السكه شمال بقلم / لولو_محمد ( كامله )

الجزء العاشر

(((((((السكة شمال )))))))))
#لولو_محمد
الحلقه العاشره
محمود / لو انا كسبت انا و مازن و انس دي هتكون رده فعلك برده
مرام تبصله و تسكت
محمود / عشان انا عندي نفس المشكله انس و مازن حلو و جاوبوا جوه ازاي
مرام / انا اسفه
محمود / انتي مش خايفه الدرجات تروح منك انتي خايفه الدرجات تروحلهم انتي خايفه يتفوقوا عليكي
مرام تبص فالارض
محمود / انا فاهمك علي فكره و حاسس بيكي
...........................................
مرام / شكرا
محمود / ههههه علي ايه
مرام / انك دايما جنبي
محمود / هو متعب بس يستاهل ههههههههه
مرام / بقي كدا طويب
سعد يدخل بيجري
سعد / النتيجه اتعلقت انا هروح اشوف
سعد يجري محمود يجري وراه و مرام قاعده فمكانها
..................
في الفيلا
زياد يدخل و معاه لبني
زياد / موني مونمونتي هارموني
مازن ينزل من فوق
مازن / خرجت
زياد / علي فين
مازن / راحت الكوافير عشان تستعد لحفله بليل اتاخرتوا كدا ليه
زياد / لبني مرضيتش تمشي الا لما تاكد علي مرام تيجي
لبني / علي فكره اعتزرتلها عشانك
مازن/ و انا مالي باللي دار بنكوا
زياد / ازاي يا مازن بس انا عاتبتها جامد قولتلها متدخلش فاي حاجه تخصك بعد كدا
مازن / تاني و انا كان مالي اصلا
لبني / هي مش كانت جايه تسال عليك بس والله انا معزوره
مازن / اكيد
لبني / بتكلم جد انت مشوفتهاش داخله علينا قالبه وشها و عصبيه و كان في مصيبه قولت يمكن اقدر اساعدها
زياد / جت تكحلها عمتها بس حصل خير و صلحنا سوء التفاهم و عزمتها عالحفله بالليل و خلص الموضوع
مازن / انتي ناويه علي ايه بالظبط فالحفله اسمعي دي حفله مونيكا مش هسمح باي حاجه تدايقها
زياد / موني اختي انا كمان ماشي فاهدي كدا لبني مش شيطانه يعني ماشية تاذي فالبشر
مازن / هي صافي معزمتكيش فعيد ميلادها ليه يا لبني
لبني / مين قالك
مازن / عشان عزمتني و اكدت عليا مقولكيش لا مكان الحفله و لا وقتها
لبني / براحتها هي الخسرانه انا بجيب هدايا اوريجينال
مازن / انا خارج عاوزين حاجه
تليفون مازن يرن
مازن  / دا انس .... جايلك اهو
انس / يامازن يا جامد انا مصدقتش نفسي لما عرفت
مازن / طول عمري بس ليه
انس / هههههههههه انت طلعت بتزاكر من ورانا مشروعنا اعلي درجه
مازن / بجد
انس / والله مصطفي لسه مكلمني مباركلي
مازن / كويس
انس / هو انت زعلان و لا متفاجئ و لا مشلول مالفرحه و لا ايه نظامك بالظبط
مازن / عادي مش فارقه اصلا
انس / انت قفيل ياله سلام اشوفك بالليل و متعديش عليا مش ناقص كابتك دي
مازن / براحتك سلام
مازن يقفل السكه
زياد / مين مات
مازن يبصله
لبني / مالك يا مازن في ايه خضتنا
مازن / انا و محمود و انس خدنا الخمستاشر درجه
زياد / ههههههههاي ايوه بقي هو ده الشغل
لبني / ياتري مرام عامله ايه دلوقت
مازن / اكيد زعلانه طبعا
زياد / عشان تعرف انها سوده من جوه مبتتمناش الخير لغيرها
مازن / هي تعبت يا زياد و سعد كمان تعب
زياد / و محمود تعب و مصطفي تعب و انت تعبت سمعت انك كنت مولعها فالاجابات سمعت انا
مازن / معاك حق
لبني / علي فكره اكيد كمان سعد زعلان و زمانه بيلومنا
زياد / و احنا مالنا هو مشتغلش كويس زي محمود هو اصلا متشعبط فديل محمود ان كان هو و لا ست مرام دي
مازن / انا هكلم مصطفي عن اذنكوا
...............
في شقه مرام
سميحة / مش قولتلك متقلقيش ربنا مبيضيعش تعب حد
مرام / بس سعد تعب و اتظلم و مازن متعبش
سميحة/ هو جاوب ازاي مش محمود قال انه كان بيجاوب علي كل الاسئله
مرام / يا تيته اكيد حد غششه الامتحان و راجعله
سميحة / الله امال نورا و نيفين مجاوبوش ليه و لا زياد و البت اللي معاه دي
محمود / و لا حتي انس و لولا تقصير انس كان زمانك طرتي
مرام / الحمد لله ربنا مشمتهمش فيا
سميحة / انتي فارق معاكي العيال دي و مش فارق معاكي مستقبلك
مرام / الاتنين واحد دول عيال ملهمش مستقبل لكن انا ليا و الحاجه الوحيده اللي هتشمتهم فيا هي مستقبلي انه ينزل او يتاثر باي حاجه
سميحة / يبقي تزاكري اكتر عشان تامني مستقبلك اكتر
جرس الباب يرن
محمود يقوم يفتح يلاقي اتنين رجاله و اتنين ستات
ست ١/ انسه مرام موجوده
محمود / نقولها مين
ست ١ / انا شهندة الشازلي اتيليه الليجانس بعتتني انسه
مرام / انا مرام و بعتزر اوي انا مش هقدر اقبل و مش هقدر اروح
ست ٢ / انسه لبني
مرام / انا متشكره و اسفه اوي و انا هكلم انسه لبني بنفسي و ابلغها باللي حصل
الاربعه يبصوا لبعض
مرام / عن اذنكم
الاربعه يمشوا و مرام تقفل الباب
محمود / جدعه
سميحة / حد هيقولي في ايه
محمود / انا هحكيلك يا تيته
.....................
موني داخله الفيلا لبني تستقبلها
لبني/ وحشتيني وحشتيني وحشتيني
موني / ميرسي
لبني / مستنتنيش ليه نروح الكوافير سوا
موني / زياد فين
لبني/ قاعد مع مازن عالبول مشوفتيش بقي
موني تسيبها و تمشي لبني تتنرفز و تطلع فوق
............
عند حمام السباحة
مازن / والله صعب عليا
زياد / ميصعبش عليك غالي اوعي تقوله سيبه الاهبل يحتفل عشان نحتفل عليه احنا بالليل و ندحك شويه ههههههههههه
موني تدخل
موني / هتدحكوا علي مين
زياد / حبيبه قلبي من جوه تعالي اقعدي
موني / ميرسي
زياد يعدل الكرسي لموني
زياد / دا واحد صاحبنا كان فمجموعه مازن فالامتحان كان فاكر انه خد درجات زيهم و بيحتفل و هو مش واخد حاجه ههههههههههههههه
موني / مسكين
مازن / قوليله
زياد / معلش جناحاتك يا مازن شويه كدا عشان حايشه عني الشمس
مازن / يمين و لا شمال
موني / هههههههههههههههههه
لبني تدخل و فايدها علبه قطيفه زرقه تديها لزياد زياد يبوس ايدها موني تبص لمازن و تعمل هترجع و تبص بسرعه لزياد و تبتسم و مازن مبتسم
زياد / السنادي لبني صممت تنقيلك احلي هديه بنفسها
زياد يفتح العلبه جواها طقم سولتير تحفه يقوم يلبسه لموني
موني / حلو اوي يا زيزو ميرسي
لبني / حلو اوي عليكي يا موني احلي من الموديل فالكتالوج كمان اصلنا عاملينه سبيشال ريكويست يعني
موني / ميرسي انا هقوم بقي عشان اجهز عن اذنكوا
موني تمشي و الكل بيبتسملها
لبني / مرام اعتزرت مش هتيجي
مازن / احسن
زياد / فعلا مش هتعرف تندمج وسطينا
لبني / مع اني بعتلها فستان تحفه ميترفضش عشان متحسش انها قليله
مازن / لا فيكي الخير
واحده تدخل توطي علي ودن زياد و توشوشه
زياد / البلانرز وصلوا هروح اتعامل عن اذنكوا
زياد يقوم مازن يبتسم للبني و يمشي منغير و لا كلمه
.................
في شقه مرام
سميحه / والله ليكى حق
مرام/ انا متاكده انها كانت ناويه على حاجه
محمود / و انا اتاكدت اكتر لما مازن قالك متجيش
مرام / اقولك حاجه و متقولش عليا هبله
محمود / لا عادى انا عارف انك هبله من زمان ههههههههههههههههه
مرام / بتكلم جد
محمود / قولى
مرام / انا عاوزه اروح
سميحه / الله الله
محمود / انتى اتجننتى صح
سميحه / يابنتى منين عاوزه تروحي و منين تمشى الناس و ترفضى تروحى
محمود / لا الموضوع مش كدا انتى عارفه و متاكده ان البت اللى اسمها لبنى دى مش سالكه و احنا اصلا مصدقنا اننا خلصنا منهم انتى بقى عاوزه ايه
مرام / مش عارفه يمكن عاوزه احط صابعى فعينهم و اقولها انى مش خايفه و انك متقدريش تعمليلى حاجه و بعدين انا مش عينيى مكسوره عشان ادارى
محمود / لا دانتى لسعتى رسمى فهمى نظمى
مرام / هو انا قولت هروح انا بقول عاوزه اروح و كمان اشوف رده فعلهم لما عرفوا انى انا و انت خدنا الدرجات و هما لا
محمود / انتى كدابه يا بت فى حاجه تانيه
مرام / لا والله مفيش
محمود / امال مشيتى الناس ليه و كلمتى لبنى و اعتزرتى
مرام / عشان انا مستحيل اقبل منها حاجه شوف لو بموت فقلب الصحرا مش هاخد منها بق ميه
محمود / يا مثبت العقل و القلب و الدين
سميحه / انتى عاوزه تروحى تقفى قدامهم و توريهم نفسك منغير ميكون ليهم فضل عليكى
مرام / بالظبط
سميحه / بس مازن قالك متروحيش
مرام / و سبحان الله كانه بيقولى تعالى
سميحه/ خلاص اللبسي و روحى
محمود / انتى بتقولى ايه يا تيته
سميحه / بقولها تلبس و تروح
مرام / انتى بتتكلمى جد يا تيته
محمود / يا تيته العيال دى شمال و احنا بدل منصلى ركعتين شكر اننا خلصنا منهم نقوم نروحلهم برجلينا ندخل جحر التعابين برجلينا فى ايه يا عالم
سميحه / انتى كبيره كفايه و عارفه الصح مالغلط شوفى انتى عاوزه تعملى ايه و اعمليه
مرام / و انتى رايك اعمل ايه
سميحه / انتى هتقدرى تقفى قدام العيال دى لوحدك
محمود / دا على اساس انى هسيبها تروح لوحدها
مرام تبص لمحمود
محمود / ايه ؟؟ رجلى على رجلك طبعا
مرام / انا هقوم اللبس
...............................
في الحفله بالليل
زياد / ههههههههههههه تعيش و تاخد غيرها يا بطل
انس/ العيب علي مصطفي الكلب مفهمنيش صح
لبنى / زياد مامى جت
زياد / عن اذنكوا
زياد و لبنى يروحوا ناحيه ست شيك اوى يسلموا عليها
زياد / حبيبه قلبي
الست / انا زعلانه منك اوي متحاولش
زياد / انا اقدر برده اية بس اللي حصل
الست / الشغل فالفرع الجديد وقف
زياد / ازاى ده دلوقت مازن ينزل و نشوف الموضوع ده كلو الا زعلك يا ست الكل
الست / امال فين حبيبه قلبي مونيكا دى وحشانى خالص
زياد / زمانها نازله ثوانى هجيبلك حاجه تشربيها
......ً..
في اوضه مازن
مونى / البرفيوم ده تحفه بحبه اوى
مونى تحط لمازن و بعدين يسرح شعره
مونى / مازن
مازن / خلاص جهزت
مونى / انا فى حاجه عاوزه اتكلم معاك فيها
زياد يدخل
زياد / انتوا بتهزروا الناس فوق بعض تحت مستنين سمو الاميره و انت كمان بتعمل ايه كل ده
مازن / خلاص جهزنا نازلين اهدي ... خير يا موني كملي
موني/ بعدين بعدين يلا بينا
مازن / تمام يلا
التلاته ينزلوا تحت
لبني/ واو بجد ايه الفستان التحفه ده
موني / ميرسي
الست / وحشتيني وحشتيني وحشتيني حبيبتي يا مونيكا
مونى / ميرسي
الست / الخاتم ده اول مشوفته افتكرتك علاطول قولت محدش يلبسه غيرك
الست تلبس موني خاتم و تديها علبه
موني / ميرسي عن اذنكم هسلم علي صحابي
الست / اتفضلي يا حبيبتي
مازن / عن اذنكوا انا كمان هسلم علي صحباتها
زياد / ههههههههههههه ارحم نفسك استني عاوزك فحوار ... عن اذنكم يا جماعه
مازن و زياد يروحوا فجنب
مازن / خير في ايه
زياد / هو ده اللي وعدتني بيه تحرجني كدا مع الناس
مازن / انا ؟؟ ازاي
زياد / انت مش قولتلي انك كلمت خالك ووافق علي صرف الشيك
مازن / البرانش الجديد بتاع الاسبا ؟؟ من زمان يابني و الشيك معاهم و اتصرف مالبنك كمان
زياد / انهي واحد فيهم
مازن / تعال
مازن ياخد زياد و يرجعوا للبني و مامتها
مازن / انا اسف اوي يا طنط علي اللي حصل انا هكلم خالو و افهم منه المشكله
مازن يطلع الموبايل و يتصل
الست / مفيش داعي يا حبيبي متزعجوش الموضوع مش مستاهل
مازن/ لا والله ميحصل لازم افهم في ايه و هفتح الاسبيكر كمان  ......الو
الراجل / اقعد انت كل شويه غيرلي فنمرك قال يعني مش هجيبك
مازن / هههههههههه انا اللي متصل يا خالو والله
الراجل /ايوه طبعا عاملك مصيبه جديده و اللحقني يا خالو
مازن /لا مش مصيبه انا بس عاوز اسال عن الشيك بتاع طنط ميار اخباره ايه
الراجل / هو ايه اللي اخباره ايه مانا سلمتهولها من يوميها و اتصرف من زمان
مازن / احنا اتفقنا علي اربع دفعات يا خالو ركز معايا بليز
الراجل / مدام ميار جتلي الشركه بنفسها و قالت ان هي اتفقت مع الكونتراكتور انه هيعملها اوفر كويس مقابل انها تدفعله الفلوس و انا سلمتها المبلغ كامل و الوصولات فالشركه ممضيه تيجي تشوفها فاي وقت
مازن / طب ثواني هكلمك تاني
الراجل / تكلمني تاني ايه انا عاوزك ضروري بكره في ورق لازم تمضي عليه بنفسك
مازن / حاضر من عنيا
الراجل / اما نشوف افلح ان صدق سلام
مازن يقفل صمت ثواني
زياد / اكيد الكونتراكتور ده حرامي انا هروحله بكره بنفسي اتحاسب معاه قولتلك يا طنط مالاول انه هيعمل كدا
مازن / تمام اي خدمه تانيه اقدر اقدمها
صمت مازن يمشي
لبني / ايه قله الزوق دي
زياد / هو ميقصدش
لبني / انا بتكلم عنك انت ازاي تحط مامي فالموقف ده
ميار / محصلش حاجه يا حبيبتي دا سوء تفاهم بسيط زياد قال هيروح يتكلم مع الكونتراكتور و يحل الموضوع مش كدا يا زيزو يا حبيبي
زياد / اكيد يا طنط الشغل هيكمل من بكره باذن الله يتسلم فمعاده عن اذنكوا ثواني
زياد يجري ورا مازن
زياد / متشكر اوي بجد
مازن / العفو بس علي ايه
زياد /انت هتجنني جرا ايه يا مازن دا موقف تحطني فيه
مازن / اااااه تمام اسف حقك عليا بس ياريت تبارك لطنط ميار على شاليه الجونه الجديد
زياد / شاليه ايه
مازن / انت فاكرني اهبل و لا نايم علي وداني انا بعدي بمزاجي لكن ميتنصبش عليا
زياد / مازن
مازن / انت جبتلي ورق انك هتكون شريك بالنص فالبرانش الجديد و انا وافقت عالتمويل موافقتش علي دفع اقساط شاليه باسم حماتك
زياد / ده ملوش دعوه بده
مازن / تمام انا بكره هاجي معاك للكونتراكتور قبل منروح الشركه سوا و هخليك تشوف كل حاجه بالورق
زياد يبص الناحيه التانيه
زياد / مكنش المفروض اطلب منك انا كنت طلبت من ماما احسن
مازن / دي اخرتها ماشي عن اذنك
مازن يمشي لبني تدخل
لبني / حقك عليا مكنش المفروض اتعصب عليك كان المفروض اتعصب عليه هو فاكر نفسه مين يزلك كدا
زياد يبصلها
لبني / هو بيمن عليك يعني بالفلوس دي انت اخوه و بعدين مهو عمال يبعزق يمين و شمال هدايا للي تسوي و اللي متسواش و لا هو لازم يبقي في مصلحه ليه يعني
زياد / احنا فحفله خلينا ننبسط و الاسبا هيكمل متقلقيش
لبني / انا مش قلقانه طول مانت جنبي اكيد مش هكون قلقانة
لبنى و زياد يدخلوا يلاقوا مرام و محمود و سعد داخلين مالباب فوسط صمت رهيب وذهول من الجميع لبنى و زياد يروحولهم
لبنى /  الله !!!! ايه المفاجاه الجامده دى
محمود / احنا كنا بره بنحتفل بالدرجات البونص قولنا نعدى عليكوا
زياد / و انت بتحتفل معاهم يا سعد
سعد / اه عادى اخواتى و افرحلهم و انا و هما واحد
لبنى / يا جماعه شوفتوا مين جه
الكل يتلم و مازن يدخل
مازن / ايه المفاجاه الحلوه دى منورين
............................