السكه شمال بقلم / لولو_محمد ( كامله )

الحلقه ١٦٩

((((((((((((السكة شمال )))))))))
#لولو_محمد
الحلقه 169
توفيق / اه عملتى الصح لو كنتى قولتى الحقيقه كانوا عدمونى و ساعتها كنتى بدل متخسرى واحد هتخسرى الاتنين و بنت الكلب اللى اسمها اميره دى مكنتش هتستحمل الفقر كانت هتجرى على بيت اهلها و لا تتجوز و ساعتها حتى العيال اللى صعبانين عليكى جوه دول هتتحرمى منهم و تعيشى بطولك لا حد يديكى لقمه و لا حد يسال فيكى
الست / مانا عارفه انت لسه هتقولى امال انا عملت كدا ليه بس سبحان الله العيال فى حضنى و ابنى سليم قدامى زى الشحط اهو و برده مش مرتاحه
توفيق / و مين مرتاح دى دار شقاء ياما مش دار راحه الراحه فى الاخره بعيد عنك و عن السامعين
الست / اخره و احنا يعنى اخرتنا ايه مهى سوده زى خلقتك
توفيق / استغفر الله العظيم خلاص يا ست الكل نعمل لاخرتنا انا هنزل دلوقت على اقرب شركه سياحه احجزلك على اول رحله عمره تروحى تزورى بيت ربنا و تدعيلى ربنا يهدينى و يغفرلى و اهو نبقى عملنا حاجه لاخرتنا ايه رايك يام توفيق فى ابنك بقى شوفتى بقى انتى غاليه عندى قد ايه
الست / شوفت يا خويا شوفت
...................................
في شقه شريف
جرس الباب يضرب تقى تروح تفتح تلاقي شاب واقف
الشاب / دى شقه الاستاذ شريف
تقى /اه ثوانى ....ابيه ابيه
شريف يطلع من جوه
شريف / خير اؤمر
الشاب / الحجه سميحه باعته لحضرتك الحاجات دى و بتقولك الف هنا
شريف ياخد منه كيس كبير و يطلع من جيبه فلوس
الشاب / عيب يا استاذ الحجه سميحه تزعل
شريف / لا مش هتزعل انا مش هقولها و انت متقولهاش
الشاب ياخد الفلوس و يبتسم و يمشي و شريف يروح يقعد على الترابيزه و يفتح يبص يلاقي علب تلاجه فيها فته و كوارع و شوربه يبتسم
تقى / في ايه يا ابيه ... الله
شريف / هاتى معالق و تعالي كلى
تقى / يا شيماء يا رؤى يا ماما
شريف يروح يجيب الموبايل و تقى تجرى على جوه
شريف / يا احلى  تيته فى الدنيا ايه العسل ده
سميحه / ههههههههههههه الف هنا
شريف / بس مين هياكل كل ده دول كتير اوى
سميحه / كل عشان تتغذى انت خسرت دم كتير
شريف / طب والله بحبك
ام شريف و اخواته يطلعوا من جوه يهجموا عليه
الست  / هى مين دى يا وله اللى بتحبها
شريف / دى تيته سميحه يا ماما
الست تاخد منه الموبايل و العيال يهجموا عالاكل و هى كل شويه تحاول تمنعهم و يرجعوا ياكلوا تاني
الست / بجد هات هات ... ازيك يا حجه وحشاني اوى
سميحه / انتى اكتر ايه هو ان مكنش فى فرح مشوفكيش
الست / لا ازاى نرتب و اجيلك
سميحه / احنا لسه هنرتب ان مكنش النهرده يمشي معاكى بكره نمشيه
الست / نمشيه يا حجه بكره بمشيئه المولى اكون عندك بس ايه دا كلو يا حجه تسلم ايدك
سميحه / الف هنا انتى متعرفيش غلاوه شريف عندى دا من غلاوه مازن و مرام بالظبط
الست / تعيشي يا حجه و الله ربنا العالم الغلاوه
سميحه / اسيبك بقي تاكلى الحاجه و هى سخنه مع السلامه
الست / سلام يا حبيبتي سلام سلام ..... ايديكوا يا طفسه ايه مشوفتوش اكل امال الطفح اللى لسه واكلين من شويه ده كان ايه يا بلاوى
شريف / قوليلهم مفاجيع مخلفه مفاجيع
الست / مانت الحلوف الكبير
شريف / والله اتغر انا كدا طب دوقي كدا معلقه الفته دى كدا
الست تدوق
الست / الله حاسس بالتومه يا وله
شريف / و لا حته الكوارع دى بقي
شريف يديها حته كوارع تاكلها
الست / دة مفيده اوى عشان الركب ... الله
شريف / و الحته دى بقي عشان الركبه التانيه
شريف يجي يديها حته تانيه تزقه و تقعد
الست / لا اوعى كدا الاكل ده ميتاكلش كدا دا يتاكل كدا بمزاج عشان تعرف تستطعم
شريف موبايله يرن صافى ياخده و يدخل جوه
تقى / والله مهنسيبلك حاجه
شريف يطنش و يدخل يغسل ايده و هو بيتكلم في التليفون
صافى / ازيك صحيتك
شريف / لا صاحى من بدرى
صافى /بتعمل ايه
شريف / بغسل ايدى تيته بعتالى اكله كوارع مقولكيش
صافى / كوارع ايه ده يع
شريف / لا اظبطى بدل مظبطك متغلطيش فى الكوارع اغلطى فيا انا شخصيا اعديها الكوارع لا
صافى / ههههههههههههههه وحشتنى خفه دمك يابن اللذينه
شريف / انتى وحشتيني اكتر
صافى / بعد ايه بقي مانت بتفضل عليا الكوارع دا حتى اسمها مش رومانسي خالص
شريف / خدعوكى فقالوا دانا سبت الاكل للغيلان اللى بره و دخلت اكلمك
صافى / لا كدا اتغر فنفسي انا عندك اهم مالكوارع
شريف / دانتى مش عارفه قيمتك بقي
صافى / و هى ايه قيمتي بقي
شريف / الفسيخ
صافى / تصدق و تؤمن بايه
شريف / لا اله الا الله
صافى / انا استاهل ضرب الجزمه انى سبت الورك شوب و كلمتك يلا اقفل قال فسيخ قال
صافى تقفل و يحاول يكلمها تاني
شريف / ايه البت العبيطه دى هو الفسيخ وحش هو حد لاقيه الهبله دة
صافى ترد
شريف / انتى بتقفلى السكه فوشي يا بت انتى
صافى / خلى الفسيخ ينفعك
شريف / انتى عيله اوى
صافى / ان كان عاجبك فسيخايه بقي
شريف / انتى عارفه الفسيخ بكام
صافى / مبحبوش
شريف / بس انا بحبه و بموت فيه كمان و بضعف اوى قدامه
صافى تلين
صافى / يا سلام
شريف / والله تعرفي لو بموت و هو اللى هيموتنى بحبه برضه
صافى / بس كل الناس بتقول انه مضر ووحش
شريف / ميهمنيش الناس المهم انتى .. اقصد يعني انك تجربيه الفسيخ يعني هتحبيه والله
صافى / مانا شكلى حبيته خلاص اقصد يعني من كلامك عنه جوعتني دانا كنت مصدقت ظبطت الدايت فى الفتره اللى بعدت فيها عنك بصراحه اصلا الاكل ملوش طعم مفيش حد يفتح نفسي هنا فمباكلش
شريف / و انتى جعانه دلوقت
صافى / لا مش اوى يعني لسه شاربه قهوه
شريف / خلاص لما تجوعى كلميني نفتح الكاميره و ناكل سوا افتح نفسك لحسن حوار الدايت ده اثر فنفسيتي اوى قولتلك البت لازم تكون مالوظه
صافى / ههههههههههههههههه بينادولى هكلمك لما اخلص سلام
شريف / سلام
شريف يقفل و يحط الموبايل عالكومدينو و ينام و هو مبتسم
...........................
فى شقه مرام
سميحه / انت بجد هتمشي
مازن / مانا مش هفضل هنا علاطول يعني
مرام / خلاص خدنى معاك
مازن / هاخدك بس مش دلوقت لما نعمل الفرح و الزفه و الدانس فلور اللى بتنور و تيته توصلنا و توصيني عليكي مش دا كان حلمك
مرام / كان حلمى
سميحه / خليك يابني خليك وسطينا هتروح تعيش لوحدك ليه
مازن / مش حوار لوحدى يا تيته بس ....بيتهيالي كدا احسن
مرام / بس ...
سميحه / مرام .. خلاص يا مازن يا ابني اللى يريحك اعمله و اعمل حسابك ان ده بيتك تيجي وقت ما تحب
مازن يهز راسه اه و يبص لمرام تدخل الاوضه و ترزع الباب وراها يبص لسميحه و يدخل و يقفل الباب يلاقيها قاعده عالسرير يقعد جنبها
مرام / انت معدتش بتحبني زى الاول
مازن / فعلا ... بقيت بحبك اكتر
مرام / صح
مازن يقرب و يحاول ياخدها في حضنه تسيبه و تقوم
مازن / الله دانتى زعلك وحش اوى بقي
مرام تلف و تديله ضهرها مازن يقوم وراها و يلفها يلاقيها بتعيط
مازن /الله ليه كدا بقى
مرام / امسى خلاص مفيش حاجه
مرام تمسح دموعها
مازن / يا مرام متصعبيش الدنيا عليا اكتر ما هى صعبه كل حاجه جوايا ملخبطه انا اول مره احس انى تايه اوى كدا تعبان و مخنوق و مش قادر اتنفس
مرام / خلاص لو هترتاح بعيد عنى امشى روح ارتاح
مازن / لا مش هرتاح مش هرتاح
مرام / خلاص خليك
مازن / سهله هى خليك نام فى حضنى يا مازن على اساس مازن ده ايه حجر مبيحسش مثلا مازن بيحبك يا هبله
مرام / طب هتمشى ليه
مازن / عشان مينفعش استنى انتى فاكره انى مش عارف الناس بتقول ايه و بتبصلنا ازاى غمز عمتك و الكلام بتاع مروه من تحت لتحت طريقه بصتها لينا
مرام / مليش دعوه بيهم ملناش دعوه بحد مش انت اللى بتقولى علاطول انى بدى للناس اكتر من قيمتها
مازن / و مش انتى اللى دايما تقولى احنا مش عايشين لوحدينا
مرام / طب و العمل انا و انت اتعكسنا دماغى اتبدلت بدماغك  ايه مش هنلاقى مكان الدمغه دى تتقابل فيه يعنى
مازن / هانت ترم واحد بس و هنتقابل و ساعتها اوعدك اننا مش هنفترق ابدا
مرام / و لحد ماليوم ده يجي هعمل ايه
مازن / والله لو كنت انا عارف هعمل ايه كنت قولتلك تعملى زيى بس ربنا وحده اللى يعلم انا عامل ازاى دانا الشيطان دلوقت جايب عياله و عاملين مطش كوره فدماغى
مرام تبتسم
مازن / هانت بقالى كتير بصبر نفسى بيها بس غصب عنى والله و بعدين لعله خير كل تاخيره و فيها خيره و كل الكلام اللى انتى عرفاه اكتر منى ده
مرام / طب خليك النهرده النهرده بس و امشى بكره اوعدك بكره مش همسك فيك بس النهرده خليك متمشيش فجاه كدا خليك النهرده بس عشان خاطرى عشان خاطرى
مازن / هتفرق يعنى
مرام / اه معايا هتفرق عشان خاطرى عشان خاطرى
مازن / و انا خاطرك عندى بالدنيا مقدرش ارفضلك طلب
مرام تبتسم و مازن يحضنها
.................................
فى شقه مازن
زياد يفتح الباب و يدخل بالراحه لحد ميوصل لباب اوضه مازن يفتح الباب بالراحه و يدخل يلاقى لبنى نايمه بقميص نوم يفضل واقف يبص عليها و بعدين يدخل بالراحه يفرد ضهره جنبها و يبصلها و يعدى ايده بالراحه على وشها تفتح عينها بالراحه تتفزع تقوم تلبس الروب بسرعه
لبنى / انت بتعمل ايه هنا
زياد / دانا مسالتهالكيش
لبنى / كنت محتاجه اكون لوحدى
لبنى تاخد هدومها و تيجى تطلع بره زياد يقوم يمسك ايدها تبصله
زياد / هنا ؟؟؟
لبنى / انا عارفه انه بايت عند مرام بقى عايش معاها هناك و ماما فى البيت خنقتنى و ملقتش مكان اروحه
زياد يسيب ايدها
زياد / انا بره مستنيكى
لبنى تهز راسها و زياد يطلع و يقفل الباب وراه
......................................
فى شقه مرام
فى الصاله مازن و مرام  نايمين على السرير و مازن باصص لمرام و هى مدياله ضهرها تلف و تبصله تلاقيه باصصلها تبتسم
مرام / الله انت لسه منمتش
مازن / و انتى يعنى اللى بتشخرى مانتى كمان صاحيه اهو
مرام / الله دانت بتتلامض بقى
مرام تقرب منه اوى يدحك
مرام / ايه اللى مصحيك
مازن / بفكر فى القمر اللى نايم جنبي ده
مرام / اممم انهى نوع من انوع التفكير
مازن / ههههههههههههههههههههه انتى بتحبى انهى نوع
مرام / اى نوع مدام بتفكر فى ففكر باى طريقه تعجبك المهم متفكرش فى اى حاجه غيرى انا بقولك اهو
مازن / و هو فى حاجه احلى و لا اجمل و لا ارق منك افكر فيها
مرام / لا انا مقدرش عالكلام الحلو ده
مازن / هههههههههههه انا اسف ....
مرام / لا انت هتستهبل و لا ايه انت بتعتزر عالكلام الحلو لا لا دوس يا عم انت هتيجى بعد الجواز و ربنا يهديك و تقلب مؤدب و لا ايه لا اظبط معايا كدا عيب
مازن / ههههههههههههههههههههههههههه انتى فظيعه انا كنت هعتزر على حاجه تانيه خالص
مرام / حاجه تانيه ايه دى
مازن / اسف انى مش مازن اللى انتى متعوده عليه انا عارف انى متقل عليكى اوى
مرام / مين قال كدا فى ايه فى الدنيا اوحالك بالاحساس ده
مازن / انا مش حاسسنى عارفه انا كان جوايا بركان طاقه بيحركنى دلوقت حاسس انها اخرها شمعه عيد ميلاد مالصغيره دى مستنيه اى حد يهف فيها عشان تنطفى
مرام تبوسه من خده و ترجع مكانها تانى مازن يبصلها باستغراب و مبتسم
مرام / ايه لسه شمعه صغيره برده و لا كبرت شويه
..........................
فى شقه مازن
زياد قاعد فى الصاله لبنى تطلع تقعد قدامه
زياد / تعرفى انى اتصلت على مامتك فى البيت و اكدتلى انك نايمه هناك علاطول قبل مفتح الباب و ادخل اشوفك
لبنى / مليش دعوه بيها اصلا انا و هى اتخانقنا جامد
زياد / ليه
لبنى / مفيش
زياد / عليا
لبنى تبصله و عنيها كلها دموع يقوم يقعد جنبها
زياد / لبنى حالتك دى مديقانى انا بحاول اقدر اللى انتى فيه كلنا اتاثرنا بالحاجات اللى حصلت بس كل الناس بدات تعدى المرحله دى و ترجع زى الاول الا انتى الوضع عندك بيزيد قوليلى لو محتاجه نروح لحد متخصص يساعدك
لبنى تقوم تقف بعيد عنه
لبنى / ايه خلاص بقيت مجنونه يعنى شايفنى بشد فى شعرى
زياد يقوم وراها
زياد / لا طبعا مقولتش كدا انا اللى اقصده اننا منسبش الاكتئاب ده يسيطر عليكى اكتر من كدا
لبنى / كلام ماما اهو النهرده اتحجبتى بكره نلاقيكي سافرتى سوريا و انضميتى لداعش
زياد / ههههههههههههههههههههههه والله امك دى بتقول نكت تهلك مالدحك
لبنى تبصله
زياد / لولا ..حبيبه قلبى ... بصى يا روحى خلينى اتكلم معاكى بصراحه النهرده مازن و مرام راحوا الشركه و مسكوا كل حاجه و بدأو شغل من نار و فى خلال شهر بالكتير الشركه هتقف على رجليها و هترجع احسن من الاول مازن قدر يعدى المرحله دى على رجليه بالعكس رجع واحد تانى خالص غير مازن اللى نعرفه مازن جد و بيشتغل له طاقه يقعد سبع ساعات على شويه ورق و ملفات انا متاكد انه بيعانى عشان يفهمها بس بيحاول و مرام نفس الوضع طول اليوم فى اجتماعات احنا الخمسه عشان محمود و سعد ركبوا الموجه بالمره
لبنى / انت بتقولى الكلام ده ليه
زياد / عشان تشوفى ان اللى انتى قاهره روحك عشانه ده ....
لبنى / انت فاهم غلط
زياد / و ايه الصح
لبنى / زياد انت فاكر انى كدا بسبب موت خالو صفوت لا انا كدا عشان انا تعبت من نفسى من ان اللى حواليا شايفينى رخيصه انا اتخانقت مع ماما عشان عوزانى ارجعك
زياد / للدرجادى
لبنى / ماما مش عوزانى ارجعلك عشان انا و انت لايقين على بعض و لا عشان انت هتسعدنى و لا كل الكلام ده ماما عوزانى ارجعلك عشان اطلب منك فلوس عشان تدخل شريكه فى بوتيك مع واحده صحبتها عرضت عليها المشروع النهرده عشان كدا كدبت عليك و قالتلك انى نايمه عندها عشان هى متقدرش تقولك انى مشيت و حلفت مانا راجعه البيت تانى فتخسرك و متعرفش تطلب منك حاجه
زياد / اهدى يا لبنى مفيش مشكله
لبنى / لا فى ... فى ان احمد يضغط عليا و انت تضغط عليا و ماما بتضغط عليا انا فين انا عاوزه ايه دا مش مهم انا مش واحده شمال بتتباع و تتشرى انا فلوس الدنيا متساويش ضافر منى انت فاهم و لا لا
زياد / فاهم طبعا و قطع لسان اللى يقلل منك لبنى فهمينى بس انا قصرت معاكى فى ايه عمرى حسستك انك شمال او ساومتك على اى حاجه .... ان كان على احمد فانا اقسم بالله ربيته و هيفكر الف مره قبل ميوريكى وشه تانى هيشوفك فى مكان يلف و يروح من من مكان تانى اوعى تفتكرى ان راحتك و امانك و نفسيتك مش مهمين عندى بالعكس
لبنى / امال بتضغط عليا ليا بتطاردنى ليه بتراقبنى ليه
زياد / محصلش
لبنى / امال عرفت مكانى ازاى
زياد / مكنتش اعرف انا كنت جاى اجيب حاجات من الخزنه و لما فتحت الباب لقيتك نايمه فى سرير مازن فى مليون حاجه جت فى دماغى طب لو مازن هو اللى كان جه و شافك بالمنظر ده او البواب او شريف مانتى عارفه ان مفتاح الشقه مع مليون حد انتى عارفه انا بغير عليكى قد ايه
لبنى / معاك حق بس صدقنى
زياد / لبنى انا لو كنت عاوز اضغط عليكى كنت على الاقل اقفلت الكارد بتاعتك لكن انا معمتلش كدا بالعكس انا سايبك على راحتك كنتى روحى اى اوتيل و اقعدى براحتك محدش كان هيقدر يكلمك و ان كان على ماماتك فاى حاجه انا بعملهالها ملهاش اى علاقه انى معاكى اللى بينى و بين ماماتك بزنس و بس اه بعملك خاطر كبير طبعا بس انا اكيد مستفيد مالمشاريع اللى ماماتك بتخشها دى بتساعدنى استثمر فلوسى فى حاجه كويسه
لبنى / انا اسفه
زياد / متعتزريش و متضغطيش على نفسك شوفى انتى ايه اللى يريحك و انا هعمله
لبنى / طب و انت ايه اللى يريحك يا زياد
زياد / كفايا عليا تكونى مبسوطه يا لولا كفايا عليا اشوفك بتدحكى اما بقى لو عوزانى سعيد فاكيد اننا نتجوز بقى و ترجعى تعيشى معايا تانى هيخلينى اطير مالفرحه بس انا مش مستعجل خدى وقتك براحتك عالاخر
لبنى تهز راسها
زياد / بصى يا لبنى الفيلا عندنا واسعه نقى الجناح اللى يعجبك و اقعدى فيه زى مرام و مازن مكانوا قاعدين كل واحد فى اوضه و صدقينى معايا امان كتير عن احسن فندق
لبنى تهز راسها زياد يبتسم و يشاورلها براسه يمشوا و يقفل الباب وراه
................................
فى شقه مازن
مازن باصص لمرام باستغراب و هى بتبصله و مبتسمه بخجل بسيط
مازن / يعنى زادت شويه
مرام / متبقاش طماع
مازن / ههههههههههههههه انتى اللى بخيله
مرام / مين دى انا لا يمكن اكون بخيله ابدا
مازن / اثبتى
مرام تقوم تقرب و عنيها فعنين مازن الباب يتفتح يتعدلوا فى قعدتهم
سميحه / الله انتوا صاحين منمتوش ليه يا ولاد
مرام / كنا بنتكلم فى الشغل
مازن / اه حوار كدا فى الشغل بس هنحله ان شاء الله
مرام / اه هنحله ان شاء الله
سميحه / ان شاء الله انا هدخل الحمام الفجر خلاص هياذن
مرام / انا هقوم وراكى علاطول اهو
سميحه تهز راسها و تدخل الحمام
مرام / كنا هنروح فى داهيه اووووف ربنا ستر هههههههههههههههههههههه
مازن / ههههههههههههههههه بس تعملى حسابك الحاجات الصغيره دى وقتيه يعنى الشمعه هترجع تنطفى تانى
مرام / لا مانا هزودها باستمرار متقلقش
مازن / لا قلقان
مرام / الله قولتلك متقلقش
تليفون مازن يرن
مرام / مين السعادى
مازن يقوم يجيب موبايله من الشاحن
مازن / دا خليفه بواب شقتى ... ايوه يا خليفه خير
خليفه / ازيك يا مازن بيه اسف عالازعاج بس زياد بيه باعت نجار يغير كالون الشقه و انا مش فاهم حاجه
مازن / يغير كالون الشقه ليه
خليفه / والله يا بيه اللى اعرفه قولته و مش عارف اعمل ايه اطلعه و لا اعمل ايه
مازن / اقفل دقيقه و هكلمك
مرام / فى ايه
مازن / زياد بعت حد يغير كالون شقتى
مازن يتصل بزياد
مازن / الو ازيك
زياد / انا تمام الحمد لله خليفه كلمك
مازن / ايوه ايه حكايه الكالون دى خير فى ايه
زياد / هفهمك لما اشوفك فى الشركه
.................................