السكه شمال بقلم / لولو_محمد ( كامله )

الحلقه ١٥١

(((((((((((((((السكة شمال ))))))))))))))
#لولو_محمد
الحلقه 151
سميحه / انت فاكر ان ابوك هيحضر الفرح يعمل مشاكل ..ابدا .. دا هيحضر و يستقبل المعازيم و مش بعيد يتحزم و يرقص كمان
مازن / ههههههههههههه
سميحه / اللى ابوك عمله النهرده ده حلاوه روح كل اللى بيعمله حلاوه روح و بينى و بينك انا عزراه مش عشان مرام تتعيب فشر قطع لسانه اللى يقلل من بنتى
مازن / قطع لسانه مليون مره
سميحه / بس كل اب بيبقى نفسه يحس ان له كلمه و راي على عياله
مازن / و انا لما اختارلى واحده نضيفه تصونى و تربى عيالى ابقى  غلطت
سميحه / يابنى مقولتش كدا انا بس ..
............................
باب الاوضه يخبط و يتفتح و مرام تدخل راسها
مرام / انا اكيد مش عاوزه اقطع عليكوا قعدتكوا الحلوه منغيرى يعنى و انا قاعده لوحدى بره و لا حاجه بس انا مديه معاد لصافى يعنى فلو مش هتعرف توصلنى انا ممكن اكلم شريف عادى يعدى يخدنى عادى يعنى
سميحه / اه كلميه اصل مازن حبيبى هيخليه معايا يرضيكى افضل لوحدى يعنى
مرام / اشبعوا ببعض
مرام تقفل الباب مازن يبص لسميحه
سميحه / هههههههههههههههه اجرى وراها بت الهبله دى هههههههههههههههه
مازن يفتح الباب يلاقيها قاعده عالكنبه مربعه ايديها
مازن / الله
مرام / نعم يعنى         
سميحه / شوف و انا اللى قولت مشيت و قمت عشان اطلع علبه السينابون نتسلى عليها
مرام / الف هنا يا تيته متغلاش عليكى
سميحه / ههههههههههه طب ايه مش هتوصلها ... يلا اياكش تطلعو العفاريت اللى عليكوا .... اما البت مرام دى عليه شويه رقص
مرام تمسك ايد مازن و تفتح الباب و تشده و هو بيدحك سميحه تروح تقفل الباب
سميحه / ربنا يسعدكوا يا ولادى و يبعد عنكوا ولاد الحرام
.................
قدام بيت شريف
عربيه مازن تركن فى نفس الوقت عربيه شريف بتركن و ينزلوا يسلموا على بعض
مازن / شوفتى متاخرتيش و لا حاجه اهو وصلنا فى معادنا مظبوط
مرام / مانت كنت طاير حضرتك
صافى / واضح ان الموج عالى هنا ايه فى ايه خير
مازن / بتغير عليا
مرام / مين دى انا شكله اتكهرب فى عقله باين
شريف / و فيها ايه يعنى لما تغيرى عليه هو مش جوزك حبيبك يعنى و لا ايه
مازن / حبيبى يا شيكو
شريف / علاوه بقى عالكلمتين دول
مازن /  عنيا ليك والله
صافى / متاخديش فبالك بقولك
صافى توشوش مرام فودانها تدحك و تغطى بقها بايدها و بعدين توشوشها و مازن و شريف مركزين و بيحاولوا يرموا ودانهم
صافى / قولى والله
مرام / والله ... طب ربنا معاكوا بقى يا رجاله نشوفكوا بكره الصبح
صافى / سلام يا شباب
مرام و صافى يطلعوا فوق كل واحده معاها شنطه صغيره
مازن / تفتكر كانوا بيتوشوشو فى ايه
شريف / يا خبر بفلوس بكره بالليل هيبقى ببلاش
مازن يتنهد
شريف / ايكى فار سان
مازن / تشكوراديريم
شريف / ايوه يعنى ايه بقى
مازن / يعنى شكرا
شريف / اللى انا قولتها ايكى فار سان يعنى ايه
مازن / يعنى كويس انك موجود
شريف / طيب
مازن / طب مخليتهاش تترجملك ليه
شريف / مين دى
مازن / اللى علمتهالك يا فالح ... هو احنا هنفضل فى الشارع كدا و لا ايه
شريف / انا عن نفسى صاحى من بدرى و هموت و انام
مازن / مسالتنيش يعنى عملنا ايه مع ابويا
شريف / اه سورى فاتتنى دى معلش ها احكى ايه اللى حصل
مازن / بص هو انا اول مره اممم بتتقال ازاى دى ... كانت مهزله
شريف / ههههههههههههههه
مازن / ابويا طرد تيته و تيته تقريبا كدا غسلته و شطفته و عصرته و نشرته و كوته و طبقته و حطته فى الدولاب
شريف / قول وربنا
مازن / و انا واقف فى النص بلطم
شريف / قلبى عندك
مازن / ابدا مشوفته 
شريف / هو ايه ده 
مازن / قلبك يا شيكو هههههههههههه روح دور عليه
مازن يروح يركب عربيته و شريف واقف حاطت ايده فوسطه مازن يبتسمله و يشاورله بايده و يجى يمشى شريف يقف قدام العربيه مازن يقف شريف يركب مازن يدحك و يطلع
........................
فى فيلا ابراهيم
فريده قاعده بتقلب فى الموديلات عالتابليت مع مونى و انجى و لبنى
مونى / الموديل ده هيبقى حلو اوى عليكى يا مامى
لبنى / لا طبعا مينفعش دا مقفول اوى هيكبرك يا طنط انا رايي تلبسى حاجه مفتوحه شويه
مونى / مالك يا مامى ساكته ليه
فريده / بقولكوا ايه انا مصدعه هطلع انام شويه نقوا انتوا و متستنونيش
فريده تسيب المكان و تقوم تطلع اوضتها و تقعد قدام المرايه و تسرح شعرها ابراهيم قاعد عالسرير بيفكر
ابراهيم / قولتى ايه للبنات حد سالك عن اللى حصل النهرده
فريده / عشان كدا قافل على نفسك و عامل نايم ... دانا كنت فكراك مكسوف من نفسك على اللى عملته معايا البيه عاوز يطردنى انا كمان مش كدا
ابراهيم / انتى عارفه انى
فريده / متبررش .. متتعبش نفسك .. اصلها مش هتفرق كتير على العموم خلينا نتفق خلينا نعدى فرح مونى و بعدها انا هريحك منى خالص و لا تدايق و لا تعصب نفسك و لا تزعق فيا قدام الناس و كانى بشتغل عندك لا و كمان مقدرش افتح بقى عشان ابراهيم باشا ميطردنيش من جنه نعمته
ابراهيم / الموضوع بالنسبالى كانت لحظه عصبيه مشوفتيش انتى سميحه زفت دى و اللى عملته معايا
فريده / المفروض اعملك ايه يعنى انت مبتعملش غير اللى فدماغك ايه كنت فاكرها هتسكتلك زيي
ابراهيم / انتى شايفه كدا
فريده / مفيش حد معانا اخاف تهينى قدامهم فاى كان رد فعلك معدش يفرق معايا .. تحب اقوم اللم حاجتى و امشى
ابراهيم / مش هنخلص احنا صح
فريده / لا خلصنا عن اذنك
فريده تقوم تطلع بره
.............................
فى شقه شريف
شيماء / طب والله صعب عليا
مرام / و انا والله بس هعمل ايه يعنى مينفعش ادخل خالص
صافى / بس هو برده غلطان مكنش ينفع يعمل كدا
الست تدخل و معاها صينيه شاى رؤى تاخدها منها
الست / طب تصدقوا و تؤمنوا بايه
كلهم / لا اله الا الله
الست / اللى ستك عملته برد نارى جدا دانا كنت مفروسه مالراجل ده حته فرسه ياربااااااى فظيع الله يعينه مازن عليه
مرام / برده يا طنط مكنتش تيجى من ناحيتنا الراجل مش طايقنا خلقه دلوقت هيعمل ايه
الست / و لا هيقدر يعمل حاجه انا عارفه هو متقنعر على ايه مكلنا ولاد تسعه
تقى / طب والله دا حتى مازن مفيش اطيب منه
شيماء / ايوه مهو خاله اللى رباه مش ابوه
تقى / الحمد لله كنا روحنا فداهيه ساعتها
صافى / هو احنا هنقضيها رغى و لا ايه
مرام / و دى تيجى ادى كبايه الشاى فين حزام الشخاليل يا تقى
تقى / موجود
تقى تناول مرام الحزام تقوم تتحزم و شيماء توصل الموبايل بالسماعات و يقوموا يرقصوا و الست تسقف
.......................................
فى اوضه زياد
زياد / الموضوع ده مينفعش يعدى بالساهل محدش ضامن المره الجايه يعمل ايه
فريده / اما خليته يشحت فى الاشارات مبقاش انا الكلب ابن الكلاب نسى اصله الواطى انا اللى عملته انا اللى خليته بنى ادم و نضفته البيئه يوم مصوته يعلا يعلا عليا انا
زياد / هانت كلها كام يوم لحد الفرح و كل واحد فينا يروح لحاله و ساعتها يفضالك الجو معاه هناك سويه بقى على مهلك
فريده / قولى عملت ايه مع شريف
زياد / و لا اى حاجه طبعا
فريده / انت هتعديله اللى عمله
زياد / الجو لازم يهدى لحد الفرح و بعدها كل واحد هيعرف مقامه
فريده / لبنى عامله معاك ايه حساها قافشه جامد مع مونى بس محدش منهم بيتكلم فى ايه
زياد / مونى واخده صف مرام و مازن و ده مخوفنى منها اوى يا ماما
فريده / اختك هبله و طيبه و هو مش سهل و بيعرف يكسب البنات كويس
زياد / ايوه بس مينفعش اللى نبنيه باليمين تهده هى بهبلها ده بالشمال
فريده / متقلقش انا هتعامل معاها ان شاء الله مش هتعملنا اى مشاكل
لبنى تدخل
لبنى / ايه ده .. هو حضرتك هنا
فريده / جيت اطمن على زياد بس خلاص كنت ماشيه تعالى تعالى
فريده تطلع بره
لبنى / خير
زياد / قافشه مع بابا
لبنى / ليه فى ايه
زياد / هحكيلك بس توعدينى انه ميطلعش بره لمين ما كان تطير فيها رقاب دى
لبنى / قول
زياد / شوفى يا ستى
..............................................
فى المطار تانى يوم الصبح
مونى و كامل و انجى و شريف و مرام و مازن و سميحه و صفوت واقفين بيسلموا على صافى
صافى / والله اللى يشوفكوا كدا يصعب عليه يسيبكوا و يركب الطياره
مرام / خلاص خليكى
مونى / تخليها فين دانا مصدقت سافرى يا بنتى و انا هحضر فرح  الاتنين دول و احصلك انا و كامل علاطول
صافى / والله دا اللى مصبرنى
صفوت / لو احتجتى اى حاجه تكلمينى علاطول
صافى / ميرسى يا خالو والله حضرتك تعبت نفسك انت و تيته بجد مش عارفه اقول ايه
سميحه / تاخدى بالك من نفسك انتى فبلد غريبه بس انتى قدها و احنا ان شاء الله هنكلمك كل شويه نطمن عليكى
صافى تحضن سميحه و مرام تطبطب على ضهرها صافى تحضنها
مازن / والله هاين عليا نخلى شهر العسل فلندن بس للاسف حتى لو جينالك مش هنبقى فاضينلك اصلا فعلى ايه بقى
صافى / خدى جوزك و روحى يا مرام
مازن / خسئتى
صافى / هتوحشنى يا رخم
مازن / عارف بس متقلقيش انا فعلا ناوى اجيب مرام و نيجى نزورك يوم و لا حاجه فى جولة شهر العسل بتاعنا
مونى / ايوه بقى يا مازن يا جامد
شريف / الطياره يا صافى
صافى تبصلهم بحزن و تسلم عليهم و يبوسوها و يحضنوها و بعدين تبص لصفوت يبتسملها و تشاور لشريف و تبتسم و تمشى و قبل متدخل
شريف / صافى
صافى تقف و تبص يجرى عليها و يطلع من جيبه علبه صغيره متغلفه مرام تزغد مازن و الكل ينتبه
صافى / ايه دى
شريف / عشان تبقى تفتكرينى افتحيها
صافى تفتحها تلاقى جواها عروسه باربى صغيره تبتسم و تبصله
صافى / حلوه اوى
شريف / انتى احلى ... يلا عشان متتاخريش
صافى تبصله و تبتسم و تشاورلهم من بعيد يشاورلها و تدخل و شريف يروحلهم
مرام / حلوه اوى العروسه دى يا شريف
شريف / الحمد لله كنت هنسى تقى كانت هتزعل منى اوى دى محلفانى
مازن / امال مدتهالهاش بنفسها ليه امبارح
شريف / مين
مازن / تقى مش كانت بايته مع صافى امبارح مدتهاش العروسه ليه
شريف / و انا اش عرفنى انا الله
كامل / مالك يابنى اتعصبت كدا ليه
مرام / تلاقيه مفطرش و لا حاجه
شريف / الله ... حفله هااايه حفله
شريف يسقف بايده الكل يدحك
صفوت / طب ايه رايكوا بقى اننا كلنا هنفطر سوا النهرده
شريف / حبيبى يا باشا
صفوت / ههههههههههه طب يلا يا شيكو قود المسيره و فطرنا
شريف / عنيا
................................
فى فيلا ابراهيم
زياد / حجزت لحضرتك تزاكر الطيران زى محضرتك طلبت
ابراهيم / يوم الفرح
زياد / الفرح هيخلص الساعه 9 طياره حضرتك الساعه 12
ابراهيم / كويس
لبنى / بس كدا حضرتك مش هتحضر فرح بالليل
ابراهيم / دا اللى ناقص احضر فرح شويه فلاحين و صنايعيه دا هتلاقيه فرح بيئه زيهم بلا قرف ... زياد اتاكد ان الدعوات وصلت لكل رجال الاعمال المهمين هنا و فدبى و كمان الوزرا و اعضاء مجلس الشعب و كل معارفنا اوعى تنسى حد
زياد / لا متقلقش حضرتك صفوه البلد كلها هتكون موجوده
ابراهيم / و التليفزيون و الصحافه
زياد / كل القنوات عندها علم و كل الصحف هتبعت ناس تغطى الحدث ده
ابراهيم / انا متخيل المنشيتات من دلوقت الملياردير مازن منتصر يتزوج من فتاه فقيره فى فرح اسطورى
لبنى / هو حضرتك قولت لمونى انكوا مسافرين
........................
فى المطعم
مازن / بس كدا محدش هيحضر معايا بالليل
مونى / غصب عنى يا مازن بابا شايط فالبيت انت مش متخيل احنا مقولنالوش اننا جاينلك اصلا هما فاكرين اننا بنشوف فساتين للفرح دا قافش حتى على ماما و امبارح كل واحد نام فى اوضه لوحده
مازن / خلاص خلاص مش مشكله يمكن يكون كدا احسن للكل عشان المشاكل و كدا
كامل / يابنى انت مالك شايل هم الدنيا ليه خليك ايجابى اخر الليل هيتقفل عليك انت و مرام باب واحد فاللى يحضر يحضر و اللى يزعل يزعل المهم انت تكون سعيد انت مش هتتجوز كل يوم و لا ايه
صفوت / و بعدين انا هبقى معاكوا هتعوزوا ايه تانى فى الدنيا اكتر من كدا
مرام / طب دى والله بالدنيا
صفوت / بالراحه عليا قلبى ميستحملش
مرام / هههههههههههههههه طب والله يا خالو انا بحبك
صفوت / هههههههههههههههه تعرفى يا مرام زمان كانت حياتى غير كدا خالص كان ليا احلام تانيه و كنت متخيل ان حياتى هتبقى مختلفه يعنى اكيد كنت زى اى شاب بيحلم فيوم انه يتجوز و يبنى بيت و يبقى عنده اولاد تعرفى كان نفسى اوى اجيب بنت و اجوزها لمازن او اجيب ولد يبقى اخ ليه بس كان نفسى فبنت اكتر اصلى بحب البنات اوى الولاد دول خناشير مش ممتعين كدا فتربيتهم انما البنات يا قلبى عالبنات يا روحى عالبنات تحسى بالنعومه و الرقه و الطعامه
مازن / هو انت بتعاكس بالحداقه يا خالو و لا ايه النظام
صفوت / اهو حلوف هنقول ايه
مرام / حرام عليك يا خالو طب مازن ده عسل
صفوت / مين يشهد للعريس تعرفى انا عمرى مفتقدت الاحلام دى من يوم مخدت قرار انى اربى مازن و اعيش عشانه بقى ابنى هيحصل ايه يعنى لو كنت اتجوزت و جبتلى ولد و مامته اتوفت هرميه تؤ هربيه انا عشت مستنى اليوم اللى تدخلى فيه حياتنا يا مرام سنين بس عمرى مكنت متخيل ان ربنا هيبقى كريم معايا اوى كدا انه يرزق الكلب ده بقمر زيك
مرام تتكسف
صفوت / انتى كتير عالواد ده على فكره كتير علينا انتى احلى حاجه حصلت فى العيله دى من بعد مالبت مونى اتولدت
مونى / ايوه بقى
صفوت / ههههههههههههههههه تعرفوا لمتنا دى بتحسسنى انى مبسوط اوى انا دلوقت مطمن على مازن له اهل و اصحاب له ضهر يتسند عليه من بعدى
مازن / ربنا يديك طوله العمر يا خالو
صفوت / خد بالك مالبت دى و حطها فى عنيك لو لفيت الدنيا مش هتلاقى ضافر رجلها
مازن / فعنيا انت هتوصينى على قلبى
صفوت / سامحونى انى عاطفى شويه النهرده تقريبا فراق صافى ماثر فيا شويا
سميحه / نسامحك على ايه عالكلام الحلو ده
مرام / لا لو عالكلام الحلو فخالو استاذ مازن جنبه لسه فى الحضانه
مازن / يا شيخه
مرام / فى اعتراض
مازن / و انا اقدر افتح بقى ... ايه رايك انت يا شيكو
شريف / و انا اش فهمنى انا فالكلام الحلو عشان اكون حكم يعنى
مازن / طب بالراحه يا عم متبقاش خلقى كدا
صفوت / و انت خلى عندك دم و بطل ساله على فكره كلنا مدايقين يعنى الفراق عمره مكان سهل
مونى / ايه يا جماعه قلبتوها نكد كدا ليه على فكره يعنى الموضوع مش صعب اوى كدا انا قضيت عمرى من بلد لبلد و دلوقت عادى الفيديو كولز مخلتش عادى يعنى
صفوت / الموضوع يا مونى مش موضوع انك تشوفى و تكلمى حبايبك الموضوع انهم يبقوا حواليكى تطمنى عليهم يعنى لو لاقدر الله حصل حاجه و هما بعيد هتلحقى توصليلهم لو حصلك انتى حاجه هيلحقوكى
صمت
سميحه / ان شالله مش هيحصل حاجه
مازن / لا هيحصل فى عريس و فى عروسه و فى زفته و لولولولولولى فرح
مرام / ههههههههههههههههههه
صفوت / ربنا يتمملكوا بخير يارب
...........................
فى الفندق عند جميله
الباب يخبط جميله تروح تفتح تلاقى توفيق
جميله / اهلا تيفا على فكره انا زعلانه منك جدا
تيفا / يقطعنى و انا اقدر برده
جميله / كدا تتاخر عليا عشر دقايق بحالهم انت مش عارف انى قاعده مستنياك ينفع كدا يعنى
تيفا / اصل انا مترتبش اقسم بالله و لا شوفتها
جميله / ههههههههههههههههههههههه دمك خفيف اوى ادخل ادخل ها تحب تشرب حاجه
تيفا / مش عاوز اتعبك معايا يعنى
جميله / تعب ايه بس متقولش كدا ازعل
تيفا / لا و انا مقدرش على زعلك هو الباشا مش هنا و لا ايه
جميله / عنده ميتينج مهم اوى انت عارف ضغط الشغل على العموم متقلقش هو سايبلك الظرف ده فيه كل حاجه
جميله تقعد جنب توفيق و تديله الكاس و عينه هتطلع عليها
جميله / مالك
تيفا / هاه
جميله / مالك بتبصلى كدا ليه
تيفا / لامؤاخذه الواحد مش واخد عالخلق النضيفه دى الحاره عندنا مضروبه بالبولغ
جميله / الله انت نسيت مرام بالسرعه دى
تيفا / مهى اتجوزت يلا ربنا ياخده
جميله / هههههههههههههههههههههه طب لو خده هتبيعنى عشانها
تيفا / بالراحه عليا يا ست الكل انا مش قدك
جميله / ههههههههههههههه على العموم متقلقش هى مش هتطول فى الحوار ده
تيفا / ازاى يعنى
جميله / زى الناس الجوازه مش هتم
تيفا / ليه
جميله / يووووه كاسى خلص هقوم اجبلى كاسه تانيه و لا انت هتسوق اوعى تكون هتسوق
تيفا / لا الحقيقه بسوق اه
جميله / يا خساره خلاص مش مشكله المره الجايه بقى
تيفا / ايه ؟؟
جميله / ايه يا توفيق مالك بقولك كفايا عليك شرب عشان هتسوق اه الظرف ده فيه كل المعلومات اللى انت هتحتاجها تاخده و تقراه كويس و تفهمه و تعمل اللى فيه بالحرف و متقلقش هتلاقى فيه مبلغ مش بطال .. صدقنى مش بطال خالص
تيفا / و ماله
جميله / ده كارت واحد مهم جدا هيساعدك هو محترف عمل شغل اصعب من دا بكتير جوه مصر و بره مصر هتحتاجله اسمع كلامه و اعمل زى مهيقولك
تيفا / اللى يشوفه الباشا
جميله / خير فى عندك سؤال استفسار فى حاجه فى دماغك يعنى مستنى ايه
تيفا / امشى يعنى ... اه لا مؤاخذه معلش تمام بالاذن انا
توفيق يشد الباب و يمشى
...........................