السكه شمال بقلم / لولو_محمد ( كامله )

الحلقه الثلاثون

((((((((السكة شمال))))))))
#لولو_محمد
الحلقه الثلاثون
نورا / سمعت انك قفشت مع انس
مازن / هينزلوا البيبى
نورا / دا الحل الوحيد يا مازن
مازن يبص الناحيه التانيه
نورا / انس لسه بيدرس و هى كمان و لو قدروا يقنعوا اهلهم بمعجزه من السما فهياخدوا وقت على ميعملوا الروتين المصرى بتاع الجواز و نيفين معندهاش الوقت ده
مازن / غيرى السيره عشان اتخنقت
...................................
نورا/ صعبانه عليك
مازن / هى ؟؟؟ ابدا هى الغلطانه من الاول معنديش ذره تعاطف مع نيفين هى اللى اختارت السكه دى
نورا / كلنا اختارنا السكه دى
مازن / هى مش صغيره هى عارفه الصح مالغلط
نورا / اه بس هى مغلطتش لوحدها كلنا بنغلط زيها هى بقى حظها وحش دى حاجه تانيه
مازن / يا شيخه مش قولتلك غيرى السيره صحيح انتى ايه اللى جابك مش قولتى مش هتيجى
نورا / كلمت بابا عشان اشوف حوار التذكره لقيته نسى هيحجزلى تذكره اقتصادي كمان يومين
مازن / لو عوزانى احج
نورا / انا مش عاوزه حاجه من حد
مازن / و انا حد برده
نورا / فتره و تعدى ماشى استحملنى
مازن / بجمله
مرام و محمود و سعد يدخلوا يقعدوا بعيد
نورا / لاحظت انها تقريبا مبتتعاملش مع بنات هو محمود و سعد طول الوقت
مازن / خدت بالى بس افتكرى ان الطيور على اشكالها تقع
نورا / لا عشان هى بنت خنقه و محدش بيطيقها
مازن يبصلها و يبص الناحيه التانيه و يبتسم
نورا / انت فاكر انها كانت عاوزه تساعدنى بجد كان ممكن اصدق لو كنا فى يوتوبيا مثلا
مازن / امال تفسريها بايه
نورا / بتزيحنى من طريقك
مازن / يا شيخه ههههههههههههههههههههههههههههه
امينه المكتبه / ششششششششششششششش
مازن / اسف
نورا / حتى لو مش بتبين هى معجبه بيك احنا بنات زى بعض و نفهم بعض كويس
مازن / بدليل انها من ساعه مقعدت مبصتش عليا ولا مره مع ان محمود مشالش عينه من علينا
نورا تبص و ترجع تبص لمازن
مازن / تمام هى معجبه بيا و لما شافتك عندى غارت فعرضت عليكى تروحى عندها عشان تبعدنى عنك طب و امل
نورا / اى حجه عشان تكلمك
مازن / يا شيخه طب مخالى قدمهالها على طبق من دهب تكلمنى و كمان تاخد فلوس و هى رفضت
نورا / اصون كرامتى عوزاك انت اللى تجرى وراها
مازن / مهو ده اللى هيحصل فعلا انا اللى هجرى وراها
نورا / ربنا يوفقك قولى بقى ناوى تعمل ايه
.................................
فى الكافتريا
زياد / انت عارف انه ميقصدش
انس / لا يقصد هو فاكر نفسه ايه اشترانا
لبنى / لا بس هو فعلا مازن متغير اوى الفتره دى اصلا مش اول مره نتعرض للموقف ده فاكر البت الهبله اللى جت و قالتله انها حامل مقعدش يتهرب منها زى معمل مع نيفين و قفلها اشمعن المرادى يعنى عاوز يبقى بعيد عن الصوره هو ملاك و احنا كلنا شياطين يعنى
انس / يا جدعان هو امتى اخر مره قعد معانا اصلا مهو بقاله فتره طويله اوى تقريبا من ساعه مساب نيفين و هو ميعرفناش بزمتكوا اخر مره اتلمينا زى زمان امتى مش لما مونى كانت هنا
زياد / يا جماعه خليكوا منطقيين هو ملوش غيرنا هيلف يلف و يرجعلنا
لبنى / و هو فاكر انه لما يرجع هيلاقينا مستنينه يعنى
انس / لا و الست نورا كمان اللى بمليون وش دى
زياد / بقولكوا ايه كلنا عارفين ان نورا ليها وش واحد و ده مبيطلعش غير لمازن
لبنى / لا بس هى مزوداها اوى المرادى و لزقاله بشكل غريب
انس / انا بالنسبالى الاتنين جيم اوفر مليش دعوه بيهم تانى
زياد / ايه يا جماعه مالكوا كلنا بنقفش عادى يعنى
لبنى / متدافعش عنهم بليز انت عارف كويس اوى انهم غلطانين
زياد / لا انا عارف كويس ان مازن كان هيبعد عننا لو عاوز يلف نظر مرام
لبنى / ناقص تقولى بقى انه هيزاكر و يلتزم و الهبل ده
انس / ههههههههههههههههههههههه
لبنى / ليك حق والله اصلا لو حاول مش هيعرف مش طبعنا
زياد / يا جماعه بى كووول ادينا بنتفرج و الكسبان هنسقفله
لبنى / انا عطشانه اوى حد يقوم يجيبلى عصير
زياد / من عنيا ثوانى
زياد يقوم
لبنى / الجو شكله هيقلب على فكره
انس / مش فارقه بقى
انس ينفخ و لبنى تبتسم
...........................................
فى المكتبه
نورا تقوم تقف عند رف و تطلع كتاب مليان صور و تقلب فيه
مرام / ازيك يا نورا
نورا تقفل الكتاب و تحطه مكانه
نورا / الحمد لله ازيك انتى
مرام / مرضتش اجى اكلمك و انتى قاعده مع مازن
نورا / ليه عادى على فكره
مرام / مبحبش الناس تشوفنى معاه مش ناقصين مشاكل
نورا / لو مبتعمليش حاجه غلط تخافى مالناس ليه
مرام تبتسم و تبص الناحيه التانيه
نورا / تعرفى زمان مش زمان اوى يعنى كنت زيك كدا بخاف من كلام الناس و بحاول امشى جنب الحيط و اسمع الكلام و اقول حاضر و طيب و نعم و مبعملش حاجه فحياتى غير انى ازاكر و عندى هدف و احلام كبيره اوى نفسى احققها بس احيانا الظروف بتبقى اقوى مننا
مرام / و ايه اللى حصل
نورا / الدنيا ادتنى قلم جامد اوى فوقنى مفيش حاجه تستاهل انى اتعب عشانها اصل كلو فالاخر ملوش قيمه
مرام / مش معاكى
نورا / الناس دى كلها ملهاش قيمه حتى انتى ... طول مانتى واقفه على رجليكى و بتجرى فالسبق الاهبل ده هيفضلوا جنبك عشان بس يتاكدوا انك مش هتكونى احسن منهم و تسبقيهم فى اللى هيتسند عليكى عشان يكمل و فى اللى هيحاول يكعبلك و اول متقعى محدش هيمدلك ايده هيسيبوكى و يجروا حتى اللى سندتيهم مش هيحاولوا يسندوكى
مرام / مفتكرش دى تبقى غابه
نورا / مهى غابه يا مرام
مرام / لا مش غابه انتى غلطانه يمكن الحاجه الوحيده الصح اللى قولتيها اننا فسبق بس انا عن نفسى مش شايفه ان دى مشكله انا لسه صغيره و بصحتى اجرى شويه و اتعب عشان لما اكبر ارتاح
نورا / السباق ده مفيهوش راحه مفيش فالاخر فينيش لاين هتجرى لحد متوصلى لقبرك و تموتى و تتنسى و خلاص و يعالم بقي فالقبر هترتاحى و لا هتتعذبى
مرام / انتى عندك اكتئاب اللحقى نفسك
نورا / ممكن برده
مرام / لو عاوزه نصيحتى حاولى تقربى من ربنا شويه انا متاكده ان حياتك هتتغير خالص
نورا / شكرا عالنصيحه
مرام / لو احتجتى اى حاجه متقلقيش انا معنديش مانع اسندك فى السبق عن اذنك
مرام تمشى و نورا تبص الناحيه التانيه و تتنهد
....................................
فى الشقه عند سميحه
سميحه / طب الحمد لله
امينه / كانهم مصدقوا و خلصولنا كل حاجه فثوانى و من بكره هتروح المدرسه الجديده دى
سميحه / و امل عامله ايه
امينه / على حطه ايدك مكسوره اوى من جواها
سميحه / ربك كبير
امينه / حسبى الله و نعم الوكيل فيهم المدرسه بدل مكانت لازقه فى البيت هيشحطتوها فاخر الدنيا عشان ناس معندهاش ضمير و يعالم مستنيها ايه هناك دا غير انها هتبعد عن صحابها تعرفى امبارح كسرت الشريحه و قفلت اكونت الفيس بتاعها بتقولى مش هقدر احط عينى فعين حد منهم زمانهم دلوقت كل واحده بتتكلم عنى و بقيت لبانه فبقهم
سميحه / كلميها قوليلها انها مدام مغلطتش ميهمهاش حد و بكره ربنا يجيبلها حقها لحد عندها دا كلو الا دعوه المظلوم
امينه / بدعى عليهم فكل صلاه و كل ادان هعمل ايه ملناش غيره
سميحه / هقوم اعملك شاى
امينه / متتعبيش نفسك انا هطلع ابص على امل بقيت بخاف اسيبها لوحدها لتعمل فنفسها حاجه تانى دا هى اللى ليا مالدنيا دى
سميحه / ربنا يصلحلك الاحوال
...................................
فى الكليه
الدنيا بتشتى على اخرها
محمود / خلينا هنا بقى لحد متقف شويه بدل منستحمى
مرام / شكلها هتطول
مازن يدخل
مازن / ممكن كلمه يا مرام
محمود / خير
مازن / اسمك مرام
مرام / وقته ده خير يا مازن
مازن / انا كنت فاكرك هتكلمينى تقوليلى هتعملى ايه
مرام / فى ايه
مازن / اقول ايه للمحامي
مرام / قوله شكرا تعبناه امل هتنقل مالمدرسه خلاص و هى قالت مش عاوزه تشوفهم لا يعتزرولها و لا ليهم دعوه بيها يبعدوا عنها كفايا
مازن / طب انا اقدر اساعد فده
مرام / شكرا كفايا اوى تعبك معانا
مازن / تمام عن اذنك
مازن يمشى خطوتين مرام تروح وراه
مرام / مازن
مازن / ايوه
مرام / انا لسه عند كلمتى
مازن / اللى هى ايه
مرام / انى اساعدك انت معاك الورق اريج كانت صورتهولك
مازن / اه
مرام / اقراه و ممكن اقعد معاك كل يوم ساعه او اتنين فى المكتبه اشوف لو فى اى حاجه واقفه معاك
مازن / تمام مفيش مشكله
مرام / عن اذنك
مازن / بصى انا معايا العربيه بره لو تحبى اوصلكوا
مرام / لا مش عاوزين نتعبك عن اذنك
مازن / و انا هتعب فى ايه
مرام / عن اذنك
مرام تمشى تروح تقف جنب محمود اللى يبص فالناحيه التانيه بديق و مازن بيبص عليهم
........................................
فى البيت
مرام / هتفضل ساكت كدا كتير
محمود / انتى مش صغيره و عارفه الصح مالغلط و انا اسلوبى مش عارف ايه فبجيب مالاخر
مرام / تعرف يا محمود طول عمرنا عارفين ان الحلال باين و الحرام باين بس الحقيقه مش كدا خالص فى شعره صغيره مبتتشافش بين الصح و الغلط يعنى من بعيد هتشوفها غلط لكن لو قربت هتلاقى انك كنت غلطان
محمود / المشى فى المطر اثر عليكى مش كدا
مرام / فاكر ماتش الكوره اللى كنت حكتلى عنه لما الحارس صد الكوره من عالخط و الحكم محسبهاش و قعدوا يومين يحكموا فيها و طلعت جون فالاخر لما جابوها من زاويه تانيه فاكر
محمود / اه فاكر بس فى برده اتقوا الشبهات تسمعى عنها دى
مرام / انا وعدته انى هساعده لو ساعد امل
محمود / و معرفش يعملها حاجه بالعكس هو كان سبب اساسى ان حقها يضيع و قال ايه انا امريكى و بتاع هما الامريكان كدا اصلا بق عالفاضى لكن افعال متلاقيش انا عرفت انا كنت كارهه ليه
مرام / هههههههههههههههههههههههه
محمود / انتى بتدحكى البيه نفسه فوق القانون مش قولتلك الفلوس هى كل حاجه معاكى قرش تسوى قرش
مرام / طب انا معييش مساويش
محمود / اه مع الاسف مع الالم متساويش يدوسوا عليكى براحتهم و ياخدوا حقك و لا ليكى اى قيمه يا بنتى الفقر هو اس كل البلاوى اللى فالدنيا و متقوليش ياما ناس معاها فلوس و مش سعيده دول ناس وصلوا من الرفاهيه لمرحله التناحه
مرام / انت بتقول ايه
محمود / لو انتى عيانه مش هتحتاجى فلوس عشان تتعالجى لو انتى هدومك اتقطعت مش هتحتاجى فلوس عشان تشترى هدوم جديده لو البيت وقع مش هتحتاجى فلوس عشان تبنيه تانى او على الاقل تشوفى حته تانيه تسترك الفلوس هى اللى بتحل كل المشاكل الناس اللى ماشيه تكلم نفسها فالشوارع دول بيكلموا نفسهم عشان شايلين هم الفلوس انا بهرى فقلبى ليه ربنا نفسه قال المال و البنون زينه الحياه الدنيا و المال قبل البنون يعنى حتى لو معاك بنون منغير مال هيبقى هم لكن ممكن تعيش بمال منغير بنون المال هو رقم واحد الفلوس هى اهم حاجه يا مرام
مرام / فى حاجات كتير اوى مبتتشراش بالفلوس
محمود / هترجعى تقولى الصحه و الستر و كدا مانا لسه قايلك هتحتاجى فلوس عشان تتعالجى و تلبسى و تسكنى
مرام / راحه البال
محمود / بلح اهو ده اكبر فطشه فالتاريخ راحه البال اساساها الفلوس انتى لو معندكيش اكل لبكره هتنامى و بالك مرتاح ازاى لو ابنك عيان و معكيش تعالجيه هتنامى و بالك مرتاح زاى الفلوس هى اللى بتجيب راحه البال انتى هتجادلى فايه
مرام / مش هجادل انا اصلا مش قادره اجادل و لا اتكلم
محمود / انا بخاف عليكى و انتى عارفه و العيال دى ملهمش كبير و لا شافوا ثانيه ربايه حياتهم غيرنا
مرام / طب اعمل ايه
محمود / ركزى فمستقبلك و بس متخليش حاجه فالدنيا تعطلك ابعدى عن العيال دى بالمشوار مفيش من وراهم خير
مرام / انا وعدته
محمود / انا هشيل عنك الوعد ده انا هساعده مش انتى اتفقتى معاه على انه يزاكر و انتى تشوفى ايه اللى وقف معاه انا يا ستى هعصر على نفسى فدان لمون و هساعده خلاص
مرام / وعد
محمود / وعد مش هخليه يستفزنى مش هخليه يمسك عليا اى حجه انه يخلع و هثبتلك انه مش فارق معاه موضوع النجاح ده هو بيتسلى مش اكتر
مرام تبص لمحمود
محمود / هتشوفى
.................................................
في شقه مازن
مازن نايم علي كنبه و ماسك ملزمه و قاعد بيزاكر نورا تدخل تقعد جنبه و تحط رجلها عالترابيزه و تدهنها و مازن مبيبصش خالص
نورا / و لما انت تزاكر هي دورها هيبقي ايه بقي
مازن / ملهاش لازمه الحقيقه هههههههههههه
نورا / لازم يبقي عندك اساله صعبه عشان تسبكها
مازن / مفيش اي اساله الملازم بتاعتها شارحه كل حاجه و جايبه اساله بين السطور متجيش فدماغ الدكتور نفسه ربنا ميحكمها فطلبه دي لو بتحط امتحان هنروح فداهيه ههههههههه
نورا / شيفاك مبهور بيها اوي
مازن / تقصدي ايه
نورا / و لا حاجه تفتكر محمود هيسيبك
مازن / لا
نورا / و بعدين
مازن / انا خلصت الملزمه دي خدي زاكريها
نورا تاخدها تقلب في الورق ترميها ورا ضهرها و تقوم تدخل جوه
.................
في شقه مرام
مرام قاعده عالارض جنب سميحه بتلف ورق عنب تليفونها يرن تشب عالكنبه تشوف مين و تقوم تغسل ايدها و ترد
مرام / الو
صوت بنت / مبترديش ليه يا جزمه من اول مره
مرام / هههههههههه قولت يمكن هتخلي عندك دم و تقفلي ههههه عاوزه ايه
البنت / افتحي جروب الدفعه منزلين نماذج امتحانات
مرام / حاجه غير اللي معانا
البنت / اه
مرام / طيب هشوفها بس مش فاضيه دلوقت
البنت / ماشي بس لما تحليها ابعتيهالي
مرام / حاضر سلام
مرام تقفل و تروح تقعد جنب سميحه
سميحه / قومي شوفي اللي وراكي مزاكرتك اهم
مرام / مش هتطير يعني شويه و اقوم اصلا زهقت مالمزاكره
سميحه / المزاكره لا بتخلص و لا بيتزهق منها دي شغلتك الاصليه غير كدا هوايات
مرام / يا تيته
سميحه / قومي بقي متبقيش تنحه
مرام / هي دي اخرتها طب والله مانا قايمه الا لما الحله تخلص
سميحه / خلصيها لوحدك
سميحه تقوم
مرام / يا تيته... تيته انا بساعدك يعني... طب هقوم ازاكر يا تيته مفيناش من كدا ...تيته ...
سميحه تمشي
............
في المكتبه تاني يوم
مازن يدخل يقعد و يمسك التليفون
مازن / ازيك.. فينك
محمود يحط حاجته عالترابيزه
محمود / صباح الخير
مازن / تمام ... لا مفيش مشكله ... سلام
مازن يقفل التليفون و يبص لمحمود
مازن / اتفضل
محمود / عارف هي الدنيا كدا مبتديش للواحد اللي هو عاوزه
مازن / ساعات بتديله اكتر اقعد
محمود / مرام اتفقت معايا اني اقعد معاك ساعه اجاوب علي اي اساله عندك فالجزء اللي انت زاكرته مش انت زاكرت برده و لا نكمل بكره
مازن / اه خلصت اول تلت شباتر فماده دكتور عبد العزيز
محمود / من امبارح للنهرده ما شاء الله ها في اساله
مازن / لا
محمود / نبقي خلصنا نكمل بكره
محمود يجي يقوم مازن يمسك ايده
مازن / انا عملت اللي عليا و زاكرت انت اعمل اللي عليك و اسالني مش يمكن في حاجه فاهمها غلط او حتت واقعه مني امتحني
محمود يقعد
مازن / انا عارف انك هنا غصب عنك و عارف انك مش طايقني بس مدام تعبت نفسك و جيت و انا تعبت نفسي و زاكرت يبقي منخليش الوقت يضيع عالفاضي انا جاهز
محمود يطلع ورق كشكول المحاضرات بتاعه و يفتحه و يطلع ورقه و يكتب
محمود / انا هعملك امتحان عالتلت شباتر دول لو حليت صح ليك منى مفاجاه
مازن / بكره المفاجات
محمود / كويس نخليهم اتنين هههههههههه
محمود يكمل كتابه و يدي لمازن الورقه و يقعد يلعب في الموبايل
محمود / صحيح بكره مش هينفع دانا كنت ناسي
مازن / ليه
محمود / هنحضر منتدي الشباب فقاعه المؤتمرات ممكن لو قدرت تخلص جديد نقعد بالليل
مازن / فين عندي و لا عندك
محمود / لا عندك فين مليش انا فالجو ده
مازن / قصدك ايه
محمود / مش عاوز ادايق نورا يعني
مازن / و انت مالك و مالها
محمود / مليش و انا مالي اصلا
مازن / ايوه بالظبط كدا و انت مالك اصلا بس انا هسالك سؤال لو مرام حصلتلها ظروف و خسرت بيتها لاي سبب هتقولها مينفعش تقعد معاك عشان انت متخلف و رجعي
محمود / هههههههههههه انت مصدق بقك تعملوا الغلط و تقولوا عالصح تخلف و رجعيه واحده غريبه عنك تيجي تعيش معاك بمناسبه ايه طب لو كانت مامتك معاك كنا قولنا ماشي نبلعها لكن لوحدكوا ياعم ربنا يسهلك انا مالي
مازن يبصله و هو ساكت و محمود يلعب فالموبايل
محمود / ايه مش هتكمل
مازن / لا انا ماشي
مازن يلم حاجته و يمشي محمود يشد الورق اللي كان بيكتب فيها و يقراها
................