السكه شمال بقلم / لولو_محمد ( كامله )

الجزء 23

(((((((((((السكة شمال )))))))))))
#لولو_محمد
الحلقه الثالثه و العشرون
محمود / طب هو مش عارف بيقول ايه انتى بتتكلمى معاه الساعه اتنين بالليل ليه و مش اول مره كمان
مرام / دا كان باعت صور الحفله
محمود / انتى فاطره مستهبله عالصبح و لا انتى ايه حكايتك
مرام / فى ايه يا محمود اتكلم عدل
محمود / هو ايه اللى كل متتزنقى تقولى اتكلم عدل اتكلم عدل انا عدل انتى بقى مالك فى ايه
مرام / خد بالك انت بتغلط تانى و انا المرادى مش هسمحلك انت فاهم
............................
سميحه تطلع من جوه
سميحه / بتزعقوا ليه يا ولاد فى ايه
محمود / اسالى الست هانم بتسهر بالليل ترغى مع مين بعد مالكل ينام
مرام / احترم نفسك و اتكلم عدل 
محمود / زمانه بيدحك هو و صحابه عليكى الست هانم المحترمه بتسهر تكلمنى الساعه اتنين بالليل
مرام / مفيش فايده فى الكلام معاك
مرام تيجى تمشى يشدها
محمود / استنى هنا بكلمك
مرام / اوعى سبنى انت اتجننت و لا ايه
سميحه تفصل بينهم
محمود / انتى لسه شوفتى جنان
محمود يتصل بمازن من موبايل مرام
مرام / سيب الموبايل انت بتعمل ايه
مرام تحاول تاخد الموبايل منه يزقها تتخبط فى النيش و تقع فى الارض ماسكه ضهرها
محمود / انت فين عاوز اقابلك .... لا حالا .... مسافه السكه و اكون عندك
محمود ياخد الموبايل و يمشى و سميحه تجرى وراه عالسلم متلحقوش
سميحه / استنى يا محمود استنى يابنى بلاش مشاكل يا محمود
مديحه تطلع من جوه
مديحه / فى ايه يا سميحه ايه اللى حصل
سميحه / و انا عارفه ايه اللى حصل الواد اتجنن خلاص استر يارب
..................................
فى شقه مازن
مازن يفتح الباب لمحمود يدخل يقفل الباب
مازن / صباح الخير تشرب ايه
محمود / بص انا جايلك فى كلمتين و رد غطاهم
مازن / مكنتش قولتهم فى التليفون
محمود / فوشك احسن
مازن / و انا سامعك
محمود / مالاخر انت لما قولتلى انى كارهك مكدبتش انا فعلا كارهك بس مش كارهك عشان غنى و عندك فلوس عشان انا عينى مليانه انا كارهك عشان انا بكره الفشل و انت بالنسبالى ايكونه فشل ربنا اداك كل حاجه و انت اخترت بكل ارادتك انك تكون فاشل
مازن يبتسم
محمود / انا مش بتكلم عالدراسه بس انا بتكلم عن كل حاجه فحياتك اوعى تفتكر انك حاجه او تقدر تكون حاجه انت السيط اللى عليك بسبب فلوسك و الكام بت شمال اللى لاممهم حواليك و اللى يوم مفلوسك تخلص هيحلقولك زى مكل اللى حواليك هيحلقولك و ساعتها هتكتشف انك و لا حاجه
مازن / خلصت
محمود / انت عاوز ايه من مرام
مازن / مرام !!! طب متقول كدا مالاول بدل الداخله دى
محمود / اوعى تفتكر انها زى البنات الشمال اللى عرفتهم و اوعى خيالك يسرح بيك و تفتكر ان السكه سالكه انا واقفلك فيها انت فاهم و كل مره هتحاول تقرب فيها منها هكون واقفلك و مش هسمحلك ماشى
مازن / كويس
محمود / هو ايه اللى كويس
مازن / متسمحليش اقرب منها بص يا محمود انا مش عارف انا عملت ايه عشان تيجى تنفجر فوشى كدا بس اللى انا عارفه ان لحد دلوقت محاولتش حتى اللمح ان فى فنيتى اى حاجه ناحيه مرام قصاد انك تترعب منى اوى كدا
محمود / اترعب
مازن / انت مش واثق فى مرام و لا مش واثق فى نفسك
محمود / استفزازك مش هياكل معايا و مش هسمحلك تسحبنى فى السكه دى عشان انا خلاص فهمتك و فهمت كل حركاتك كويس انت تتصل بيا متاخر عشان عارف انى هقفلك تقوم تتصل بيها و ساعتها اصلى كلمت محمود و قفلنى و بعدين تجيلى و تقولى ساعدنى انجح ادينى كورس فارفض و ساعتها حجه مرام اللى قالتلها لخالك ميروح لمحمود تبطل فالسكه تفضالك و تلاقى سبب تتعامل معاها بيه صح
مازن / اوسكار احسن خيال علمى كمل كمل
محمود / الحفله خلصت و الصور بعتها ايه الحجه الجديده اللى هتحاول تقرب بيها من مرام بعد محرقت خطتك انها تساعدك فى الدراسه و تديك كورس
مازن يبتسم
محمود / سلام
محمود يفتح الباب و ينزل و يرزع الباب وراه
مازن / سلام
.........................
فى البيت
مديحه / الواد مبيردش عالتليفون و الصلاه هتبدا
سميحه / سبيه يمكن راح المسجد
مديحه / ابنى و انا عرفاه هيروح يجر شكله و هينضرب
سميحه / لا مش هيعمل كدا
مديحه / انا بس عاوزه اعرف ايه اللى حصل لكل ده
سميحه / خلاص بقى يا مديحه دلوقت يرجع و نفهم منه كل حاجه
مديحه / طب متشوفى يمكن تلاقى نمره اللى اسمه مازن ده على موبايل مرام
سميحه / خده معاه و هو نازل
مديحه / يادى النيله
سميحه / و بعدين ممكن تهدى بقى ركبتينى العصبى انا هدخل ابص على مرام
مديحه / انا هطلع البلكونه يمكن يكون جاى اشوفه و يرتاح قلبى
...............................
فى المسجد
اسعد / حرما يا حوده
محمود / جمعا يا حج
اسعد / مالك يابنى شكلك مدايق
محمود / لا مش مدايق و لا حاجه يا حج انا كويس الحمد لله
اسعد / على ابوك الحج ياله
محمود يبتسم
اسعد / قول ياله محتاج حاجه ناقصك حاجه
محمود / خيرك سابق يا حج كتر خيرك مش ناقصنى حاجه الحمد لله
اسعد / طب بقولك ايه متيجى تتغدى معانا خالتك ام مروه عامله فته كوارع انما ايه تاكل صوابعك وراها
محمود / يدوم العز يا معلم بس انا لازم اروح فرصه تانيه ان شاء الله
اسعد / ياض هو فرصه تانيه احسن من دى
محمود / عن اذنك يا حج
محمود يمشى
................................
فى شقه مازن
جرس الباب يضرب مازن يفتح
نورا / فى ايه خير قلقتنى جيت على ملا وشى
مازن / هطق و مفيش غيرك اقدر افك معاه
نورا / كملت قول فى ايه خير
مازن / هى ايه اللى كملت
نورا / لا قول انت الاول عشان انا لو اتكلمت مفيش حوار هيتفتح بعده
مازن / مرام 
نورا / مالها
مازن / ده خط جديد حطيه فى موبايلك و اتصلى اطمنى عليها
نورا / و ليه اللفه دى مكلمها من موبايلى عادى
مازن / محمود اتصل بيا من موبايلها و لما جه فضل يزعق و انى ابعد عنها و كدا و الواد ده مجنون و خايف يكون اتغابى عليها
نورا / بمناسبه ايه يعنى ماله هو و مالها
مازن / هتكلميها و لا لا
نورا / هات الخط
مازن / اتفضلى
نورا تفتح موبايلها و تركب الخط و تتصل
نورا / مقفول
مازن ينفخ
نورا / بغض النظر عن محمود و جنانه انا عندى حوار اهم لازم تعرفه
مازن / اشجينى قولى
نورا / نيفين حامل
مازن / الف مبروك اعمل ايه
نورا / نيفين بتقول انه ابنك
مازن / هى عبيطه صح
نورا / مازن
مازن / مازن ايه مانتى عارفه كويس انى مش هسيب اى احتمال و لو واحد فى المليون ان ده يحصل
نورا / المشكله انها قالت للبنى
مازن / متقول ان شالله تسافر لبابا نفسه تقوله انا و انتى و كل البنات اللى عرفتهم بما فيهم هى عارفين و متاكدين انى بعمل حسابى و مبسبش حاجه للظروف و ان كانت ناسيه افكرها و على العموم مش هخسر حاجه تحليل دى ان ايه صغير و احطه فى عينها مالاخر هى عارفه كويس ان انس هيقولها تنزله فقالت تلزقهولى
نورا / انا عمرى مشوفتك كدا
مازن / عوزانى اعمل ايه هو دى اول مره يعنى اتحط فى الحوار ده مكان على يدك قبل كدا فاكره لما طلبت مليون جنيه عشان تنزله قولتلها روحى اولديه و طلعت مش حامل اصلا بنت النصابه دى هى كان اسمها ايه مش فاكر الله يحرقها مطرح مهى
نورا / كارما
مازن / يمكن
نورا / ممكن تهدى
مازن / اهدى ايه بس يا نورا انا مش طايق نفسى
نورا تقف ورا مازن و تدعك كتافه بايديها مساج يشيل ايدها
مازن / مش فالمود دلوقت هدخل اشوف حاجه اشربها اعملك حاجه
نورا / اى حاجه
مازن يدخل المطبخ و نورا واقفه مكانها بتبص عليه و تبص فى الارض
................................
فى شقه مرام
محمود يدخل
محمود / السلام عليكم
مديحه / كنت فين يا موكوس
محمود / كنت بصلى الجمعه فى ايه
مديحه / انت هتستهبل يا وله سايبنى بهرى و انكت فى نفسى و الشيطان يجبنى و يودينى و قافل موبايلك و تقولى بصلى الجمعه
محمود / هى تيته فين
مديحه / قاعده مع مرام جوه مبتفصلش عياط
محمود يروح يخبط على باب الاوضه سميحه تطلعله
محمود / انا اسف
سميحه تبص على مرام
سميحه / دى عمله تعملها
محمود / ممكن اكلمها
سميحه / يا مرام محمود عاوز يكلمك
مرام تديها ضهرها
محمود / انا هعد من واحد لتلاته و هخش حطى الطرحه و الا انتى حره بقى ... 1,,,,,2,,,,,,2.5 .... 3 انا داخل وسعى يا تيته
مرام تحط الطرحه على راسها و محمود يدخل
محمود / انا اسف
مرام متبصش حتى محمود يروح جنبها و يديها الموبايل
مرام / متخليهولك اهو تراقبنى منه كويس
محمود / انا مكنتش براقبك و لا كنت بدور وراكى الرساله جت و انا واقف و لما لقيت اسمه فتحتها بس اللى دايقنى الحوار اللى قبلها
مرام / حوار ايه انت اللى عقلك مريض
محمود / كلامكوا لو كان فى اى وقت فالنهار كنت اعديه لكن وقته يا مرام احنا شباب زى بعض و انا عارف هو بيفكر ازاى و عارف نوعيته اللى زى ده مبيجيش من وراه غير المشاكل
مرام / و انت ايه ملاك
محمود / لا مش ملاك بس بخاف عليكى يا مرام انا و انتى ملناش غير بعض
مرام / كنا دلوقت كل واحد فينا من سكه و انا حذرتك قبل كدا
محمود / انا جبتلك شيكولاته
مرام / انت فاكرنى عيله تضربنى و تراضينى بشيكولاته
محمود / طب تتقطع ايدى لو كنت قاصد اضربك انا جيت ازقك جت جامده
مرام / طبعا مانت سبع رجاله فى بعض امال لو مكنتش مضروب خمسين مره قبل كدا قدامى
محمود / هههههههههههههههههههه هما بقوا خمسين خلاص والله مكان قصدى اقولك حاجه اضربيهانى
مرام / امشى يا محمود
محمود / لا انا مش همشى الا لما تسامحينى
مرام / يبقى روح هات عزالك عشان عمرى مهسامحك اقولك مسامحاك امشى
محمود / مش عاوزه تعرفى انا عملت ايه معاه
مرام / ميهمنيش لا انت و لا هو تهمونى خلاص خلصت
محمود / ماشي بس بكره الايام تثبتلك مين اللى قلبه عليكى و مين اللى ... عن اذنك
مرام متبصلوش محمود يطلع بره
............................
تانى يوم فى الكليه
محمود و مرام و مازن فالمحاضره كل وحد قاعد فى حته
الدكتور / انا كدا خلصت المنهج اللى باقى فى الكتاب ملغى حد عنده سؤال .. المحاضره الجايه هخليها للى عنده اى سؤال فى المنهج و دى هتكون الاخيره و دى من عندى و مفيش غياب
الدكتور يمشى و الكل يقوم يطلع محمود يطلع يقف بره اول ممرام تقف يوقفها
محمود / مرام
مرام تبص يمين و شمال
مرام / نعم
محمود / صباح الخير
مرام / صباح النور عن اذنك
محمود / متبقاش راسك ناشفه بقى
مرام / انت مكفكش البيت عاوز تعمل فضيحه فى الكليه كمان
محمود / و انا عارف اكلمك فى البيت يا مرام
مرام / يبقى متكلمنيش يا محمود
مازن يعدى يخبط محمود فكتفه و يمشى و محمود يبص عليه
محمود / شوفتى
مرام / انت كبير و تعرف تحل مشاكلك لوحدك سلام
مرام تمشى و محمود ينفخ
..........................
فى دار ايتام
مرام ماسكه بنوته صغننه بتسرحلها شعرها و شابه تانيه قاعده بتسرح لبنوته تانيه
البنت / و هو جايله ايه لما يدفع كل ده
مرام / هو بيقول عنده هوايه التصوير
البنت / اه بس بتقولى انه كان جايب ناس معاه مش بيصور لوحده و فيديو و كاميرات ليه يدفع لدول من جيبه اللى بيحب يصور يصور هو مش يصور و يجيب ناس تصور و يكلف الحفله و يجيب مغنى و يدفع الفلوس دى كلها
مرام / اللى معاه قرش و محيره بقى يا انتصار الله انا مالى هو حر
انتصار / انا بقول يعنى مكنش يجي يبص عالبنات الغلابه دول اولى
مرام / و هو هيستفيد ايه بدول يعنى
انتصار / و هو استفاد ايه بالحفله دى
مرام / اكيد استفاد اكيد يعنى عمل شو او قابل الوزير و عمل الحفله حجه و جاب لنفسه شغل
انتصار / متدينى رقمه اكلمه انا يمكن البنات يصعبوا عليه
مرام / متزليش نفسك عالفاضى
انتصار / انا لو هبوس الايادى و الرجول عشان البنات دول هبوسها يا مرام انتى مش شايفه الوضع و مديره الدار مكبره دماغها عالاخر و الكام جنيه عالكام لعبه اللى بيجو يوم اليتيم و الناس بتتصور مع العيل مبيعملوش حاجه
مرام / يا بنتى اللى زى ده مبيجيش من وراهم خير
انتصار / هجرب هخسر ايه مكالمه تليفون و يا ستى لو عاوز يعمل شو و يتصور مالكل بيجى و يتصور جت عليه يجى و يتصور بس البنات يطلعوا باى حاجه ... خلصت روحى اللعبى مع اخواتك
البنت الصغيره تمشى
انتصار / بصى انا عارفه انه زميلك و مش عاوزه احطك فى موقف محرج انا هفتح موبايلك و هاخد النمره و مش هجيب سيرتك خالص ماشى
مرام / اعملى اللى يريحك بس انا قولتلك
انتصار / ادينا بنسعى البنات ناقصهم حاجات كتير اوى يا مرام ده علبه اللبن بتاعه شهد بقت بالشئ الفلانى و ياريتها بتقضيها
مرام / خدى موبايلى اهو اسمه مازن منتصر لعله يجى بفايده
انتصار / يارب هاتى 
..................................
فى الفيلا
زياد / دى بت هبله انا قولت لانس على فكره و قالى لو مش عاوزه تنزله تشربه
مازن / الحوار ده قفلنى اكتر مانا مقفول
زياد / لا بس هى اللى غلطانه
مازن / و هو كمان
زياد / مهو قال هيدفع تمن العمليه عاوزه يعمل ايه تانى
مازن / المفروض اقول ان دى مشكلتهم هما الاتنين و يولعوا ببعض و احنا مالنا بس مدايق برده
زياد / ايه انت شاكك فحاجه
مازن / لا مش الفكره بس العيل ده
زياد / لسه مبقاش عيل تنزله دلوقت اسهل و احسن
مازن / ادى اخره العك و القرف اللى بنعمله
زياد / الواد انس قال كلمه طلعت من بقه حكمه والله
مازن يبصله
زياد / بيقول لما لقت انها طولت معاه و مفيش امل حبت تدبسه و انها عارفه انه هينفضلها فقالت تلزقهولك انت
مازن / لا دى اهبل من كدا بكتير دى بتخاف من خيالها و ابوها كلنا عارفينه مفيش حد هيقف فى ضهرها و هتضيع الله يعينها زمانها ميته مالرعب دلوقت
زياد / لا بس هى غلطانه برده دا لبنى مبتفوتش حبايه يا جدع منبه منبه
مازن يبصله
زياد / مع انى هموت على حته عيل الدنيا دى ماشياها عكس
مازن / اخبار حوار الفرح ايه
زياد / عماله تزن ناجله لما نتخرج و سنتين و مش سنتين عشان نتفرغ لبعض و النونو و كلام اهبل انا و انت عارفين انها حجج
مازن / الله يعينك عليها
زياد / الفتره اللى سبنا بعض فيها دى الكام يوم دول كنت تعبان فيهم اوى يا مازن مكنتش انا بحط راسى عالمخده بس مبنامش عارف زى مكون انسان اللى مبيحسش بياكل بس منغير نفس بحبها اوى يا مازن بحبها
مازن / و هى
زياد / بتحبنى حتى لو بتحاول متبينش ده بس بتحبنى و بتموت فيا كمان و بتغير عليا موت مشوفتهاش عيطت ازاى لما شافتنى مع غيرها ههههههههههه بس هى مبتحبش تبين خايفه انى لو حسيت انى ملكتها متعبش عشانها هبله اوى مش كدا متعرفش انى حتى لو حاولت مش هقدر
مازن / ربنا يسعدك و يهديهالك
زياد / امين اخبار مرام ايه
مازن يهز راسه لا
زياد / ههههههههههههههههههه انت لحقت عشان تستسلم
مازن / محمود قرانى قالى خطتى فوشى و قالى انا واقفلك فيها
زياد / هههههههههههههههههههههه بتهزر
مازن / و طارت كل الفلوس اللى دفعتها فى الحفله عالارض
زياد / و انت هتغلب يعنى
مازن / اكلمك بصراحه

زياد / قول
مازن / كل الرهانات اللى قبل كدا كنت عاوز اكسب الا ده
زياد / و هتتنازل عن شقه مامتك الله يرحمها بالبساطه دى دانت اشتريت البيت كلو و هتفرط فى الشقه
مازن / اقولك سر
زياد / متتكلم علاطول يا عم اقولك الصراحه اقولك سر
مازن / ههههههههههههههههه من اول يوم مرام دخلت فيه الكليه و هى معلقه معايا
زياد / خدت بالى
مازن / هههههههههههههههه بجد
زياد / مش يوميها لما كنت هتخبطها بالعربيه و فرملت فى اخر لحظه و لبست انا فالتابلوه يا عم هو ده يوم يتنسى
مازن / من يوميها و فى جوايا صوت بيقولى ابعد عن البت دى نهائي 
زياد / ههههههههههههههه معلش شده و تزول زى غيرها
مازن / انا طالع اريح شويه
زياد / بدرى كدا ماشي يا عم تصبح على خير
مازن / و انت من اهله
مازن طالع السلم تليفونه يرن
مازن / الو
صوت / استاذ مازن
مازن / ايوه مين حضرتك
صوت / انا انتصار مرتضى بشتغل فى دار ايتام بكره احلى للبنات
...............................