السكه شمال بقلم / لولو_محمد ( كامله )

الحلقه ١٤١

((((((((((السكة شمال ))))))))))
#لولو_محمد
الحلقه 141
احمد / لا دانت ما شاء الله احسن بكتير مما كنت متخيل ايوه كدا انا بحب رجالتى تكون علاطول صحتهم حلوه
جميله تدى لتوفيق الكاس و تقرب اوى
جميله / اتفضل
تيفا / من يد منعدمها
جميله تروح تقعد على ايد كرسى احمد
احمد / اخبار الشغل معاك ايه يا تيفا
توفيق / لسه خارج من رقده و سى زفت ده مديقها علينا عالاخر يا باشا
احمد يطلع من جيبه رزمه فلوس و يرميها لتوفيق
احمد / و لا يهمك خد شبرق نفسك تعويض عن رقدتك و لما يخلصوا تعال خد غيرهم و انا بديك الشغل الجديد بتاعك
...............................................
توفيق / احنا خدامينك يا باشا
احمد / عارف و عشان كدا مدورتش على غيرك انت اول واحد جه فبالى
توفيق / اؤمرنى يا باشا
احمد / مش دلوقت يا تيفا روح دلوقت عيشلك يومين حلوين انا راجع من بره تعبان و عاوز اريح
احمد يحط ايده على خد جميله و توفيق عينه عليها يبلع ريقه و يحيى احمد براسه و يمشى
جميله / انت متاكد ان الهفا ده هيخلص
احمد / طبعا لا
جميله / امال مديله الحوار ده ليه
احمد / واجهه لكن اللى هينفذ هيبقى حد خبره حد يخلص
جميله / تعجبنى دماغك دى
احمد / هو مفيش كاس ليا و لا ايه
جميله / يا خبر حالا
جميله تقوم تروح ناحيه البار و احمد عينه عليها
....................................
فى كافيه
زياد يدخل شهاب قاعد بعيد يروح يقعد معاه
زياد/ كفاره مكنتش متخيل انى هشوفك تانى ههههههههههههههههههه
شهاب / كدا تعمل معايا كدا دى اخره العشره برده
زياد / انا ؟؟ و انا عملتلك حاجه و لا كلمتك 
شهاب / يعنى مقولتش لشريف انى فى الاوضه
زياد / بقولك ايه انا قولتلك تشيل الموضوع من دماغك خالص انا قولتلك مازن هيقتلك فاكر و لا نسيت
شهاب / لا منستش بس حطتلى الكارت فى الاوضه مفيش حد غيرك يقدر يوصل للكارت مالريسبشن انت اللى بتدخل و تخرج بمزاجك منغير محد يكلمك حتى المدير نفسه كلمته مبتمشيش عليك مازن مبيعرفش يتحرك هناك قدك انت اللى حافظ المكان خرم خرم و شبر شبر
زياد / انت عاوز توصل لايه
شهاب / انت اللى ادتنى المفتاح قولتلى متعملش عشان كنت خايف اكون بسجلك تانى
زياد / انا بقول تقوم ترتاح واضح انك انضربت جامد و الموضوع اثر عليك على فكره انا جيتلك عشان اطمن عليك مش اكتر عشان اضمن ان مازن متغاباش عليك زى مكنت فاكر انه هيعمل
شهاب / مازن ممدش ايده عليا اصلا كل اللى فيا ده مالعلقه اياها اللى كلتها فى اوضه صافى
زياد / سابك تمشى كدا
شهاب / ايوه
زياد / عاوز تقنعنى ان مازن و شريف سابوك تمشى بالبساطه دى بعد اللى انت عملته
شهاب / لا طبعا النهرده الصبح شركه السياحه بتعتى اتقفلت عشان مشاكل فى التراخيص و اتشمعت
زياد / مدى سهله يومين بالكتير و هتعرف تفتحها تانى
شهاب / كنت فاكر كدا مازن معلى الموضوع عالاخر و مفيش حد عاوز يرد عليا
زياد / و جايلى اساعدك صح
شهاب / شريف بينخور وراك و قالى لو عرفت اجيب دليل واحد انك انت اللى عملت كدا هيخلى مازن يسامحنى و يلم الليله
زياد / فانت بذكائك كلمتنى
شهاب / انا عشان مش قليل الاصل زيك جيت احذرك انا لو فى حد فى الدنيا دى عاوز اجيب مناخيره الارض هيبقى شريف
زياد / و ايه المطلوب منى بالظبط
شهاب / تساعدنى
زياد / فى ايه الشركه و لا شريف
شهاب / اللى تقدر عليه
زياد / بص انا كل اللى اقدر عليه دلوقت هو انى اكلم مازن فحوارك و اقوله ينساك و انتى تخفى من وشه خالص اكتر من كدا مقدرش
زياد يقوم و يبص على شهاب و يمشى و شهاب قاعد بيفرك فى مكانه
...............................
تحت بيت شريف
صافى و تقى ينزلوا الاول و يركبوا مع مازن و مرام و بعدين شريف و مامته و شيماء و اختها ينزلوا يركبوا عربيه شريف مازن يشاور لشريف و يتحرك و شريف يتحرك وراه
فى عربيه مرام
صافى / عملتوا ايه
مازن / عدى خلينا نغير جو و ننبسط
صافى / للدرجادى
تقى / بقولك يا ميزو
مازن / هههههههههه نعم يا ست البنات
تقى / متشغلنى معاكوا اى حاجه بدل قاعده البيت دى 
مازن / ههههههههههههههههههههههه مش شايفه انك صغيره شويه عالشغل 
تقى / اهو ارحم من حبسه البيت دى هو عشان احنا فى الاجازه منخرجش يعنى تخيل من ساعه مخدت الاجازه مخرجتش ولا مره و حتى الفسحه اليتيمه اللى قولت هتفسحها يخلونى اروح فنصها ينفع كدا و ياريت عاجب بدل ميجى ياخدنى بالحضن ادانى على قفايا ينفع كدا
مازن / دانا هنفخهولك دا بيستهبل دا و لا ايه دا كلو الا انتى
تقى / بس بالراحه ماشى
مازن / ههههههههههههههههه حاضر هنفخه بالراحه حاضر
تقى / دا سر بنا اوعى تقولوا انى قولتلك
مازن / عيب .. بس مرام ممكن تفتن مضمنهاش
تقى تبص على مرام مرام تبص على مازن باستغراب
مرام / لا انا مش فتانه متخافيش بس هو انتى عاوزه تخرجى فين يعنى
تقى / اى حته اقسم بالله معترضت بس اخرج اشوف الشارع دا الواحد فاضله تكه و ينزل يبوس الاسفلت و ياخده بالحضن من كتر مبيوحشنى 
مرام / هههههههههههههههه بس تعرفى و انا قدك كنت بشتغل
تقى / بجد
مرام / اه كنت بساعد جدتى 
تقى / الله طب مهو عادى اهو متشغلنى بقى يا ميزو بقى الله
مازن / مفيش مكان عندى فاضى فى الشركه خالص يا تقى ايه رايك اشغلك مكان شريف
تقى / احسن برده
صافى / اخص عليكى يا تقى بعتى اخوكى كدا فى ثانيه هتشتغلى مكانه
تقى / مانا هريحه هخليه يقعد فى البيت و هبقى اديله مصروف يشبرق نفسه
مازن / يا قلبك الكبير يا تقى شمعه تحترق يا اخواتى
مرام / طب ايه رايك تشتغلى معايا انا سيبك منهم
تقى / ماشى اشتغل فى ايه
مرام / عندك فيس
تقى / دانا بقضى نص يومى عليه
مرام / خلاص انا هسلمك جروب و منيو و انتى اشتغلى و اتعلمى و اى اوردر يجي ليكى نسبه ايه رايك
تقى / قشطه اتفقنا بس انا كدا مش هخرج برده
صافى / استنى يا مرام لازم تستاذنى مامتك الاول
تقى / يووووه ماما مش هتوافق هتقولى خليكى فمزاكرتك
مرام / مهو كدا كدا هيبقى فى الصيف بس فالدراسه بقى تركزى فدراستك
تقى / خلاص اتفقنا اول مروح هكلمها و الا اقولك هى بتحبك يا ميزو كلمهالى انت عشان خاطرى عشان خاطرى
مازن / حاضر هكلمهالك بس ترفعى راسى
تقى / دانا هشرفك
مازن / ايوه هو ده
...................................
فى الفيلا عند ابراهيم
فريده / مكنلوش ابدا لازمه اللى انت عملته ده
ابراهيم / قومت عيالى ضدى خدت منى ابنى مهما هقولك مش هتتخيلى انا بكره البت دى قد ايه
فريده / مازن مش صغير يا ابراهيم و اللى بتعمله ده بتخليه يعند اكتر اتكلمنا فى الموضوع ده كتير قبل كدا و بعدين سامحنى يعنى ايه اصلا تقوله اكتب كل ما تملك باسمه طب مخفتش من رد فعل كامل و مونى اصلا ازاى تعمل كدا قدام كامل اهو فالاخر هو اللى رد عليك اهو
ابراهيم / يووووه بقى انا قولتلك بلاش انتى اللى اصريتى و عزمتى الكل عشان تحرجينى
فريده / انا عمرى محصلش طبعا
ابراهيم / لا و تكمل البشوات هيروحوا يكملوا السهره معاهم و بعدين يروحوا يناموا هناك معاها فى الفيلا عشان وحشاهم ايه العيال دى انا نفسى افهم العيال دى طالعين قاسيين لمين يروحوا يباتوا مع الغريبه و يسيبوا ابوهم
فريده / كلها يومين و نسافر كلنا على دبى يكملوا باقى اجازتهم هناك خلاص سبهم ينبسطوا و اهو يمكن مونى تقدر تصلح اللى انت عملته
ابراهيم / ابقى عدى عليها بكره ظبطى حوار الزفت الفرح ده مش عاوزين فضايح و اكدى عليها الحاره بتاعتهم دى مفيش مخلوق يهوب ناحيه الفرح مش على اخر الزمن هسلم على الاشكال دى
فريده / يا سيدى متشلش انت هم انا هظبط كل حاجه
ابراهيم / هطق مش قادر
فريده / سلامتك يا حبيبى الموضوع مش مستاهل
ابراهيم / انتى اللى بتقولى كدا
فريده / ايوه انا اهدى يا حبيبى كل حاجه هتبقى تمام و هتتصلح صدقنى اهدى انت بس محدش هينفعك و لا هينفعنى لو جرالك حاجه فكر فمونى فكر فزياد مش دول ولادك برده
ابراهيم يهز راسه و يروح يقعد
...........................
فى كافيه كبير
شريف و اسرته و صافى و مرام و مازن و مونى و كامل و انجى قاعدين
شريف / يا بنتى والله هتلخبطلك الدنيا و بكره تشوفى
مرام / يا سيدى بكره تتعلم و بعدين الموضوع مبياخدش ساعه زمن منها خليها تتسلى و تتعلم
مازن / انا مع مرام و بعدين كمان مرام مش هتبقى فاضيه خالص الفتره الجايه و تيته هتحتاج حد يساعدها
مونى / مرام
مرام تبص لمونى
مونى / ميتهياليش ان تيته نفسها محتاجه الشغل ده يعنى انا رايي انها ترتاح بقى تعبت كتير ربنا يديها الصحه
مرام / تيته مش واخده عالقاعده و عمرها مهتقبل ان حد يصرف عليها
مازن / ايوه بس انا ابنها
مرام / الايد البطاله نجسه
مازن / يا ستى عدنها طلعت معاش و ترتاح بقى و بعدين يا ستى هى بكره مش هتلاقى وقت اصلا تعمل اى حاجه من لخمتها فى عيالنا و لا انتى ناويه تجيبى بيبى ستر و كدا
مرام / لا طبعا محدش يقرب من عيالى غيرى بس انا بتكلم عن تيته دلوقت مش هتوافق و كمان المشروع ده مش بتاعى انا و تيته بس عمتى كمان
شريف / و هو محمود هيخلى امه محتاجه حاجه مهو بسم الله ما شاء الله بيقبض كويس
مرام / انا عارفه انى بالنسبالكوا حاله غريبه بس انا عمرى ممديت ايدى لحد اخد جنيه اعزرونى يا جماعه
مونى / حد زي مين زى جوزك طب استنى كدا ... ممكن المحفظه يا بيبى
كامل يطلع المحفظه و يديها لمونى تفتحها و تاخد الكريدت كارد بتاعه و ترجعهاله
مونى / اهو بسيطه محستش باى مشكله و لا هو فى عنده اى مشكله .. انت عندك مشكله
كامل / نهائى و بعدين احنا بنتجوز ليه مش عشان نلاقى حد نضيع عليه فلوسنا
صافى / ثوانى مرام بتتكلم فى حاجه تانيه خالص بصى يا مرام انتى ممكن فعلا تغيرى النشاط ممكن تنزلى الشركه مع مازن مهو تخصصك برده و بكدا تبقى حققتى ذاتك و بعدين انا اسمع ان مازن بيدى مرتبات كويسه اوى
مازن / مرتب ايه ده اللى اديهولها مهى صاحبه الشركه اصلا
مونى / صحيح احنا بنتكلم فى ايه انتى عندك الشركات دى كلها و تدورى على شغل انتى غريبه اوى
شريف / يا جماعه مرام من النوع العصامى اللى بتحب تبدا مالصفر
مونى / مانتى بداتى مالصفر فعلا و الحمد لله دلوقت بقيتى حاجه تانيه
مرام / دى مش فلوسى دى فلوس مازن
مازن / اللى لو مات دلوقت هتورثيه على فكره
مرام / بعد الشر عنك يا غبى متقولش كدا 
مازن / مهى دى للاسف الحقيقه المره يا مرام انتى مراتى و كل ده بتاعك و بعدين احنا اتكلمنا فى الموضوع ده مليون مره قبل كدا و برده مفيش فايده
مرام / معلش استحملونى انا دماغى كدا اعمل ايه يعنى اولع فنفسى عشان ترتاحوا
مرام تسيب المكان و تقوم مازن يجى يحصلها شريف يمسكه
شريف / اسمحلى دقيقه
شريف يقوم وراها يلاقيها واقفه عند الباب بتوقف تاكس
شريف / على فين
مرام / هروح
شريف / فين
مرام تبصله و تتنهد
مرام / بيتى فالحاره
شريف / اعرف بنت ذكيه اوى قالتلى فمره اوعى تخلى حد يقل منك مشوفتيهاش كانت معديه من هنا من شويه
مرام / هو ليه عمل معايا كدا
شريف / عقده نقص بعيد عنك متشغليش بالك و بعدين يعنى انتى انانيه اوى
مرام / انا انانيه
شريف / طبعا يعنى انتى متخيله ان مازن مش مدايق دا فالاول و الاخر ابوه و هو بينك و بينه بين سعادته و رضا ابوه عليه و دلوقت الحاجه الوحيده اللى بتسعده مبتفكرش فيه تبقى انانيه و لا لا
مرام تبصله
شريف / تفتكرى مازن هيبقى سعيد يعنى لما تسبيه و تروحى على فكره مازن كان قايم يجرى وراكى بس انا منعته عشان عاوز اتكلم معاكى انتى زى اخواتى البنات و ليكى عليا النصيحه لو بتحبى مازن بجد متسمحيلهمش ياثروا عليكى كان فى بنت اعرفها لو مفيش فجيبها جنيه راسها مرفوعه
مرام / هما مش قادرين يقبلونى زى مانا انا عجبانى مرام دى جدا ليه لازم اكون زيهم
شريف / لا مش لازم بس مينفعش ترجعى لنفس عيشتك القديمه لازم تقبلى ان فى تغير حصل فى حياتك لازم تفهمى انك دلوقت بقيتى واحده تانيه رضيتى او لا محمود نفسه بقى واحد تانى مازن انا و صافى كلنا حياتنا مش هى حياتنا زمان و كلنا قبلنا التغير و اطبعنا عليه الا انتى كانك خايفه تتعودى عالراحه و النعيم
مرام / لا مش خايفه
شريف / امال خايفه يعيروكى يقولولك مثلا انتى كنتى كذا و بقيتى كذا مثلا و لا ايه
مرام تبصله
شريف / ملهمش فضل عليكى و لا قديمك يعيبك و لا الجديد يضيفلك انتى انتى اى كان وضعك بس يعنى بس ربنا وسعها عليكى وسعيها على نفسك ايه المشكله
مرام / محدش فاهمنى
شريف / و اتحداكى لو انتى نفسك فاهمه نفسك انتى مدايقه ماللى حصل فى العزومه حقك و عازرك و مع انى لسه معرفش ايه اللى حصل بالظبط بس الدموع اللى فعينك من اول القاعده بتقول انهم وجبوا معاكى و لو كنتى عامله حسابك على اقل ماللى اتعمل تبقى غلطانه بس انا هسالك سؤال مازن يستاهل تستحملى عشانه و لا لا لو ميستاهلش هوقفلك تاكس حالا بنفسى بس لو يستاهل لو سمحتى ندخل عشان وقفتنا فى الشارع مش حلوه و انتى ادرى منى بده
مرام باصه فى الارض
شريف / افتكرى كلامك ليا فى السخنه يا مرام افتكريه كويس
مرام تبص لشريف و تهز راسها اه و تدخل جوه يبتسم و تروح تقعد جنب مازن لزق و توطى على ودنه و يتوشوشو
مرام / انا اسفه
مازن / على ايه
مرام / انى كنت انانيه اوى معاك حقك عليا انا بحبك والله و بحبك اوى كمان
مازن / قلبى يا ناس والله انا اللى بحبك و لا اقدر على زعلك ابدا
مرام / و انا خلاص مش زعلانه
مازن / تمام
تقى / المهم انا حوارى خلص على ايه
شريف / يبقى الوضع على ما هو عليه و على المتضرر اللجوء للقضاء
تقى / ايه الظلم ده الله
الكل يدحك
الست / امال يا صافى يا حبيبتى انتى ناويه تقفلى المحل بتاعك و انتى مسافره و لا ايه
صافى / لا مهو شريف وعدنى انه هياخد باله من كل حاجه و انا مسافره
الست / هو فى زى شريف طيب و ابن حلال و حيله امه
مازن / و انا اشهدله
مرام / و انا كمان
شريف / كفايا يا جماعه عشان انا بتاثر و انا لما بتاثر بجوع
تقى / تعال كلنى
شريف / مليش فالحوادق انا
تقى / خسئت
صافى / هقوم اعدل مكياجى متيجى معايا يا شوشو
شيماء تهز راسها و تقوم معاها
تقى / اجى ...
الست / تعرفى تقعدى شويه بقى هو مفيش غيرك فالقاعده و لا ايه
تقى / يووووه اهو
.....................................
فى اوضه لبنى
لبنى / و ناوى تعمل ايه
زياد / هعمل ايه يعنى و لا كانى عرفت حاجه
لبنى / انا لو منك اقول لمازن ابلغه باللى حصل
زياد / و هيفرق فى ايه
لبنى / اهو تسد عليهم اى حاجه ناحيتك
زياد / هى فكره برده بس كدا هضيع على نفسى فرصه كبيره تانيه
لبنى / فرصه ايه دى
زياد / انى اخلص من شريف
لبنى / اما لو ده حصل ساعتها هيخلالك الجو
زياد / الموضوع محتاج مخمخه فى شويه روقان و انا هعرف ازاى ارتب الورق اللى معانا دا كلو عشان اقفل الدور و نخلص من شيكو ده للابد
لبنى / و يا ترى انا ليا دور فى الروقان ده
زياد / دانتى الروقان كلو يلاهوى
...................................
فى الكافيه
الست / طب والله شوفى والله لكنت اسمع اسم مازن ده يركبنى مليون عفريت
مازن / ههههههههههههههههههههههه محبه الناس نعمه والله
الست / يا بنى ابعد عن الواد ده هبوظك دا واد تلفان يا بنى و دا ابدا و يبقى يوم مش فايت لو حد اتكلم عنه كلمه قاد كداهو و انا اقول شايف فيه ايه الا مفيه ميزه يابنى دا بتاع بنات و انت عندك اخوات و دا ابدا لو فيها موتى مسبش مازن ابدا
مازن / قلبى شيكو ده
الست / كل يوم و شريف نازل اقوله ربنا يبعد عنك ولاد الحرام هو فى حد يدى لحد بيدرس شغل زى ده و بمرتب زى ده الواد ده اكيد فى وراه حاجه الواد ده عاوز منك حاجه ابعد عنه و دا ابدا
شريف / و لا لما شافت العربيه و الكريدت كارد فضلت تصرخ و تزعق مقابل ايه كل ده هتاكلنى انا و اخواتك من حرام هى دى اخره تربيتى فيك قلبى وربى غضبانين عليك و احاول اقنع فيها انى مبعملش حاجه غلط و ان العربيه اصلا مش بتاعتى و بتاعه الشغل و ابدا عياط و صريخ و اخواتى يهدوا فيها كان يوم ميعلم بيه الا ربنا
الست / معزوره يا جماعه ابنى الحيله  و بعدين انهى شغل ده سكرتير مين هو العيال كمان بقالهم سكرتاريه يعنى يعملوا ايه يعنى يسطرله الكراسه و لا يشيله المقلمه طب انتوا لو مكانى تعملوا ايه
مرام / بصراحه زيك بالظبط
الست / لحد فيوم البت نهله بنتى شوفتيها انتى فى الفرح رجعت مالكليه و حكت اللى ابن الكلب ده اللى اسمه احمد ده عمله معاها و مازن ضربه و شريف ركبه ميه عفريت و حلف ليقتله و انا و اخواته نمسك فيه مينزلش و دا ابدا جريت عالبلكونه لقيت مازن واقف فى الشارع مستنيه و قام واخده تحت باطه و مركبه العربيه و مشيو اكلم فيه ميردش اكلم فيه ميردش قام مازن واخد الموبايل و قالى انه معاه و هيروحوا يقعدوا عنده فى الشقه لحد ميهدى و حلفلى انه مش هيخليه يعمل حاجه مجنونه و من هنا بقى بدات مواقف الجدعنه اللى اشوف فيها مازن ده
مازن / هى حكت موقف قال يعنى انا كنت جدع فيه مسمعتش بقى المواقف اللى شريف كان فيها جدع معايا
مرام / معانا كلنا الحق يتقال مفيش موقف واحد لشريف من يوم معرفته الا لما كان فيه جدع اوى معانا .. هو صافى و شيماء باتو فى الحمام و لا ايه اما اقوم اطمن عليهم
مرام تقوم و تقى تقوم تجرى وراها مرام تمسكها فى ايدها و مازن عينه عالحمام
............................
فى الحمام
صافى / بعد كل اللى حكيتهولك يا شيماء بتقولى كدا
شيماء / يا صافى انتى بتتكلمى فى حاجه تانيه خالص انا مش زعلانه من كدا خالص انا عارفه ان اكيد يعنى ربنا شايلى حاجه احسن
صافى / دى حقيقه
شيماء / بس انا كل يوم بفتكر موقف بنا قد ايه كنت فيه غبيه ازاى مختش بالى  هو عمره محبنى ازاى
صافى / ازاى يعنى
شيماء / اقولك سر بس اوعدينى شريف ميعرفش اى حاجه عنه
صافى / اكيد فى ايه
شيماء / فى الاول العلاقه بنا كانت عاديه خالص زى اى اتنين مخطوبين بس شويه شويه لما بدانا ناخد على بعض اتغير معايا كلامه اتغير نظراته اتغيرت
صافى / ازاى يعنى
شيماء / يعنى اتجرا عليا شويه بس دا كان فى الفتره الاخيره بس لما سبنا بعض فالاول قولت انه زهق منى عشان علاطول كنت بصده يمكن محسش انى انثى كفايه بالنسباله
صافى / ايه التخلف ده لا طبعا
شيماء / ده اللى خلانى كنت مقهوره اوى فالاول بس لما شريف عرف الحقيقه و قالى انه سابنى عشان جاتله وظيفه تانيه بره مصر استغربت جدا يعنى ايه المشكله لما تلاقى وظيفه بمرتب اكبر ايه المشكله يعنى يعنى لما كنت على قدك كنت مناسبه ليك و لما ربنا كرمك بقيت قليله عليك
صافى / واطى فالحالتين واطى ان كان سابك عشان ده او ده فالحالتين ربنا نجاكى منه
شيماء / عارفه بس قلبى برده لسه واجعنى يا صافى يعنى احنا مع بعض بقالنا فتره فيها زكريات كتير حلوه احلام اتبنت يعنى كل ده اتهد فثانيه عقلى لسه مش مستوعب اصلا
صافى / فتره و هتعدى صدقينى هتعدى و مش بعيد يرجع ندمان كمان و ساعتها هترزعى الباب فوشه
مرام و تقى يدخلوا
مرام / اتاخرتوا كدا ليه بتعملوا ايه من ورانا هاه اعترفوا
.............................