السكه شمال بقلم / لولو_محمد ( كامله )

الحلقه ٥٨

(((((((((((((((السكة شمال )))))))))))))
#لولو_محمد
الحلقه الثامنه و الخمسون
مازن / انا حاسس انى فحلم جميل حلم كان بالنسبالى اخره انه يكون مجرد حلم و بس عمرى مكنت اتخيل انه يكون حقيقه ابدا بس واضح ان القدر له راي تانى فى الموضوع هههههههههههههههه
مرام / ليه يعنى
مازن / هو ايه اللى ليه عشان كل الصدف دى تيجى ورا بعض من اول المشروع لحد النهرده كل ده مكنش مترتبله انا بعترف انى دفعت للمعيد يحط بنت شاطره فى المشروع بتاعى بس والله مكنت متخيل انها هتكون انتى و لو كنت اعرف كنت رفضت
مرام / لا مقصدش انا اقصد ليه كنت شايف انه حلم مينفعش يتحقق
مازن / عشان انا بشوفك حاجه حلوه اوى يا مرام مش بس جميله لا انتى كل حاجه فيكى حلوه بحب طموحك و حماسك بحب دحكتك و ثقتك فى نفسك جرائتك و جدعنتك بحب كل حاجه فيكى حتى عصبيتك بحبها
....................................
صمت
مازن / ربنا ادانى فرصه عمرى مكنت احلم بيها ليه ارفض ليه محاولش بكل اللى اقدر عليه انى احافظ عليها
مرام / يعنى هتحافظ عليا
مازن / انتى كتبتى انك بتدورى فالراجل عالامان و صدقينى مفيش حد فالدنيا ممكن يحميكى قدى
مرام / و مين يحمينى منك يا مازن
مازن / انا .. انا عمرى مهاذيكى و لا هجرحك
مرام / و انا ايه يضمنلى ده
مازن / انى بحبك
صمت ثوانى
مازن / انا عمرى مقولتها لحد و عمرى متخيلت انى هقولها فى التليفون اصلا و ندمان جدا انى قولتها كدا انا ياما قولت كلام حلو للبنات لكن عمرى مقولت بحبك لحد
مرام / ليه
مازن / عشان بحبك دى كلمه كبيره اوى مينفعش تتقال لاى واحده مينفعش تتقال الا لما تكون متاكد منها
مرام / و ايه اللى مخليك متاكد اصلا انك بتحبنى مش يمكن نزوه حاجه جديده غير البنات اللى عرفتهم مش يمكن تزهق منى مش يمكن تندم
مازن / انا عمرى مفكرت فبكره انا مضمنش اعيشه
مرام / ايوه بس الجواز مش علاقه يوم و يعدى دى علاقه مستقبل
مازن / بكره مش بايدى معنديش ليه اى ضمانات كل اللى اعرفه انى بحبك و مش من امبارح و لا حتى من اول المشروع انا بحبك من قبلها بكتير
صمت
مازن / فالاول كنت معجب احب اشوفك ابص عليكى من بعيد اتابعك منغير متاخدى بالك بس واحده واحده و منغير محس بقيت مهووس بيكى و مهما حاولت اسيطر عالهوس ده مهما حاولت اعوضه ببنات تانين كنت دايما برجع و اقف عندك عمرى مستحملت كلمه عنك و عمرى مهسمح لحد يقرب منك
صمت
مازن / اوعى تكونى نمتى بليز
مرام / بس انا مبحبكش
مازن / بس مبتكرهنيش و دى فحد ذاتها بدايه
مرام / واش عرفك انى مبكهركش
مازن / لو كنتى بتكرهينى مكنتيش هتعاملينى كويس مكنتيش هتوافقى انك تتورطى معايا مكنتيش هتسهرى لحد دلوقت تتكلمى معايا و انى احاول اقنعك كنتى هتبقى رافضه و الرفض كان هيبقى قاطع مفيهوش جدال
مرام / بس انت قدامك تلت ايام بس
مازن / فى حاجات كتير ممكن تحصل فى تلت ايام
مرام / واثق اوى من نفسك فى ايه فالدنيا ممكن يحصل فتلت ايام يخلينى احبك
مازن / لا انا مقولتش انى هخليكى تحبينى فى تلت ايام انا قولت انى هخليكى توافقى عليا فتلت ايام
مرام / هتعمل ايه يعنى
مازن / معرفش
مرام / انت بتهزر
مازن / ابدا و اقسم بالله معندى فكره هبدا منين حتى
مرام / هههههههههههههههه
مازن / لما كنت بحاول اتعرف على اى واحده كان سهل اوى انى اشتريلها هديه غاليه او اركب عربيه شيك و طقم سنيه و ساعه و برفيوم لكن انتى الحاجات دى مش هتفرق معاكى انتى مش زى كل البنات اللى عرفتهم
مرام / عاوز نصيحتى
مازن / ياريت
مرام / مش قادره اصدق انى هقولك ازاى تخلينى اغير رايى انا ليه اساعدك اصلا
مازن / متبقيش رخمه بقى مش بعد معشمتينى تخلى بيا
مرام / هههههههههههههههههههههه
مازن / قولى بقى بليييييز
مرام / بص انا كل مره كنت بتخانق معاك او محمود يتخانق معاك كنت دايما تقول انتوا متعرفوش حاجه عنى و متحكموش عليا و كدا يعنى و فكل مره كان فى بنا موقف كنت دايما بتفاجئنى برده فعلك ... بشكل كويس يعنى اقصد فدى تحسبلك و عشان كدا انا هقولك مش عشان يعنى اى حاجه تانيه لحسن دماغك يروح كدا و لا كدا
مازن / انطقى بقى ابوس ايدك
مرام / الله مانا بقول اهو
مازن / اسف خلاص اتفضلى حضرتك
مرام / خلينى اشوفك اعرفك اقصد مازن الحقيقى اللى جواك مش اللى انت بترسمه قدام الناس عشان تبان كول و روش و كدا فهمتنى
مازن / و انتى هتورينى مرام الحقيقيه
مرام / متفرقش كتير صدقنى عن مرام دى  و مدام مرام دى عجبتك اكيد مرام التانيه هتعجبك برده
مازن / هو اه طبعا انتى غششتينى عشان انتى عندك فضول تعرفى مازن الحقيقى مش عشان يعنى تكونى موافقه و بتتقلى و لا حاجه صح
مرام / تصدق انك انسان مستفز و انا اصلا
مازن / بهزر بهزر انتى اصلا بتبقى عسل و انتى متعصبه
مرام / و انت بايخ و مستفز و رخم و كل حاجه
مازن / بحبك
مرام / ماشى نبقى نشوف الموضوع ده بعدين
مازن / هقبل بالرد ده مؤقتا خشى نامى بقى عشان عنيكى الحلوه دى بكره متبقاش متنفخه ووارمه
مرام / تصبح على خير
مازن / و انتى من اهله
مرام تقفل التليفون و تدخل السرير جنب سميحه و تنام على ضهرها و تبص فى السقف و تبتسم
............................
فى شقه شريف
شريف نايم عالسرير بيكلم اريج
اريج / انت بتشتغلنى
شريف / والله ابدا و بكره هروح انا و هو خاله و يتقدملها رسمى
اريج / مرام و مازن مستحيل شوف مستحيل دى مبتطيقوش دا لو يعرف قالت عنه ايه عمره مهيبص لخلقتها
شريف / و لا يعرف و لا ميعرفش احنا مصدقنا انه اخيرا فكر يتنيل يتجوز دا كان خاربها يا بنتى خليه يتصلح حاله بقى
اريج / والله العظيم ممصدقه نفسى
شريف / عقبالنا
اريج / لا يا شيخ
شريف / بس بس بس قبل متفتحى فيا زى كل مره انا كلمت امى فى الموضوع و قولتلها الليله من طقطق لسلاموعليكوا
اريج / حكتلها عنى
شريف / اكيد يعنى مش هتبقى مرات ابنها لازم تبقى عارفه عنك كل حاجه
اريج / قولتلها ايه
شريف / مش مهم المهم هى قالتلى ايه
اريج / ماشى و ياترى قالتلك ايه
شريف / قالتلى انه يوم المنى و انها بس تفوق من حوار اختى ده هنيجى نتقدملك علاطول
اريج / مانت قولت كدا قبل كدا قولت لما افوق من ديون اختى هاجى اتقدم و دلوقت اختك التانيه هتتخطب اهى و هيبقى فى ديون جديده على متسدها اختك التالته هتتخطب و بعديها اخر العنقود دى فيها و لا عشرين سنه
شريف / خلصتى موشح كل مره
اريج / فى ايه يا شريف هو انا مش زى اخواتك يعنى
شريف / زيهم طبعا و بعدين بتتكلمى كانى يعنى دحكت عليكى اولا انا قولتلك انى هكلم اهلى عنك لما افوق و ده حصل فعلا و اول مبدانا نتكلم سوا ايام المشروع شرحتلك ظروفى كلها و قولتلك مرتبى الكبير اوى بيروح فين و مكدبتش عليكى
اريج / و انا مقولتش حاجه بس على الاقل تعمل حاجه لنفسك
شريف / يا بنتى مهو على يدك الحاجه كل يوم بتغلى و علاج امى و دروس اخواتى و مصاريفهم اعمل ايه
اريج / و لا حاجه متعملش حاجه اوعى تعمل حاجه
صمت
اريج / انا اسفه يا شريف
شريف / انا مقدر و صدقينى تاخيرنا على عينى و انا مش هقدر اتقل على مازن اكتر من كدا
اريج / و انا ميرضينيش تتقل عليه بص متشلش هم هى بكره تدبر لوحدها
شريف / امين روحى يلا نامى عشان وراكى كليه الصبح
اريج / تصبح على خير
شريف / و انتى من اهله
شريف يقفل مع اريج و يتصل بحد تانى
شريف / الو مساء الخير ازيك
مونى / مساء النور يا شريف خير مازن جراله حاجه
شريف /لا مازن كويس الحمد لله
مونى / امال خير فى ايه سورى اصل عمرك معملتها دانا مكنتش اعرف اصلا ان معاك رقمى
شريف/ لا متقلقيش اوى كدا انا بتصل بيكى عشان افرحك
مونى / تفرحنى ؟؟ خير قول 
شريف / خير طبعا مازن قرر اخيرا انه يخطب و يتجوز
مونى / بتهزر صح مين ؟؟ مرام ؟؟
شريف / عرفتى منين انها مرام
مونى / هههههههههه ايه ده بجد مرام احلف مرام والله
شريف /اه والله بجد بس انتى عرفتى منين
مونى / كنت عارفه دانا كنت بقوله اتجوزها كان بيتنطت و ازاى و انا و هى مننفعش شوف طب والله لوريله هههههههههههههه انا مبسوطه اوى بجد
شريف / هههههههههههههه
مونى / امتى طيب
شريف/ بكره علاطول هياخد صفوت بيه و يروحلها
مونى / بالسرعه دى طب مش هيقول لبابا طيب
شريف /لا طبعا مش هيقول لابراهيم بيه اى حاجه
مونى / يعرف منه احسن ميعرف من بره اكيد زياد هيقوله يعنى
شريف / لا معرفش برده هيقول لزياد و لا لا
مونى / الله امال هيتجوز فالسر يعنى
شريف /انا اصلا بقولك من وراه عشان عارف انك الوحيده اللى هتفرحيله
مونى / تمام تمام فهمت
.................................
فى شقه مديحه
مديحه / انا مش مصدقه اللى بسمعه ده
محمود / ليه هو احسن منى فى ايه
مديحه / مش احسن بس انا عمرى مفكرت انك بتبص لمرام دى اختك ياله داحنا كنا بنحميكوا فى بانيو واحد
محمود / و كبرنا و بقت بتلبس منى الحجاب يبقى اخوات ازاى
مديحه / طب مهى كانت مخطوبه قبل كدا
محمود / خفت اتكلم و بقيت ادعى ربنا فى سرى ان الموضوع ميكملش
مديحه / انت بتتكلم جد يا محمود و لا عشان المشاكل اللى بينك و بين مازن
محمود / يا ماما عشان خاطرى حسي بيا
مديحه / مينفعش دى خطوبتهم بكره الحاره كلها كانت بتباركلها مينفعش
محمود / يعنى احط جزمه فبقى و اشوفها بتتزف لغيرى و اسكت هى لسه موافقتش هيجى بكره و يتقدم و هى ترفض
مديحه / لما تبقى ترفض نبقى نتكلم
محمود / انا هقولها لما تعرف بمشاعرى هترفض
مديحه / اوعى تعمل كدا حرام
محمود / و هو جوازها من مازن مش حرام
مديحه / لا مش حرام انك تتقدم لواحده غيرك متقدملها حرام لا يخطب احدكم على خطبه اخاه لازم تستنى لما الموضوع يبوظ الاول
محمود / لسه متمش اصلا ليه استنى اما الفاس تقع فى الراس
مديحه / هو اللى خلق مرام مخلقش غيرها يمكن ربنا شايلك الاحسن منها مليون مره مش يمكن دا اكيد
محمود / يعنى ده اخر كلام عندك يا ماما
مديحه / يابنى اعقل جواز مرام من مازن خير لينا كلنا متخليش كرهك ليه يعميك
محمود / بقولك بحبها بحبها بحبها
مديحه / و هى مبتحبكش لو بتحبك كانت رفضته انت بالنسبالها اخ يا تقبل بده يا هتخرج من حياتها خالص افهم بقى
محمود / دا اخر كلام عندك يا ماما
مديحه / قوم اتوضى و صلى ركعتين قضاء حاجه و اللى فيه الخير هيكون قوم اتوضى و انفض شيطانك ده قوم
محمود يبص لمديحه و يسيبها و يقوم
...............................
فى شقه اريج
اريج / اقسم بالله زى مبقولك كدا
بنت / يا بنت الايه يا مرام و برغوت و كلب جربان و فيلم هندى اتاريها بنت الايه بترسم على تقيل وقعته ازاى البت دى
اريج / ههههههههههههه و عملالنا فيها البت الكيوت القطه المغمضه صحيح ياما تحت السواهى دواهى
بنت / حقه والله دى هتبقى نمايه الموسم
اريج / تعرفى انا بكره الصبح اول مالنهار يطلع هتصل بيها و اقررها
بنت / لا يا هبله اوعى لحسن تاسفن شريف عند مازن
اريج / ليه هو انا هبله انا هتصل بيها اطمن هى مبتجيش ليه و اتصرف فى اللى فاتها من اى حد من دحيحه الدفعه و اروح اطمن عليها و على جدتها اللى عملت عمليه لما هى تقولى طبعا و لو قالتلى بقى عالفرح هروح مانا صحبتها و لازم اقف جنبها طبعا
البنت / انا جايه معاكى وش فالحوار ده انا هموت و اشوف اللى هيحصل
اريج / قشطه
البنت / لا بس انا لو منك بقى اخد علبه المكياج بتاعتى و احلف لازوقها بايدى صحيح بكره جوزك هيبقى بيشتغل عند جوزها و اهو تحنن قلبه عليه يمكن يزودله مرتبه و تخلصوا بقى
اريج / انتى بتقولى ايه
البنت / بقول ايه فى ايه هو مش شريف بيشتغل سكرتير مازن يعنى هيبقى بيشتغل عندها لما تتجوز مازن و انتى بقى ادحلبى بقى لحد متظبطى امورك ايه هتغلبى يعنى عرفتى توقعى شريف مش هتعرفى تبلفى مرام
اريج / مرام ؟؟؟ هو دى حد يعرف يبلفها دى بقالها سنين بلفانا دى استاذه و رئيس قسم والله و ضربه معلم بصحيح يا مرام
.............................
تانى يوم فى شقه محمود
محمود يصحى مالنوم على صوت زغاريط يطلع الصاله يلاقى رجاله عماله تنقل فى العفش و تفرش فكراسى و ستات بتزغرط
محمود / هو فى ايه
احلام / بيقولوا هيعملوا خطوبه كبيره لمرام فى الشارع
محمود يسكت و يروح يخبط على شقه مرام مروه تفتحله
مروه / صباح الخير
محمود / صباح النور هى مرام فين
مروه / فى الحمام ثوانى هقولها انك هنا عشان مخدتش طرحه معاها
صوت مديحه بتنده
مديحه / محمود انت يابنى تعال
محمود يبص لمروه و يروح لمامته
مديحه / صباح الخير عامل ايه دلوقت
محمود / هو فى ايه
مديحه / المعلم اسعد و رجاله الحته اتفقوا امبارح انهم هيعملوا ليله لمرام على حسابهم اعتزار منهم يعنى عن اللى حصل
محمود يبص الناحيه التانيه
مديحه / محمود
محمود / هى موافقتش اصلا ايه اسلوب التدبيس ده ايه اللى بيحصل للناس و ايه الكراسى دى هو هيجيب مين معاه يعنى لكل ده اوف
محمود يروح يفتح البلاكونه يلاقى الشارع مردوم رمل و كراسى عالجانبين و فراشه و نور يقف مزهول صوت من تحت
اسعد / صباح الخير يا استذه
محمود يبص
اسعد / سالت عليك لقيتك نايم ايه رايك الرجاله شغالين مالنجمه
محمود يبتسم مرام تدخل
مرام / سالت عنى ؟؟
محمود / هو ايه اللى بيحصل
مرام / علمى علمك انا لقيتهم داخلين عليا الاوضه و فزعونى اقسم بالله
محمود / الناس دى بتحاول تاثر على قرارك على فكره دول بيدبسوكى انتى لسه موافقتيش صح انتى موافقتيش
مرام / طب اعمل ايه
محمود / يعنى ايه تعملى ايه
مرام / ايوه اعمل ايه تيته اتكلمت مع المعلم اسعد الصبح كتير قالتله اننا كدا هنبان مدلوقين و قالها ان كل اهل الحته اتفقوا على كدا امبارح و انى زى بنتهم و كلام من ده
محمود / معملوش كدا ليه فخطوبتك الاولانيه هاه التانيه كانت خطوبه بجد
مروه تدخل
مروه / انتى هنا و احنا قالبين عليكى الدنيا يلا الكوافيره جت
مرام تبص لمحمود مروه تشدها محمود يدخل مديحه تديله ورقه و فلوس
مديحه / انزل هات الحاجات دى و ابعد عن الهيصه دى شويه
محمود يهز راسه
............................
فى الشركه عند صفوت
صفوت / مرام دى اللى جت هنا الاولى على دفعتك
مازن / ايوه هى دى النهرده هتيجى معايا عشان نخطبها باذن الله
صفوت / هههههههههههههههههه لا حلوه منك تصدق خالت عليا فى الاول انت مشكله طالع لخالك
مازن / هو الحاجات دى فيها هزار جاى و لا لا
صفوت / انت بتتكلم جد
مازن /ايوه والله
صفوت / و ابوك هتعمل معاه ايه
مازن / كدا كدا مش هيوافق و انت عارفه
صفوت / و مرام عارفه انه مش موافق
مازن / مش لما توافق هى الاول يا خالو
صفوت / لا كدا كتير والله كتير طب لو سالوك هتعمل ايه لو ابوك عرف هيقول ايه
مازن / ميعرف و لا يرفض و لا يعمل اللى هو عاوزه هو عاوز منى ايه انت عارف كويس هو عاوز ايه هو مش هيفرق معاه ان مرام الاولى و لا انها محترمه و لا حتى انها جميله هو هيتمنها معاها كام تسوى كام
صفوت / مازن
مازن / انا نفسى بس افهم هو انا مش ابنه عمره سال عنى عمره حتى جابلى هديه دا بيعامل الشغالين فى القصر احسن منى
صفوت / هتاخدلها معاك ايه و انت رايح
مازن يبصله صفوت يمسك التليفون
صفوت / ايوه يا سوزان اللغى كل مواعيدى النهرده
مازن يبتسم
صفوت / انا لو لفيت الدنيا على عروسه ليك مش هلاقى احسن من مرام دى مبروك
....................................
فى شقه مرام
مرام / مش هصبغ شعرى اصفر انا و لا حتى هفك الحجاب خلصنا
سحر / دا ليله فى العمر
مرام / ولو و بس بقى انا زهقت بجد
مديحه / بس بس بس انا بقول تقومى تاخدى دوش كدا و تروقى دمك و لما تيجى نبقى نتكلم
مرام/ انا بقول كدا برده
مرام تاخد غيار و فوطه مالدولاب و تروح ناحيه الحمام تلاقى سميحه واقفه فى المطبخ مع احلام و امينه و امل
مرام / بتعملوا ايه
سميحه / بنحط الساقع و علب الجاتوه دى فى التلاجه مالك صوتكوا عالى ليه
مرام / اتهبلوا باين بيقولولى فكى الحجاب و اصبغى شعرك و كلام اهبل خالص
امينه / هو مازن شاف الرؤيه الشرعيه يا ست سميحه
مرام تبصلها
سميحه / هو متقدمش لسه رسمى يا امينه
مرام / ايه الرؤيه الشرعيه دى
امينه / يعنى الخاطب يشوف خطيبته فى كامل زينتها عشان قلبه يطمن يعنى
سميحه / بس هو لسه مبقاش خاطيبها يا امينه
امل / ايوه يا تيته بس مازن لف و شاف بنات كتير لازم يعرف ان مرام برقبتهم عشان متجيش واحده بعد كدا
مرام / والله لو له شوق فغيرى يتفضل
امينه / متقصدش يا مرام بس هى تقصد ان دى رخصه ربنا ادهاله
مرام / انا داخله استحمى
مرام تسيبهم و تدخل الحمام
.................................
فى الشارع بالليل
مازن يركن العربيه و بينزل هو و شريف و صفوت يلاقوا الشارع معلقين نور و خيل و دى جى و الناس تسلم عليهم و تاخدهم بالحضن صفوت يوطى على مازن
صفوت / هو دى خطوبه و لا كتب كتاب
مازن / هههههههههههههههه لو خلوها دخله مش هقول لا
صفوت / و مجنون زيك هتعجبه مين غير بنت مجانين زى دول ربنا يستر
صفوت و مازن يتحركوا ناحيه بيت مرام
.................
فى اوضه محمود
مرام لابسه فستان و طرحه و عامله مكياج و محمود قاعد عالسرير مديها ضهره و هيطرشق
مرام / يعنى هتفضل مبوز كدا لحد امتى الناس تقول علينا ايه هتقعد معاهم بالبوز ده
محمود / يولعوا الناس انا اصلا مش قاعد مع حد و لا مقابل حد انتهينا
...............................