السكه شمال بقلم / لولو_محمد ( كامله )

الجزء الثالث

(((السكة شمال )))))))))))))))))))
#لولو_محمد
الحلقه الثالثه
انس / تخيل مش عارف الدكتور ده شارب حاجه عالصبح و لا ايه
زياد / ياعم انت مدايق نفسك ليه هنعمل زى كل مره ارمى قرشين لاى معيد هيظبطلك الليله
انس / يابنى بقولك هيمتحنا شفوى و الدكتور ده ابن كلب رزل
زياد / يا سيدى نخلى المعيد يقعد معانا قبلها يشرحلنا الليله و ندخل ناخد العشر درجات و نمشى
انس / و هنتقسم ازاى بقى ان شاء الله احنا سته و كل فريق تلاته يعنى لازم نبقى فرقتين يا فالح
.............................
زياد / هرد عليك بالليل لما اكلم مازن
انس / ليه هو مش هيبقى معاكوا
زياد / يمكن يحب يشتغل مع نيفين ساعتها مش هينفع يبقى معانا
انس / اه تمام فهمت .. بقولك ايه سلام سلام هكلمك بعدين
زياد / مصلحه هكلم مازن بالمره
انس / قشطه
انس يقفل و يروح ناحيه نيفين بتتكلم فى التليفون و باين انها مدايقه اوى
انس / مالك يا نوفى فى حاجه
نيفين / لا عادى مفيش
انس / الحوار بتاع المشاريع ده دايقك
نيفين / لا عادى يعنى دول حياله عشر درجات
انس / ايه رايك تبقى معايا فى التيم بتاعى
نيفين / مش عارفه اما اشوف مازن الاول
انس / طب متكلميه و تشوفى
نيفين ىبص الناحيه التانيه
انس / ايه اتخانقتوا و لا ايه اوعى يكون بسبب خروجنا امبارح
نيفين / لا متخانقناش و لا حاجه
انس / امال فى ايه
نيفين / مفيش عادى
انس / هو انا لسه عارفك امبارح فى ايه يابنتى ايه اللى حصل
نيفين / مفيش يا انس
انس / انا هكلمه هشوف فى ايه
نيفين / لو سمحت يا انس بلاش
انس / يبقى فى حاجه
نيفين / معرفش بس هو انا مش عارفه اكلمه من امبارح
انس / مش فاهم
نيفين / مبيردش لا على رسايلى و لا مكالماتى مش عارفه يمكن انا عملت حاجه تزعله
انس / و انتى لو عملتى حاجه تزعله مش المفروض يقولك ايه اللى زعله و لا يتقمص زى العيال
نيفين تبص لانس و تبص الناحيه التانيه
انس / نيفين
نيفين / نعم
انس / متزعليش منى بس انتى ليه راضيه بالوضع ده
نيفين / انا متاكده ان له عزره هتكلم معاه و اشوف اكيد له مبرر
انس / براحتك كلمى مازن و شوفى لو تحبى تبقى ففريقى انا هسجل بكره
نيفين / مين التالت معاك
انس / لو مازن هيدخل معاكى معنديش مانع لو مش هيدخل ممكن نشوف نورا
نيفين / و ايه هيخلى مازن ميدخلش معايا
انس / ممكن يحب يدخل مع زيزو و لبنى عادى يعنى
نيفين / اه ماشى
انس / انا جعان متيجى نروح نفطر
نيفين / لا انا هروح منمتش كويس
انس / اوك تعالى اوصلك
نيفين / اوك يلا
...........................
قدام باب شقه عالسلم
مازن بيتكلم فى التليفون
مازن / يعنى حقيقى
صوت شاب / اه و مستحلف للدفعه كلها على فكره خصوصا بعد درجات الميد تيرم اللى كانت زى الزفت
مازن / و احنا مالنا ماحنا مظبطين فى الميد تيرم و زى الفل و لا ايه
صوت شاب / والله انا اتفقت مع زياد انى هعملكوا المشاريع و هقعد معاكوا اشرحلكوا كل حاجه عشان تعرفوا تجاوبوا لو سالكوا
مازن / لا لا فاكس الحوار ده انا عندى فكره احسن
صوت شاب / سامعك
مازن / هو انت ينفع تلعب فى الفرق
صوت شاب / ازاى
مازن / يعنى تشوفلنا حد مالعيال الدحيحه يكون فى فريقنا
صوت شاب / هحاول
مازن / و لو بنت يبقى زى الفل
صوت شاب / حاضر فى حد فدماغى كدا هحاول اظبطهالك ففريقك
مازن / حبيبى ظبطلى الحوار ده و انا هظبطك
صوت شاب / انت تؤمر
مازن / سلام
مازن يقفل السكه و يضرب الجرس ثوانى و الباب يتفتح و مازن باصص فى الارض يرفع عينه يلاقى نورا فوشه
نورا / مستنياك من بدرى ادخل يا قلبى
مازن يبتسم و يدخل
نورا /اقعد هجيبلك حاجه تشربها
نورا تدخل و مازن يروح يقعد
مازن / عملتى ايه امبارح مع انس
صوت نورا من جوه
نورا / عمل زي مقولتلي بالظبط انا كنت ماسكه نفسي بالعافيه اني ادحك
نورا تطلع معاها كاسه عصير
مازن / و ياتري ايه هي خطته الجهنميه المرادي
نورا / رنيا هتروح لنوفي تقولها ان انت اللي سلطتها على انس عشان توقع بينها و بينه
مازن / لا شكله كع مبلغ محترم
نورا / و انت  لما سبتله الساحه فاضيه خد نيفين و قعدوا يسترجعوا الزكريات و بعدها فضلوا للفجر يرغوا فالتليفون و طبعا البنت مخنوقه منك عالاخر و اتصلت بيا تفضفض معايا
مازن / وماله دوري بقي
نورا / ايه هتعلي عند رنيا
مازن / و ارمي فلوس صاحبي فالارض تؤ
مازن يطلع موبايله
نورا / بتعمل ايه
مازن يشاورلها هش و يتكلم بصوت حزين
مازن / ايوه يا نيفين ازيك
نيفين / انت فين يا مازن و ليه مش بترد علي مكالماتي
مازن / انا عندي تصوير الساعه اتنين عاوز اشوفك بعدها ضروري
نيفين / في ايه يا مازن قلقتني
مازن / هتعرفي لما اقابلك انا لازم اقفل سلام
نيفين / مازن
مازن يقفل السكه و يقفل الموبايل
نورا / انت بتعمل ايه
مازن يبصلها و يبتسم
نورا / مبتكشفش ورقك لحد تمام
مازن/ ياااه الوقت سرقني انا هقوم امشي بقي
نورا / انت لسه جاي لسه ساعتين عالتصوير
مازن /يادوب اروح للحلاق و اللبس
نورا تقرب منه وي
نورا / و ماله كدا مانت جامد اهو و مفكش غلطه
مازن / عشان خاطر زياد
نورا / زياد و لا لبني
نورا تبعد و تروح تقعد
مازن / لبني مين دي ان شاء الله اللي اعمل حاجه عشانها
نورا / امال بتعمل فنيفين كدا ليه مش عشان قالت للبنى ان الفستان الازرق مطخنها مالجناب
مازن / لا طبعا عشان نيفين تستاهل نيفين لو كانت بتحب انس مكنتش ضيرت وشها عنه رمت نفسها فحضنى فنفس اليوم.. ايه اكتشفت انها بتحبني لما شافته مع غيرها
نورا / هي كانت مجروحه برضه
مازن / جدا بدليل انها قال ايه عاوزاهم يبقوا صحاب هو بعد علاقه سنه و نص ينفع يبقوا صحاب دي حولته فرند زون ينفع وقت عوزه
نورا / و انس
مازن / ماله انس انا عملت فيه جميله العمر بينتله حبيبته علي حقيقتها الواطيه مع انه ميستاهلش دا لو كان بيحبها بجد مكنش اتفق عاللعبه دي مالاول و لا كان سمحلي اقرب منها و الاكتر انه مكنش خانها مع صحبتها
نورا / اسمحلي فالاول و الاخر الموضوع كلو بيصب فمصلحه لبني هي بتعرف تحركك زي مهي عاوزه ..متبصليش كدا طول مانت مبتكسرش لزياد كلمه و طول مهو ماشي وراها زي الدلدول كدا لبني هي اللي هتمشي الكل علي هواها
مازن / ياتري راي لبني ايه لما تعرف اننا رجعنا لبعض
نورا / انت بتهددني بلبني امال لو مكناش دفنينه سوا انا لولا عشان خاطر عنيك كنت حكيت لزياد علي اللي شوفته
مازن / انا اتاخرت
نورا / انا احلي و لا الحلاق بتاعك
مازن / الحلاق ههههههههههه سلام
نورا / هتلف تلف و ترجعلي
مازن يمشي و نورا تقفل الباب و هي مبتسمه
.................
في الكليه
مرام / سجلت
محمود / اه و قالي تسليم البروجكتات بكره
مرام / اوك نروح بقي
محمود / متيجي نقعد فالكافتريا شويه لسه بدري
مرام / يابني دانا مصدقت خلصنا بدرى اروح اساعد تيته شويه
محمود/اللي تشوفيه يلا بينا
.................
فى الاستوديو
لبني / قولتلك مش هيجي قولتلك انه هيصغرك و يصغرني
زياد / لسه فاضل وقت اكيد حاجه اخرته
لبني / هو بيعمل كدا قاصد هو عاوز يحرق دمي
زياد / ممكن تهدي
لبني / مهو لو كان عاملك حساب مكنش قفل موبايله
مازن يدخل لابس جاكت جلد اسود
مازن / كنتي بتقولي حاجه
مازن يبص للبني تتحرج
مازن / كنت سامعك بتتكلمي كنتي عاوزه تقولي حاجه
لبني / انت ايه اللي انت لابسه ده
مازن / مش شغلك
زياد / مازن
مازن / انا مش هلبس بدله انا مش فى فرح انا مبلبسش بدل فالافراح حتي
لبني / انت طالع في التي في
مازن / طظ انا طالع عشان خاطر زياد غير كدا لو كانوا وقفوا علي راسهم مكنتش ههتم انتي فاهمه و اهدي شويه ايه التوتر ده
واحده حلوه تيجي
البنت /  مازن منتصر ؟؟؟
مازن / اي خدمه
البنت / اتفضل معايا
مازن / لايديز فيرست 
البنت و مازن يمشوا
لبني / انت ازاي تسمحله يكلمني كدا
زياد / بصراحه معاه حق بدلة ؟؟ ريلي؟؟
لبني / اوووف
زياد / يا حوبي مازن طالع فى برنامج نجوم السوشيال ميديا يعني اللي بيشوفوه كلهم شباب
لبني / براحتكوا بقي انا الغلطانه
زياد / لا مش غلطانه بس انتي اتوترتي اوي و اديتي الموضوع اكبر من حجمه
لبني / اوك تعال نتفرج بقي
.............
في شقه فخمه
جرس الباب يضرب بنت تروح تفتح بنت تانيه عالباب
بنت ٢/ نيفين موجوده
بنت ١/ اقولها مين
بنت ٢/ واحده صحبتها
بنت١/ اتفضلي
بنت٢ تدخل الصالون
بنت ١/ ثواني هناديهالك
بنت١ تمشي و بنت ٢ تقعد و تبص يمين و شمال ثواني و نيفين تدخل
نيفين / انتي ؟؟ افندم
بنت ٢ / بصي انا عارفه انك مش طيقاني و ليكي حق بس لو سمحتي اديني فرصه اشرحلك
نيفين / مفتكرش ان في حاجه تتشرح
بنت٢ / اسالي نفسك سؤال واحد تفتكري كانت صدفه ان مازن يكون واقف فالشارع و انتي نازله منهاره من شقه انس بعد مشوفتيتا
نيفين / اطلعي بره يا رنيا
رنيا تفتح شنطه و تطلع علبه فيها خاتم سولتير و موبايلها
رنيا / مازن جابلى ده هديه و ده موبايلي و دي رساله مني لمازن بقوله انه حصل و هو بدوره بطريقه ما بلغك عشان تيجي و تشوفينا سوا و تنزلي تلاقيه مستنيكي تحت عشان يكون الكتف الحنين اللي يطبطب عليكي
نيفين / انا مش هكررها تاني اطلعي بره
رنيا / انا قولتلك اللي عندي انا اخدت وقت طويل اوي لحد معرفت اوقع انس و كان كل مره بيرفض بس الزن عالودان امر مالسحر
تليفون نيفين يرن
نيفين / انا خارجه بيتهيالي انك عارفه طريق الباب سلام ..لا منغير سلام
نيفين تاخد شنطتها و تمشى و ترزع باب الشقه وراها بنت ١ تدخل رنيا تمشي
..........
في كافيه
نيفين / ها هتقولي في ايه بقي
مازن / انا مش هقدر اكمل
نيفين تتصدم
مازن / الفتره اللي فاتت كانت صعبه اوي عليا و الفتره الجايه كمان بس انا مش قادر
نيفين / انا ماشيه
نيفين تقوم تقف
مازن / انا اسف
نيفين / اسف ؟؟ بجد بس اسف ؟؟
مازن / عمرة محبك و مكنش يستاهلك بس انا مش هقدر اكمل مع واحده بتحب واحد صاحبي .... ممكن تقعدي
نيفين تقعد
نيفين / اي كان اللي بيني و بين انس انتهي
مازن / بسببي
نيفين / يعني رانيا معاها حق ؟؟ انت جبت لرنيا خاتم سولتير عشان تخلي انس يخوني
مازن / لا لا لا انس كان بيخونك انا بس كنت محتاج دليل
نيفين / و انت استفدت ايه انا عمرى متصورت انك م.....
مازن / اني ممكن اعجب بيكي و يتحرق دمي فكل مره كان بيخونك فيها و بعدين هو لو كان بيحبك بجد كانت رنيا عرفت توقعه متبصي لزياد في بنت عرفت حتي تلفت نظره عن لبني مع ان لبني متستاهلش ضافره اصلا و لا هي فجمالك و لا فشخصيتك و لا تيجي جنبك حاجه
نيفين / امال عاوز تسبني ليه
مازن / عشان انتي بتحبي انس بتستخدميني عشان تغيظيه و بس
نيفين / مش صح
مازن/ لا صح بدليل انك لسه بتتعاملي معاه فالاول كنت بقول اكيد هتحتاج وقت عشان تنساه و انها لسه فمرحله الصدمه تنكرى انك روحتي معاه امبارح و سهرتوا فكافيه و بعدين رغيتوا للصبح في التليفون
نيفين / الموضوع مش
مازن / علي فكره كل ده مكنش غلطتك انا اللي كنت اناني اوي انا مفكرتش فيكي و لا انتي عاوزه ايه فرضت نفسي عليكي فاكتر وقت كنتي ضعيفه و مجروحه فيه و اللي مش هقدر اسامح نفسي اني كنت سبب فالجرح ده حتي لو نيتي كانت خير اتجرحتي
نيفين تبص الناحيه التانيه
مازن / انا زي مقولت مش هقدر اكمل بالطريقه دي فخدت قرار اني هقولك علي كل حاجه هعترف بس مكنتش اعرف ان رنيا هتسبقني بس مش مشكله وفرت عليا وقت و مجهود و تفكير هقولك الحقيقه ازاي
نيفين / و المطلوب
مازن / الكوره بقت فملعبك انا بحلك من اي ارتباط ناحيتي و انتي اختارى خدي وقتك و قرري هتسامحي انس و ترجعيله و لا هتسامحيني انا و اي كان قرارك انا متقبله و هقف جنبك فيه و علي فكره احنا برده هنفضل صحاب و اي حاجه هتحتاجيها انا هكون موجود
نيفين / انا مش فاهمه حاجه بجد حاسه اني فكابوس
مازن / انا اسف اوي بجد بس انتي كان لازم تمري بالمرحله دي لازم تقعدي مع نفسك بعيد عني و عن انس و تشوفي انتي نيفين محتاجه ايه انا و لا انس و لا مش محتاجه حد خالص محتاجه وقت تفصلي بيه عن كل اللي حصل وقت تجمعي فيه نفسك و تقفي فيه لوحدك تاني علي رجليكي انتي كنيفين محتاجه ايه و انتي الوحيده اللي تقدري تحددي و تاخدي قرارك
نيفين تبصله
مازن / و اي كان قرارك اوعدك اني .... هحترمه
نيفين تهز راسها و تقوم
مازن / تحبي اوصلك
نيفين / لا شكرا عاوزه اكون لوحدي
مازن / معاكي فلوس كفايه
نيفين تهز راسها و تمشي و مازن يقعد و يطلع موبايله
مازن / خاتم سولتير ريلي؟؟
انس / عجبك
مازن / دانت يائس
انس / لا بس تستاهل
مازن / نوفي و لا رنيا
انس / اللعبه يا صاحبي
مازن / ماشي علي العموم انا مانكرتش و خرجت من حياتها و رميت الكوره فملعبك يا تري بقي هتعرف تجيب جون و لا نوفي هتعمل هجمه مرتده و تسجل سلام
مازن يقفل و ياخد نفس جامد و يشاور للمتر و هو مبتسم
.............
تاني يوم في الكليه
محمود / يعني ايه
المعيد / يعني انتوا التلاته مينفعش تبقوا فمجموعه واحده
محمود / مين قال كدا الدكتور محددش
المعيد / بس ان الاوائل يبقوا فتيم واحد مش فير لباقي الدفعه و لو مش عاجبك كلم الدكتور
مرام / خلاص يا محمود
محمود و مرام و سعد يمشوا بره
مرام / احنا هنطلع للدكتور
محمود / المجموعات اللي احنا فيها دي ميته
مرام / مين مازن و نورا دول اصلا اللي معايا
سغد / دول شله مازن منتصر و زياد مجدي بس متقسمين علينا احنا التلاته
محمود / هو مش الاتنين دول المفروض اخوات يا سعد
سعد / يمكن مالام
محمود / ابين مختلفين و دفعه واحده ليهم حق اخلاقهم تبقي زي الزفت كدا
مرام / مش حوارنا مشاكلهم الاسريه دي مش موضوعنا انا هطلع للدكتور
............
قدام مكتب الدكتور
مرام و محمود و سعد قاعدين مازن و زياد و انس و نيفين و نورا و لبني يدخلوا محمود يوشوش مرام
محمود / شله الهنا
مرام / اه عرفتهم انا مستحيل اشتغل معاهم
محمود / مازن اللي لابس ازرق
مرام تبص مازن يبتسملها تلف وشها بسرعه
مرام / انا عمري مهشتغل مع ده لو هسقط
مازن / متعلوا صوتكوا مدام بتتكلموا عني يعني
مرام / انا عمري مهشتغل معاك
مازن / ليه بعض
محمود يقومله / متحترم نفسك
مازن / انت بجد عاوز تتخانق معايا
مازن و محمود فوش بعض بالظبط و الكل يقوم يقف
مرام / احنا قدام مكتب الدكتور اهدوا
مرام تزق محمود يمشي معاها
مرام / هتضيع نفسك علي ايه هو انا يعني مش هعرف ارد
مازن / مثلا ههههههههههههههههههههههه
...............................