السكه شمال بقلم / لولو_محمد ( كامله )

الحلقه ١٣٨

((((((((((السكة شمال )))))))))))
#لولو_محمد
الحلقه 138
لبنى / كنتى ناويه تمشى منغير متسلمى عليا
مرام / معلش اصل لحظات الوداع بتاثر فيا
لبنى تبص لمرام و تدحك
لبنى /بس انا مكنتش هعاتبك عاللى عملتيه امبارح
مرام / انتى اللى تعاتبينى اما صحيح انتى جايه ليه يا لبنى
لبنى / اخص عليكى انا جايه اصبح عليكى مش احنا سلايف برده و لا ايه
مرام / اولا انتى جايه بدرى اوى جربى تيجى تانى بعد اسبوعين و لاحاجه و بعدين متقلقيش اكيد مازن هيبقى يعزم زياد ابقى تعالى معاه
لبنى / هاجى يا مرام اوعدك انى هكون اول حد يجى يصبح عليكى اوعدك
......................
مازن يدخل
مازن / لبنى ؟؟ بتعملى ايه هنا
لبنى / بطمن على مرام الحمد لله صحتها اتحسنت كتير هنا عن امبارح اقصد على العموم انا مبحبش ابقى عازول و كمان انا صاحيه من بدرى و انتوا اكيد وراكوا سفر و بتجهزوله فهسيبكوا بقى و اروح انام عن اذنكوا
لبنى تطلع
مرام / استنانى هنا لو سمحت
مرام تطلع وراها
مرام / لبنى
لبنى / نعم
مرام / اللى حصل امبارح كنتى قصداه
لبنى / و هستفيد ايه لما اعمل كدا
مرام / انتى قوليلى
لبنى / زى مقولت انا راجعه تعبانه جدا و مش فايقه للبرانويا بتاعتك دى عارفه يعنى ايه برانويا
مرام / قريت بسيط عنه بس تعرفى فى مصطلح اهم منه اسمه ميغالومانيا  الواحد فيه بيبقى فاكر نفسه مختلف عن الكل مميز خارق للطبيعه جميله اوى مثلا بشكل ميتقاومش اغنى من الكل موهوب فكل حاجه حاجه محصلتش طبعا كل دى مجرد اوهام فى عقله انما هو فى الحقيقه بيبقى ولا حاجه المرض ده اسمه جنون العظمه
لبنى / مسمعتش عنه قبل كدا قولتيلى اسمه ايه
مرام / ميغالومانيا
لبنى / ميغالومانيا منك نستفيد .. هتعوزى منى حاجه تانى
مرام / هستناكى يوم صبحيتى يا لبنى
لبنى / هههههههههههههههه
لبنى تمشى و مرام واقف تبص عليها و هى بتغلى و ترجع الاوضه تلاقى مازن واقف عند الباب مربع ايديه
مرام / متسالش ماشى
مازن يروح يحضنها
مرام / لو عصرت على نفسى لمون الدنيا كله مش هيكفى انى استحملها ماشى
مازن / متستحمليهاش
مرام تزق مازن
مرام / ازاى يعنى ازاى
مازن / يعنى انا مش هسمح لمخلوق يدايقك مين ما كان انا كنت مع زياد تحت و الجروب كله و قولتلهم ان مرام حبيبتى كانت بتعملى حساب ليا و انهم اهلى و صحابى و تسكت لكن بما ان اهلى و اصحابى معملوليش حساب فانا هخلع ايدى و منكوا ليها بقى و محدش يجى يشتكيلى منها و ان اللى هيدايقها يستحمل رد فعلها بقى فاللى يدايقك يا مرام يستحمل يا قلبى شوطى يا ماما
مرام / دا كلامك
مازن / شوطى و انا فضهرك اللى حصل امبارح ده كان القشه اللى قطمت ضهر البعير خلاص
مرام تهز راسها و تروح تقعد على السرير
مازن / نفسيه حبيبتى احسن دلوقت
مرام / طب مهما كمان مش هيسكتوا و اكيد هيكون ليهم رد فعل يعنى
مازن / مهو انا مش هخلع ايدى اوى يعنى انا لسه قايلك انا هبقى فضهرك العين بالعين و السن بالسن و البادى اظلم
مرام / بس برده انا مش قدهم بيضربوا من تحت لتحت و مشهعرف امسك عليهم حاجه و هطلع انا الغلطانه و الوحشه فى الاخر
مازن / طب اعمل ايه قوليلى اعمل ايه و انا اعمله مهو للاسف مفيش دليل واحد ان الموضوع فعلا كان مقصود انس حلف مليون يمين ان الموضوع كان صدفه و لبنى كانت فى الحمام وقت مالكاسات اتوزعت و على راى زياد يعنى لو لبنى حطت الكاسه قاصده هتعرف منين انها هتقع من نصيبك مش لوغارتمات هى
مرام / هو زياد كان عاوز يتجوزنى ؟؟
مازن / ايه السؤال ده
مرام / كان عاوز ؟؟؟
مازن باصص فى الارض و ساكت
مرام / طنط فريده هى اللى قالتلى قالتلى انهم عارفين انك بتحبنى من وقت مزياد كان عاوز يتجوزنى
مازن يبصلها باستغراب
مرام / لما جت زارتنى و انا عيانه فى الفيلا فاكر قالتلى كدا
مازن / ازاى تقولك حاجه زى دى و انتى ازاى متقوليليش حاجه زى دى
مرام /ما  انت مش بتقولى كل حاجه فمش بقدر افهم و مش بقدر اتصرف
مازن / اقولك ايه الموضوع ان لبنى سابت زياد و هو كان عاوز يغيظها فقال انه هيدور على واحده محترمه و ناجحه و ذكيه و جميله يرتبط بيها
مرام / و انا الواحده دى
مازن / دى كانت لحظه هبل و راحت لحالها
مرام / بس لبنى عارفه انه فكر فيا عشان كدا بتكرهنى عشان كدا بتحاول بكل الطرق انها ..
مازن / سكتى يعنى
مرام / انا مش عارفه هى عاوزه ايه ساعات بحس انها عاوزانا نقرب من بعض اوى و ساعات بحس انها عوزه تفرق بنا انا حقيقى مش فهماها
مازن / تعرفى تشيليها من دماغك بصى لبنى هى نفس نوعيه طنط فريده عشان كدا بيحبوا بعض جدا و انا لو عليا مش عاوزهم الاتنين فحياتى بس مستحمل غصب عنى
مرام / خلاص يا مازن بص انسى انسى
مازن / تعرفى انتى محتاجه ايه
مرام تبصله
مازن / محتاجين ننزل عشان مونى و صافى و شريف و كامل و انجى تحت مستنينا عشان ننزل مصر نجهز لاكبر و اجمل فرح حصل فى تاريخ مصر لاجمل عروسه و اوسم شاب
مرام/ اوسم شاب !!!
مازن / معترضه انتى ؟؟ حاسك معترضه
مرام / ههههههههههههههههه و انا اقدر دانت اللى فالقلب
مازن / ايوه كدا اتظبطى
مرام / هههههههههههههههه يلا و لا ايه
مازن / اتفضلى حضرتك يلا
...........................
فى فيلا صفوت
صفوت / اهلا اهلا اهلا اهلا اتارى الفيلا نورت دا القاهره كلها نورت
مرام / ازيك يا خالو وحشتنى
صفوت / بكاشه زى حبيب القلب الا مفى مكالمه تليفون واحده رنه حتى  ...لا اوعى كدا ثوانى ايه القمر ده يا لهوى هو ينفع كدا
صفوت يمسك ايد مونى و يلفها و الكل بيدحك
مرام / ايه يا خالو انا راحت عليا و لا ايه
صفوت / مين الوجه الجديد
انجى / انجى صاحبه مونى
صفوت / الطيور على اشكالها تقع طبعا و هى القمر هتصاحب ايه
مازن / مش عاوز اقطع عليك لحظاتك السعيده يا خالو بس ده كامل اخو انجى و خطيب مونيكا
صفوت / يابن المحظوظه يا كامل هى العيال اللى بتقع واقفه دى بتعملوها ازاى هاه تعال قولى الواد مازن بتحايل عليه من يوم مخطب مرام يقولى السر مش راضى ابدا يمكن انت تحن عليا
كامل يدحك
صافى / طب اروح انا بقى اصل خالو صفوت مش شايفنى
صفوت / دا كلو الا انتى هو فى كدا يا جدعان فخر الصناعه التركيه
مازن / بقولك يا خالو كامل و انجى و مونى هيقعدوا معانا هنا عشان يقضوا باقى اجازتهم مع مرام قبل ميسافروا تانى
صفوت / طب و صافى مش هتقعد
صافى / ههههههههههههههههههههههههههه
مازن / يا جدعان انا قولت نشوف مكان تانى
صفوت / مكان تانى فعينك بقى انا اربيك و اتعب كل ده و فالاخر عاوز تاخد المزز دول مكان تانى
مازن / على فكره خالو كل هزاره كدا لما هتعرفه هتحبه اوى
كامل / لا ونا لسه هستنى لما اعرفه دانا حبيته والله
صفوت / مسكين يا صفوت كل اللى بيحبوك خناشير
مونى / اخص عليك يا خالو طب دانا حتى بحبك خالص
مرام / و انا كمان والله
صافى / و انا كمان
صفوت يبص على انجى بسهوكه
انجى / ههههههههههه و انا كمان
صفوت / خلاص يا شباب تقدروا تروحوا انتوا تشوفوا وراكوا و ايه و انا هفضى نفسى النهرده عشان افسح البنات الامامير العساسيل دول .. ها يا بنات نفسكوا تعملوا ايه النهرده تيجى نروح سينما و لا نتعشا بره
مونى / كان نفسى موت يا خالو بس للاسف صاحيه مالفجر و تعبانه مووووت و نفسى انام
انجى / و انا كمان
صفوت / اخص خلاص ناجلها لبكره و اطلعوا نقوا الاوضه اللى تعجبكوا و ناموا و ارتاحوا و انبسطوا و بكره الصبح ناخد اليوم من اوله
مونى / خلاص اتفقنا
صافى / امال شريف فين
مازن / بيلعب مع زعتر
مرام / لا اله الا الله
صفوت / طب والله حبسته لما عرفت انك جايه
صافى  / طب والله حرام دا كيوت خالص
مرام / مين ده اللى كيوت يا صافى زعتر دا كان هيموتنى بالسكته القلبيه
صافى / انتى اللى خفيفه اوى
مازن / ناديين
نادين تطلع
مازن / معلش خدى البهوات يرتاحوا فوق .. و انا هستاذنكوا ورايا مشوار صغير وراجع علاطول ... بقولك يا خالو هسيب مرام و صافى معاك هاه ارجع الاقيهم سلام اى حاجه ناقصه كدا و لا كدا
صفوت / يلا ياله
مازن / حبيبى يا خالو ههههههههههههههههههههه
مازن يمشى و كامل و انجى و مونى يطلعوا مع ناديين
مرام / مشوار ايه ده اللى وراه
صفوت / احسن خليه يتوزع تعالى بقى انتى و صافى اما اوريكوا الدور بتاعكوا اللى هتتجوزوا فيه دا اتغير خالص
مرام و صافى و صفوت يطلعوا فوق
..........................
فى بدروم الفيلا
شهاب نايم فركن و متبهدل عالاخر و زعتر مربوط شريف ينزل يلعب فى زعتر و بعدين يروح يمسك جردل مايه و يرش بيه شهاب يقوم مفزوع شريف يحدف الجردل و يجيب كرسى و يقعد عليه
شهاب / هو انت يا كلب الباشا امال فين سيدك
شريف يبتسم و يدخل تلت شباب شكلهم مش مظبوط
شريف / بيقولك ايه اللى مربتوش امه بيجيبوه لشيكو يربيه
شهاب / متدخلش نفسك فلعبه منتش قدها
شريف / بس يلا مبكلمش الامؤاخذه اللى زيك ملخص الفيلم الجزاء من جنس العمل و زى محاولت تعمل فصافى هيتعمل فيك دلوقت
شهاب يتعدل فقعدته و يبص لشريف مبتسم شريف يقوم
شريف / كان نفسى اكمل الحفله معاكوا بس للاسف انا بقرف ابقوا هاتولى الصور
شهاب / انت اتجننت انا لو حد قرب منى هوديكوا كلكوا فستين داهيه انت فاهم
شريف / حقك طبعا و عالعموم احنا هنستعين بالسوشيال ميديا عشان يحددوا العقاب المناسب اللى احنا نستحقه عاللى هيحصل فيك امال احنا هنصور كل اللى هيحصل صوت و صوره ليه مش عشان نشيرها يا شهوبتى بالاذن انا بقى اتوصوا بالراجل دا صاحب مزاج و لازم يتكيف يقول علينا ايه
شريف يقف و يبص لشهاب بشماته و عنين شهاب كلها رعب و يسيبه و يمشى واحد مالعيال يصور و اتنين يقلعوا هدومهم و يروحوا يتحرشوا بشهاب
شهاب / اوعى ايدك دى يابن الكلب لقطعهالك ... اوعى بقولك اوعى
الواد ينزل ضرب فشهاب و شهاب يصرخ ثوانى و مازن يدخل
مازن / جبرت على كدا يا رجاله و الف شكر و اسفين عالازعاج
التلاته يطلعوا بره و يناولوا مازن الكاميره مازن يروح يفك شهاب
مازن / المفروض و انت خارج تشكر شريف لانه انقذ صافى من تحت ايدك على قد معملت معاها عملوا معاك لو كنت زودت كانوا زودوا
شهاب / اوعى تفتكر انى هعدى اللى حصل بالساهل
مازن / لا مانا مش عاوزك تعديه انا عاوزك تجيب اخرك عشان انا هموت و افضحك و اطلع القديم عالجديد عشان انا جبت اخرى منك و من اهلك اقسم بالله
شهاب يقوم يقف و ينفض نفسه و يبص لمازن بغل
مازن / نورتنا يا شهاب بيه كان نفسنا والله نقوم معاك بالواجب اكتر من كدا بس نقول ايه بقى
شهاب / افتكر كلامى دا يا مازن كويس
شهاب يقرب من مازن اوى زعتر يفضل ينبح و يتنطت فمكانه مازن يروح ناحيه زعتر و يفكه و يمسك سلسلته و يلفها على ايده و زعتر عمال ينبح و يتنطت عاوز يهجم على شهاب
مازن / سامعك يا شهاب كنت عاوز تقولى حاجه مهمه .. اهدى يا زعتر شويه خلينى اسمع الراجل .. مش راجل برده يا شهاب و لا ايه النظام ههههههههههههههههههههه
شهاب يعدى مازن و زعتر و يطلع بره يقابل شريف واقف بره مبتسم يخبطه فى كتفه و يعدى
شريف / ليه كدا يا جدع دانا كنت متوضى ينفع كدا
شهاب يبصله و يمشى و شريف يدحك مازن يطلع و فايده زعتر شريف يوطى و يلعب معاه
شريف / عم الكلاب كلها
زعتر ينبح شريف يدحك
مازن / مرضى ؟؟
شريف / دا كدا رضا اوى
مازن / خد احبس زعتر بقى و انا هروح اشوف خالو بيعمل ايه انت عارفه
شريف / هههههههه ماشى خمسايه و احصلك
مازن يمشى و شريف يقعد يلعب فشعر زعتر
......................
فى الدور بتاع مازن و مرام
صفوت / على ميخلصوا هتستلميها زى الصوره اللى عاللاب دى
صافى / كلاسى اوى
مرام / هى تيته هتقعد فين
صفوت / تنقى افخم جناح فى القصر و تفرشه زى مهى عوزه
مرام / لا تيته مش هيفرق معاها الحاجات دى هى بس عاوزه تبقى جنبى اى اوضه جنبى
صفوت / تنقى الاوضه اللى تعجبها فى المكان اللى يعجبها يهمنا راحه تيته
مازن يدخل
مازن / دا كلو الا تيته ...ايه الشغل الجامد ده لا الله ينور يا حوده
صفوت / الواد محمود ده طلعت دماغه حلوه اوى على فكره اتعلم الشغل كلو بسرعه و اى حاجه تطلبها منه يعملها احسن مما كنت مستنى
مازن / قولتلك انا صح
صفوت / الواد مازن ده طول عمره له نظره فى الناس
صفوت يبص على مرام يلاقيها مبسوطه اوى
مازن / بقولك يا صافى .. مدام مامى مسافره متخليكى مع مرام لحد متسافرى هنا يعنى
مرام / ياريت اوى يا صافى بجد انتى مسافره و احنا ملحقناش نقعد مع بعض و انتى هتسافرى و يعالم هتنزلى مصر امتى اشوفك
مازن / استجدعى بقى يا صافى و بعدين انا عندى ليكى عرض ميترفضش ايه رايك احجزلك انتى و مرام من بكره لحد يوم متسافرى انتى و هى و مونى و انجى كمان اخر دلع فى احسن بيوتى سنتر فى مصر
صافى / افكر
مرام / انتى هتستهبلى و لا ايه اقفل الفيلا يا مازن و سيب زعتر فى الجنينه
صافى / هههههههههه على فكره كدا انتى اللى هتتحبسى زعتر دا حبيبى
مرام / بجد !!! طب اقفل الفيلا و سيب زعتر نايم حرام نزعجه برده
شريف / متجمعين عند النبى ان شاء الله
مرام / من بقك لباب السما خبط لزق يا شريف
مازن / ليكوا عندى اتجوز من هنا و نطلع كلنا عمره و حج و كل اللى نفسك فيه يا ست الكل
مرام / شاهدين
صفوت / انا شاهد
مرام / خلاص تمام يلا شوف الفرح امتى بقى انا جاهزه
مازن / هههههههههههههههه و انا كمان امال العطله منين يا خال البتاعه دى مخلصتش ليه
صفوت / يا سلام بسيطه نعمل الفرح و تدخلوا فى احسن فندق فيكى يا بلد و تسافروا شهر العسل و تلفوا الدنيا و على متنزلوا تكون خلصت
مازن يبص لمرام
مرام / خلاص لما تيته تيجى ظبطوا سوا
صافى / و من هنا لحد مسافر هكون معاكى لحظه بلحظه و هظبطك عالاخر
مازن / هو النهرده عيد ميلادى و لا ايه ايوه بقى
شريف / طب هو عيد ميلادك ده مفيهوش عشوايه حلوه ان شالله حتى حته جاتوه
مازن / امال انت لازمتك ايه يا شيكو ظبطنا
شريف / ايوه بقى خمسايه و راجع
صافى / انا والله مش فارق معايا غير انى اعرف بيودى فين
مرام / ارزاق ياؤختشي ارزاق
........................................
فى عياده دكتور النسا اللى حصل فيها الاجهاض
الممرضه / انتى خايفه كدا ليه دا الدكتور ايديه تتلف فحرير الواحده من دول تدخل حامل تطلع من تحت ايده بالسلفانه
نيفين تهز راسها ست تطلع مسنده بنت صغيره ماكس تلتاشر سنه نيفين تتخض
الممرضه / متخافيش دى بتنزل انا عارفه ياختى العيال جرالهم ايه الواحد خايف بكره تجيله بت فى اللفه بتنزل هى رخره قومى معايا قومى الدكتور مستنيكى جوه قومى
الممرضه تشد نيفين و هى خايفه تدخل معاها
................................
فى الفيلا تانى يوم الصبح
مرام تصحى على حس حركه بره تقوم تلبس و تفتح الباب بالراحه و تنزل تحت تلاقى عمال و ناس بينزلوا حاجات فى الجنينه و محمود واقف قدامهم تقرب
مرام / الله ينور
محمود / مرام ايه المفاجاه الجامده دى رجعتوا امتى
مرام / امبارح
محمود / اخص عليكى و مكلمتنيش تطمنينى
مرام / قالولى انك جاى الصبح قولت اعملها مفاجاه .. مفاجاااااه
محمود / شوفتى فوق
مرام / حلو جدا تسلم ايدك تعرف انا فرحانه بيك اوى امبارح خالو صفوت قعد يقول فيك قصايد شعر ايوه هو ده اخويا رافع راسى
محمود / على الله نعجب
مرام / طبعا عاجب
محمود / يعنى صافيه لبن
مرام / حليب يا قشطه بقولك ايه اوعى تكون فطرت انا هدخل احضر احلى فطار عشان نفطر سوا
محمود / وحشنى اكلك يا بنت الايه
مرام / عشان تعرف قيمتى بس
محمود / عارف والله
مرام تبتسم و تدخل جوه تقابل مازن خارج مالجيم كلو عرق
مرام / صباح النشاط
مازن / نموسيتك كحلى
مرام / مصحتنيش ليه
مازن / انهى قلب اقل راحتك و انتى عامله زى الملايكه و انتى نايمه كدا
مرام / تصدق فاتتنى دى كان المفروض اقفل الباب عليا بالمفتاح البيت معدش فاضى علينا
مازن / عقبال منزحمه بالعيال
مرام / هروح احضر الفطار و انت استحمى و حصلنى
مازن يشم ريحته و يبص الناحيه التانيه و هو مبتسم و يطلع فوق و مرام تبتسم و تروح ناحيه المطبخ
مرام/ صباح الخير وحشتكوا صح
مرام تسلم على نادين و البنت التانيه و تبوسهم و هما مستغربين
مرام / عندنا ضيوف كتير اوى النهرده هكتب شويه طلبات و لو ناقص منها حاجه ياريت نبعت حد يجيبها تمام
نادين / تمام حضرتك
مرام تشد مريله و تلبسها و تبدا تفتح التلاجه تطلع بيض و لبن
.............................
فى الجنينه بره
شريف يدخل يركن العربيه يقابل محمود ياخده بالحضن
شريف / الباشا اللى خد مكانى
محمود / هههههههههههههههههه  عيب دانت الاستاذ
شريف / اقسم بالله انت ربنا بيحبك كانت رحله بنت كلب
محمود / بتهزر
شريف / امال رجعنا بدرى ليه من اول محطينا رجلنا هناك و مقولكش من اول موصلنا ايه دانا العجله فرقعت منى فالطريق و العربيه لولا ستر ربنا كانت اتقلبت بيا انا و صافى
محمود / قول والله
شريف / والله يعم انا كنت عارف ان دى عين البت تقى اختى الصغيره نقت عليا اكمنى طالع السخنه و هما طلعوا اسكندريه ادينى رجعت و هما هناك امبارح لما وصلت كلمتها قولتلها لو غرقتى هناك اعرفى انها عينى
محمود / بعد الشر عنها يا اخى تف من بقك
شريف / بهزر يا عم خليهم ينبسطوا
محمود / ادايقت اوى كنت فاكركوا مبسوطين
شريف / الحمد لله عدى مكنش كلو وحش يعنى لعبنا و انبسطنا و كان فى اوقات حلوه كتير فالنص برده
محمود / الحمد لله
شريف / اسوء موقف بقى القشه اللى قطمت ضهر البعير و خلتنا نرجع انت عارف جو العيال صحاب زياد دول عيال مقرفين لا تربيه و لا نيله و انت عارف بقى بيشربوا و كدا المشكله بقى كاسه مرام اتلخبطت مع كاسه فيها شويه ويسكى مع عصير لمون بالنعناع و عينك متشوف الا النور
محمود / انت بتهزر و بعدين
شريف / مازن خدها هو و صافى و مونى و طلعوا فوق عدت على خير بس تانى يوم بقي مازن علمهم الادب اللى كان له فيها و اللى ملوش
محمود / بس دى قله ادب يا شريف
شريف / بس تصدق انا اول مره اعرف ان مرام كانت مخطوبه
محمود / اه دا كان من فتره طويله اوى و مطولوش اصلا الموضوع كله مكملش اسبوعين و لا حاجه
.............................