(((((((((((((((((((السكة شمال ))))))))))))
#لولو_محمد
الحلقه 166
صافى / والله لحد دلوقت ماشيه فى السايف صايد سواريهات بس فى المضمون اللى كنت بنفذه فى مصر نفس الخط ادم بيقولى انى محتاجه اتجرا شويه بس لسه خايفه
شريف / ادم !!!
صافى / اه معانا فى الجروب شغله حلو اوى و كمان تناسق الالوان عنده رهيب هو زيي كدا ملخبط مامته انجليزيه و باباه لبنانى بس العربى بتاعه زباله ههههههههههههههههههههههه
شريف مبتسم بس مبيدحكش
صافى / بصراحه انا محظوظه اوى انى اتعرفت على ادم هنا تعرف انه اتمرن عند واحده من اشهر دور الاذياء هنا فى لندن
شريف / ربنا يوفقك المهم تاخدى بالك من نفسك بقولك انا هقفل دلوقت و هكلمك تانى بعدين ليا دوا و هينيمنى
.....................
صافى / تمام خلى بالك من نفسك و ابقى كلمنى كل شويه طمنى عليك ... استنى شوفت كنت هنسى انا عملت شويه تعديلات فى موديل تقى و بعتها للورشه ابقى خلى حد يعدى ياخدها دى كادو منى لتقى
شريف / حاضر
صافى / سلام يا شيكو
شريف / سلام يا باربى
شريف يقفل الالخط و يحط الموبايل جنبه باب الاوضه يخبط مرام تدخل شايله صينيه اكل تحطها جنبه فيها طبق رز معمر و طبق شوربه و فرخه مسلوقه
مرام / عوزاك تخلص الال دا كله تمسح الاطباق دى انت فاهم و لا لا
شريف / تسلم ايدك تعبتى نفسك
مرام / تعبك راحه .. مالك فى حاجه
شريف يبتسم
شريف / ابدا ايه اللى خلاكى تقولى كدا
مرام / مش عارفه حسيت انك مش مظبوط
شريف / عشان مهجمتش عالصينيه يعنى لا انا ههجم بس بحاول احافظ على وقارى شويه
مرام / ههههههههههههههههه بلا وقار بلا بتنجان كل انت فبيتك عن اذنك انا بقى اشوف اللى ورايا ارجع الاقى الاكل خلصان انت فاهم
شريف يهز راسه مرام تبتسم و تطلع و تقفل الباب وراها تقابل مروه
مروه / هو عامل ايه
مرام / كويس
مروه / هو هيقعد هنا كتير
مرام / معرفش بتسالى ليه
مروه / الله مش راجل غريب فى البيت
مرام / مليش في الكلام ده دا ضيف محمود و دى حاجه بنهم
مروه / هو ايه اللى ضيف محمود مش ده صاحب مازن
مرام / ايوه بس محمود اللى اصر انه يجى على هنا
مروه / و مروحش على بيته ليه
مرام / معرفش يا مروه حاجه متخصنيش هما رجاله مع بعض يصطفوا
مروه / الواحد مبيعرفش ياخد منك معلومه
مرام / لو اعرف حاجه اقولك بس انا مبدخلش فى اللى مليش فيه
باب الشقه يخبط
مروه / هفتح اشوف مين على الله متكنش واحده من ستات الحاره مش عاوزه اقولك كبايات الشاى مبتلحقش تنشف اغسلها و املاها اغسلها و املاها
مرام / يدوم العز يجعله دايما عامر و بيت مضياف
الباب يخبط تانى
مديحه / انتوا هتفضلوا تتكلموا و تسيبوا اللى عالباب واقف
مرام / لا ازاى هفتح اهو ... ثوانى ثوانى
مرام تروح تفتح تلاقى شاب
الشاب / بيت الحجه سميحه فى طلبيه كنبه سرير
مرام / الشقه التانيه ثوانى هفتحلكوا
مرام تروح تفتحلهم الشقه يدخلوا يشيلو الكنبه القديمه ينزلوها فى العربيه و يحطوا الجديده و يفتحوها سرير قدام مرام مروه تدخل
مروه / الله دا مش شريف بس اللى هيبات هنا
مرام تبص لمروه تسكت و تمضى للراجل فى ورقه
مرام / كام
الراجل / حسابها واصل عن اذنك
مرام / استنى
مرام تطلع فلوس و تديهالهم
مرام / كل سنه و انتوا طيبين
الرجاله يمشوا و مروه تنام عالسرير
مروه / طب والله سرير مريح بياخد و يدى بشكل ودى
مرام / متتلمى يا بت
مروه تشد مرام جنبها
مروه / ايه برضه مش هتحكيلى
مازن يدخل مروه تقعد تتعدل هى و مرام
مازن / مساء الخير
مرام / مساء النور
مروه / مساء النور عن اذنكوا انا بقى اروح ابص عالاكل
مروه تبتسم لمازن بحرج و تجرى عالشقه التانيه
مرام / ايه رايك تيته جبتهالك مخصوص
مازن / حلوه اوى
مرام / بس انت متاخرتش
مازن / مروحتش فى حته وقفت عند اول محل جبت كام بجامه على كام طقم ليا و لشريف و جيت علاطول مليش مزاج اسوق و لا ليا مزاج اروح
مرام / احسن خليك جنبى هنا احسن
مازن / مينفعش يا مرام لازم اروح الشركه لازم اتابع الشغل محدش فينا هناك
مرام / ايوه كام يوم بس لحد محوار الاسهم ده يخلص
مازن/ ايوه بس حتى ده محتاج حد يتابعه
مرام / معرفش بص روح عند شريف و انا هغرفلك لقمه تاكلها و اتكلموا مع بعض فى حوار الشغل ده و الصح اعملوه تمام
مازن يهز راسه باستهزاء
مرام / فى ايه
مازن / اروح هناك فين مانتش شايفه كميه الستات اللى بقوا مقيمين هنا
مرام / لا وزعناهم تيته وزعتهم مش فاضل غير مروه و مامتها مش عارفين نوزعهم و بعدين انت هتدخل اوضه محمود و تقعد مع شريف و اقفلوا عليكوا الباب و انا هقعدلكوا عالباب ناضورجى مش هخلى حد يدايقكوا
الباب يخبط مازن يبص وراه يلاقى توفيق شايل علبه شيكولاته مرام تمسك فى دراعه
توفيق / لا مؤاخذه كنت جاى اطمن على شريف باشا قالولى واخد مطوه فى جنبه
مازن / فى الشقه التانيه
توفيق عينه عالكنبه و على مرام بيجيبها من فوق لتحت مازن يروح يزقه بالراحه بره و يقفل الباب وراه و مرام جوه
مازن / قولتلك فى الشقه التانيه تعال هوديك ليه
مازن يمسك توفيق من ايده و يسحبه لشقه مديحه الستات يقوموا يقفوا مازن يشاورلهم يهدوا و يدخل بيه اوضه شريف اللى بيقوم يقف اول ما يشوفه
توفيق / سلامتك يا باشا قولى بس مين اللى عمل معاك كدا و انا اعلملك عليه
شريف / كتر خيرك شايلينك للتقيله
توفيق / مالكوا يا بهوات واقفين ليه متقعدوا
شريف / صحيح نسينا نعزيك اصل مجدى الله يرحمه تعيش انت يا مازن
مازن / البقاء لله
توفيق / تعيش يا باشا مات مقتول بعيد عنك خدله كام غزه فى جنبه جابت اجله مع انه كان طيب و ميستاهلش بس مراته هى اللى غبيه خربت البيت و حرقت قلوبنا
محمود يفتح الباب و يدخل
محمود / بتعمل ايه انت يا ...
شريف / كان جاى يطمن عليا
توفيق / و جايب شكولاته كمان
محمود / و اطمنت حاجه تانى
توفيق / و لا اولانى بالاذن
توفيق يروح يقف قدام مازن
توفيق / بالاذن يا باشا
توفيق يمشى و مازن عينه عليه محمود يروح وراه مازن يطلع بره
مديحه / ناس باكسه انا مشوفتش كدا دا اخوه لسه مقتول و هو و لا كان فى حاجه
الست / بيقولوا هو اللى قتله
مديحه / لا
الست / كانوا بيقولوا بيقولوا اتعارك مع اخوه و قتله و الست لبستها فى البت اميره
سميحه/ بكره ربنا يظهر الحق
الست / على رايك
محمود يدخل
محمود / غار فى داهيه و قفلت البوابه بالمفتاح
مازن يهز راسه و يدخل لشريف و يقفل الباب محمود يدخل وراهم
الست / هما هيطولوا هنا
مديحه / والله معرف محمود عزمهم و انا مقدرش اقوله لا يزعل و كلو الا زعل محمود ابنى
مروه / هروح ابص عالاكل
.....................
فى محل مجبات
لبنى عماله تقيس هدوم محجبات و تبص على نفسها يمين و شمال و هى مش مرتاحه
لبنى / تفتكرى محتاج يديق شويه من هنا
ميار / محتاج يتقص و يتفصل من اول و جديد دا يلبسك انتى و تلاته من صحابك كتير اوى
لبنى / انا كمان حاسه بكدا مطخنى اوى
ميار / امال لو كان جسمك وحش كنتى عملتى ايه على العموم انتى حره اهم حاجه نفسيتك
لبنى / طب اعمل ايه ما كل الهدوم اللى قيستها كدا مفيش بقى غير انى اجيب هدوم عاديه و اطقمها
ميار / و تعملى فنفسك كدا ليه اصلا لما تلبسى كدا فى السن ده كمان عشره و لا عشرين سنه هتلبسى ايه دانا ملبستش اللى انتى لبساه ده
لبنى / هى مبتتحرش فى البتاعه دى
ميار / هى ؟!!! اااااه قولى كدا بقى لا مبتتحرش واخده عليه و بعدين انتى هتقارنى نفسك بيها دى تلاقيها كارته و لا جسمها مبقع و لا اى مبتهتمش بنفسها عشان كدا بتدارى القرف اللى تحتيه
لبنى / على فكره لا انا شوفتها
ميار / شوفتيها فين
لبنى / فى السخنه شوفتها جسمها حلو و مشدود و عادى هى مغطياه عشان هى محجبه
ميار / يعنى مفيهاش غلطه يعنى
لبنى / شكلى ايه
ميار / شكلك ايه شكلك ايه شكلك و لا مراه البواب انا عارفه هقول للناس ايه عالتخلف اللى انتى بتعمليه ده اقولك انتى حره عن اذنك
ميار تقوم تروح تقلب فى الهدوم لبنى تبص لنفسها فى المرايه بحزن و تمسك الموبايل و تقلب فى النمر و بعدين تقفله و الحزن مالى وشها و تبص للبياعه
لبنى / مفيش موديلات اصغر شويه
البنت / قولت لحضرتك كلو فرى سايز و بعدين هو لازم يبقى واسع امال حجاب ازاى
لبنى / خلاص خلاص هاخدهم كلهم و امرى لله و بعدين هشوف هتصرف معاهم ازاى بعدين
البنت / تحت امرك
لبنى تقفل الستاره و البنت تلم الهدوم كلها و تمشى
.................................
فى الجيم
شادى و انس بيتمرنوا زياد يدخل يسلم عليهم
زياد / اهلا بالبشوات
شادى / اهلا يا زوز اخبارك ايه تعازيا الحاره يا مان
انس / مازن عامل ايه انا خفت اجى اعزيه يحصل وش انت عارفنى مبعرفش امسك نفسى فى العزا بفضل اضحك لما بقلبها كوميديا
شادى / متفكرنيش دانت مسخره
زياد / مازن كويس كلنا كويسين بس حاله ملل بنت كلب
انس / باين عليك
زياد / يا راجل
انس / سيبك انت ايه يا عم اللى بيحصل فى شركه ميزو ده الاسهم اتهبلت و لا ايه انا بعت كل الاسهم بتاعتى دانا خسرت فيها و لا تمانين الف جنيه فى يوم واحد
زياد / عشان اهبل
شادى / انت بتتكلم جد و لا بتهزر يعنى ايه
زياد / يعنى الاسهم هتطلع تانى زى الصاروخ
شادى / دانا لسه بايع كل الاسهم بتاعتى مفيش نصايه
زياد / اللحق اشترى
شادى / بقولك ايه يا زياد اوعى تكون بتلبسنى انا خسرت فيها مبلغ محترم مش حمل خساره تانيه
زياد / براحتكوا بقولكوا ايه انا مش فمود لكلام انا هروح اتمرن هناك
زياد يروح يتمرن على التريدمايل انس يروح يقف جنبه
انس / مالك يا برنس
زياد / قولتلك زهقان بس
انس / عليا برده فى ايه قافش على لبنى
زياد / مش بالظبط بس طلعت فى دماغها فجاه الحجاب و الحلال و الحرام و الكلام ده انت فاهم الحاله اللى بتيجى دى لما حد قريبك يموت
انس / عارفها ياعم يومين و هترجع زى مكانت
زياد / و عشان كدا مقاوحتهاش بس فراقها فارق معايا اوى يا انس الفيلا طويله عريضه مفيهاش حد غيرى زهقان مش لاقى حاجه اضيع فيها وقتى بفكر فيها طول الوقت و هى بتقفلنى طول الوقت اعمل ايه يا انس
انس / والله لو عاوز رايي قدامك حل من اتنين يا تكتب الكتاب يا تملا مكانها
زياد / املا مكانها
انس / ايوه بنت اتنين عشره خمسين و انت شويه و لا ايه زى متيجى تيجى
زياد / يابنى انا لو اقدر ابص لاى بنت غير لبنى مكنت عملتها من زمان
انس / يا عم و هو حد قالك بدل لبنى دول تقضيه وقت تبادل مصالح زى مبيقولوا
زياد / مليش فى السكه دى
انس / يا عم جرب اقولك تعال معايا النهرده هسهرك سهره تنسيك اسمك
زياد يبص لانس
انس / يا عم جرب هتدعيلى دانا بدعيلى ههههههههههههههههههه
زياد يبص قدامه و يكمل جرى
......................
فى شقه مديحه
مديحه فارشه السفره هى و مرام و سميحه و محمود و مازن قاعدين
مديحه / والله المحشى بتاع البت مروه لا يعلى عليه
سميحه / نفسها حلو بسم الله ما شاء الله
مديحه / انا اللى معلماها على فكره كل حاجه انا اللى معلمهالها كانت كل شويه تيجى تسالنى كذا بيتعمل ازاى كذا بيتعمل ازى
سميحه / هى بت طيبه و بنت حلال
مديحه / بس زعلانه من محمود
محمود يبص
مديحه / البت بت اصول لا هتتكلم و لا هتشتكى بس العين بتقول و العاقل بيفهم
محمود / و هى زعلانه ليه
مديحه / من كتر الشغل يا قلب امك دانت مبتنامش يا حبه عينى هتكلمها امتى هتقعد معها امتى هتفسحها امتى و احنا دلوقت فى الاجازه بكره الدراسه تبدا و متلاقيش وقت تبص عليها مالبلكونه حتى دنتوا مكنتوش مخطوبين و بتقابلوا و تكلموا بعض اكتر من كدا متقوله حاجه يا مازن يابنى
محمود / اولا مروه عارفه طبيعه شغلى كويس و بعدين انتى مين قالك اننا مبنتكلمش اصلا مستحيل تكون اشتكت و قالتلك كدا دانا مكلمها امبارح تلت ساعات لما الموبايل فصل فى ايدى و حطيته فى الشاحن و كملنا كلام اعمل ايه تانى
سميحه / متعملش يا حبيبى البت مشتكتش والله و لا فتحت بقها امك اللى عوزاك تاخد بالك من نفسك و منها بنات اليومين دول بيحبوا الكلام الحلو و المشاعر و الحب و الحاجات دى عشان كدا امك بتقولك زودلها جرعه الرومانسيه شويه محصلش حاجه يعنى
محمود / والله يا تيته ما عارف اقول ايه
مازن / متقولش و خد بكره اجازه و خدها و روحوا اتفسحوا و غيروا جو
محمود / و دا وقته و احنا فى الظروف دى شريف راقد و انت زى مانت شايف انا كمان اخد اجازه منسيبها تغرق بقى
مازن/ لا متشلش هم انت كلو هيبقى تمام ... انا شبعت تسلم ايديكوا انا هقوم اغسل ايدى عن اذنكوا
مازن يقوم يدخل الحمام مرام تتكلم بصوت واطى
مرام / ايه انت زى مانت شايف دى ماله يعنى مازن
محمود / انا اقصد زعلان و مكتئب على خاله يعنى
مديحه / مالك ياختى اتحمقتى كدا ليه الواد مغلطش كل واحد مانتخ و هو اللى شايل الشغل كله
سميحه / خلاص يا جماعه مشافوهمش و هما بيسرقوا هيشوفوهم و هما بيتقاسموا و لا ايه ميمكن كلمه عاديه و مزعلش منها نخليه احنا ياخد باله نلم نفسنا خلى الايام دى تعدى على خير
مازن يطلع مالحمام و يبتسم و يروح الشقه التانيه مرام تقوم تغسل ايدها بسرعه و تروح وراه تلاقيه فارد نفسه عالسرير فى الصاله تقفل الباب و تروح تقعد جنبه يقوم يقعد
مرام / قومت ليه
مازن / عاوز انام
مرام / قوم نام جوه
مازن / و تيته
مرام / هنا سرير و هنا سرير بس جوه محدش هيزعجكك بالرايحه و الجايه و انت اصلا نومتك خفيفه فخليك جوه اريحلك
مازن / انا كلمت مونى حددوا معاد الفرح بتاعها
مرام / بجد مبروك امتى
مازن / فى اخر واحد تقريبا هتبقى فى اجازه نص السنه هيتعمل فى دبى
مرام / فرحتلها اوى
مازن / بابا مقاليش هى اللى قالتلى
مرام / يمكن مكانوش لسه اتفقوا لما كلمك و بعدين يمكن خاف على مشاعرك انت ناسى ان فرحك اتاجل و خالك اتوفى اكيد خاف يقولك تدايق او تقول مش وقته او اى حاجه
مازن / بابا فاكر اننا سبنا بعض يا مرام عشان كدا بيعاملنى كويس عشان كدا سافر و هو مطمن و سابنى تفتكرى لو عرف اننا رجعنا لبعض هيعمل ايه
مرام / سبها على الله انت هتقدر البلا قبل وقوعه ميمكن عارف هو فى حاجه فى الدنيا بتستخبى باذن الله خير
مازن / مونى بتقولى نعمل فرحنا معاها
مرام / فى دبى ؟
مازن / انتى ايه رايك
مرام / ميتهياليش ينفع يا مازن اهلى و تيته كل دول هعمل فيهم ايه بس ممكن نعملها قبلها بكام يوم و نسافر شهر العسل فى دبى و نحضر الفرح ايه رايك
مازن / بس مين هيبقى فاضى يحضر يعنى اكيد كل عيلتى هتبقى مشغوله فى تجهيزات الفرح هناك و السفر رايح جاى مش لعبه يعنى
مرام / و ماله نعمل الفرح بالليل عادى لاهلى و بعدين نسافر نعمل اللى انت عاوزه هناك ايه رايك
مازن / سبيها لله هقلبها فى دماغى و ربنا يعمل اللى فيه الخير
مرام / بالظبط دلوقت ارتاح انت شويه و انا هشطب المواعين و اقفل المطبخ و احصلك
مازن يهز راسه و يبتسم
..........................................
فى شقه ميار
لبنى قاعده بلبس المحجبات و زياد قاعد و قدامهم عالترابيزه هدايا كتير
زياد / شكلك حلو اوى بالحجاب
لبنى / شكرا
زياد/ تعرفى ان البيت وحش اوى من غيرك فاضى عليا انا مليش غيرك يا لبنى
لبنى / زياد احنا
زياد / انا عارف انا عارف بس اعتبرينى جاى اتقدملك من اول و جديد نكتب الكتاب و تيجى تعيشى معايا و وقت ما تحبى نعمل الفرح تعالى معايا حتى لو كل واحد فينا نام فى اوضه بس خليكى جنبى خلينى اشوفك
لبنى / زياد لو سمحت
زياد / هو احنا هنكتب الكتاب بكره انا بس بعرض عليكى الفكره انا جبتلك تزاكر باريس و حجزتلكوا فى احسن فندق هناك جناح ملكى سافرى و اتفسحى و غيرى جو و فكرى لما ده هديتى ليكى امال شهر العسل بتاعنا هيبقى عامل ازاى
لبنى تبتسم و تبص الناحيه التانيه
زياد / انا بحبك و اللى يلاقى حد بيحبه فى الزمن ده لازم يمسك فيه بايده و سنانه
لبنى تبصله
زياد / بصى شوفى انا جبتلك ايه .... السلسله دى هتاكل من رقبتك حته جبتها طويله عشان الحجاب شوفتى انا بعمل حساب كل حاجه ازاى شايفه دا اللماظ حر تحبى اللبسهالك و لا تلبسيها لوحدك
لبنى تاخدها منه و تبتسم يبتسم
............................
فى شقه مرام
الباب يخبط مرام تفتح باب الاوضه و هى بتلبس الاسدال و تفتح الباب تلاقى لبنى قدامها بالحجاب يبتسموا لبعض
مرام / اتفضلى تعالى ادخلى
لبنى / ياريت مكنش جيت فوقت مش مناسب
مرام / ابدا ابدا تعالى تعالى
لبنى / انا جيت اطمن على شريف روحتله البيت البواب قالى انه مسافر روحتله عند مازن قالولى مجاش كلمته قالى انهم هنا هو و مازن يعنى هنا
مرام / اه هنا اوعى تكونى قولتى لاهل شريف حاجه احنا مش قايلينلهم
لبنى / لا متخافيش انا اتكلمت مع البواب و سالت عنه بس و لما قالى مسافر فهمت انه مقالهمش حاجه
مرام / طب ادخلى اقعدى انتى هتفضلى واقفه عالباب كدا
لبنى تدخل تقعد عالكنبه
مرام / تحبى تشربى ايه
لبنى / و لا اى حاجه متتعبيش نفسك انا مش ضيفه
مرام / انا هعمل لنفسى شاى اعملك معايا فى عندنا نسكافيه و قهوه و يانسون و نعناع و شاى و لبن و عندنا كمان عصير مانجه و جوافه و موز لو تحبى اعملك عصير و فى كاكاو كمان قولى بس
لبنى / و لا اى حاجه شكرا
مرام / ثوانى و هاجى
مرام تدخل المطبخ و لبنى تبص يمين و شمال تروح تفتح البلكونه تشوف هدوم مازن منشوره عالحبل تمسكها تلاقيها ناشقه تلمها و تدخل تلاقى مرام واقفه معاها صينيه عليها كاسين و ازازتين حاجه ساقعه
مرام / خلى الشاى بعدين ... انتى لميتى الغسيل هههههه تعالى ...تعالى اقعدى
لبنى تروح تقعد
لبنى / هو مازن و شريف فين هناك عند محمود
مرام / اه شريف هناك لكن مازن نايم جوه
لبنى / مازن نايم هنا جوه ؟!!!!!
............................
أنت تقرأ
السكه شمال بقلم / لولو_محمد ( كامله )
Romanceشاب ثرى متعدد العلاقات يقع فى حب فتاه ملتزمه فقيره و يرفض محيطه هذه العلاقه و يحاولون التفريق بينهما
