السكه شمال بقلم / لولو_محمد ( كامله )

الحلقه ٩٩

(((((((((((((السكة شمال)))))))
#لولو_محمد
الحلقه التاسعه و التسعون
مازن / اه انا اصلا مش عارف مين اللى عزمه ليا كلام تانى مع زياد
مرام / انت ضربت ده !!!!
مازن / كان يستاهل
مرام / مش قصدى بس اقصد انت قدرت على ده!!!
مازن / افندم !!!
مرام / هههههههههههههه خلاص خلاص مصدقاك انت هتاكلنى و لا ايه
مازن / لا دانتى مستقليه بيا اوى على فكره بكره تيجى معايا النادى عشان تشوفى جوزك و هو ..
عربيه من ورا تخبط مازن
مرام / اااااااه
العربيه تخبطه تانى عربيه مازن تلف العربيه تخبطه مالجنب و مرام تصرخ العربيه تفرمل و عربيه مازن تزحف ينزل السواق و اللى جنبه مالعربيه و معاهم مسدسات مازن يفك لمرام الحزام و ينزلها الدواسه و يوطى فوقيها و التانين بيضربوا نار عالعربيه و يمشوا و مرام بتصرخ
...................................
مازن / انتى كويسه
مرام تهز راسها و هى منهاره مالعياط مازن ينفض الازاز المكسر من عليها و عليه و يفتح بابه مرام تمسكه
مازن / مشيو
مرام تهز راسها لا و هى مش عارفه تاخد نفسها مالفزعه
مازن / اهدى خلاص مشيو
مرام تعيط
مازن / مرام اهدى
مرام / كانوا عاوزين يموتونا
مازن / لا مكنوش هيموتونا متخافيش
مرام / ازاى مخفش النار انت مشوفتش
مازن / ممكن تهدى مكنوش هيموتونا
مرام تفتح الباب و تيجى تنزل رجليها متشيلهاش تقع فى الارض مازن ينزل جرى و يجرى عليها
مازن / انتى كويسه
مرام تهز راسها لا و تورى مازن ايديها بترتعش و بتعيط
مرام / مش عارفه اعصابى سابت بص ايدى
مازن يمسك ايدها و يحضنها
مازن / متخافيش خلاص اهدى حقك عليا انا اسف متخافيش
مرام / مين دول و عملوا كدا ليه
مازن / هنعرف اهدى بس اهدى
مازن يطلع الموبايل و يتصل بحد
.......................
فى مكتب
لبنى / دى المنحه اللى بتحلمى بيها
صافى / و انتى هتستفيدى ايه من كدا
لبنى / اعتبرينى بقدم السبت
صافى / طب متقديمهولها هى
لبنى / لا مازن و لا هى هيسمحولى انتى صحبتها و بقيتى قريبه منها اوى ففتره قصيره و بعدين انا مش بطلب منك حاجه وحشه دانتى بس هتوفقى بنا
صافى / و انا اضمن منين انك مش هتعملى مشاكل و فالاخر الاقى نفسى فقرف انا فغنى عنه
لبنى / لا مش هعمل و بعدين انتى مش هتكونى هنا فمتقلقيش
شريف يفتح الباب
شريف / انا لازم امشى مازن ناس ضربوا عليه نار هو و مرام
لبنى / هو كويس جراله حاجه
شريف / بيقول كويس
لبنى / احنا هنيجى معاك
الكل يمشى
......................
فى القسم
مازن قاعد على كومبيوتر بيتفرج على صور 
مازن / لا .. لا .. لا... ده اللى كان قاعد جنب السواق
الظابط / متاكد
مازن / ايوه متاكد كان لابس كاب اسود و تيشيرت بنى بس هو انا متاكد
الظابط / ايه يا انسه مرام
مرام / قولت لحضرتك انا مشوفتش حاجه كل اللى حصل انهم خبطوا العربيه و فجاه لقيت مازن بيزقنى فالدواسه و صوت نار عالى اوى كتير و بعدين سكوت
الظابط / تمام على العموم احنا هنفرغ الكاميرات اللى كانت فالشارع و متاكد اننا باذن الله هنوصل للى عملوا كدا فاسرع وقت
مازن / انا متشكر اوى
الظابط / ازاى بس يا مازن باشا انت تؤمر
مازن / ممكن لو سمحت
الظابط / طبعا اتفضل
مازن يسند مرام بره و هى بتمشى بالعافيه شريف و صافى و لبنى و زياد يدخلوا جرى
شريف / انت كويس
لبنى / جرالك حاجه
مازن / انا كويس
صافى / مرام انتى كويسه
مرام تهز راسها
زياد / الحمد لله احنا دمنا نشف
مرام / مازن انا عاوزه اروح لو سمحت مش قادره اقف
مازن / تمام حاضر تعالى
زياد / انا معايا العربيه بره تعالوا هوصلكوا
صافى تسند مرام مع مازن و شريف وراهم زياد يجى يحصلهم
لبنى / انت ليك يد فى اللى حصل ده
زياد / انتى اتجننتى ولا ايه لا طبعا
لبنى / والله العظيم اى كان اللى عمل كدا مهرحمه
زياد/ انا و انتى عارفين كويس مين اللى عمل كدا
زياد يبص يلاقى شريف باصص عليهم و متابعهم
زياد / امشى
لبنى تمشى مع زياد
..........................
فى شقه مرام
مرام عماله تعيط و سميحه حضناها و مازن قاعد جنبها ماسك ايدها و محمود هايج على اخره
محمود / انا كنت عارف ان كل ده هيحصل بس محدش بيسمع كلامى
مديحه / محمود اهدى
محمود / هتستنوا ايه لما المره الجايه يجيبها جثه كان مالنا احنا بكل القرف ده كل الهم ده مشفناهوش الا لما دخلت حياتنا
لبنى / مهى سليمه قدامك اهى مفيهاش خربوش حتى ايه الاوفر ده
زياد / لبنى
لبنى / انت مش شايف عمال يعمل ايه من ساعه مجينا
مازن / حقه
الكل يبص لمازن باصص فالارض و حزين و بعدين يرفع راسه يبصلهم
مازن / احنا كويسين ممكن تروحوا كلكوا لو عزت حاجه هكلمكوا ياريت كلكوا تروحوا الجو مش ناقص تنشنه بليز
شريف / انت متاكد
مازن / ايوه انا مش شايف اى سبب للمه دى
صافى / مرام
مرام تقوم تدخل اوضتها و تقفل الباب و هى بتعيط شريف يدى لمازن مفتاح عربيته
شريف / زياد هيوصلنا
شريف يبص لزياد
زياد / اكيد اتفضلوا .. مازن لو فى اى حاجه لو احتجت اى حاجه
مازن يهز راسه الكل يمشى و محمود واقف يبص على مازن مازن يقوم يدخل الاوضه ورا مرام و يقفل الباب محمود يفتح بقه
محمود / هو ايه ده ان شاء الله
سميحه / مراته كاتب كتابها
محمود / انتى بتتكلمى جد يا تيته عادى يعنى خلاص
مديحه / تعال يا محمود سيبهم يرتاحوا
محمود / هو انا الوحيد اللى شايف حاجه غلط بتحصل يعنى
مديحه / ملكش دعوه هما حرين
محمود / انا تعبت منكوا والله
محمود يسيب مديحه و يمشى مديحه تبص لسميحه و تمشى
.............................
فى اوضه مرام
مرام قاعده عالسرير بتعيط مازن يدخل و يقفل الباب تبصله يروح يقعد جنبها تترمى فحضنه و تعيط يطبطب عليها
مرام / هو انا ليه بيحصل فيا كدا
مازن / حقك عليا انا السبب
مرام / ليه هما بيعملوا كدا ليه هيستفيدوا ايه لما نموت هما ليه بيكرهونا اوى كدا
مازن / مكنوش هيموتونا كانوا بيخوفونا بس
مرام تتعدل
مرام / بيخوفونا بس كل ده و بيخوفونا بس
مازن / لو كانوا عاوزين يموتونا كانوا ضربوا فى تنك البنزين و فجروا العربيه فثوانى كل الطلق كان فى الازاز او فى الابواب و معظمه فى الباب اللى ورا بديهى يعنى لانا و لا انتى اتعورنا
مرام / انت ازاى بارد اوى كدا
مازن يمسك ايد مرام و يحطها على قلبه
مازن / انا لاول مره فحياتى اخاف مش عليا عمرى مكانت حياتى تفرق معايا و عمرى مخفت مالموت بس كنت مرعوب عليكى لو حاجه حصلتلك لو اتعورتى لو جرالك حاجه هعيش ازاى و لمين انا اسف اوى يا مرام
مازن الدموع تنزل من عنيه
مازن / انا متاكد ان حياتك كانت هتبقى اهدى كتير لو انا مكنتش دخلتها
مرام تحضن مازن اوى
مرام /انت بتعيط ليه متعيطش 
مازن / انا مبعيطش
مازن يمسح دموعه
مرام / ممكن تخليك معانا هنا النهرده ممكن متمشيش
مازن يبتسم
مازن / حتى لو اتحايلتى عليا امشى مكنتش همشى اصلا
مرام تبتسم مازن يبص حواليه
مازن / انا هطلع انام فالصاله الوقت اتاخر و اكيد تيته عاوزه ترتاح
مرام تهز راسها مازن يبوس راسها و يقوم يفتح الباب يلاقى سميحه قاعده
سميحه / نامت
مازن / لا صاحيه خشى خديها فحضنك و ناموا سوا و انا هنام هنا
سميحه / هو اللى حصل ده ممكن يتكرر تانى هو فى حد عاوز ياذى بنتى و ياذيك
مازن / معرفش بس اوعدك ان طول مانا عايش مفيش حاجه هتحصلها مش هسمح
سميحه / و انت افرض حاجه حصلتلك انت فاكر انك عندى اقل من مرام انت فاكر انى مخوفتش عليك
مازن يوطى يبوس ايد سميحه تملس على شعره
سميحه / انا مفيش فايدى حاجه اعملهالكوا غير الدعا
مازن / و ده اللى نجانا يا ست الكل
سميحه تبتسم
مازن / قومى ارتاحى
سميحه / هتنام هنا عالكنبه
مازن / اقسم بالله ماعندى مانع ادخل انام جنبها بس ادونى الاذن بس
سميحه تضربه على دماغه بهزار
مازن / الله هو الواحد ميعرفش يهزر معاكوا
سميحه تبتسم و تقوم تدخل جوه و بعدين تطلع
سميحه / تصبح على خير
مازن / و انتى من اهله
سميحه تدخل و تقفل الباب مرام تفتحه و تطلع و معاها مخده و كوفرته و ملايه
مرام / وسع هفرشهالك
مازن / تسلم ايدك سبيها انا هفرشها انا
مرام تيجى تدخل جوه تقف عالباب و مازن واقف باصص عليها
مرام / هو انت هتنام بهدومك ؟؟ اروح اجيبلك بجامه من عند محمود
مازن / ملوش لازمه انا اصلا مش هنام
مرام / ليه مش هترتاح طبعا
مازن / لا انا مبنامش قولتلك عارفه بنام تخاطيف كدا
مرام / انا اصلا مفتكرش هيجيلى نوم انا كمان
مازن / معلش حاولى اليوم كان طويل اقولك متفكريش فى اللى حصل فى العربيه فكرى فاللى حصل فى الفيلا
مرام / هو ايه اللى حصل
مازن / ايه ده لحقتى تنسى طب يبقى لازم افكرك بقى
مازن يقرب من مرام تدخل الاوضه و تقفل الباب بسرعه و هو واقف مبتسم و بعدين يروح يحط المخده و يمدد عالكنبه و يلعب فى الموبايل
.............................
فى شقه صافى
صافى بتتكلم فى التليفون
صافى / لا يا شريف متوصلش لكدا
شريف / بقولك شايفهم بعينى فالقسم
صافى / زياد هيعمل كدا ليه و لا حتى لبنى هى ممكن تكون مريضه بس متقتلش
شريف / امال مين
صافى / معرفش ميمكن احمد مش جه اول الحفله و قفش مع مازن باين
شريف / انا هتجنن
صافى / الحمد لله انهم بخير
شريف / الحمد لله
صافى / تفتكر مازن هيعمل ايه فى اللى عمل كدا لما يتعرف
شريف / يا ستى هو بس يتعرف و بعدين نبقى نتصرف فمازن بس نعرف مين و نمنعه انه يكررها
صافى / صح صح اصلا يوم غريب يوم غريب اوى انت مش متخيل اصلا
شريف / صحيح هى لبنى كانت عوزاكى فى ايه
صافى / ههههههههههههه لا بجد اهو دى بقى قمه الغرابه لبنى عاوزه تمول المنحه بتاعتى مقابل ايه بقى انى اوفق بينها و بين مرام و اصلح العلاقات
شريف / لا و النبى و دا من ايه ان شاء الله و بعدين مانتى لو كنتى عاوزه منحه مكان مازن اقربلك مهى فالاول و الاخر فلوسه ليه اللفه دى يعنى زياد ياخدهم من مازن و يديهملها و هى تديهملك تاخديهم من مازن علاطول
صافى / دا كان زمان يا شريف دلوقت اللى فهمته ان زياد ماسك كل فلوس اونكل ابراهيم فمصر و الشركات و كوووووول حاجه
شريف/ شوفى بالرغم من كل ده احب انبه حضرتك ان اونكل ابراهيم ده مش اهبل و انه حتى لو ادى لزياد كووووول ده هيحاسبه عالسحتوت و هيفضل زياد يسحب من جيب مازن
صافى/ معرفش بقى ده اللى عندى
شريف / انا مش مطمنلها حاسس انها بتعمل حاجه
صافى / و انا بس برجع و اقول يمكن ده شيطان و هى اتغيرت
شريف / هو انتى ساذجه كدا علاطول و لا النهرده اليوم الفرى بتاعك فقولتى تطلعيه عليا
صافى / ايه ؟؟
شريف / يا بنتى هو فى حد بيتغير من يوم و ليله و بعدين اوعى تفتكرى شويه السهوكه و اللعب و الهزار عالبسين ده هيخيلو عليا عليكى ماشى على مرام ممكن لكن انا مستحيل ليه راكن الفيل الهندى بره
صافى / هههههههههههههههههههه انت بتقول ايه
شريف / متاخديش فبالك
صافى / انت بتدحكنى موت على فكره
شريف / اى خدعه يا ستى اى وقت تحبى تدحكى فيه ادينى رنه بس
صافى / ههههههههههههههههههه تعرف ايه اللى يدحك اكتر من كدا
شريف / قولى
صافى / النهرده فى الحفله تصدق مازن بيقولى شريف شاب كويس و محترم و كل العلاقات بتبدا بجست فريندز
شريف / مازن قال كدا
صافى / هو مازن بس دا لبنى و كل اللى شافونا
شريف / مش هستغرب منهم لانهم سالونى نفس الاساله بس مازن هو ده اللى مستغربله اوى الصراحه
صافى / ليه بقى ان شاء الله
شريف / يعنى مازن عارفك كويس و عارفنى و عارف ان اصلا معجزه مالسما اننا نكون اصدقاء
صافى / ايه ده هو احنا اصدقاء
شريف / عمرى معملتها الصراحه يعنى اقصد عمرى مكان ليا صديقه بنت كلهم كانوا رجاله
صافى / طب و ايه المشكله انا اصلا مش مجرد بنت انا يا استاذ بمليون راجل
شريف / مفيش راجل بيلبس جيمي شو يا مادمزيل
صافى / هههههههههههههههههه اسمها مادموزيل
شريف / اسمها زى ماسمها بقى كرهونا فى ام الكلمتين
صافى / طب بغض النظر يعنى انت ايه رايك فى التجربه يعنى اقصد ان تكون ليك فرند بنوته و كدا
شريف / مش عارف انتى ايه رايك
صافى / بالنسبالى مهياش تجربه جديده يعنى انت عارف ان ليا اصدقاء كتير شباب فاتس اوك يعنى
شريف / اه عارف
صافى / بس انت الوضع معاك مختلف
شريف / فى ايه بقى ان شاء الله
صافى / فى الاكشن هههههههههههههههههههههه
شريف / انتى مجنونه عارفه ده
صافى / كل العظماء اتقال عليهم فيوم مالايام مجانين
شريف / ماشى يا عظيمه
صافى / الايام بنا فيوم مالايام هكون اشهر فاشون ديزاينر فى الدنيا كلها
شريف / ساعتها ابقى افتكرى العبد الفقير اللى الله
صافى / هههههههههههههههههههههههههههه
…………………
فى فيلا احمد
احمد يدخل الهول يلاقى لبنى واقفه مستنياه
احمد / هو النهرده عيد ميلادى و انا معرفش ايه المفاجاه الحلوه دى
لبنى / انت اللى عملت كدا
احمد / عملت ايه
لبنى / انت صح انت مهو مفيش حيوان غيرك يعملها
احمد / هو زياد عارف انك هنا
لبنى / ملكش دعوه بزياد ورد عليا ازاى تجرؤ انت ايه نسيت نفسك و لا ايه
احمد / انتى اللى نسيتى نفسك جرا ايه يا لولا داحنا دفنينه سوا معقول معقول لسه بتحبيه بعد كل اللى عمله فيكى
لبنى / ملكش دعوه
احمد / اخص اخص اخص بقى برنسيس لولا اللى جمالها يتفاتله بلاد اللى الرجاله بتترمى تحت رجليها
احمد يلف حوالين لبنى
احمد / تعلق روحها بواحد رماها فى الشارع و مبصش حتى وراه و راح لحته بت متسواش تلاته ابيض
لبنى / قولتلك ملكش دعوه و تعمل حسابك
احمد / انا برده كنت مستغرب اوى ان واحده زيك تبقى مع بقف زى زياد للدرجادى كرامتك رخيصه بالنسبالك يا خساره
لبنى / واضح يا احمد انك نسيت مازن عمل فيك ايه و نسيت يقدر يعمل فيك ايه و نسيت اكتر انا ممكن اعمل فيك ايه
احمد يمسك لبنى من وشها و يضعط على خدودها بايديه جامد
احمد / انتى بتهددينى فبيتى اختارى الكفه الكسبانه يا لولا بدل متجيلى و انتى بتعيطى و ساعتها بقى هضعف طبعا اصل الجمال ده ميتسابش زعلان
احمد يحاول يعدى ايده على جسم لبنى تضربه بالرجل بين رجليه يقع يتلوى
لبنى / قرب من مازن تانى و المره الجايه اوعدك انك انت اللى هتعيط مش انا
لبنى تسيبه و تمشى و هو بيحاول يقوم يقف
..............................
فى اوضه مرام
مرام تقوم مالنوم لابسه بجامه نص كم عليها قطه و تطلع فى الصاله تلاقى مازن نايم عالكنبه تقفل الباب و تروح ناحيه المطبخ و تفتح التلاجه تطلع طبق بيض و تحطه عالرخامه و تطلع طبق فيه طماطم و فلفل و تقفل التلاجه تلاقى مازن واقف تتخض الطبق يقع منها مازن يوطى يلم معاها
مازن / ايه يا بنتى مالك خفيفه كدا ليه
مرام / خضتنى انت بتتسحب كدا ليه
مازن / والله ابدا باين انتى اللى سمعك تقيل
مرام / حصل خير انت ايه اللى صحاك
مازن / نومى خفيف حسيت بحركه قمت انما ايه البجامات الحلوه دى
مرام / خليك فحالك
مازن / ههههههههههههههههه مده حالى ايه معرفتيش تنامى و لا ايه
مرام / جوعت احنا متعشيناش هو انت مش جعان هعمل شكشوكه
مازن / دلوقت
مرام / نفسى رايحالها تاكل و لا لا
مازن / اكل اعملى حسابى ... عامله ايه
مرام / فى ايه
مازن / احسن دلوقت
مرام / ياما دقت عالراس طبول تيجى ايه دى جنب زلزال اتنين و تسعين
مازن / هههههههههههههههههه لا يا شيخه
مرام / دا فيلم حياه حشره انت مشوفتوش
مازن / دا عربى و لا اجنبى
مرام / كرتون
مازن / لا مشوفتوش بس صحيح بقى انتى كنتى ناويه تعملى الاكل و تاكلى فى الخباثه و لا كنتى هتصحينى
مرام / لا كنت هصحيك بس بعد مخلص تفطر و تنزل تصلى الفجر
مازن / تمام
مازن يبص على مرام يلاقيها بترص الفلفل فالطاسه باهتمام يستغرب يقرب من وراها يلاقيها بترسم على البيض بحبك بالفلفل
مازن / و انا كمان
مرام تتخض و تلخبط البيض
مازن / ههههههههههههه طب ليه قله المزاج دى يعنى
مرام / عشان انت رخم
مازن / لا مش رخم انتى اللى رزله على فكره طب لعلمك بقى مش هاكل منه هتعمليلى غيره
...............................