السكه شمال بقلم / لولو_محمد ( كامله )

الجزء السادس عشر

((((((((((السكه شمال ))))))))
#لولو_محمد
الحلقه السادسه عشر
زياد / اهلا اهلا ابو حميد ايه يا راجل كل ده تاخير
الشاب / والله المواصلات
زياد / و لا يهمك قولتلى فى التليفون انك هتظبطنى
الشاب يطلع ورق
زياد / كل حاجه
الشاب / كل المعلومات اللى حضرتك طلبتها عن مرام موجوده هنا
................................
زياد / حبيبى .... خد
زياد يدى الشاب فلوس و الشاب يمشى و زياد يقرا الورق و مازن يدخل
مازن / الواد ده بيعمل ايه هنا
زياد / هههههههههههههههه ايه مينفعش استخدم اسلوبك و لا ايه
مازن يشد الورق من ايده و يبص لزياد بعصبيه
مازن/ مرام برضه
زياد / اه
زياد يطلع عالسلم
مازن / قسما بالله يا زياد لو فكرت بس
زياد يقف و يبصله مازن يسكت و يطلعله
مازن / بص احنا بنلعب زى ماحنا عاوزين بس بنقى بنات شمال نلعب بيهم عشان ميجيش يوم و يجى حد يلعب بمونى يا زيزو فكر فمونى
زياد / انت مش هتيجى عيد ميلاد مروان
مازن / زياد
زياد / انا مش عارف انت عامل حوار عالبت دى ليه عشان محترمه يعنى مقولتلك هتجوزها يا اخى و متقلقش هى مش هتتجوزنى عشان سواد عيونى هتتجوزنى عشان فلوسى و فالاخر هتطلعلها بقرشين حلوين مكنتش تحلم بيهم يعنى
مازن / اللهم طولك يا روح
زياد / هى البت دى تخصك يا مازن عينك منها يعنى
مازن / مساله مبدا يا زياد
تليفون زياد يرن
زياد/ الو ايوه يا قلبى لا مش هتاخر مسافه السكه
زياد يشاور لمازن و يطلع و مازن واقف مستغرب
..........................
فى شقه مرام
مرام تطلع مالمطبخ تترمى عالكنبه و تنفخ و تمسك الموبايل و تكتب
مرام / مين قال اننا محتاجين نروح جم عشان نعمل عضلات فى ادينا ابسلوتلى امال دعك المواعين ده اخترعوه ليه يارب المواعين تموت
نوتيفكاشن كومنتات
ساحره الجنوب / عاش يا وحش
مرام / بكره يا ملوخيه تيجى تحت المخرطه
ساحره الجنوب / الله ملوخيه والله نفسى فيها
مرام / بس كدا غالى و الطلب رخيص اعملهالك بعد بكره مخصوص
ساحره الجنوب / اشمعن يعنى بعد بكره
مرام / عشان بكره مفيش ملوخيه فى المنيو ايه انتى مش متابعه عالجروب و لا ايه
ساحره الجنوب / يخربيت الزهايمر يا بنتى مش انا اكونتى اتهكر الاكونت ده لسه ملحقتش ادخله جروبات
مرام / تدفعى كام و انا اضيفك ههههههههههههههه
ساحره الجنوب  / هجيبلك السينابون اللى انتى بتحبيه و فاشله فى عمايله يا فاشله هههههههههههههههه
سميحه تدخل من عند مديحه
سميحه / انتى لسه صاحيه يا مرام
مرام / لسه مخلصه المواعين و هدخل انام اهو
سميحه /خدينى معاكى مش شايفه قدامى
مرام / تعملى حسابك فى جهازى مفيش المونيا كلو تيفال
سميحه / هههههههههههههههههه بس كدا غساله اطباق كمان
مرام / ماشى
سميحه و مرام يدخلوا يناموا
..................................
فى الحفله
زياد يدخل الحفله و معاه بنت زى القمر و عنين الكل عليهم يروح لنورا و انس واقفين فى جنب
انس / اتاخرت كدا ليه قولنا مش هتيجى
البنت / سورى انا اللى اخرته على مجهزت
انس / لا حقك طبعا
زياد يبص يمين و شمال
نورا / حلوه الفيلا مش كدا
زياد / اه حلوه اكبر من القديمه
نورا / فعلا
زياد / امال مروان فين مش شايفه
انس / كان هناك من ثوانى مش عارف راح فين
نورا / هناك اهو مع لبنى
زياد يبص يلاقى لبنى مسخسخه مالدحك و لابسه جمبسوت اسود و حزام سلسله دهبى و مروان حاطت ايده حوالين وسطها زياد يشد البنت اللى معاه و يروح يقف يسلم على مروان
مروان / اهلاااا زيزو ايه يا عم اتاخرت كدا ليه
زياد / كل سنه و انت طيب اتفضل
مروان / تعبت نفسك اوى
لبنى و زياد و البنت عمالين يبصوا لبعض
لبنى / هاى زياد
زياد / ازيك
لبنى / انا تمام مش هتعرفنا و لا ايه
زياد / برديس لبنى لبنى برديس
لبنى / نيس تو ميت يو
مروان / طب ثوانى و راجع خدوا راحتكوا البيت بيتكوا
مروان يسيبهم و يطلع فوق و التلاته يبصوا لبعض
لبنى / سمعت ان مونى سافرت ها
زياد / اه سافرت
لبنى / اوك انا هسيبكوا بقى سى يو باى
لبنى تطلع فوق و زياد بيبص عليها
برديس / انا عطشانه ممكن تجيبلى حاجه اشربها بليز
زياد / طبعا روحى اقفى مع نورا و انس و انا ثوانى و هاجى
زياد يبتسملها تروح لنورا و انس و يطلع هو فوق بيجرى و يفتح الاوض اوضه التانيه التالته يلاقى لبنى قاعده عالسرير مدياله ضهرها تبص عليه و ترجع تبص قدامها تانى
لبنى / بتدور على حد
زياد / بتعملى ايه هنا
لبنى / و انت يهمك فى ايه
زياد يروح يشدها من ايدها
زياد / ردى عليا عدل لما اكلمك
لبنى / سيب ايدي روح اتشطر على الكلبه اللى انت ساحبها معاك هنا اسمها ايه اه برديس
زياد يبتسم
لبنى / و لا اقولك روح للهانم اللى عاوز تتجوزها
لبنى تبص الناحيه التانيه
زياد / و فيها ايه مش انتى سبتينى مش انا برده اللى مش هلاقى واحده تبصلى
لبنى / و لقيت مبروك عاوز منى ايه بقى
زياد / مش عاوز عن اذنك
زياد يروح ناحيه الباب لبنى تقعد عالسرير و تعيط زياد يبصلها و يقفل الباب و يرجعلها يقعد جنبها و ياخدها فى حضنه
لبنى / ابعد انا بكرهك
زياد / و انا بحبك و انتى عارفه
لبنى / مين الكلبه دى
زياد / انسى عشان انا كمان محاسبكيش على ايد سى مروان اللى اتحطت على وسطك
لبنى / كنت بغيظك
زياد / خالصين
لبنى / لا مش خالصين انا عمرى مفكرت انك ممكن تسبنى
لبنى تقوم تقف و تديه ضهرها يقوم يحضنها
لبنى / انت فاكرنى ايه يقولولى زياد هيتجوز مستنى منى اعمل ايه
زياد يلفها فى حضنه
لبنى / انا عمرى مهسامحك
زياد يبوسها من رقبتها
لبنى / اوعى سبنى روح للكلبه بتاعتك
زياد يبوسها تانى
لبنى / خلى ست مرام بتاعتك تنفعك
زياد / مرام مين دى اللى ابصلها دى اخرها تنضف الحمامات فى القاعه اللى هنتجوز فيها 
لبنى / بتحبنى
زياد / لو مكنتش بحبك مكنتش جبتلك ده
زياد يطلع من جيبه علبه فيها خاتم و ينزل على ركبته
زياد / تتجوزينى
لبنى تمد ايدها زياد يقوم يقف و يلبسها الخاتم و يبوس ايدها ترفع ايدها بالراحه لحد متوصل لكتفه و تمسكه مالياقه جامد و تشده عليها
لبنى / عارف لو فيوم كررت الحركه دى تانى هعمل فيك ايه
زياد / متسبنيش تانى و انا مش هكررها
لبنى / انت فاكر ايه انا عملت ده عشانك عشان تتحرك تفتكر سهل عليا اشوفك بتنضرب من العيل التافه ده فاكر انه سهل عليا حبيبى يبقى نمره اتنين فى الشله انت مش ناقصك حاجه انت احسن منهم كلهم انت اللى مكسل
زياد / لبنى
لبنى / انا عوزاك احسن واحد عوزه الكل يعملك حساب
زياد / حاضر من عنيا
لبنى / وعد
زياد / اوعدك انك هتشوفى زياد تانى خالص الفتره الجايه
لبنى تبتسم
زياد / اما بقى لسى محمود و الكلبه بتاعته فانا مجهزلهم حاجه كدا هتطلع من نفوخهم
لبنى تحرك حاجبها وتنزله و هى مبسوطه
..................................
تحت عند انس
برديس تبص يمين و شمال
انس / بتدورى على زياد
برديس / الحقيقه لا
انس / يا شيخه
برديس / هههههههههههههههههههه كان يو كيب اسيكرت
انس / فبير
برديس / انا و زياد اتفقنا انه هيوصلنى بس و المرواح بقى دى مشكلتى
انس / اااااااه
برديس / متعرفش حد يوصلنى
انس / دانتى تؤمرى
...................................
فى شقه مازن
مازن قاعد بيلعب عالموبايل
مازن / جروب ايه ده
مازن يقوم يروح عالتسريحه يلاقى محفظته و جنبها ورق مطبق يمسكه و يرجع ينام عالسرير و يبص فى الورق جرس الباب يضرب يقوم يبص مالعين و ينفخ و يدخل تانى يمسك موبايله
مازن / ايوه يا خليفه نايم و لا ايه .... معلش اطلع لم الزباله من عالسلم ..... اقفل البوابه و كمل نوم
مازن ينام عالسرير و يبص فى الورق تانى
........................
فى الكليه تانى يوم
الكل قاعد
نورا / ادفع نص عمرى عشان خاتم زي ده
لبنى / كان عامله مخصوص عشانى
نورا / و الفرح امتى بقى
لبنى / فرح !!! مين جاب سيره اى فرح دى مجرد خطوبه
نورا / واو
لبنى / ايه كنتى متوقعه حاجه تانى مثلا هههههههههههههههههههه
زياد و انس يدخلوا
انس / هههههههههههههههههههههه انت داهيه
لبنى / دحكونا معاكوا
زياد / هندحك بس امال نوفى و ميزو فين صحيح
لبنى / جاى هناك اهو
مازن يقعد
مازن / اهلا
لبنى / مش هتقولنا مبروك
مازن / مبروك على ايه بقى
زياد / انا و لبنى هنتجوز
مازن / هوراااااى
لبنى / بفكر نعمل كام فقره افتكاسه ايه رايك يا زيزو
نورا تبصلها و تبص لمازن مبتسم و بيحاول يدارى
زياد/ تؤمرى يا قلبى ميزو فاكر الواد اللى انت عملت لاخوه فيديو كليب فى فرحه
مازن / عبد الله الخطيب ماله
زياد / احنا عاوزين واحد بقى
مازن/ من عنيا
زياد / ايه رايك يا قلبى
لبنى / انا اللى هختار الاغنيه    .
زياد / اتفقلنا بقى مع الناس بتوعك ماشى
مازن / من عنيا
انس / سيبك انتوا العيد ميلاد امبارح كان جامد اخر تلت حاجات
مازن / لا يا شيخ 
نورا / دا عشان الساحه كانت فاضيه بس
انس / يا سلام
نورا / الله يسلمك امال لو مكنتش مساعداك
مازن / طب اقوم انا بقى
لبنى / على فين
زياد / عالسكشن مش كدا يا ميزو
مازن / اه عالسكشن
انس / انت اتغيرت اوى يا مان
زياد / شكله تاب
مازن / ايه هو الحفله عنى النهرده و لا ايه
لبنى / من يومك نجم ههههههههههههههههه
مازن / ماشي سلام
نورا / ايه يا مازن انت زعلت و لا ايه دول بيهزروا معاك
مازن/ لا مزعلتش انا فعلا هتاخر عالسيكشن
زياد / مش بقولك اتصلح حاله
انس / لا مش بالبساطه دى الواحد مبيتغيرش من يوم و ليله
لبنى / ياعم تلاقى واحده فى السيكشن مدتوش وش هههههههههههه معلش يا ميزو لكل جواد كبوه
مازن / ها ها ها فيرى فانى عن اذنكو
نورا / خلاص هنغير الموضوع اقعد بقى
مازن يقعد و انس تليفونه يرن
انس / عن اذنكوا
مازن / ايه ده جو جديد ده و لا ايه
زياد / برديس يا سيدى كل نص ساعه تكلمه حاجه نكته ههههههههههههههههه
لبنى / ههههههههههههههههههه لا النكته اللى بجد انك كنت عاوز تتجوز مرام بجد مش مصدقه انك فكرت فى الموضوع ده
مازن / و لا انا الصراحه
زياد / ليه يعنى دانا كنت هعمل فيها جميله العمر
لبنى / مش مستواك يابنى ايه اليع ده مرام ايوووو دا مجرد الفكره مقرفه
نورا / مفتكرش انها كانت هتوافق اصلا
لبنى / افندم و جبتى الثقه دى كلها منين
نورا / انتى مش شايفه بتعاملنا ازاى دى مش طيقانا يا بنتى تتجوزه ازاى
لبنى / عشان فلوسه يا قلبى و اوعى تصدقى الحركتين بتوعها دول دى حلاوه روح
مازن / غلطانه
لبنى / اه هتقول بقى انها محترمه و بلا بلا بلا و كدا صح
مازن / اه هقول كدا
لبنى / خلينى اسالك سؤال هو ينفع حد ينجح منغير ميمتحن
مازن / اكيد لا
لبنى / بالظبط مش معنى ان مرام متحطتش فاختبار حقيقى لمبادئها و اخلاقها و الكلام ده فتعرف منين انها فعلا محترمه
مازن / يا سلام
زياد / هى تقصد ان مش يمكن مرام محترمه عشان مفيش حد معبرها
لبنى / بالظبط كدا
مازن / لا معلش المحترمه بتبان
انس / نيفين كانت محترمه لما عرفتها
مازن / فرق السما مالارض بين الاتنين
لبنى / بتدافع عنها على اى اساس
مازن / انا عرفت بنات بالهبل اعرف افرق كويس بين الاتنين
لبنى / مقتنعتش عندك دليل اقوى
زياد / اصلا فى كام بنت قدام الناس محترمه و احنا ياما شوفنا يعنى هههههههههههههههههههه
مازن / مرام مش كدا
لبنى / تراهن
مازن / لا
زياد / لا !!!
مازن / لا مش هنلعب اللعبه دى
لبنى / منين واثق انها بنت محترمه و منين مش عاوز تمتحنها
نورا / عشان مهما كانت محترمه مش هتقول لا لمازن
لبنى / تبقى مش محترمه يا قلبى
مازن / انا غلطان انى كبرت للسيكشن عشان الهبل ده
لبنى / ماشى بس متدافعش عنها تانى بقى ماشى
مازن / انا حر اعمل اللى انا عاوزه
مازن يمشى زياد يجرى وراه
زياد / ايه يا ابنى مالك قفشت عشان حته بت فى ايه مالك
مازن / زياد خلاص
زياد/ انت خايف تبقى غلطان و احنا صح و البت تقع
مازن / مش هتقع
زياد / يبقى مش هتخسر حاجه لما تجرب لو وقعت اهو تنبسطلك يومين و موقعتش تبقى كسبت الرهان برده وين وين جيم
مازن / لا
زياد / ليه
مازن / كدا
زياد / مفيش حاجه اسمها كدا فى سبب
مازن / مش هينفع خصوصا بعد كل المواقف اللى حصلت بنا مليش سكه
زياد / و انت من امتى بتحب تلعب ادوار سهله
مازن يبصله لبنى تدخل
لبنى / متحاولش يا زياد انا صح مفيش حاجه اسمها بنت محترمه و بنت مش محترمه فى حاجه اسمها حبت و بنت محدش عبرها و دى مرام الكلب نفسه يقرف يبصلها
زياد / لبنى بليز
لبنى / هو نفسه مش قادر يتخيل فكره انه يكون معاها و كل دى حجج
مازن / انتى مش فاهمه حاجه ماشى
لبنى / ايه فى سبب تانى غير اللى قولته
مازن / فكر فى مونى يا زياد احنا لينا كود
لبنى / مونى لما كامل حبها جت و قالت لاهلها و مشت الموضوع رسمى زى انا و زيزو بالظبط
مازن / متقارنيش نفسك بمونى ماشى
لبنى / مش موضوعنا قارنى بمرام حلو كدا
مازن يجى يمشى زياد يمسكه
زياد / اثبت انها احسن مننا حط صابعك فى عين الطخين
لبنى / صدقنى هتتفاجئ
مازن / على ايه
زياد / ايوه يا ميزو يا جامد
انس و نورا يروحوا جرى ليهم
لبنى / دادى هيجبلى عربيه جديده فعيد ميلادى هو وعدنى هديهالك لو كسبت و لو خسرت هتدينى شقتك
مازن / انسى
لبنى / لازم اضمن انك هتعمل كل اللى تقدر عليه عشان تكسب
مازن / اتفقنا
.............................