السكه شمال بقلم / لولو_محمد ( كامله )

الحلقه ١٥٨

((((((((((السكة شمال )))))))))))))))
#لولو_محمد
الحلقه 158
فى شقه مازن
زياد يفتح الباب و يدخل يلاقى مازن نايم عالسرير يايد النور مازن يغطى راسه بالمخده
زياد / قوم يابنى ايه الجو اللى انت فيه ده قوم كدا اغسل وشك و احلق دقنك دى قوم مش هتصدق كميه العروض اللى جت لما بس قولنا ان المجموعه معروضه للبيع الناس هتقطع بعض
مازن / اطلع بره يا زياد انا مش فايقلك اطلع بره
..............................
زياد / فى ايه يابنى مالك هو مش انت اللى قولت هتصفى شغلك هنا وتسافر بره انت رجعت فى كلامك و لا ايه دا ابوك كل شويه يكلمنى يسال وصلنا لفين فى الموضوع
مازن يقوم يقعد
زياد / و بعدين سى شريف ده ايه حكايته قافل موبايله و محدش عارف يوصله و مفاتيح الخزنه معاه هو ينفع كدا
مازن / شريف ساب الشغل
زياد / نعم ؟؟ ساب ايه ؟؟ المركب اللى تودى بس يعنى شريف يسيب الشغل و محمود يستنى اما صحيح عالم ههههههههههههههههه شوفت اللى كان هيموت منك دلوقت لما شاف عز المرتب باع مرام و ام مرام واحد غيره كان هو اللى ساب الشغل اول معرف انك هتطلق الا صحيح مرام عرفت انك هتطلقها و لا لا
مازن / انت جاى ليه يا زياد
زياد / جايلك تقعد مع المستثمرين اللى هيشتروا منك الحاجه تعرف فى كام عرض كويس جدا لو ضغطنا عليهم هتطلع بمبلغ محترم لو قعدت عمرك كلو تصرف فيه مش هتقدر تخلصه
مازن / اعمل اللى انت شايفه صح انا مش عاوز اتكلم فى الموضوع ده
زياد / طب بالنسبه لاجراءات اعلام الوراثه و الحاجات دى مين هيخلصها و صحيح مدام شريف استقال هتوكل مين يطلقلك مرام و الله انا بقول و لا توكل و لا تنيل طلقها انت و خلاص
مازن / لبنى فين
زياد / فى البيت بتسال ليه
مازن / بسال يعنى مشغوله عنك فى ايه و سيباك تتسلى عليا
زياد / هههههههههههههههههههههه عسل يا ميزو والله يابنى قوم بقى الله امال لو كان ابوك بجد كنت عملت ايه و بعدين لعلمك بقى انت خدت القرار الصح مصر دى راحت عليها خلاص انت تاخد فلوسك دى و تستثمرها فى اى حته تانيه انما الاقتصاد هنا على يدك واقع الجنيه بيجى بطلوع الروح
باب الاوضه يخبط يبصوا يلاقوا شريف واقف و معاه ملف
شريف / مساء الخير
زياد / اهلا شرفت فين مفاتيح الخزنه عاوزين نطلع العقود و الاوراق و الفلوس اللى فيها
شريف / و انت تطلعهم بصفتك ايه
زياد / يعنى ايه بصفتى ايه عاوزين نعمل حصر للتركه عشان الناس اللى هتشترى
شريف يبص لمازن مازن يجرى عليه
مازن / مرام عامله ايه يا شريف راحت المستشفى رجلها عامله ايه
شريف / انت هتبيع دلوقت انت هتبيع بجد
مازن / تولع ام الشركه هى عامله ايه
شريف / و انا اعرف منين هى مش هانت عليك تنزل من عندك بالمنظر ده مش هانت عليك و انت جوزها عاوزها تفرق معايا انا فى ايه و انا حياله حته موظف عندك اخره شويه فلوس ترميهمله مكافاه نهايه الخدمه
مازن يبص فى الارض
شريف / هو البيه مكلفش نفسه يسال عنها حتى بتليفون يعرف هى عامله ايه دلوقت اصلا هستنى منك ايه هو انت فى حاجه فارقه معاك بيع يا عواد بيع بس عالاقل قبل متقرر تبيع تابع حركه الاسهم و لا ايه السوق وقع فى الارض بعد خبر موت صفوت بيه خلى سعر الاسهم ينزل بشكل عنيف الكل فاكر ان المركب هتغرق و عرضوا اسهمهم للبيع
زياد / ناس بتفهم و انا رايي نعمل زيهم
مازن يسيبهم و يروح يقعد مكانه و يحط راسه بين ايديه و يبص فى الارض
شريف / صحيح مستنى ايه من واحد معرفش يعدى من سنه تالته الحل انك تشترى الاسهم اللى فالسوق و هى واقعه و تشتغل عليها سنه و لا اتنين لحد متضرب فى السما تانى و بعد كدا تفكر تبيع هتفرق معاك مليارات بس انت تهمك فى ايه هى يعنى فلوسك انت اللى هتروح فى الارض دى فلوس الاهبل اللى سايبلك سفينته تغرقها
زياد / متتكلم عدل يا بتاع انت انت هتنسى نفسك و لا ايه انت شغال عندنا
شريف / لا تصحيح انا مش شغال عندك عمرى مشتغلت عندك و عمرى مهشتغل انا شغال عنده هو و دلوقت مش شغال عند حد انا سبت الشغل الصبح
زياد / و مدام سبت الزفت جاى ليه متغور فى ستين داهيه
شريف / و انت بتطردنى بصفتك ايه مين انت
مازن يقوم يزقهم هما الاتنين بره الاوضه و يصرخ فيهم
مازن / باااااااس ايه مالكوا غوروا اتخانقوا بره جايين تتخانقوا جنبى ليه
زياد / نسى نفسه ابن ال....
مازن / بس بقى يا زياد بس
شريف / لا متاخدش فى بالك انا اصلا كنت جايبلك الملف ده و ماشى بيتهيالى يهمك المستثمره اللى خالك كان بيساعدها تبنى شركتها فى مصر جميله هانم عماره فاكرها البت اللى كان عمال يجريلها عالورق و التراخيص طلعت مصاحبه احمد الدهبى دخلت على خالك و رسمت عليه دور الغلبانه و المحتاسه البهوات استغلوا خالك عشان يخلصلهم التراخيص لانهم عارفين ان اسم احمد الدهبى لو اتحط على اى ورقه هنوقفهالهم و بعد ماستلمت الشركه و كلو تمام استغلوا اننا مش فايقين لروحنا و نقلتها باسمه النهرده اتفضل بص خليك انت عيش فدور المكتئب كدا و سيب الزباله دول يحطوا رجلهم فى السوق تانى
زياد يمسك الملف و يفر فيه مازن يشده منه و يبص فيه و يسهم
شريف / بص يا باشا دقق فى الورق اللى معاك الشركه اللى انت عاوز تبيعها الدهبى بيشترى من المساهمين الهبل اللى عرضوا اسهمهم للبيع الباشا عاوز يجى يقعد مكان خالك تعب خالك و شقاه هيروح للدهبى و انت نايملى فى السرير زى خيبتها يا دكر
مازن عمال يقلب فى الملف يفتكر حواره مع خاله عن جميله
/////////////////////////
مرام / ميمكن دى فرصه يا خالو يعنى مدام حضرتك بتقول انها معندهاش خبره حضرتك تساعدها و تكسب ثواب يعنى محدش بياخد رزق حد يعنى
صفوت / اكيد طبعا و ده بالظبط اللى عملته انا بعتلها حد من العلاقات العامه عندى هيظبطلها كل حاجه و هشرف علىه بنفسى لحد متثبت قدمها فى السوق
///////////////////////
زياد يجرى يروح يفتح الدولاب و يدخل الرقم السرى و يطلع مسدس اسود منقوش عليه بالدهبى مازن معكوفه يفتح خزنته و يتاكد انه عمران
زياد / انا هقتله ابن الكلب اللى مش عارفين نخلص منه ده انا مش هرحمه انا اصلا قولت ان هو اللى عملها و جاى الجنازه كمان ابن الكلب صحيح يقتل القتيل و يمشى فى جنازته اصلا كان المفروض نفكر فيه اول واحد مين ضرب نار على عربيتك يا مازن مين هددك قبل كدا انه هياذى مرام مين له مصلحه ان فرحك ميتمش عشان عينه فى مراتك مين غيره ابن الكلب الحيوان بس لا كفايا عليه اوى كدا انت اصلا كان المفروض تقتله من سنين
شريف / انت بتقوله ايه انت عاوز ايه عاوز تقتله متروح تتفضل و تورينا نفسك اعمل حاجه واحده فحياتك غير انك تضرب من تحت لتحت و تستخبى كفايا بقى حركاتك الناقصه دى
زياد / انت زودتها اوى و انا لولا انى عامل حساب لمازن
شريف / انت مبتعملش حساب لاى حد حتى حرمه الميت مش قادر تعمل حسابها الراجل لسه مدفون و كل اللى بتفكر فيه انك تضيع شقاه و تعبه فى الارض عشان مصلحتك الشخصيه قولى يا زياد بيه هتاخد كومشن كام من البيعه دى
مازن قاعد سرحان بيفتكر كلامه مع خاله
/////////////////
صفوت / يابنى اقسم بالله شغل ههههههههههههههههه
مازن / و انا هصدقك
صفوت / فاكر البنت اللى كنت حكيتلك عنها اللى جت تستثمر فى مصر و معرفتش تمشى فى الروتين و القرف ده
مازن / اه جميله باين مالها
صفوت / هى دى خلاص بنفنش فى التراخيص بتاعتها و باذن الله هتبدء شغل قريب اوى
///////////////////////
زياد / انت انسان مريض و حقود و انا محتاج كوميشن ليه يا متخلف ناقصنى فلوس زيك
شريف / يا اخى دانت من قله اصلك بعت صفقه بمليارات بتاعه وادى النطرون عشان مبلغ تافهه زيك الحمد لله ان صفوت بيه خدها تحب اقهرك و اقولك الصفقه دى فرقت فى اسهم المجموعه قد ايه عشان اقولك انك مبيهمكش غير مصلحتك الشخصيه و بس
زياد / عندك دليل واحد على اللى انت بتقوله ده انت كل شويه تيجى تقول اى كلام و خلاص و لولا انى عامل حساب لمازن كنت رديت عليك الرد المناسب
شريف / و انت عندك دليل ان الدهبى هو اللى قتل صفوت بيه
زياد / الملف اللى انت لسه جايبه
شريف / الملف ده عشان مازن ياجل البيع و يلحق شركته اللى بتنهش فيها الكلاب
زياد / و انت طبعا لازم تظهر بصوره البطل اللى هينقذه
مازن / باس بقى كفايا كفايا انتوا ايه اخرسوا بقى اخرسوا انتوا ايه مبتحسوش روحوا اتخانقوا فى ستين داهيه بعيد عنى كلو بعض اولعوا ببعض اخرجوا من حياتى انتوا ايه ارحمونى لا الشركه و لا الفلوس و لا اى حاجه هترجع خالى
شريف / على الاقل هيبقى مرتاح فى تربته
زياد / و هو هيرتاح فى تربته و اللى قتله عايش بره و عمال يضحك علينا جتنا ستين خيبه
مازن يقوم يقف و هو بيفكر فى اخر حوار بينه و مع خاله
/////////////////////////
صفوت / انت فين
مازن / فى شقتى ليه
صفوت / لازم اقابلك ضرورى حالا هعدى عليك حالا
مازن / فى ايه يا خالو قلقتنى فى ايه
/////////////////////
احمد / اول معرفت الخبر جيت علاطول مهما كان اللى بنا دا كان زى ابويا و اكتر الله يرحمه و يصبرك لو احتجت اى حاجه يا مازن اى حاجه انا مغيرتش رقمى
مازن يرفع عينه و يبص على احمد و كانه مش مستوعب
////////////////////////
مازن يفوق و يبدا يستوعب و الغضب يبدا يبان على وشه
شريف / يا اخى انت ايه جنازه و تشبع فيها لطم انت عاوز ايه
مازن يشد المسدس من ايد زياد و يمشى شريف يحاول يمنعه زياد يمنعه
زياد / انت مالك بينا يا اخى ابعد عننا سبنا فى حالنا
شريف يضرب زياد بالدماغ يوقعه فى الارض
شريف / عاوزنى اقتله عشان يدخل السجن و يخلالك الجو دا بعينك
شريف يجرى ورا مازن
....................................
فى شقه مرام
مرام نايمه عالسرير و النور مطفى مازن يفتح الباب و يدخل و عينه عليها يايد النور و يروح يقعد جنبها و بالراحه يحرك شعرها من على وشها
مرام / عاوزه انام يا تيته
مازن / مرام انا اسف
مرام تقوم تتعدل بسرعه و تترمى فى حضنه
مرام / انت جيت انت هنا انت بجد
مازن / مقدرتش ابعد عنك انا مليش غيرك يا مرام انتى عارفه انا قد ايه بحبك انا اسف سمحينى
مرام / مسمحاك مسمحاك المهم انك هنا المهم انك جنبى انا بحبك يا مازن بحبك اوى
مازن / قومى معايا يا مرام قومى نروح بيتنا انا مش قادر اعيش من غيرك
مرام تشيل الغطا و رجلها المربوطه تبان مازن يوطى يحط ايده عليها
مرام / بقت كويسه لما انت جيت انا خفيت لما انت جيت
مازن / انتى بجد مستعده تيجى معايا من غير فرح
مرام / انا ميهمنيش حاجه فى الدنيا غير انى ابقى جنبك و لا فرح و لا زفه و لا فستان و لا عاوزه اى حاجه غيرك انا مش عاوزه حاجه فى الدنيا غيرك
مازن / انتى بجد مسمحانى
سميحه تدخل
سميحه / الله انتى مكالتيش يا مرام
مرام و مازن يبصولها
سميحه / مرام مرام مرام
مرام تفتح عنيها تلاقى نفسها نايمه عالسرير و سميحه بتصحيها تبص يمين و شمال و حواليها فكل حته و الدموع تنزل من عنيها و تبدا تعيط بحرقه و قهره
سميحه / مالك يا قلبى مالك يا ضنايا فيكى ايه بس يا بنتى مالك يا حبه عينى بتعيطى كدا ليه
سميحه تاخد مرام فى حضنها و مرام عماله تصرخ اااااه و هى بتعيط مديحه تدخل على صوتها
مديحه / مالها كفالله الشر بتصرخ كدا ليه فى حاجه وجعاها
سميحه / كلمى محمود خليه يجيب دكتور ... بس يا حبيبتى بس يا ضنايا اهدى والله مفى حاجه تستاهل اهدى يا قلبى متعمليش فى روحك كدا اهدى يا بنتى متعمليش فيا كدا
مرام تفقد الوعى سميحه تصرخ و مديحه تجرى على شقتها
.............................
قدام عماره مازن
مازن نازل يركب عربيته و يطير و شريف ينزل وراه يبص يمين و شمال يلاقى محمود داخل عليه يوقفه
شريف / كويس انك جيت انزل انزل
محمود ينزل
محمود / فى ايه يابنى مش عارف اوصلك لا انت و لا مازن هو مازن فوق لازم اتكلم معاه اللى بيحصل فى الشركه ده مينفعش دول كلمونى قالولى ان ....
شريف ياخد العربيه و يطير ورا مازن محمود يبص جنبه يلاقى زياد خارج مالعماره و مناخيره وارمه و كاتمها بمنديل يبصوا على بعض من فوق لتحت و كل واحد يروح من طريق تليفون محمود يرن
محمود / اللو ايوه يا ماما
مديحه / اللحقنى يا محمود البت مرام قطعت النفس اطلب الاسعاف و لا هات دكتور اللحقنى البت هتروح مننا
.................................
فى شقه تيفا
اميره بتقلب فى الشكمجيه بتاعتها و تبص فيها يمين و شمال و بعدين يبان على وشها الغضب و تقفلها و تروح على اوضه توفيق تفتح من غير استاذان تلاقيه نايم عالسرير و بيولع سجاره
تيفا / مش تخبطى مش يمكن قالع و لا انتى ايه ظروفك
اميراه / انت بتسرقنى يا توفيق بتسرق اخوك
تيفا / يادى القرف بقى اللى مبنخلصش منه اسرقك ليه ان شاء الله و بعدين هو انتى حلتك حاجه تتسرق يا حيلتها
اميره / الخاتم بتاعى اللى كان فى الشكمجيه
تيفا / هو انتى بتسمى الفتله ده خاتم ههههههههههه
توفيق يقوم يفتح دولابه و يطلع رزمه فلوس كبيره متينات و يرميها على اميره تشقطها و تبصلها باستغراب و تبصله و السجاره متعلقه فى بقه و مبتسم كانه فتح عكا
تيفا / ايه مشوفتيش فلوس قبل كدا
اميره / جبتها منين دى يا توفيق سرقت مين
تيفا يروح يلف حواليها
تيفا / السرقه دى مبتاكلش عيش يا ست الستات و بعدين مهو جوزك شغال فيها بقاله سنين كان عرف يجبلك حاجه بقى مش خساره الرقبه الحلوه دى متلاقيش سلسله نضيفه تغطيها
توفيق يحط ايده على رقبتها تشد ايده و تزقها بعيد
اميره / اوعى ايدك دى عنى انت فاكرنى ايه طب والله المرادى مهعديها و هقول لاخوك على كل حاجه
توفيق / انتى الخسرانه ساعتها العز اللى كنت هعيشك فيه هيروح عليكى و هتطلعى مالبيت هنا بفضيحه اصل محدش هيصدقك
اميره / مانت عيل واطى و ابن كلب
توفيق / و انا والله مهرجعلك كلمه و شوفى بقى الواطى و ابن الكلب ده هيعمل ايه
توفيق يشيل اميره و يحدفها على السرير و يتهجم عليها و هى بتحاول تقاومه
...........................
فى فيلا احمد
مازن ينزل مالعربيه و يدخل الفيلا احمد يستقبله
احمد / ازيك يا راجل عاش من شافك بس انت جاى بدرى الحفله بالليل
مازن يقابله ببوكس فوشه يوقعه فى الارض مناخيره تجيب دم
احمد / لا اله الا الله فى ايه يا مازن شكل فلتى الجديده معجبتك بس والله الحفله كانت هتعجبك
مازن يشد احمد من هدومه و يحدفه على اقرب كرسى و يطلع المسدس و يوجهه عليه
احمد / انت جاى تقتلنى دانا معملتهاش معاك شوف بالرغم من كل اللى عملته معايا معملتهاش معاك جاى انت دلوقت تقتلنى هههههههههههههههههه ماشى اضرب بس نشن هناهو فنص راسى زى الهنود هههههههههههههه
مازن يحدف المسدس فى الارض و يمسك احمد من هدومه
مازن / مقتلتنيش ليه رد عليا مقتلتنيش ليه
احمد / و اضيع على نفسك قهرتك و كسرتك دى ليه و انا اهبل
مازن يضرب احمد بوكس
احمد / ههههههههههههههههه انا لو منك مضيعش وقت فى الضرب و اقتل علاطول اللى بينى و بينك مش هيخلص الا لما واحد يقتل التانى و انا مش هقتلك يبقى هنفضل نكسر فى بعض كدا لحد مانت تقتلنى
مازن يزق احمد يتقلب بالكرسى يقوم يقف و هو بيدحك على مازن اللى شايط و يمسح الدم من على وشه
احمد / هههههههههههههههههه اخبار مرام ايه يا ميزو سمعت انك هتطلقها طب مش تباصيها لاخوك و لا هو ...
مازن ينط على احمد يجيبه فى الارض و ينزل فيه ضرب و احمد عمال يدحك و يتوجع فى نفس الوقت يستفز مازن اكتر
مازن / كان المفروض تقتلنى انا كمان يابن الكلب ادحك كمان ادحك انا هخليك تبكى بدل الدموع دم
احمد / انا اللى هخليك تبكى بدل الدموع دم هخليك تبكى عليها هخليك تسمع صريخها ووجعها و مش هتقدر تعملها حاجه هخليك تشوفها و هى بتموت قصادك و انت عاجز
مازن يفضل يضرب فى احمد شريف يحوشه و يزقه بعيد عنه احمد يقوم
احمد / ههههههههههههههههههههه بقيت ضعيف يا مازن موت خالك كسرك ضربتك بقت مايعه زيك
شريف / اخرس يابن الكلب امشى يا مازن اتحرك دا ميستاهلش احنا هنتعامل معاه بعدين
احمد / لما هخلص عليها هفضاله هاخد حبايبك منك واحد ورا التانى
مازن يحاول يروحله شريف يمنعه
شريف / دا مجنون ابعد عنه دا مجنون .. مازن اعقل اعقل
زياد يدخل ووراه الامن بتاع الفيلا
احمد / الله دا الحفله بدات بدرى اهو ازيك يا زيزو جيت لوحدك و لا لولا جت معاك هى فين صحيح و اخبارها ايه هاه
زياد / امسح مناخيرك الاول و بعدين تعال اسال عن لولا
احمد يمسح الدم اللى بينزل من مناخيره و زياد بيتحرك ناحيه مازن اللى واقف بيغلى و يشده بره
زياد / اتحرك يا مازن دا ميستاهلش امشى متوديش نفسك فى داهيه عشان كلب زى ده
احمد / هههههههههههههههههههههههههه مقبوله منك يا زيزو عشان خاطر لولا بس
زياد ينط على احمد و يمسكه من هدومه الامن يدخلوا و يحاولوا يمسكوا زياد
زياد / قولتلك متجبش سيره لولا على لسانك انت فاهم و لا لا
مازن يفلت من ايد شريف و يضربهم و يفك زياد منهم شريف يشدهم الاتنين بره
احمد / على فين يا جماعه طب و الحفله ههههههههههههههههههههههه
احمد يبص للخدم و يتف فى الارض
احمد / زى قلتكوا واقفين بره بتعملوا ايه يا كلاب كل ده و انا بنضرب هنا انا هوديكوا كلكوا فى ستين داهيه
احمد يلمح مسدس مازن مرمى فى الارض يروح يجيب منديل و يشيله
احمد / طول عمره زوق و صاحب واجب هديه مقبوله يا ميزو عقبال مردهالك ان شاء الله
................................
فى شقه توفيق
مجدى و امه يفتحوا الباب على صوت اميره جوه مجدى يدخل يجرى يلاقى اخوه بيقطع فى هدومها يشده فى الارض و يضرب فيه بالرجل و الست تصرخ
مجدى / مراتى يابن الكلب شرفى يا واطى يابن الكلب
الست / سيبه يا مجدى سيبه حرام عليك اخوك سيبه
...........................
اميره تجرى تلبس العبايه و تهرب بره البيت
تيفا / هى اللى سافله هى اللى جاتلى الاوضه و كل شويه تجيلى هى اللى سافله
مجدى / هقتلك والله يابن الكلب هقتلك
الست / سيبه يا مجدى ابوس ايدك سيبه
مجدى ببيخنق توفيق و امه مش عارفه تحوش توفيق يطلع المطوه من جيبه و يضرب مجدى فى جنبه بيها ضربه التانيه التالته بسرعه محدى يقع فى الارض و توفيق يطلع يجرى و الست قاعده بتولول على ابنها اللى بيموت
الست / اللحقونى يا ناس اللحقونى يا هو الواد بيروح منى يا ناس اللحقونى يا خوانا
الجيران تتجمع
الست / حد يلحقنى يا ناس حد ينجدنى
واحد / مين اللى عمل كدا يا ست ام مجدى
الست / بت الكلب بت الكلب قتلته قتلت ابنى اميره بت الكلب قتلت ابنى حسبى الله و نعم الوكيل فيها حسبى الله و نعم الوكيل فيها
.....................
قدام فيلا احمد
شريف عمال يزق مازن فى عربيته
شريف / انت اتجننت انت عاوز تضيع نفسك دا بدل متبقى مع مرام
مازن يبصله
شريف / مرام قطعت النفس فى البيت محمود كلمنى و كان محتاس مش عارف يتصرف
مازن يمسك فى شريف و التوتر يبان عليه
شريف / انا بعتلهم دكتور بس معرفش الاخبار هتروحلها ؟؟ قولى مش هتروحلها ؟؟ هتسيبها كدا يا مازن هتسيبها بجد فى الظروف دى ؟؟
زياد يدخل
زياد / يلا بينا يا مازن انا لو فضلت فى البيت ده ثانيه واحده هقتله
شريف / متمشى يا اخى حد حايشك دا ايه البلاوى دى
مازن / انا زهقت منكوا زهقت منكوا انتوا ايه مبتزهقوش انا سايبكوا و ماشى بلا قرف
مازن يركب عربيته و يطير و زياد و شريف يبصوا لبعض و كل واحد يروح فى اتجاه
...............................
فى شقه سميحه
سميحه قاعده تعيط و مديحه قاعده ماسكه ايديها و محمود واقف جنبها
مديحه / متعمليش فى نفسك كدا يا حجه بدل متقعى مننا
صوت صريخ فى الشارع و الناس بتجرى محمود يجرى يفتح البلكونه
محمود / فى ايه
واحد / المعلم مجدى الحو اتقتل
محمود / ازاى مين اللى قتله
واحد / بيقولوا مراته ظبطها بتسرق اخوه و ضربته بالمطوه
محمود / انت بتتكلم جد
الراجل / الحاره كلها هناك هنروح نشوف اهو
الراجل يجرى و محمود يدخل
مديحه / بركه دعايا اللهم اضرب الظالمين بالظالمين و اخرجنا منهم سالمين يارب حسبى الله و نعم الوكيل فيهم يجيهم و يحط عليهم انا هروح اتفرج
محمود / هتروحى تتحشرى وسط الرجاله و البلطجيه
مديحه / بلا تنحشرى بلا متنحشريش وسع من وشى
محمود / يا ماما بطلى الحركات دى احنا فى ايه و لا فى ايه
مديحه تزق محمود و تنزل تجرى يبص على سميحه
سميحه / اجرى ورا امك يا محمود اجرى وراها المجنونه دى هتجيب اجلى انا عارفه
محمود يجرى ورا مديحه و يقفل الباب وراه و سميحه قاعده فمكانها بتعيط
.....................