السكه شمال بقلم / لولو_محمد ( كامله )

الحلقه ٧٠

(((((((((((((السكة شمال ))))))))))
#لولو_محمد
الحلقه السبعون
الراجل / تمام فى حاجه فى الكولكشن الحريمى لفت نظرك و لا اجيب لحضرتك كولكشن تانى
مازن يبص لمرام
مرام / بصراحه لا انا عوزاها كلاسيك سيمبل مش عاوزه حاجه فيها شغل هو جميل ما شاء الله بس انا عوزاها كلاسيك
الراجل يفتح رف و يطلع منه باليته و يوريها لمرام تاخد منها واحده مرام تقيسها فى اليمين و تبص عليها و تقلعها و تديها للراجل
مرام / هى دى
مازن / اكتب مازن و تاريخ النهرده
.............................
الراجل / الف مبروك
مازن / ممكن تورينى الطقم ده
مازن يشاور على طقم دهب الراجل يجيبه
مازن / ايه رايك
مرام / ملوش لازمه
مازن / انا مجبتلكيش شبكه
مرام / اه بس مونى قامت بالواجب
مازن / معلش بليز عشان خاطرى
مرام / صدقنى انا اصلا مبحبش اللبس الدهب هى بس الدبله و خلاص
مازن / طب عنيها متلبسيهاش
مرام / متخلنيش اندم بقى انا كدا تمام اوى
الراجل / مش هتحتاجى محبس عالدبله او توينز عندى كولكشن هايله
مازن / وريها
مرام / ملوش لزوم كفايا الدبلتين
مازن يبصلها
مرام / متبصليش كدا انا حره
مازن / ماشى براحتك
الراجل / ثوانى هكتبلكوا علي الدبل
الراجل يمشى و مرام تروح تقعد و مازن واقف بيتفرج على المجوهرات لحد مالراجل يرجع
مازن / انا عاوز الخاتم ده كمان لو سمحت
الراجل يوزن الخاتم و مازن يطلع الكريدت كارد و يديهاله و ياخد الحاجه و يمشوا
مرام / مش هتلبس دبلتك بقى و لا ايه
مازن / مش هتلبسيهانى و لا ايه
مرام / ليه و انت اتشليت
مازن / احمدك و اشكر فضلك يارب يوم مخلتنى احب واحده خلتنى احب ملكه الدبش استاذه و رئيسه قسم قذف الجبهات قاتله الرومانسيه سفاحه اللحظات الحلوه
مازن يبص على مرام يلاقيها عامله ولا على بالها
مازن / و مين فينا بقى اللى مستفز
مرام / بتعلم من الاستاذ
مازن / ههههههههههههه
مرام / انا هموت و انام ممكن تروحنى بقى
مازن / لازم ؟؟
مرام / ههههههههههههه هتخطفنى و لا ايه
مازن / والله هى فكره مش وحشه الحقيقه مش وحشه ابدا
مرام تبصله
مازن / بس انا رايي اروحك احسن
مرام / عاوزه اتكلم معاك فى حاجه
مازن يبصلها
مرام / بص هو انا مش شاطره اوى فالكلام يعنى بس انا عاوزه اقولك انى مش من النوع اللى بينسحب يعنى لو دخلت فى سكه لازم اكمل فيها للاخر لحد موصل للى انا عوزاه عمرى مستسلمت عمرى مياست
مازن / و دى اكتر حاجه عجبانى فيكى
مرام / بس المشكله انى كمان بخاف انا مبحبش امشى فسكه الا لو متاكده انى هكمل فيها عشان كدا اترددت لما اتقدمتلى لانى حسيت انها طريق مسدود
مازن يبصلها
مرام / و بصراحه لسه مقتنعه بده و الاكتر ان محمود كمان مقتنع و باباك بس فنفس الوقت تيته مش شايفه كدا خالص بالعكس بتحبك اوى و هى مش سهل تحب حد على فكره عمرها محكمت على حد غلط و كنت علاطول مستغربه ليه شايفه فيك ايه دانت مفكش ميزه
مازن / الله يحفظك
مرام / لا بجد بلوه فنفسك اوى
مازن / هتغر والله
مرام تبتسم
مرام / بطل بقى بحاول اتكلم جد
مازن / اتفضلى كملى انا اسف
مرام / انا مش عارفه ينفع اقول ده و لا لا اووووف انت رزل اوى الكلام اصلا صعب و انا مجمعاه بالعافيه و انت كل شويه تقاطعنى اوف عليك بقى
مازن يبصلها فهدوء و فى ابتسامه على وشه
مرام / بص منغير متسال ليه او تقعد بقى تسرح بخيالك و ترسم قصص انا عيطت اوى لما انت مشيت من عندنا امبارح
البسمه على وش مازن تروح
مرام / انا كدا كدا كنت رفضاك بس كنت فاكره انك هتتمسك بيا اكتر من كدا و النهرده كمان لما مشيت كان المفروض تقف و تدافع عن نفسك و تطمنى كان المفروض تقولى لا يا مرام انا مش هعمل كدا
صمت
مرام / انا اصلا مش قادره اصدق انى انا اللى كلمتك فى المرتين
مازن يبتسم
مرام / متدحكش
مازن يحط ايده على بقه
مرام / انت مستفز اوى
مرام تسيبه و تمشى
مازن / انتى عارفه انك مجنونه
مرام / ايوه
مازن / ايه ده بجد
مرام / ايوه مجنونه تفتكر لو مكنتش مجنونه كنت اتمسكت بيك كنت وقفت قدام اخويا عشانك تفتكر دى تصرفات واحده عاقله اخد واحد مفيهوش صفه واحده من صفات فارس احلامى بالعكس العكس خالص
مازن / كان عامل ازاى بقى بسلامته
مرام / كان ....
مرام تبص لمازن و ترتبك و تتعصب عشان تدارى
مرام / متغيرش الموضوع انت فاهم انا عاوزه اقول ايه انت مش غبى
مازن / انا كمان عيطت جامد اوى
مرام تبصله
مازن / لما بابا قال فحقى كلام وحش اوى قدامك كنت مرعوب تسبينى مكنتش عارف اعمل ايه بس انا اتربيت على مبدا اذا اردت شيئا بقوه
مرام / يبقى تحارب الدنيا كلها عشانه انا و انت دلوقت لو هنكمل يبقى يا نحارب الدنيا كلها عشان ننجح سوا يامى تبعد من سكات قبل متعلق بيك و توجعنى بص فعنيا و قولى هتتمسك بيا و تحارب عشانى و لا هتوجعنى
تليفون مازن يرن
مازن / دا خالو
مازن يرد
مازن / ازيك يا خالو
صفوت / انت فين بكلمك من بدرى كنت غير متاح
مازن / كنا بنشترى الدبل انا و مرام هتلاقى المحل مفيهوش شبكه و لا حاجه
صفوت  / كويس انى اطمنت عليك روح مرام و تعال عالمكتب حالا
مازن / خير فى ايه
صفوت / لما تيجى هتقولك ابوك كان عندى
مازن وشه يقلب و مرام متابعاه
صفوت / انا قولتله انى هكتب كل حاجه باسم مرام و ساعتها هتليق بجنابه
مازن / مرام مش هتوافق
مرام / على ايه ؟؟
صفوت  / عدى عليا الاول نشوف شويه حاجات و بعدين نبقى نشوف موضوع مرام بعدين
مازن / ساعه و هجيلك
صفوت / متتاخرش
مازن / هوصلها والله و اجى سلام
مازن يقفل
مرام / فى ايه
مازن / خالو شد مع بابا عاوزنى اروحله
مرام تبصله
مازن / هوصلك و بعدين اروحله
مرام / هتكلمنى
مازن / اكيد يعنى يلا
مرام تهز راسها و يمشوا
............................
فى الحاره عند مرام
تيفا و شاب قاعدين على قهوه
تيفا / عاجبك عاجبك مش عاجبك خلاص
شاب / يا تيفا معترضناش بس اخوك مش هيسكت
تيفا / ملكش دعوه باخويا انا خمس دقايق و هكون موزعه
الشاب / و لما يرجع و يعرف
تيفا / ميعرف مكل الناس هتعرف و بعدين و احنا هنعمل كدا ليه معشان الكل يعرف
الشاب / اه صح
تيفا / و على العموم الفلوس مقدم عشان يبقى قلبك دفيان
الشاب / حبيبى يابو التوافيق
تيفا / هقوم انا بقى اطمن على مجدى
الشاب / خد راحتك
تيفا يقوم يروح الورشه
مجدى / اخيرا زهقت مالقاعده عالقهوه و قررت تيجى تبص على اخوك والله معارف اليوميه اللى بتاخدها دى بديهالك على ايه
تيفا / اهو عشان البقين دول جاى مالقهوه بقدم رجل و اخر رجل صحبى يا جدع و جايلى زياره
مجدى / صاحبك ... و هو انت انا قالقنى غير مجيه صاحبك ده الحاره
تيفا / خلاص بقى يا مجدى حقك عليا انا جيت اهو و اقولك اطلع انت كلك لقمه و ريح ساعتين كدا مع العيال و هتنزل تلاقى العربيه دى عروسه و هتشوف
مجدى / مش مرتاحلك ياض
تيفا / الله طب اعملك ايه يعنى والله انت علاطول كدا ظالمنى و حابطنى
عربيه مازن تركن على اول الحاره
تيفا / يارب خدنى بقى عشان كلكوا ترتاحوا الله
مجدى / وله الحركتين دول تعملهم على امك مش عليا على العموم اما نشوف عارف لو رجعت و لقيتك مبوظها و لا مخلصتهاش و دينى
تيفا / عيب عليك
مجدى يمشى و تيفا يبص على الناصيه يلاقى مرام بتنزل و عربيه مازن بتمشى يروح يدخل العماره بتاعتها تمشى فى الحاره و الشاب يشوفها يمشى وراها
.............................
قدام بيت مرام
تليفون مرام يرن ترد
مرام / ايه هتقولى لحقت اوحشك
مازن / مش هبقى بكدب والله
مرام / هههههههههههه لا شبعانه دلوقت مش هاكل مالكلام ده
مرام تدخل البيت
مازن / لا بس انتى نسيتى الخاتم فى العربيه هلف و ارجعلك
مرام تطلع السلم توفيق و الواد التانى يكمموها و يشدوها تحت بير السلم الموبايل يقع من ايدها تحاول تصرخ صوتها مكتوم الشاب ماسكها من ورا و كاتم نفسها و توفيق من قدام
توفيق / بقى دا اتفاقنا برده
مرام تحاول تصرخ توفيق يشد الطرحه من على راسها و يحدفها وراه و يفكلها شعرها و هى بتحاول تصرخ و تبعد عنه و التانى ماسكها جامد
توفيق / داحنا نهارنا نادى النهرده
توفيق بيمسك بلوزه مرام و يفك اول زرار التانى يلاقى اللى بيشده من ورا يخبطه فى الحيطه
محمود / هى حصلت يابن الكلب
توفيق يفتح المطوه و يهجم على محمود محمود يمسك ايده و الشاب يحدف مرام تخبط فى الحيطه دماغها تتفتح و تقع فى الارض و يفتح المطوه و يروح يضرب محمود فجنبه محمود يقع فى الارض و مرام بتصرخ و تقوم تجرى على محمود و تكتم الجرح بايدها و الشاب و تيفا يجوا يجروا مازن يقابل و يضرب الشاب بايد المسدس فوشه يقع فى الارض و توفيق يشوف مازن قدامه يطلع على فوق
مرام / محمود محمود
محمود بيتالم مرام تبص يمين و شمال تلاقى طرحتها تجرى تجيبها و تكتم بيها الجرح
مازن / انتى كويسه
مرام تبصله مازن يطلع ورا توفيق 
مرام / مازن استنى مازن ... محمود هتبقى كويس بصلى هتبقى كويس
محمود يبص لمرام و شعرها مغطى وشها و يرفع ايده و يبعده عن وشها و هى تبصله باستغراب
محمود / شبه الملايكه
مديحه تنزل تجرى تشوف محمود فالارض تصرخ
مديحه / محمود ابنى محمود رد عليا يا حبيبى رد عليا يا ضنايا مين عمل فيك كدا يلااااااااااهوى
..............................
عالسطح
توفيق يجرى مازن يجيبه من قفاه و يشده يوقعه فى الارض
مازن / كان لازم اقتلك من زمان اوى
مازن يمسك مسدسه و ينشن عليه و عاوز يقتله بس متردد
توفيق / هههههههههههههههههه ايه مش عارف تستخدمه ازاى
مازن يضرب توفيق بالرجل بين رجليه يتلوى و يطلع التليفون و يتصل بحد 
مازن / معتز باشا ازيك ... لا مش تمام تيفا الكلب اتهجم على خطيبتى و ضرب جارها بالمطوه ... فانتظارك
مازن يعين التليفون و ينشن بالمسدس على دماغ توفيق توفيق يحاول يقوم مازن يزقه يوقعه و يحط المسدس على دماغه
توفيق / انا مش خايف منك انت جبان انا لما قطعتلك الفرامل مترددش ايدى مترعشتش زيك كدا
مازن / للدرجادى نفسك تموت
توفيق / هههههههههههههه لا انا عارف انك مش هتقدر تعملها لو كنت اتاخرت خمس دقايق خمس دقايق بس كان زمانى انا و حبيبه القلب بنقضى اجمل لحظات حياتنا بس عالعموم ملحوقه مره تانيه 
مازن يحط المسدس فجيبه
مازن / تعرف معاك حق انا مبعرفش اقتل بس صدقنى انا هخليك تتمنى لو كنت قتلتك
مازن ينزل ضرب فتوفيق و فين يوجعك لما ميخليش فيه حته مفيهاش دم
صوت البوكس و بسرعه العساكر تطلع تجرى و معتز وراهم و يحوشوا مازن من فوق توفيق
معتز / كفايا كفايا هيموت كفايا
معتز يشد مازن من فوق توفيق نايم غرقان فى دمه مازن يضرب توفيق رجل بين رجليه العساكر ياخدوا توفيق
معتز / مازن باشا
مازن ينزل مع معتز يلاقى الاسعاف بيطلعوا محمود عالنقاله و يحطوه فى العربيه مديحه تركب جنبه و هى منهاره مالعياط
معتز / لازم تيجى معانا عشان نقفل المحضر
مازن / هطمن عليهم و احصلك
معتز يهز راسه و يمشى هو و العساكر مرام تطلع مالبيت و تبص لمازن
مازن / انتى كويسه
مرام / محمود
مازن / هنحصلهم عالمستشفى يلا
مازن و مرام و سميحه يجروا للعربيه سميحه تركب ورا و مرام و مازن قدام مازن يفتح درج التابلوه و يحط فيه المسدس و مرام بتبصله باستغراب و يسوق و يمشوا
...............................
فى الشركه عند صفوت
صفوت قاعد مع شريف و المحامين بيبصوا فى ورق تليفون شريف يرن
شريف / الو .. انت فين يا ابنى ... ايه امتى ده ... طب حاضر حاضر قولى بس مستشفى ايه ... ماشى هقوله ... والله مهتاخر سلام
صفوت / فى ايه يا شريف مستشفى ايه اللى بتتكلموا عنها مازن جراله حاجه
شريف / مازن كويس بلطجى اتهجم على مرام و ضرب جارها بالمطوه و مازن رايح دلوقت عالقسم
صفوت / اه يا ابراهيم الكلب هى حصلت للدرجادى
شريف / مازن عاوزنى اروح المستشفى لمرام و بيقول ابعت المحامين ليه عالقسم
صفوت / انا هروح معاهم بنفسى و انت روح و خليك مع مرام و لو حصل اى حاجه لو عوزت اى حاجه كلمنى علاطول فاهم
شريف / تمام حاضر
...................................
قدام المستشفى
مازن يركن العربيه و سميحه تنزل و مرام بتبص على مازن
مرام / انت هتروح القسم
مازن / لازم العيال دى مينفعش تخرج
مرام تبصله و ساكته
مازن / متخافيش هرجعلك علاطول
سميحه / يلا يا مرام
مرام تبص لسميحه و تبص لمازن
مازن / هاجى علاطول
مرام تهز راسها و تنزل و تدخل مع سميحه جوه و مازن واقف لحد ميدخلوا و يمشى
.................................
فى المستشفى
مرام و سميحه يدخلوا يجروا يلاقوا مديحه قاعده على كرسى بتعيط
سميحه / عامل ايه يا مديحه هو فين
مديحه / معرفش خدوه جوه يا حبيبى يابنى يا حبيبى
مرام / هيبقى كويس يا عمتى متخافيش هيبقى زى الفل ان شاء الله
مديحه / كل ده بسببك كله بسببك 
مرام / بسببى انى
سميحه تشاور لمرام تسكت
مديحه / دا الحيله دا ده اللى طلعت بيه من الدنيا يروح منى بالبساطه دى هعمل ايه من بعده هعيش لمين من بعده
مرام / هيبقى كويس والله هيبقى كويس
مديحه تبصلها
مديحه / حسبى الله و نعم الوكيل حسبى الله و نعم الوكيل
مرام تبص لسميحه و عنيها كلها دموع و تسيب المكان و تمشى
.........................
فى القسم
معتز / انت عارف ان ده مش قانونى و انا مقدرش اسمحلك
مازن / و هو اللى عمله كان قانونى
معتز / يا مازن انت حبيبى انت هتودى نفسك فداهيه عشان ايه سيب القانون ياخد مجراه و انا اوعدك انى هربيهولك والله مهيطلع منها بس ارجوك اهدى
مازن / ورحمه امى لو مقولتلى بعتهم على انهى مستشفى 
الباب يتفتح و عسكرى يدخل ووراه صفوت ياخد مازن فى حضنه وراه المحامين
معتز / هات لمون يابنى .. كويس انك جيت يا صفوت بيه يمكن تقدر تهديه شويه
صفوت / ايه اللى حصل يا مازن
مازن / فى اتنين كلاب اتهجموا على مرام فى بيتها
معتز / و فيهم واحد فالمستشفى بين الحياه و الموت بسبب ضربك فيه
مازن يبص لمعتز
معتز / انا مقدر موقفك بس الموضوع مش سهل
مازن / طب دخلنى الحجز للحيوان التانى هو مش انا ضربت توفيق احجزنى
صفوت / هو مازن متهم بحاجه
معتز / لحد دلوقت لا بس طبعا لو توفيق او اهله قدموا بلاغ فى مازن اكيد علاج توفيق هياخد اكتر من واحد و عشرين يوم و ساعتها بقى
مازن / له عين كمان
معتز / مازن احنا صحاب من زمان و انت خلتهم ينقلونى هنا مخصوص عشان لو حاجه زى دى حصلت فارجوك بقى اهدى و خلينى اللم الموضوع
مازن /ماشى انا عاوز امشى عاوز اروح المستشفى اطمن على مرام و محمود
معتز / امشى احسن برده
صفوت / انا برده رايي كدا خليك جنب مرام
مازن يبصلهم و يمشى و يرزع الباب وراه
صفوت / قولى يا معتز العيال دى عملوا كدا من نفسهم و لا حد واززهم
..............................
فى المستشفى
مرام قاعده فى جنب لوحدها بتعيط شريف يدخل
شريف / مرام انتى كويسه انا قلبت عليكى المستشفى 
مرام تبصله و تمسح دموعها و تهز راسها اه
شريف / مالك فى ايه
مرام / مفيش انت بتعمل ايه هنا مش المفروض تبقى مع مازن
شريف / قالى اجيلك انتى مش مع محمود ليه 
مرام تعيط و شريف يبصلها باستغراب 
مرام / عمتى زعلانه منى بتشيلنى انا اللى حصل
شريف / و انتى ذنبك ايه
مرام / ذنبى ان كل ده حصل بسببى فعلا حصل عشان انا نحس مش مكتوبلى افرح امبارح و النهرده و كل يوم لازم يحصل حاجه
شريف / فتره و هتعدى
مرام / عارفه بس خايفه و هى بتعدى تدوسنى ... انا اسفه انا
مرام تمسح دموعها
شريف / كل حاجه هتبقى تمام ... مبروك الدبله
...................................