السكه شمال بقلم / لولو_محمد ( كامله )

الحلقه ٩٦

(((((((((السكه شمال ))))))))
#لولو_محمد
الحلقه السادسه و التسعون
مرام / سبنى احل البتاعه دى عشان ابقى خلصت الجزء ده
مازن / احم ثوانى ثوانى احنا اتفقنا ان كل فصل اخلصه هاخد حاجه حلوه
مرام / امتحنك الاول و الحاجه الحلوه تبقى من المطبخ
مازن / و انا جاهز
مرام / الحاجه الحلوه من المطبخ
مازن / معنديش مانع ابوسك فالمطبخ
مرام / تصدق و تؤمن بايه
مازن / لا اله الا الله
مرام / انت مفى فايده فيك
.........................
مازن / يا شيخه انتى لسه واخده بالك امال لو مكنتيش مجربه و عارفه قد ايه انا زنان زى العيال الصغيره و مبسكتش الا لما باخد اللى انا عاوزه
مرام / مش هلعب معاك تانى
مازن / و انا مش هزاكر تانى انتى بتخمى كالعاده
مرام / انا انا اللى بخم
مازن / ايوه جايه بعد مزاكرت فصل كامل و مستكتره عليا حقى طب دا حتى فى حديث بيقول اعطى الاجير اجره قبل ان يجف عرقه
مرام تبصله
مازن / هشتكيكى لربنا
مرام / طب انا عندى فكره حلوه
مازن / لا انتى هتدحكى عليا انا مبصدقكيش
مرام / طب اسمع منى يمكن تعجبك
مازن / قولى
مرام / ايه رايك نخليها عليا
مازن / يعنى ايه
مرام / الفصل بحضن و الحسابه بتحسب
مازن يبصلها
مرام / و فى الامتحان بقى الماده المتقفله ببوسه ايه رايك
مازن / انا لسه هستنى النتيجه
مرام / عاجبك و لا لا
مازن / وطى صوتك انتى بتتخانقى
مرام / مانت مستفز اوى
سميحه تدخل
سميحه / فى ايه يا ولاد
مرام / البيه مش عاوز يزاكر
مازن / جعان يا تيته
مرام / قولت لما نخلص هناكل
سميحه / اما انتى بلوه صحيح قومى يا بت حضرى العشا
مازن / مش عاوز منها حاجه انا هقوم اخدم نفسى
سميحه / خلاص انا هعملك
مازن / لا ارتاحى يا تيته انا مش غريب
مازن يقوم يدخل المطبخ
سميحه / انتى اتجننتى يا مرام قومى اعمليله العشا عيب كدا
مرام / حاضر يا تيته
مرام تجرى ورا مازن المطبخ و هى بتدارى دحكتها تلاقى مازن واقف ساند عالرخامه مستنيها اول متدخل يدحكوا هما الاتنين
مرام / والله انت مهتجيبها لبر
مازن / خليها السؤال المتقفل ببوسه و انا هوافق
مرام / ماشى
مازن / و الدفع
مرام / مقولتلك الحسابه بتحسب
مازن / لا يا حلوه انا بحب اخد حقى سخن مبيدحكش عليا
مرام / مانا هديهملك بفوايدهم
مازن / كام الفوايد دى يعنى
مرام / هههههههههههههه هو البنك بيدى كام
مازن / و انا مالى و مال البنك انا
مرام / الله امال عاوز ايه
مازن / فايده يوميه خمسين فى الميه
مرام / نعم كام خمسين و يوميه
مازن / اه و تركاميه كمان
مرام / يفتح الله
مرام تيجى تطلع مالمطبخ مازن يمسكها
مازن / خلاص يبقى تدينى حقى اول باول
مرام / بس كدا يا مازن حاضر اتفضل
مرام تدى لمازن ايدها
مازن / ايه دى
مرام / بوس مش احنا اتفقنا ان الفصل ببوسه بوس ايدى
مازن / والله كنت هقول لفظ ابيح و اتحشر على طرف لسانى هو انتى امى يا بت عشان ابوس ايدك
مرام / ههههههههههههههههههه
مازن / و بعدين احنا اتفقنا ان الفصل بحضن مش ببوسه
مرام / لااااااا دا كان الاتفاق بتاعى و انت رفضته يبقى خلاص نرجع بقى للسعر اللى انت حددته ان الفصل ببوسه بس انت محددتش فين زى ماحنا محددناش اصلا نوع الحاجه الحلوه على كل فصل يبقى الفصل ببوسه من ايدى هناهو
مرام تشاور على ضهر ايدها مازن يحط ايده فوسطه و هى رافعه حاجبها و مبتسمه و بعدين يمسك ايدها و يبوسها تبتسم اكتر
مازن / افتكريها
مرام تبتسم ابتسامه انتصار
مرام / تحب تتعشى ايه
مازن / مليش نفس هروح ازاكر
مرام / هههههههههههههه احسن برده
مازن يبصلها تدحك
.................................
فى شقه سعد
سعد / و ناوى تكمل كدا كتير
محمود / اكمل فى ايه
سعد / يعنى خلاص بقى شيلها من دماغك انت دلوقت بقيت خاطب غيرها
محمود / مش بمزاجى يا سعد مش بمزاجى
سعد / لا يا صاحبى دى مش رجوله اولا بنت الناس اللى ربطتها بيك دى ذنبها ايه تلعب بيها و بمشاعرها بالشكل ده و انت مبتحبهاش لا و كمان بتحب واحده متجوزه و بتحب جوزها و قالتهالك صريحه انا بحبه و احنا اخوات عاوز ايه تانى
محمود / مش قادر يا اخى افهم مش بايدى انا بموت فكل ثانيه مخنوق و مش قادر اتكلم سكاكين فقلبى فكل ثانيه بشوفه معاها لما بسمع دحكهم لما بشوفه قريب منها او ماسك ايدها
سعد / دى مراته يا اخى و بعدين لو بتحبها اوى كدا اتمنالها السعاده و انا و انت و الكل شايف قد ايه هى سعيده معاه
محمود / طب و انا
سعد / انت مش انانى يا صاحبى
محمود / لو مكنش دخل حياتنا مكنش كل ده حصل كانت هتحبنى انا
سعد / متزعلش منى مكنتش مضمونه برده 
محمود يبصله
سعد / هى لو كانت شيفاك اكتر من اخ مكنش مازن و لا غيره عرف ياثر عليها
محمود / تصدق انا غلطان انى جيتلك
سعد / فعلا انت غلطان لو كنت بتدور على حد يكدب عليك فانت غلطان انك جيتلى روح للبنى و لا زياد و لا اى حد من شله مازن القديمه انا متاكد انهم هيقولولك اللى انت عاوز تسمعه ان مازن سرقها منك و انت اولى بيها زى معملوا قبل كدا
محمود يبص لسعد و يلم حاجته و يمشى
..............................
فى شقه مرام
مازن / ولا حرف بصى لو هتقفى على راسك مفيش حرف واحد هيدخل
مرام / خلاص ناخد ريست
مازن / ناخد زفت
مرام / ايه يا عم مالك
مازن / مفيش خلصت شابترين زياده و مقبضتش حاجه
مرام / هههههههههههههههه ادى ايدى اهى
مازن / لا جمعيهم و ادينى حاجه احسن
مرام / مش عجباك ايدى طب دانا بدهنها بكريم بزيت اللوز حتى شم
مازن / و لا زيت لوز و لا زيت جوز انتى نصابه و حسبى الله و نعم الوكيل فيكى
مرام / بتدعى عليا يا مازن اهون عليك
مازن / مانا هونت عليكى
مرام / خلاص هصالحك
مازن / كدابه
مرام تمسك ايده و تبسوها
مازن / ابوكى انا عشان تبوسى ايدى كدا
مرام / مستكترها عليا يكونلى اب بعد العمر دا كله يعنى تمنعنى اقولها لخالو و ليك انت كمان
مازن يتعدلها ملامحها جد
مرام / اقولك انا هشوف فيلم و لا مسرحيه حاجه نفك بيها احسن مالرغى ده
مرام تقوم تايد التليفزيون و تقلب و مازن بيتابعها بحزن تيجى فيلم الانسه مامى
مرام / اسيبه
مازن / سيبيه
مرام تروح تقعد جنب مازن
مرام / عندى دره جوه اعملك فشار
مازن يهز راسه لا مرام تتفرج عالفيلم و هو متابعها سميحه تطلع مالبلكونه
سميحه / ياااااه اخيرا خلصتها ايه رايك يا مرام
سميحه تدى لمرام بلوزه تريكوا شبك جانجا
مازن / حلوه اوى قومى قيسيها
مرام تبتسم و تقوم تدخل جوه و ثوانى و تطلع لبساها على جيبه و بدى
مازن / تسلم ايدك يا تيته حلوه اوى
مرام / عجبتنى جدا
مازن / ابقى اعمليلى كوفيه يا تيته انا بحب اللبس الكوفيات اوى
مرام / انا هعملك
مازن / بتعرفى
سميحه / دى لهلوبه تريكو و كورشيه مقولكش
مازن / خلاص اما نشوف خشى بقى غيرى و تعالى اتفرجى عالفيلم
سميحه / انتوا خلصتوا مزاكره
مازن / تعبنا يا تيته هناخد ريست
سميحه / طب انا هروح لعمتك اشرب معاها كبايه شاى قاعده لوحدها فالبلكونه و محمود بره
مرام / طب متناديها تقعد معانا
سميحه / لا شكلها فى حاجه مديقاها مش هتتكلم قدامكوا مش هتاخر
سميحه تمشى و تقفل الباب وراها مرام تبص على مازن تلاقيه بيكتب حاجه فالموبايل ترمى عينها يشوفها تبتسم بخجل 
مرام / سورى
مازن / ههههههههههه على ايه انا كنت برد على رساله من شريف
مرام / خير فى حاجه
مازن / لا هيروح فبيسال كنت عاوز حاجه و لا لا قولتله لا يروح
مرام / تمام
مرام تبص عالفيلم و مازن بيفكر
مازن / مرام
مرام / ايوه
مازن / انا مكنتش اقصد على فكره
مرام / تقصد ايه
مازن / مش عارف حسيت انى دايقتك بهزارى يعنى
مرام / ههههههههههههههه انت اوفر اوى على فكره
مازن / انا اكيد نفسى اكون ابوكى و اخوكى و صاحبك بس ميمنعش انى هموت و اكون حبيبك قبل كل ده
مرام تبتسم مازن يقرب و يحط ايده على كتفها و يشدها تتفرج فحضنه و هى متمنعوش و مبتسمه بخجل و يتفرجوا عالفيلم ثوانى و تسند راسها على كتفه يبتسم 
..............................
فى شقه مديحه
مديحه / اقولك ايه بس يا حجه محمود تاعبنى اوى
سميحه / يا ستى فتره و هتعدى و بعدين هو قصر فى ايه مهو عامل اللى عليه و زياده ان كان فى المزاكره و لا فالشغل
مديحه / ايوه بس هو اكلته دحكته حتى نومته كل ده اتاثر انا كنت فاكره ان مروه هتحركه كدا بس بالعكس المكالمه مبتكملش دقيقه و ان قالها كلمه حلوه تبقى طلعت منه صدفه واحد غيره كان جابلها ورد و لا دبدوب و لا خدها فسحها و لا كل ودانها بكلمتين
سميحه / بس هو و هى بيدرسوا و هى ثانويه عامه و هو لو تقديره قل هتضيع منه فرصه التعيين و ساعتها هما الاتنين مش هيبقوا لبعض هو عليه ضغط كبير و انتى لازم تحسى بده
مديحه / انا بس خايفه البت متقدرش تملا عنيه و مع الوقت تبقى مشكله
سميحه / محمود مش صغير سبيه من و هو فاللفه بقولك سيبى محمود ياخد قراره دا راجل مش بت انما نقول ايه ابدا رايح فين و جاى منين و متتاخرش و متاكلش ده و متكلمش ده و متعملش ده بطلى بقى خفى عالواد شويه
مديحه / دا الحيله يا حجه
سميحه / كبر يا مديحه كبر و بقى راجل سبيه هو ياخد قرراته و يمشى حياته على مزاجه متضغطيش عليه
مديحه / بحاول والله
سميحه / قومى كدا فكى و صلى ركعتين و تعالى اتفرجى معانا عالتليفزيون العيال هناك مشغلين فيلم بتاع ياسمين عبد العزيز تعالى فكى عن روحك
مديحه / انتى سايبه مرام و مازن هناك لوحدهم
سميحه / و فيها ايه هما مش كاتبين الكتاب
مديحه / لا يا حجه ملكيش حق الناس تاكل وشنا
سميحه / قومى يا مديحه قومى حطى الطرحه على راسك و تعالى مش ناقصاكى هى قومى
مديحه / قومت قومت
...........................
فى شقه مرام
باب الشقه يتفتح مازن يشيل ايده و يتاخر سنه
سميحه / تعالى يا مديحه ادخلى
مديحه / اهلا بالعرسان
مرام تقوم تسلم على سميحه
سميحه / اعملى شاى يا مرام و هاتى حاجه حلوه لعمتك
مرام / ثوانى حاضر
مازن / ازيك يا عمتى
مديحه / طالعه من بقك زى العسل
مازن / اقعدى اتفضلى
مازن يقوملها و يقعد على كرسى تقعد مكانه
مديحه / ازيك يا مازن اخبارك و اخبار الكليه
مازن / الحمد لله تمام بحاول اهو
مديحه / لا شد حيلك كدا عاوزينك ترفع راسنا
مازن يبتسم و يهز راسه
مديحه / و اخبار الشركه ايه
مازن / تمام الحمد لله كويس
مديحه / بقولك يا مازن
مازن / اؤمرينى
مديحه / ميؤمرش عليك ظالم انت عارف ان محمود نفسه عزيزه اوى عليه
مازن يهز راسه باهتمام
مديحه / عوزاك تعرض على محمود يعنى يجى يتمرن عندكوا فالشركه
مازن / اكيد حاضر من عنيا
مديحه / بس بالله عليك ميعرف ان انا طلبت منك حاجه زى دى
مازن / لا خالص متشيليش انتى هم انا هكلمه
مديحه / تبقى عملت فيا جميله العمر
جرس الباب يضرب مازن يقوم يفتح يلاقى محمود
مازن / اهلا تعال كنا لسه فسيرتك تعال
محمود / خير
مازن / من عالباب كدا تعال ادخل اقعد ....محمود هنا يا مرام
محمود يبص لمازن و يدخل يقعد
محمود / ازيك يا ماما ازيك يا تيته
مازن / عامل ايه يا برنس سمعت انك مولعها فى المزاكره
محمود / معلش اصلى محدد اولوياتى
مازن / كويس
مرام تدخل لابسه الاسدال و تحط الشاى و تناول عمتها كبايتها و بعدين تدى لمحمود كبايه و بعدين تدى لتيته و تاخد كبايه و تروح تقعد جنب مازن و تناوله كبايته
مازن / تسلمى حبيبى
مرام تبتسم و محمود عينه عليهم
مازن / صحيح يا محمود كويس انى افتكرت
محمود يركز معاه
مازن / ياريت تعمل حسابك فالاجازه تنزل الشركه مع مرام لو فاضى يعنى عشان تساعدها
محمود / اساعدها فى ايه
مازن / يعنى مين هياخد باله من فلوس اختك اكتر منك يعنى
محمود / معقول امال الباشا هيروح فين هو مش انت المفروض جوزها برده
مازن / اه بس انا للاسف مش ببقى فاضى للشركه طول الوقت انا ليا شغلى امال انا مشغل شريف ليه
محمود / هو الباشا عاوز يشغلنى مرمطون عنده زى شريف
مرام / شريف مش مرمطون
محمود يبص لمرام
مرام / شريف سكرتير مازن و المساعد بتاعه و بيتهيالى انا و انت و كلنا اتعاملنا معاه و عارفين قد ايه هو جدع و محترم
محمود / و انتى عوزانى اشتغل سكرتير عندك يا مرام
مرام / محدش قال كدا كل اللى مازن قاله انك تساعدنى و تاخد بالك منى دا دورك كاخ على فكره
محمود / هو مش انتى رفضتى فلوس صفوت باشا و لا انا بيتهيالى
مازن / انت غريب اوى مفلوسى و فلوس خالو فالاول و الاخر هتروح لمين مهى لاختك و عيالها و لا انت ليك راى تانى
مديحه / انت مكبر الموضوع ليه يا محمود روح و جرب و شوف الجو عامل ازاى و بعدين مرام معاها حق دا دورك وواجبك اصلا متشوف كدا صفوت بيه عمل ايه مع اخته و ابنها دا عاش عمره كلو عشانهم و انت مستكتر تساعدها
محمود يبص لامه
مرام / و بعدين معلش يعنى ايه مشكلتك لو اشتغلت معايا و لا حتى عند مازن
محمود يبصلها
مرام / مش هو ده اللى مدايقك صح هو قول بقى ايه المشكله مزيه زى اى شركه تانيه و لا هو انت زى القرع تمد لبره
سميحه / ههههههههههههههههه خفو يا جماعه عالواد و سيبوه براحته
محمود / عن اذنكوا ورايا مزاكره و شكرا عالشاى
محمود يقوم و الكل يبص لبعضه
مرام / انا هحاول اتكلم معاه تانى
مازن يهز راسه ماشى
.......................
فى الكليه
سعد / اه يا فقرى يابن ال
محمود يبصله
سعد / اسف يا عم بس تصدق انك عيل واطى يا سيدى اضعف الايمان قولهم سعد موجود باصى لاخوك
محمود / انا مش طايق نفسى
سعد / بس مرام معاها حق تفرق ايه دى عند اى حد تانى على الاقل هتاخد حقك و زياده مش احسن مالفحته اللى اتفحتناها عند الزفت الدهبى ده و فالاخر خدنا على قفانا
محمود / مهو هنا برده هناخد على قفانا يا سى زفت
سعد / طب اقولك اما انا جتلى حته فكره بنت ستين كلب
محمود / اشجينى
سعد / مازن طلع مرام من القسم بورق مسكه عالدهبى صح
محمود / بيقولوا
سعد / و انا و انت عارفين كويس ان الشغل فمصر مبيمشيش الا بالحب
محمود / تقصد ايه
سعد / انا بفكر يعنى بقول مش يمكن لو اشتغلنا و حط تحت اشتغلنا يعنى احنا الاتنين مليون خط فى الشركه و نخورنا واحده واحده مش هنطلع حاجه كدا و لا كدا
محمود / اكيد يعنى هنلاقى بلاوى عاوز تقنعنى ان مازن و عيلته الشمال دى ماشيين سليم
محمود يسرح ثوانى
سعد / انت ياسطى
محمود / تصدق فكره ياض يا سعد
سعد / اقسم بالله ان مخدتنى معاك لسيحلك مبقاش مفحوت معاك فكل حاجه و تيجى فدى و تخلعنى
محمود / ياخى اتلهى و انا بروح فحته من غيرك
سعد / اه انا بقولك بس
........................
فى المدرج
زياد / هههههههههههههههههه يا جدعان و فيها ايه يعنى
مازن / فيها ان الامتحانات قربت
زياد / يعنى هى الحفله دى اللى هتنجحنا او تسقطنا دا يوم نفصل بيه عن الدنيا اقولك انا بكلمك ليه اصلا انا عارف ان مرام لو وافقت انت هتوافق
زياد يروح يقف قدام مرام و يضم ايديه مرام تدحك
زياد / اخويا وحشنى يا مرام نفسى فسهره زى بتاعه زمان
............................