السكه شمال بقلم / لولو_محمد ( كامله )

الجزء الحادى عشر

((((((السكة شمال ))))))))))
#لولو_محمد
الحلقه 11
لبنى /  الله !!!! ايه المفاجاه الجامده دى
محمود / احنا كنا بره بنحتفل بالدرجات البونص قولنا نعدى عليكوا
زياد / و انت بتحتفل معاهم يا سعد
سعد / اه عادى اخواتى و افرحلهم و انا و هما واحد
لبنى / يا جماعه شوفتوا مين جه
الكل يتلم و مازن يدخل
مازن / ايه المفاجاه الحلوه دى منورين
............................
محمود / دا نورك مبروك
مازن / الله يبارك فيك
نورا / مش مصدقه عينى انك هنا
لبني / تعالى اعرفك على مامى
لبنى تشد مرام من ايدها تاخدها من وسط المجموعه و الكل يروح وراها
لبنى / مامى مرام مرام مامى
مرام / اهلا يا طنط
ميار / اهلا
زياد / هى موني فين تتعرف على مرام انا متاكد انهم هيحبوا بعض اوى
مازن / مش عارف هروح اشوفها
مازن يمشى
زياد / البوفيه هناك اهو  ثوانى هجيبلكوا حاجه تشربوها
محمود / لا ملوش داعى احنا مش غرب لو عوزنا حاجه هنقوم نجيبها
زياد / ايوه البيت بيتكوا خصوصا النهرده
لبنى / اصل الحفله دى معموله على شرف مونى و مازن مرتب كل حاجه بنفسه
زياد / طبعا مهى روح قلبه
مرام / هو احنا اكيد كان نفسنا نقعد بس احنا كدا هنتاخر يلا يا محمود
ميار / حبيبتى لو محرجه انك مكنتيش عامله حسابك ممكن تطلعى تلبسي حاجه من دولاب لبنى بنتى متقلقيش كلها سنيهات
لبنى / يا خساره انا لميت هدومى كلها بس بيتهيالى مونى مش هتمانع تلبسي حاجه من عندها هطلع اشوفلك حاجه مقاسك
مرام / متتعبيش نفسك انا مش محرجه من منظري يلا يا شباب
محمود / سلام يا زياد
نورا / سلام يا مرام
مرام و محمود و سعد يمشوا
نورا / جريئه اوى انها تيجي لحد هنا
لبنى / تعرفى انا بعتلها فستان تحفه مرضيتش تلبسه نقول ايه بقى فقريه
...............................
في جنينه الفيلا
مازن بيدور علي موني يلاقيها واقفه بتدحك مع واحد لوحدهم
مازن / مونيكا
موني / اوووه هاي مازن تعالي.... مازن كامل اخو انجي صحبتي كامل مازن اخويا
مازن / اهلا وسهلا تشرفنا
كامل / الشرف ليا سمعت عنك كتير موني مبتتكلمش غير عنك تقريبا
مازن / غريبه مع انها مجابتش سيرتك خالص امال انجي فين
موني / هي كانت هنا راحت تشوف درينك باين اور سامثينج
مازن / الجو برد يا موني جوه دفا احسن
كامل / كنت لسه بقولها
مازن يهز راسه و ياخدها و يدخل و كامل وراهم
........................
في شقه مرام
مرام / الحسابات بايظه خالص يا تيته احنا لو استمرينا عالوضع ده هنخسر متقول حاجه يا محمود
محمود / انا صوتي راح من كتر القواله كل حاجه بتغلي الا تيته مش عاوزه تغلي
سميحة / الناس مش هتقدر تدفع و بعدين احنا بنتعامل مع طلبه و موظفين و الحياه صعبه
محمود / مهى صعبه علينا احنا كمان يا تيته و بعدين احنا مقولناش زودى الضعف بس زودى بنفس النسبه حافظى علي مكسبنا ثابت
مرام / بننفخ فقربه مخرومه هتوافق و اول حد يقولها يا حجه الحياه صعبه و الغلا و الظروف انسي انسي
سميحة / كلو الا الاكل يا بنتى الجوع كافر ربنا ميكتبه عليكي
محمود / الجوع كافر و النوم سلطان تصبحوا علي خير
محمود يقوم مرام تقوم وراه اول ميطلع بره
محمود / بقولك يا مرام
مرام / خير
محمود / بكره مفيش كليه و انا كنت محوش مبلغ كدا متيجي نخرج
مرام / ههههههههه هي الفلوس بتوجعك و لا ايه عاوز تفرتكها
محمود / هو يا مزاكره يا كليه يا شغل خليكي جدعه بقي هعزمك عالسينما الفيلم اللي تختارية
مرام / والله معنديش مانع شوف عمتى و انا هشوف تيتيه و نخرج
محمود / تمام خلاص تصبحي علي خير
مرام / و انت من اهله
..................
في الفيلا
في اوضه مازن مازن نايم عالسرير بيلعب فالموبايل الباب يتفتح بالراحه يقوم يقعد موني تدخل
موني / صاحي ؟؟؟
مازن / تعالي
موني / عامل ايه
مازن / تمام
موني / شكلك مش فالمود اجيلك بعدين
مازن / امال مين هيحسن مودي تعالي يا بت
موني تبتسم و تقعد
موني / ازيك
مازن / الحمد لله
موني / اخبار الكليه ايه
مازن / انتي عاوزه فلوس
موني / ايه السؤال ده لا طبعا ملو عاوزه مطلب من ماما و لا من بابا هطلب منك ليه
مازن / انتي عبيطه انتي اختي الصغيره و ده معناه سبحان الله شوفي ازاي ان فنفس ذات الوقت ابقي اخوكي الكبير شوفتي الصدفه
موني / تصدق انك فاجاتني بالموضوع ده ههههههههههههه
مازن / هههههههههههههه لا بجد بقي في ايه
موني / انا معجبه بحد
مازن / حد اعرفه
موني / مش اوي بس لما تعرفه هتحبه
مازن / بيحبك
موني / بيقول
مازن / و انتي قولتيله ايه
موني / مقولتلوش سكت و هو مفتحش الموضوع تاني
مازن / خلاص متفتحيش الموضوع تاني
موني / طب لو فتحه هو
مازن / انتي بتحبيه و لا معجبه بيه و لا مش عارفه الفرق بينهم
موني / انت مش هتسالني عنه
مازن / انتي عندي اهم
موني / انا برتاحله بنتكلم كتير و الفتره الجايه هنبقي بنتقابل كتير برده
مازن / تتقابلوا !!!ليه ؟؟؟
موني / مهو هيسافر لندن يحضر ماستر فهنبقي احنا الاتنين فنفس الجامعه
مازن / مسافر منحه و لا علي حسابه
موني / علي حسابه هو من عيله كبيره اوي كامل مانت شوفته اخو انجي صحبتي
مازن / حسيت ان في حاجه من دحكتكوا فالجنينه
موني / مازن عاوزه اقولك حاجه
مازن / و مستنيه ايه
موني / انت عارف انا ليه مدخلتش فولا علاقه لحد دلوقت
مازن / عشان محترمه و متربيه
موني / هو الحب عيب ؟؟؟
مازن / الحب مش عيب بس اللي بيتعمل باسمه عيب
موني / هو انت مش محترم يا مازن
مازن / ههههههههههههه لا
موني / ههههههههههههه تعجبنى صراحتك
مازن / بصي انا عارف انك كبرتي و بقيتي عروسه و حلوه و مفيش لا فجمالك و لا فذكائك و كمان ففتره مراهقه بس انا عاوزك تركزي اوي انا عرفت بنات بالهبل مفيهومش بنتين زي بعض كل واحده و ليها قصه بس في حاجه واحده بس مشتركه بنهم كلهم شمال انا لا عمري قولت لواحده بحبك و لا وعدتها بالجواز و لا حتي كنت الاول فحياه اي واحده فيهم
موني تبصله و ساكته
مازن / جاوبت علي سؤالك الي مش عارفه تساليه
موني / طب و كامل
مازن / مش احنا قولنا هننسي الموضوع لحد ميفتحه تاني
موني / و لو فتحه
مازن / ابقي اديله رقم بابا و قوليله الرد  عنده
موني تهز راسها
مازن / جه دوري اسال بقي و لا لسه
موني ترمي نفسها عالسرير
موني / هاااااه كنت عارفه انك مش هتسكت
مازن / هههههههههههههههه لا بجد انا مشهعديها و الحوار ده محصلش بين يوم و ليله و بما انك اختي من زمان يجي من سبعتاشر تمنتاشر سنه كدا فانا عارف انك مش بتكلمي شباب و لا ولاد و مقفله اوي فموضوع الارتباط فانا مش بس عاوز اعرف التفاصيل انا عاوز اعرف انا ليه مكنتش فالصوره من اولها
موني / بص هو الحوار بدا ببوستز بيني و بين انجي هزار و منشنز  و كدا هو يدخل يعمل كومنت و ندحك عادي يعني و زي اخويا يعني
مازن / اها و بعدين
موني / و بعدين واحده فواحده عملي فولو عملتله فولو بعتلي ادد ضيفته و الحياه ماشيه بدانا نتكلم شات شويه نقلنا واتس و واحده واحده لقيتنا بنقرب اوي من بعض
مازن / ماما عارفه
موني / من اول يوم و كلمته كتير جدا
مازن / و رايها ايه
موني / بتحبه اوي و بتكلمه اكتر مني و بتسال عليه علاطول
مازن / و بابا
موني / انت عارف بابا مش فاضي اصلا لاي حاجه و زياد لا ميعرفش عشان هيجري يقول للبني اللي هتعملي مليون فيلم و تقرفني
مازن / طب ليه قررتي تقوليلي دلوقت
موني / عشان عوزاك تتعرف عليه
مازن / هتعرف عليه لما يكلم بابا غير كدا انا اسف مش هرخصك ليه لو بيحبك بجد هيجي هو و يكلمني
موني / انت فاجاتني علي فكره
مازن / ليه
موني / كنت متوقعه انك هتتنرفز و كدا يعني
مازن / ماشي هقولها تاني انا مؤمن جدا ان الدنيا سلف و دين عشان كدا عمري مدحكت علي بنت عمري مديت وعود مش ناوي اوفي بيها او حتي موفتش بيها و دا كلو عشان ميتردليش فيكي فانا مش خايف عليكي و مع كدا انا فضهرك برده و مش هسيبك
موني تبتسم
موني / انا بحبك اوي
مازن / احلي بحبك فالدنيا و انا كمان قومي نامي بقي ورايا شركه بكره و قرف
موني / مش هنتفسح و لا ايه
مازن / بالليل هخرجك و اعملك كل اللي نفسك فيه تمام
موني / اوك يلا سليب تايت
مازن / دونت ليت ذا بيد باجز بايت
موني تبتسم و تمشي
///////////////////////////
مازن / اتعصب؟؟ لا مش هتعصب و لا حاجه انا اعقل من كدا وواثق فاختي جدا و خصوصا اني حاكيلها كل الحركات بتاعتي فهي عارفه كويس حركات الولاد عشان يعلقوا مزز ... خايف ؟؟ مرعوب عشان انا عارف كويس ان البنات لما بتحب بيبقوا اغبيه اغبيه بكل ما تحمله الكلمه من معاني بتبقي رافضه تشوف الحقيقه و لو الكل قالها انك بتلعب بيها لو انت نفسك قولتلها انك بتلعب بيها مش هتصدق اصلا و هتفضل تعمل كل اللي تقدر عليه و تقدم كل التنازلات عشان العلاقه تنجح حتي لو كل المؤشرات بتقول انها فاشله هتتمسك بيك برده ...هعمل ايه ؟؟ هعمل زي مبعمل فكل حاجه فحياتي هباصي الكوره و استني الهجمه المرتده
///////////////////
...........
تاني يوم فالشركه
مازن يدخل مكتب يلاقي شاب قاعد اول ميشوفه يقوم يقف
الشاب / اهلا وسهلا مازن بيه صفوت باشا مستني حضرتك مالصبح
الشاب يفتح لمازن الباب و يقفله وراه راجل كبير جوه يقوم يقف و يروح ناحيه مازن  و يحضنه
صفوت / هو النهرده عيد ميلادي و انا مش واخد بالي
مازن / هههههههههههههه مانت لو بتعين بنات حلوين كنت اباتلك فيها
صفوت / هو انت مش هتكبر ابدا
مازن / بقولك ايه يا خالو مش انا خدت بونص خمستاشر درجه بحالهم
صفوت / و دفعت كام بقي يا سيدي
مازن / لا ذكرت
صفوت / و ايه اللي رماك عالمر ههههههههههههههههههههههه
مازن / هههههههههههههههه اخبار الشركه ايه عاوزني امضيلك ورق صح
صفوت / بتغير الموضوع ماشي بص يا مازن انا مليش ولاد و كل ده هيروحلك من بعدي
مازن / بعد الشر عنك يا خالو ايه الكلام ده
صفوت / انا عاوز اطمن عليك تصرفاتك كلها غلط و بعدين سي زياد ده هو فاكر نفسه شريك معانا و لا ايه دا ناقص يجي يحاسبني
مازن / هو بيتعامل علي انها فلوس اخوه
صفوت / مهواش اخوك دا ابن مرات ابوك ياريته حتي كان زي مونيكا كنت قلت ماشي و يا سيدي علي راي المثل ان كان حبيبك عسل متلحسوش كلو الحسابات لما بتيجي ببقي هتجنن
مازن / خالو في ورق تحب امضيه قبل ممشي
صفوت / يا مازن ابوك نفسه مبيدلوش الفلوس دي كلها و بيتعامل معايا علي ان دي كلها مصاريفك انت
مازن / كويس انه بيهتم يسال عن مصاريفي
صفوت / متخليش حد يستغلك
مازن / محدش بياخد مني حاجه غصب عني
صفوت / بدعي ربنا كل يوم انك متتحوجش لزياد عشان ساعتها صدمتك هتكون جامده اوي
مازن / ربنا ميحوجنا لحد يا خالو
صفوت / روح مكتبك و هبعتلك الورق راجعه و امضيه
مازن / بقولك يا خالو معملك توكيل اسهل
صفوت / بعينك يابني لازم تمسك فلوسك بنفسك انت مبقتش صغير
مازن /لما اتخرج حاضر
صفوت / موت يا حمار
مازن / ههههههههههه سلام يا خالو
..............
في شقه مرام
مرام / البطاطس استوت و طفيت عليها
سميحة / طب متغرفي تاكلي و هي سخنه
مرام / مش جعانه دلوقت
سميحة / براحتك انا هقوم اروح اقعد شويه مع خالتك مديحة
مرام تبتسم و سميحة تقوم و مرام تقلب فالتي في و تنفخ
مرام / مفيش حاجه عدله
مرام تفتح الفيس
مرام / يحذر خبراء الطقس من وجود سحب من الملل ملبده بالكسل .....شير
صوت نوتيفيكيشن
بسمه امل / و تنصح المواطنين بالابتعاد عن الكتب و الخروج و الفسح
مرام / ههههههههه فصلتيني
بسمه / عقبالي عاوزه افصل بجد ماده دكتور امجد الليثي طلعت روحي
مرام / هبقي اصورلك الملخص يوم الاتنين
بسمه / تصوري ايه دانتي تقعدي تشرحيهالي
مرام / من عنيا
بسمه / متلبسي اعدي عليكي نخرج
مرام / مش هينفع خارجه مع تيته و عمتى مديحة
بسمة / الله يسهلوا يا ستي
مرام / قري قري مهو ده اللي جايبنا لورا
بسمه / هو انتي في حاجه بتحوق فيكي ههههههههههه
عطر الياسمين / ياعيني يا بنتي هي الحاله خطر و لا ايه
بسمه / ياسو شوفتي بتجهز لخروجه و زهقانه افترا بعيد عنك
عطر / ماما بتقول في سيل جامد متيجي نبص
بسمه / انا اي حاجه دايسه المهم اخرج
عطر / قشطه هكلمك فون
نونتيفيكيشن مازن عمل لوف للكومنت و شاله
مرام / ايه الهبل ده .... ادي اكونتك .... ادي اجمل بلوك .... بالشفا
مرام تحط الموبايل و تقوم
.........................
في مكتب مازن
مازن ماسك الموبايل يظهرله البلوك يدحك
مازن / ههههههه قاسيه اوى
زياد يدخل يقعد و هو بينفخ
مازن / مالك
زياد / متشغلش بالك هتصرف
مازن / حماتك
زياد / الكونتراكتور الزفت بيقول ان التعديلات اللي طلبتها مهندسه الديكور كلفته جامد و كل حاجه معاه بالفواتير
مازن / انا هخلي حد مالشركه يتابع الموضوع ده
زياد / بجد
مازن / اكيد
زياد / هتصل بطنط افرحها بقي
مازن / و انا همشي عشان واعد موني اني هفسحها هتعوز حاجه
زياد / ايوه يا ست الكل ..... لا و انا اقدر اسمعي
مازن يبتسم و يمشي
...........................
في كافيه فخم اوي
موني / انت مش طبيعي علي فكره
مازن / ليه بتقولي كدا
موني / انت متخانق مع زياد صح
مازن / لا دا الطبيعي بتاعه و انا خدت علي كدا خلاص
موني / كان نفسي اقول ان ده تاثير لبني بس مينفعش نشيل اللوم من زياد هو مش صغير عشان هي تمشيه
مازن / الحب بيخلي الانسان غبي
موني / هي لسه بتعاكسك
مازن / ايه الكلام ده
موني / ايه محصلش مشوفتهاش بنفسي يابني انت لو مكنتش حلفتني اني مقولش لحد انا كنت فضحتها
مازن / و انتي مصدقه ان زياد مش عارف او حتي مش حاسس
موني / نو واي سيريوسلى
مازن يبتسم و ساكت
موني / و مخدش موقف مكلمهاش مقطعش علاقته بيها متكلمش معاك معملش اي حاجه
مازن / طلب ايدها و هي رفضت هههههههههههههههههههههههه
موني / دا مريض و محتاج يتعالج بس تعرف ايه الاسوء حب مامي الشديد اوي ليها مش عارفه هي فيها ايه
مازن / بجد مش مصدقك يا موني
موني / تخيل
مازن / لا انا بتكلم عليكي انجي و كامل جايين وراكي
موني تبص واها و تقوم تسلم و يعملوا متفاجئين و مازن كاتم الدحك جواه
موني / معقول ايه الصدفه دي مش مصدقه نفسي
انجي / انتي بتعملي ايه هنا
موني / انتي اللي بتعملي ايه هنا
كامل / ازيك يا مازن
مازن / انا تمام و انت
كامل / تمام ايه ادبست زيي تفسح اختك الصغيره
انجي / والله
مازن / لا الحقيقه متطوع هاي انجي لونج تايم نو سي
انجي / المزاكره اعمل ايه
موني / بتكلمي مين عن المزاكره متحاوليش
مازن / هتفضلوا واقفين اتفضلوا
كامل / لا مش عاوزين نتطفل
مازن / يا راجل  ....يا راجل متقولش كدا اتفضلوا
موني / تعالي يا انجي اقعدي
انجي / احنا كنا ناويين ناخد درينك و بعدين نروح فيلم فان ديزل الجديد
مازن / يا خساره كان نفسنا نكمل معاكوا بس انا حاجز فيلم احمد عز
مونى / يا خساره يلا فرصه تانيه ....عن اذنكوا انا هروح التويليت
انجى / هاجي معاكي
موني و انجي يقوموا
كامل / ههههههه البنات دول يا اخي ميعرفوش يروحوا الحمام غير جماعات
مازن يبتسم و باصصله
...........