السكه شمال بقلم / لولو_محمد ( كامله )

الحلقه ٤٩

((((((((((((((السكه شمال )))))))))))))
#لولو_محمد
الحلقه التاسعه و الاربعون
محمود / ايه مش هتفكيها بقى
مرام / افك ايه
محمود / التكشيره دى مش لايقه عليكى تعرفى انك الفتره اللى فاتت كنتى مكشره معظم الوقت
مرام / بجد ؟
محمود / ايوه و علاطول عصبيه انتى مكنتيش كدا ايه جرالك تفتكرى لو عزمتك على ايسكريم مودك هيتعدل
مرام تبتسم
محمود / لا كدا فيها ايسكريم وش بقى
..........................
مرام / لما بفكر فى الاجازه دى بلاقينى اتعلمت حاجات كتير اوى اصناف مكنتش بعرف اعملها تركات مهمه جدا مكنتش عرفاها و كمان دخلت مطبخ محترفين و شوفت الشغل بيبقى عامل ازاى و اتجراءت انا استفدت اوى من التجربه دى بالرغم من انها كانت قاسيه اوى
محمود / هى دى مرام اللى اعرفها
مرام / الفتره اللى جايه من حياتى هتبقى مختلفه خالص يا محمود الناس دى مش شايفنا او شايفنا صغيرين اوى و رخاص الناس دى لازم تفوق و تعرف حجمها الحقيقى
محمود / معاكى حق بس ازاى
مرام / اننا نكبر نتعب لحد منكبر
محمود / احنا عمرنا مهنبقى زيهم
مرام / انا مش عاوزه اكون زيهم انا ميشرفنيش ابقى زيهم انا عاوزه اكون زى مانا بحلم عاوزه اوصل منغير حسنه من حد كانى كلب بيرميله عضمه
محمود / هو ايه اللى حصل يا مرام
مرام / بيتهيالى عندى نقص حاد فى الايسكريم
محمود / شيكولاته ؟؟؟
مرام / شيكولاته
محمود / ماشى يلا بينا
.................................
فى المستشفى
عنبر كبير مليان سراير واحد منهم توفيق
مجدى / يعنى عاوز تقنعنى انهم عملوا فيك كدا مالباب للطاق متنطق يا زفت مين دول و عملوا فيك كدا ليه
ام مجدى / اهدى على اخوك يا مجدى الله اللى فيه مكفيه
مجدى / اقسم بالله محد مبوظ الواد ده غير دلعك فيه
تيفا / بقولك ايه اللى اعرفه قولتهولك متوجعش دماغى
مجدى/ شايفه الرد شايفه ابنك
مازن يدخل مجدى يقف
مجدى / مازن باشا ايه النور ده خير
مازن / لا مش خير انا جاى اقول كلمتين و ماشى عشان انا زى مانت عارف خارج من حادثه عربيه و مليش الوقفه
مجدى / ليه الدخله دى بس يا باشا قولى مين اللى مزعلك بس يا باشا
مازن / لما تقبض منى على انك هتخلى الننوس يعتزر لسته و بدل ميعتزرلها يروح يتقدملها و يدايقها و لما يقطعلى الفرامل عشان يموتنى و فاكر انه هيفلت منغير عقاب
تيفا / كان قلبى حاسس ان انت اللى عملتها
مازن / المرادى قرصه ودن و قسما عظما لو عقلك وزك تلعب معايا تانى او مع اى حد يخصنى لخلى الدبان الازرق ميعرفلكش طريق جره و ميغركش العربيه و اللبس النضيف عشان انا لما قلبتى وحشه
ام مجدى / جرا ايه يا جدع انت مالك كدا داخل علينا و نافش ريشك مكلنا ولاد تسعه الله
مازن / الحجه دى صح
ام مجدى / اه ياخويا ايه مش عاجباك و لا مش قد المقام
مازن / انا قولت اللى عندى لو خايفه على عيالك لميهم فحضنك بدل مخليكى تزوريهم بعيش و حلاوه مره فى الاسبوع دا لو طولتيها سلام
مازن يمشى
ام مجدى / و دا ماله ده هو فى ايه هى سايبه و لا سايبه
مجدى / بس ياما
توفيق / طب وربنا ل
مجدى / اخرس ياله و اتلم بقى
توفيق / انا مش عارف انت عامله حساب كدا ليه
مجدى / عشان اللى انت مستهيفه ده يبقى اكبر مالباشا اللى مشغلنا يا غبى دانا فكرت اسال عنه بس كنت هروح فيها
ام مجدى / للدرجادى
توفيق / يعنى ايه حقى كدا خلاص بلح
مجدى / هو يقصد ايه بحد يخصه
توفيق / انا عارفله بقى
مجدى / بقى كدا ماشى
..............................
فى شقه مرام
سميحه / ايه الحاجات دى كلها
محمود يشاور على مرام
مرام / ايه !!! اتعلمت كام صنف حلويات هحتاجهم فيها
محمود / انا هعمل عرض على كل اوردر حاجه حلوه فرى ايه رايك
مرام / ماشى .. انا جعانه اوى حد جعان زيي و لا انا بس
محمود / جعانه اوى تعالى كلينى
مرام / مليش فالنواشف انا نفسى هفانى كدا على حاجه .. حاجه كدا تكون ... انا عاوزه 
محمود / استر يارب
مرام / متنزل تجبلنا عكوايه اعمل عليها برام لسان عصفور
محمود / عكاوى !!!
مرام / اه ايه رايك يا تيته نتغدى النهرده عكاوى
سميحه / والله انا على عينى يبقى نفسك فحاجه و متاكليهاش بس الغدى اللى جوه ده هنعمل فيه ايه 
مرام / ايه الخيانه دى انتى لحقتى تعمليه امتى
سميحه / هههههههههههههههه هو الاكل بياخد ايه يعنى
مرام / خلاص انا هقوم اسخن حد هياكل معايا
محمود / انا
مرام / قشطه
مرام تقوم
سميحه / تعال اقعد جنبى هنا عوزاك
محمود يقوم جرى
محمود / خير يا ست الكل
سميحه / سعد لسه زعلان
محمود / والله كلمته بس يعنى اهو و بصراحه يا تيته له حق يزعل داحنا اتنفخنا هناك و كل واحد كان بيعمل كل اللى يقدر عليه يمكن فالاخر ينوبه اى حاجه و لا نلفت نظرهم بس يلا هما الخسرانين هيلاقوا زينا فين
سميحه / مش هيلاقوا متزعلش نفسك
محمود / تيته انا عاوز اسالك فحاجه
سميحه / طب متسال علاطول
محمود / انتى ليه فاتحه لمازن الباب
سميحه / باب ايه
محمود / مرام قالتلى انه كان هنا امبارح و انها مش اول مره
سميحه / لو ضيف خبط على بابك هتفتح و لا تطرده
محمود / بس دا مش ضيف دا بلاء
سميحه / هى مرام بلاء
محمود / ايه السؤال ده
سميحه / هى مرام بلاء
محمود / لا طبعا دى احلى نعمه من ربنا
سميحه / حتى لما بتتعصب و تتنرفز و تنشف راسها
محمود / مهو محدش كامل يا تيته
مرام تطلع مالمطبخ شايله طبق عدس
مرام / العدس السخن
مرام تحط العدس و تدخل تانى
محمود / الله والله يا تيته الواحد كان بيتنشق على طبق عدس زى ده فاسكندريه مالبرد
سميحه / الف هنا
محمود / نرجع لموضوعنا مازن
سميحه / مازن مش كامل و عصبى و دماغه ناشفه بس
محمود / مبسش يا تيته مبسش
مرام تطلع شايله طبق كمان
مرام / ثوانى هجيب العيش و البصل عشان نخربها بقى اجبلك يا تيته ؟؟
سميحه / هاتي و روحى نادى لعمتك
مرام / حاضر
مرام تفتح باب الشقه و تمشى
محمود / اذا كان احمد اللى كنا مستغربين ازاى حد فالزمن ده يعمل كدا طلع بلح و راح تعبنا و كل علينا فلوسنا مازن بقى هيبقى فى منه خير
سميحه / هو مازن عملك البحر طحينه
محمود / مازن لو يطول يغرقنا فى البحر كان عملها
سميحه / انتوا قلبكوا اسود اوى كدا ليه انا مشوفتش مالواد حاجه تقول كدا ابدا و بعدين هو بيجى و انتوا مش موجودين عشان ميحتكش بحد فيكوا بيجى يقعد يفضفض معايا بكلمتين و يمشى
مرام و مديحه يدخلوا مديحه تقعد و مرام تدخل المطبخ
مديحه / انت هنا من امتى يا محمود
محمود / مفيش عشر دقايق
مديحه / بقولك يا حجه تاخديش الواد ده و تدينى مكانه حلتين اهو ينفعونى عنه
محمود / الله الله الله
سميحه / ياختى يجيب اكتر من حلتين
مرام تطلع شايله طبق
مرام / حلتين و طبق ههههههههههههههه
محمود / بقى كدا هو الايسكريم اتهضم و لا ايه
مرام / من زمااااااااااااااان هههههههههههههه
مرام تدخل جوه تانى
مديحه / بقى يا حجه لما يوصل يدخل عندك و ميفتكرنيش و لا يطمنى عليه الا و هو نازل يصلى و دلوقت يجى برده لا يكلمنى و لا يطمنى انه وصل
محمود / اولا انتى مكنتيش تعرفى اصلا انى راجع و لو كنت دخلت عليكى كنتى اتفزعتى انا قولت اقعد هنا شويه و اسلم عليهم لحد متصحى فمعادك على صلاه الفجر ثانيا انا لسه واصل اصلا و مش عيل صغير عشان كل شويه اكلمك اقولك انا فين
مرام تطلع شايله العيش و طبق بصل بالخل
مرام / متحاولش مهما كبرنا احنا فعنيهم اطفال
سميحه / و هتفضلوا عيال هو احنا مش بنكبر معاكوا يعنى و بعدين قلقنا عليكوا ده طبيعى مش بمزاجنا
مرام / انتوا مستنين عزومه متاكلوا قبل ميبرد ثوانى هجيب طبقى و اجى
مرام تدخل
محمود / طب عشان نقفل الموضوع يعنى مازن ...
سميحه / مازن ضيفى بيستاذن قبل ميجى و انا بقوله تعال و الموضوع هيتقفل على كدا
مرام تدخل تقعد
مرام / متحاولش ريقى نشف
محمود / بكره لما يبان على حقيقته هو كمان محدش يزعل
سميحه / سمى و كل يا محمود سمى و كل
............................
فى الفيلا عند مازن
زياد و لبنى يدخلوا ووراهم واحد شايل الشنط يطلعها على فوق
مازن / حمد الله عالسلامه ظابطين معادكوا ما شاء الله
زياد / الله يسلمك شكلك مبسوط فى ايه
مازن / الاول ايه اللى رجعكوا مش كنتوا ناوين تقفلوا الاجازه
لبنى / زهقنا عادى يعنى
مازن / لا حقكوا تزهقوا طبعا بس عالعموم انا جايبلك هديه
لبنى / هديه ؟؟ ليا انا
مازن / اه و لو مكنتوش جيتوا النهرده كنت جيتلكوا بنفسى
زياد / هو فى ايه يا مازن
مازن / ده عقد بيع الشقه امضى و تبقي بتاعتك .. مبروك عليكى انا كسبت الرهان بس لو مش عوزاها انا ممكن اسيبلك العربيه او اشتريها منك الشقه اكيد يعنى
زياد / بدرى اوى عالكلام ده و لا فى حاجه حصلت
لبنى / انت محاولتش اصلا
مازن / الرهان كان ان مرام يتعرض عليها عرض ميترفضش و ترفضه عشان هى محترمه و حصل
زياد / امتى ده
مازن / احمد الدهبى عرض على مرام ساعه سولتير و فيلا دوبلكس و مطعم و مرام رفضت انا كسبت مرام مش شمال جايم اوفر
لبنى تقطع العقد
لبنى / احمد اهبل و بعدين سورى يعنى انا مكنتش بتكلم عالفلوس انا كنت بتكلم عالحب
مازن / خلصنا يا لبنى خلصنا اعترفى انك خسرتى و خلى عندك روح رياضيه بلاش الغل ده
لبنى / غل ؟؟
مازن / بهزر معاكى
زياد / بس لبنى بتتكلم جد احنا قولنا انك انت هتحاول
مازن / انا مش فاضى للهبل ده و دلوقت انا خاطب فحتى لو حاولت مرام مش هتبصلى و لا هتحبنى و مش هجازف بماهى يعنى عشان حته عربيه
لبنى / نرفع الرهان
زياد / استنى هنا انت ايه حكايتك منين مش طايق ماهى و منين هتكمل فى الجواز انت مش بعضمه لسانك قايلى انك هتدى لبنى هديه عشان خلصتك من ماهى
مازن / اه هى خلصتنى منها فعلا بس خلصتنى من غرورها و لزقتها دلوقت السيطره ليا انا و هى زى الخاتم فصباعى و هتعمل كل اللى انا عاوزه اتز اوين وين جايم يا خبر ايه قله الزوق دى انتوا راجعين تعبانين مالسفر اسيبكوا ترتاحوا سلام
مازن يمشى
لبنى / هو ايه اللى حصل ده
زياد / و لا اى حاجه انا مرهق جدا مطبق و هموت و انام
لبنى / انت هتنام ازاى و
زياد / انا عمرى وعدتك بحاجه و موفتش
لبنى / لا
زياد / خلاص تراست مى بقي اقولك تعالى
زياد يشيل لبنى و يطلع بيها فوق
لبنى / انت بتعمل ايه نزلنى .. بقولك نزلنى
.........................................
اول يوم فى الدراسه
مرام قاعده فى المدرج
البنت 1/ انا اصلا قلتلك مش هتعرفى توفقى
بنت 2/ بس اهو كنا ناكل ببلاش و لا ايه يا مرام هتستندلى معانا و تبعينا و لا ايه
مرام / اهو ده اللى انتوا فالحين فيه
محمود / بس مدقتوش الحاجات الجديده اللى مرام اتعلمتها مالشيف بتاعهم بجد خرافه
بنت 1/ طب مش هتعملى حركه مجدعه و تدوقينا مره
سعد يدخل يجرى
سعد / الدكتور جاى ورايا
بنت 1/ اوف بدئنها بدرى اوى
مرام / ههههههههههههههههه انتى ايه اللى جابك اصلا
بنت 1/ والله معرف ماما صحتنى قولت انزل بدل زنها
الكل يروح يقعد مكانه و مازن يدخل مرام تبص الناحيه التانيه يروح يقعد ورا و الدكتور يدخل
الدكتور / صباح الخير ياريت تكونوا قضيتوا اجازه سعيده
..............................
فى البيت عند توفيق
الست / صباح الخير يا تيفا عامل ايه
توفيق /اقفلى الشباك ده عاوز انام
الست / تنام ايه قوم دانا جيبالك خبر بمليون جنيه
توفيق / هاتى المليون جنيه و خليلك الخبر و سبيني انام بقى
الست / قوم ياله الله
توفيق / يوووووووه قومت قومت خير ياما خير اؤمرى
الست / ايه رايك فالبت علا بنت الحجه اشجان
توفيق / مالها دى
الست / انا شوفتها النهرده فالسوق مع امها البت كبرت ما شاء الله و احلوت و ادورت و مقولكش عليها خدود تقولش تفاح يا ولا
توفيق / تفاح !!! ماشى عاوزه ايه يعنى
الست / البت حلوه اوى و عنيها ملونه و لا شعرها بقى حرير
توفيق / ياما عارفها اقسم بالله شايفها رايحه جايه من قدام الورشه و عنيها دى يا حجه لانسيز لانسيز
الست / لانسيز !!!
توفيق / اصل معلش يعنى ياما البت دى مسكنتش امبارح يعنى مانا كنت بلعب معاها فى الشارع و احنا صغيرين و لا نسيتى دى كارته ياما
الست / ياعم زمان حاجه و دلوقت حاجه دلوقت خراط البنات خرطها
توفيق / بقولك ايه يا ست الكل انا عاوز مرام و مش هتجوز غيرها برضاها غصب عنها هتجوزها ان شالله حتى
الست / متتهد بقى ياله امال لو مكنتش راقد اخوك مش هيسكتلك المرادى و لا انا يكون فعلمك يعنى
توفيق / هو انا هازنقها فى خرابه بقولكوا هتجوزها و لا هو ان مكنتش راكب عربيه منفعش
الست / يادى النيله اقولك نام اتخمد نام نوم الظالم عباده صبرنى يارب على خلفتى السوده
توفيق / ربنا يصبرنى انا بلا هم اقفلى الزفت ده
الست / اقفله انت
الست تطلع و ترزع الباب وراها
.............................
فى الكليه عند مرام
الدكتور بيكتب عالسبوره
الدكتور / انا هكتب و امسح علاطول خليكوا ارغوا كدا كتير
ظابط و عساكر يدخلوا المدرج
الدكتور / فى ايه خير فى ايه
الظابط يروح للدكتور و يسلم عليه و يوشوشه
الدكتور / مرام نور الدين
مرام تقوم تقف العسكرى يحط كلابش فى ايدها تبص لمحمود
العسكرى / انجرى قدامى
العساكر ياخدوا مرام من قلب المدرج محمود يطلعوا ووراه مازن و المدرج مقلوب همهمه
.........................
فى البوكس
العسكرى يزق مرام تركب
مرام / طب اعرف عملت ايه طيب
محمود / طب بالراحه عليها هو فى ايه
العسكرى يزق محمود
محمود / طب ممكن اجى معاها
العسكرى / انت فاكرها عربيه ابوك يا روح امك انجر ياله من هنا امشى غور
الظابط يخبط عالعربيه العسكرى يركب و العربيه تمشى عربيه مازن تفرمل قدام محمود سايقها شريف
مازن / اركب
محمود يركب فى العربيه و مازن بيتكلم فى التليفون
..........................
فى الفيلا
لبنى / زياد زياد اصحى قوم اللحق
زياد / فى ايه خير
لبنى / عاوزه اروح الكليه حالا قوم اللبس بسرعه
زياد / فى ايه طيب فهمينى فى حاجه حصلت
لبنى / مرام اتقبض عليها خدوها من وسط المدرج فى الكلبشات
زياد / ايه امتى و ليه
لبنى / مش مهم ليه ياريتنى كنت حضرت و صورت المشهد ده انا بجد مش قادره اصدق نفسى قوم اللبس بدل مهروح لوحدى
زياد / هتروحى فين انتى عارفه هى فانهى قسم
لبنى / تصدق صح مهم خدوها مالكليه خلاص عاوزه اشوفها يا زياد عاوزه اشوفها
زياد / طب اهدى اهدى انا هعرفلك هى فين و نروحلها بس اهدى
لبنى / بجد هطير مالفرحه و لسه يا بنت الشحاتين و لسه
................................
فى القسم
مرام / والله مخدت حاجه والله العظيم محصل
الظابط / انتى هتستعبطى يا بت انتى ماضيه بايدك على وصل الاستلام و كاميره المحل مصوراكى و انتى بتحطى الظرف اللى فيه الفلوس فشنطتك فى شنطتك
مرام /ايوه انا استلمت ظرف بس مكنتش اعرف ان فيه فلوس والله مفتحته حتى و انا سلمته لاحمد الدهبى علاطول اول مدخلنا المكتب
الظابط / بت انتى سوابق يا بت متنطقى يا بت وديتى الفلوس فين بدل ودينى لطلعهم منك بطريقتى يا بنت الكلب انتى انطقى احسنلك
عسكرى يدخل يدى كارت للظابط الظابط يبص فيه و يتصل بحد فى التليفون
الظابط / ايوه يا باشا ... قدامى هنا ايوه بس مش عاوزه تعترف .... من عنيا حاضر
الظابط يقفل التليفون
الظابط / خليهم يدخلوا
العسكرى يطلع و اربع رجاله ببدل يدخلوا منهم المحامين بتوع مازن 
........................
بره فالقسم
مديحه و سميحه يدخلوا
سميحه / فى ايه يا ولاد مرام مالها
محمود / معرفش جم خدوها من وسط المحاضره
مازن / متقلقيش يا تيته انا كلمت المحامى و هما معاها جوه
مازن  يبص لمحمود
مازن / انت كلمتهم ليه
محمود / انت هتعلمنى اعمل ايه و لا ايه
.......................