اتقال ... سامعين يا هوانم
البنات يهزوا راسهم مروه تطلع من جوه
مروه / مالكوا ساكتين كدا ليه
مرام / مش قادرين نرقص و انتى مش موجوده
مروه / ههههههههههههه و ادينى جيت يا بكاشه قومى ياختى ارقصى
مرام / حزمونى و انا ارقص
مرام تقوم و امل تحزمها و يشغلوا اغانى و يرقصوا موبايلها يرن
مرام / دا مازن
امل / الله يسهلوا
مرام تسيبهم و تدخل اوضه محمود و تقفل الباب
مروه / صحيح من لقى احبابه نسى اصحابه يا ولاد
......................
فى عربيه مازن
مازن حاطت مرام عالاسبيكر و بيكلمها و هو سايق
مازن / خيانه اقسم بالله معديها
مرام / هههههههههههههههه لا يا شيخ قولى بقى رايح فين
مازن / بصى هو انا كنت ناوى اسهر مع الشباب فى شقتى بس واضح انى هفكسلهم و اللف و اجيلك
مرام / ههههههههههههههههههه متهزرش بقى
مازن / يعنى انهى راجل عاقل ده اللى يسيب مراته بترقص و يقعد مع شويه خناشير
مرام / طب دا قعده الراجل بميه ست حتى
مازن / بس لما تيجى الست يغور الميه راجل يا قلبى
مرام / هههههههههههههههههههه افتكر انى قولتلك بلاش و بعدين هانت كلها بعد بكره و نقضيها رقص انا و انت و بس لحد الصبح
مازن / داحنا هنرقص رقص ....هااااااااااايح بس مفيش مانع يعنى اخد تصبيره كدا طب دانا حتى مؤدب
مرام / بجد بقى يا مازن بكره الحنه هتبقى فى الشارع و خيل و حاجات و انت هتيجى و البنات مش هياخدوا راحتهم امال هما ملموميين النهرده ليه
مازن / اممممم امرى لله اروح اقعد مع الخناشير
مرام / قولى صحيح يا مازن
مازن / عيون مازن
مرام / هو القاعده دى هتبقى زى مبنشوف كدا فى التليفزيون فى الافلام الاجنبى
مازن / باتشيلور بارتى قصدك
مرام / يعنى ايه
مازن / حفله كدا بتاعه يعنى زى الحنه عندنا بس بيجيبوا رقاصه و العريس بيخربها بقى بما انه اخر يوم ليه عازب و كدا
مرام / او اخر يوم ليه على قيد الحياه برده قبل ميتقطع و يتحط فى الاكياس البلاستيك
مازن / اقسم بالله رجاله بس
مرام / ههههههههههههههههههههههه مين هيبقى موجود
مازن / انا و زياد و شريف و كامل و محمود حاجه كدا عالضيق الباقى بقى لو حبوا يجوا الحنه بكره اهلا و سهلا
مرام / على العموم انا واثقه فيك
مازن / لا يا شيخه ماشى و انا مصدقك
مرام / انت واحشنى اوى على فكره
مازن / و انتى اكتر اقسم بالله
مرام / هشوفك بكره صح
مازن / اول حاجه هعملها لما اصحى مالنوم هاجيلك هوا
مرام / اعمل ايه فالكوافيره دى كل يوم اروح كل يوم كل يوم هو انا وحشه اوى كدا و محتاجه الشغل دا كلو
مازن / قطع لسان اللى يقول عنك كدا انتى بس بتدلعى
مرام / على الله يعجب
مازن / عاجب من غير حاجه على فكره
مرام / قلبى يا ناس
مازن يجيله وايتنج
مازن / خالو بيتصل
مرام / رد عليه
مازن / طب هكلمه و ارد عليكى تانى
مرام / تمام سلام
مازن يقفل و يرد على صفوت و هو بيدخل العماره
مازن / ايوه يا خالو ازيك
صفوت / انت فين
مازن / فى شقتى ليه
صفوت / لازم اقابلك ضرورى حالا هعدى عليك حالا
مازن / فى ايه يا خالو قلقتنى فى ايه
مازن يرجع ناحيه عربيته فجاه تنفجر و يتنطر فى الارض
..................................
فى عربيه صفوت
صفوت طاير زى المجنون يسمع صوت الانفجار
صفوت / مازن ... مازن رد عليا يا مازن ... فى ايه ايه اللى حصل مازن
فجاه عربيه نقل جايه من التقاطع طايره تطير صفوت عربيته تتقلب مره و اتنين و تلاته و تنزل على سقفها النقل تطير و الناس تتلم على صفوت تحاول تطلعه مالعربيه فثانيه عربيه اسعاف توصل و يشيلوه و يمشو
..........................
فى شقه مرام
البنات بترقص مرام تطلع مالاوضع
مروه / الله متاخرتوش يعنى فى الكلام
مرام / مهو قرك ده اللى جايبنا الارض
مروه / قرى ليه يعنى ربنا يخليلى حوده
مرام / الله الله طب متجربي كدا تكلمى سى محمود تشوفيه فين
مروه / عند مازن فى الشقه راح هو و شريف اشتروا بدله و هو دلوقت عند مازن فى الشقه لسه كنت بكلمه واتس يا قلبى
مروه تطلع لمرام لسانه مرام تروح تعمل بتخنقها و الكل بيدحك فجاه صوت فرقعه عاليه و الازاز بيتكسر و مرام و الكل يوطوا فى الارض بيصرخوا
................................
قدام بيت مازن
زياد و كامل و محمود و شريف ينزلوا يلاقوا مازن واقع فى الارض فاقد الوعى فى المدخل و البواب بيحاول يفوقه و البوابه مدمره و العربيه قايده نار يحاولوا يفوقوه شريف ينزل على رجليه و يقرب اوى من مازن و يجس النبض
كامل / انا اتصلت بالاسعاف
شريف يبص لكامل و يهز راسه
محمود / هو كويس
شريف / فى نبض ..فى نبض
زياد يطلع الشارع و يطلع يبص يبين و شمال فكل حته كانه بيدور على حد و الغل باين على وشه
..................................
فى شقه سميحه
البنات بتصرخ و مفيش جديد يسكتوا واحده ورا التانيه فجاه المعلم اسعد يدخل هو و صبيانه مروه تقوم تجرى تترمى فى حضنه
مروه / بابا اللحقنا
اسعد / كلكو كويسين حد اتعور حد اتصاب
مرام تتحرك بالراحه ناحيه البلكونه مصدومه ماللى حصل مديحه تشدها بعيد
مديحه / ابعدى كلكوا ابعدوا كلو يبعد عن الشبابيك خليكوا تحت
اسعد / الضرب كان جاى من فوق العماره اللى قدامكوا و طلع يجرى بس ان شاء الله هيجيبوه
امل / كلمى مازن يا مرام خليه يكلم معتز باشا الظابط هو صاحبه خليه يجى
مرام تبص لامل و الصدمه لسه باينه على وشها
مديحه / حسبى الله و نعم الوكيل فيهم بوظوا البيت هما عاوزين مننا ايه ولاد الكلب دول
اسعد / اهدى بس يا حجه ان شاء الله خير و باذن الله هنجيبه هنجيبه
مديحه / دخل الحاره بالسلاح ازاى و طلع فوق البيوت ازاى و بيضرب علينا نار ليه احنا عملنالهم ايه حسبى الله و نعم الوكيل حسبى الله و نعم الوكيل
سميحه / كلنا بخير يا مديحه بطلى نواح لا حد مات و لا حد اتعور
ام مروه / و انا هستنى اما واحده من بناتى تموت و لا تتعور قوموا يا بنات قوموا على بتنا الحمد لله انها جت على كدا الف مبروك يا مرام بالاذن
مروه تزق البنات عالسلم اسعد يبص لسميحه بحزن تشاورله يمشى يمشى
امل / انتى واقفه كدا ليه يا مرام اتصلى بمازن
دمعه تنزل من عين مرام و تنزل فى الارض فاقده الوعى و الكل يجرى عليها و هما بيصرخوا
..................................
فى عربيه الاسعاف
التمرجى عمال يقلب فى جيوب صفوت يطلع كل اللى فجيوبه و يفتح المحفظه ياخد الفلوس اللى فيها و يرميها فى الشارع و يرمى المفاتيح و اى حاجه فى جيوبه فى الشارع
التمرجى / كدا تمام اوى الباشا نضيف و حلنى على ميستدلوا عليه
السواق / هنفضل نلف كدا كتير
التمرجى / هانت مهو اكيد هيفيص يعنى
السواق / ياعم مترزعه حقنه هوا و تخلصنا بدل اللفه الكدابه اللى عمالين نلفها حوالين نفسنا دى
التمرجى / ليه يا عم هو احنا كنا قتالين قتله عشان ادى للراجل حقنه هوا احنا حياله اتاخرنا شويه لحد منقلناه للمستشفى و زى مانت شايف البلد زحمه ازاى
السواق / اه فدى معاك حق و بعدين اجله كدا مات مالحادثه احنا مالنا
التمرجى / الحق علينا اننا بنشوف شغلنا يعنى
جهاز يصفر
التمرجى / لف عالمستشفى يا فخرانى البقاء لله
السواق / انا عارف كان متبت فيها كدا ليه امال لو كانت عدله
.....................................
فى المستشفى عند مازن
الدكتور / لا سليمه الحمد لله ارتجاج بسيط فى المخ و شويه ردود سطحيه هتروح علاطول احنا بس هنخليه تحت الملاحظه النهرده و بكره يتنقل اوضه عاديه جدا
زياد / الحمد لله
الدكتور يمشى ابراهيم يدخل هو و مونى و فريده و لبنى
لبنى / فى ايه ايه اللى حصل ماله مازن
زياد / كويس محدش عارف فى ايه فجاه سمعنا صوت انفجار طلعنا البلكونه نبص لقينا العربيه تحت البيت مولعه نزلنا نشوف فى ايه لقينا مازن واقع فى الارض و عربيته النار ماسكه فيها
ابراهيم / ازاى يعنى
لبنى / هو فين
زياد / جوه فى العنايه بس الدكتور طمنى قالى هيفضل النهرده تحت الملاحظه
مونى / كامل فين
زياد يبص لمونى و يبص لابراهيم
زياد / هناك عند شقه مازن مع البوليس اللى بيحقق فى الموضوع
ابراهيم / امال شريف فين
زياد / محمود جتله مكالمه تليفون و طلع يجرى هو و شريف معرفش راحوا فين
مونى / انا مش فاهمه حاجه انا مش فاهمه اى حاجه
زياد / و لا انا تمام بس مازن جوه كويس خلاص اى حاجه تانيه مش فارقه
مونى / يعنى ايه مش فارقه
مونى تاخد جنب و تتكلم فى الموبايل
ابراهيم / صفوت عرف باللى حصل
زياد / شريف حاول يكلمه مبيردش و ثوانى و بقى غير متاح و اتصل بالفيلا مش هناك فى الشركه مش هناك
ابراهيم / راح فين يعنى اختفى
فريده / يمكن فى اجتماع مهم او موبايله فصل و اكيد لما هيروح هيبلغوه
مونى ترجع
مونى / فى حد ضرب نار على بيت مرام و البوليس هناك بيحقق و مرام فى المستشفى
صمت ثوانى و تبادل نظرات فريده تبص لابراهيم
ابراهيم / انتى بتبصيلى كدا ليه اكيد لا طبعا مستحيل اعمل كدا مستحيل
لبنى / يعنى ايه يعنى دى كانت محاوله قتل فى حد بيحاول يقتلهم فى حد حاول يقتل مازن مازن كان ممكن يموت
فريده / اهدى يا حبيبتى مازن كويس و اكيد مرام كمان كويسه اهدى
لبنى / مين يتجرا يعمل حاجه زى دى مين عنده الجراه انه يقرب مننا بالشكل ده
ابراهيم / الواد البلطجى جار مرام ايوه هوه مش هو اللى قطع لمازن الفرامل قبل كدا اكيد حاول يقتلهم تانى عشان هيتجوزوا انا كنت عارف ان الاشكال البيئه دى مش هيجيلنا من وراها غير البلاوى انا قولت و ياما قولت بس محدش بيسمع يجى صفوت باشا يشوف
لبنى / لا مش هو اللى حصل ده مش شغل بلطجيه يا اونكل اللى حصل ده شغل متخططتله و متخططتله على كبير اوى كمان
مونى / ميمكن صدفه
لبنى / يحاولو يقتلوا مازن و مرام فنفس الوقت فمكانين مختلفين
مونى / بس محدش منهم اتعور
زياد / مهو ده اللى ياكد كلام لبنى اللى عمل كدا مش عاوز يقتلهم اللى عمل كدا عاوز حاجه تانيه
ابراهيم / ايه يخوفهم مثلا
زياد / الدهبى ... احمد الدهبى
لبنى / احمد سايب مصر بقاله فتره طويله اوى
زياد / فاكره يوم الحفله مازن و هو مروح انضرب على عربيته نار فاكره
لبنى / ايوه بس
زياد / احمد اتصل بيه تانى يوم و كان بيوصفله مرام فى البلكونه كان مراقب مرام و عشان كدا اونكل صفوت اجبره يسيب البلد
فريده / و احمد يعمل مع مازن كدا ليه دول متربيين سوا
لبنى تسيب المكان و تمشى زياد يجرى وراها
زياد / رايحه فين
لبنى / هقتله و اشرب من دمه
زياد / و انتى تعرفى هو فين كل عناويين احمد القديمه اكيد اتغيرت هو باع كل حاجه نعرفها ليه هنا فى مصر لو احمد هنا اكيد مش هيكون فى حته نعرفها
لبنى تقف ثوانى تفكر
زياد / لو احمد اللى عمل كدا انا مش هرحمه
مونى تدخل
مونى / انا كلمت شريف مرام جالها صدمه عصبيه بس فاقت دلوقت و بقت كويسه سالت عن مازن و لما عرفت اللى حصل جالها انهيار عصبى و ادوها حقنه مهدئه و نامت
زياد يهز راسه تمام
مونى / بيقولوا ممنوع الزياره هنا بفكر اروح اطمن على مرام
زياد / فكره كويسه تعالوا انا هوصلكوا
لبنى / توصل مين انا مش هتحرك من هنا
زياد / لبنى .. هنا ممنوع الزياره تمام و الدكتور طمنا وجودك هنا مش هيفرق
كامل يدخل
مونى / كامل ايه الاخبار
كامل / عندى ليكوا اخبار مش كويسه
الكل يبصله
كامل / فى مكالمه تليفون جت على موبايل مازن بيقولوا لقوا عربيه اونكل صفوت مقلوبه و مدمره حادثه عربيه
مونى / لااااا
كامل / هو طمنا الناس اكدت ان الاسعاف نقلته المستشفى و البوليس هناك بيحقق
زياد / هو فى ايه دى كدا قله ادب اللى حصل ده ميتسكتش عليه مستحيل تكون صدفه التلت اماكن فوقت واحد مش صدفه ابدا
مونى / مين عمل كدا مين عاوز يخلص مننا بالشكل ده
كامل / اهدى يا حبيبتى ان شاء الله كلو هيبقى تمام انا كلمت شريف و هو هيتابع مع كل المستشفيات لحد ميعرف هو اتنقل لانهى مستشفى
زياد / البوليس قال ايه فى حوار مازن
كامل / مش عارف انا اديتهم اقوالى و بيقولوا تقرير معمل جنائى و كدا بس طبعا مفيش اى شهود على اى حاجه و دلوقت بيفرغوا كاميرات المراقبه اللى فى الشارع كلها عشان يعرفوا اى تفاصيل و اكيد هيبلغونا
زياد / انا هكلم محمود اشوف لو فى اخبار عندهم
زياد ياخد جنب
مونى / انا مش قادره اصدق اللى بيحصل ده انا فعلا مش قادره اصدق
كامل / الحمد لله ان العربيه انفجرت و مازن بعيد لو كان قرب شويه ربنا وحده اللى يعلم هيحصل ايه
مونى / الحمد لله الحمد لله
لبنى تبص ناحيه فريده و ابراهيم ابراهيم بيتكلم فى التليفون و عصبى تروح ناحيتهم و تمسك ايد فريده تبصلها
.............................................
أنت تقرأ
السكه شمال بقلم / لولو_محمد ( كامله )
Romantizmشاب ثرى متعدد العلاقات يقع فى حب فتاه ملتزمه فقيره و يرفض محيطه هذه العلاقه و يحاولون التفريق بينهما
