السكه شمال بقلم / لولو_محمد ( كامله )

الحلقه ١٣٩

((((((((((((((((((((السكة شمال ))))))))))
#لولو_محمد
الحلقه 139
شريف / اسوء موقف بقى القشه اللى قطمت ضهر البعير و خلتنا نرجع انت عارف جو العيال صحاب زياد دول عيال مقرفين لا تربيه و لا نيله و انت عارف بقى بيشربوا و كدا المشكله بقى كاسه مرام اتلخبطت مع كاسه فيها شويه ويسكى مع عصير لمون بالنعناع و عينك متشوف الا النور
محمود / انت بتهزر و بعدين
شريف / مازن خدها هو و صافى و مونى و طلعوا فوق عدت على خير بس تانى يوم بقي مازن علمهم الادب اللى كان له فيها و اللى ملوش
محمود / بس دى قله ادب يا شريف
شريف / بس تصدق انا اول مره اعرف ان مرام كانت مخطوبه
محمود / اه دا كان من فتره طويله اوى و مطولوش اصلا الموضوع كله مكملش اسبوعين و لا حاجه
.............................
شريف / يا راجل
محمود / اه كان عيل ابن امه و الحمد لله غار فداهيه
شريف / هههههههههههههه و كنت بترخم عليه زى مكنت بترخم على مازن كدا
محمود / لا
شريف / قول والله اشمعن بقى يعنى
محمود / كان شكله ابن ناس و محترم و متقولش هو يعنى مازن مش ابن ناس انا و انت عارفين مازن كان عامل ازاى و سمعته ازاى ماشى التانى كان حاجه تانيه
شريف / و التانى ده كان احسن من مازن فى ايه يعنى ابن مين يعنى و لا كان بيشتغل ايه عشان تقول كدا
محمود / انا مقولتش حاجه انا بس قولت انى سكت وقتها لانه مكنش يتعيب يعنى كان شغال فى شركه مقاولات كبيره و بيقبض وقتها الفين و نص فالشهر زمانهم زادوا دلوقت و كمان كان وحيد امه ووالده متوفى فكانوا هيعيشوا مع امه فى الشقه فكان تقريبا جاهز يعنى ده بس والله اللى اقصده مقصدش حاجه تانيه
شريف / اهدى يا عم فى ايه مالك احنا بنحكى يعنى مش حاجه
محمود / عادى يعنى
شريف / تعرف ... خلاص خلاص خلاص
محمود / اعرف ايه
شريف / خلاص بقى مش مهم
محمود / لا بالله عليك لانت قايل
شريف / الواد تقريبا نفس ظروفك
محمود / لا معلش فرق السما مالارض بينى و بينه
شريف / اشمعن
محمود / التانى طلع لقى كل حاجه جاهزه حتى الشغل عمه اللى جايبهوله اصله كان شغال محاسب فنفس الشركه فعينه فيها علاطول
شريف / الوسايط يا اخى اسمها ايه الشركه دى
محمود / كان اسمها باين ام اى سى
شريف / قول والله
محمود / ليه انت تعرفها
شريف / انا اعرف كل الشركات اللى فمصر بحكم شغلى يا محمود فى ايه مالك
محمود / هههههههههههههه صح فاتتنى دى انت تعرف حد فيها الشركه دى
شريف / كلهم
محمود / بتهزر
شريف / بس تعرف البت دى ربنا بيحبها ان الحوار ده باظ مع انها فالاخر مع مازن بس اهو قضا اخف من قضا هههههههههههههههههههههه
محمود / هههههههههههه اقسم بالله كل يوم فصاله الفجر اقول يارب تحصل حاجه و مرام ترفضك يا سامح ابن نعمات
شريف / اسمه سامح
محمود / اه سامح شكشك
شريف / هههههههههههههههههههههههههههههههههههههه
محمود / ادحك ادحك
شريف / لا مش قصدى والله بس بقولك ايه احنا هنفضل واقفين هنا كدا متيجى ندخل بقى
محمود / يلا والله انا رجلى وجعتنى اصلا
شريف / و ايه جابرك يابنى متقول هو انا غريب يلا تعال تعال
محمود و شريف يدخلوا جوه يقابلوا مازن نازل من فوق
محمود / صباح الخير
مازن / تسلم ايدك يا حوده بصراحه الدور فوق وهم
محمود / و لا الحاره الناس شغالين فيها
مازن / نفطر و اجى معاك الشركه اعرف عملتوا ايه
محمود / لا متقلقش خالص انت مالموضوع ده
صافى تنزل من فوق
صافى / صباح الخير هى مونى و انجى و كامل فين مش فوق
مازن / خرجوا مع خالو من بدرى 
صافى / طب مصحونيش ليه اروح معاهم و مرام كمان مش لقياها
مازن / مرام فى المطبخ و بعدين هما اصلا مكنش ينفع ياخدوكى معاهم دول رايحين لبابا
شريف / هو فمصر
مازن / اه وصل النهرده الصبح و راحوا يستقبلوه فى المطار
مرام تدخل
مرام / اهلا صح النوم الفطار جاهز يا جماعه يلا يا محمود يلا يا شريف
شريف / لا و هو انا محتاج عزومه برده
الكل يروح ناحيه السفره
مرام / نادين قالتلى ان الباقيين خرجوا
صافى / اه راحوا يستقبلوا اونكل ابراهيم وصل مصر
مرام تبص لمازن
محمود / مش كان اولى تروح معاهم يا مازن يعنى
مازن / هروح بالليل انا و مرام
محمود / هتخدهاله لحد عنده عشان يشتمها و يهزقها تانى هو مكفكش اللى عمله
مرام / محمود دا مهما كان حمايا
محمود / ايوه بس
مرام / مبسش يا محمود هيعمل ايه يعنى و بعدين خالو صفوت راحله دلوقت يتكلم معاه عشان يضمن انى لما اروح بالليل كلو هيبقى تمام و كمان بالليل خالو صفوت كمان هيبقى معانا
محمود / خلاص هاجى معاكى ... مانا مش هينفع اسيبك لوحدك هناك يعنى
مازن / دا على اساس انى هكون شفاف يعنى
محمود / والله انا كنت موجود لما كب المايه فوشها و شوفتك اتصرفت ازاى
مرام / كنت عاوز منه يعمل ايه و بعدين فالاول و الاخر دا قد ابويا يعنى لا ينفع نرد عليه و لا ينفع
محمود / لكن ينفع يهينك و يقل منك يعنى
مرام / المرادى الوضع مختلف خالو صفوت هيبقى موجود و مونى و كامل و انجى
محمود / يعنى الاهانه المرادى هتبقى عالهوا
مازن/ بحاول اتفهم خوفك على مرام و انك كنت حاضر بس للاسف يا محمود اللى بتتكلم عنه ده يبقى والدى و دى مراتى
محمود / و عشان كدا بالظبط انت موقفك صعب و مقدرش اعتمد عليك تحميها منه
مازن / و مفيش مخلوق تانى يقدر يحميها اكتر منى تمام
مرام / انا اصلا اللى عاوزه اروح مازن اساسا مش موافق فلو سمحت يا محمود متصعبهاش عليه اكتر من كدا و تخليه رايح اصلا مشحون و ياريت نفطر عشان انا تعبت فى الاكل ده
شريف / لا والله تسلم ايدك يا مرام
مرام / ميرسى يا شريف الف هنا
صافى / انا مش عاوزه احط جاز عالنار بس لبنى لسه قافله معايا هى اللى صحتنى و قالت انها راجعه هى و زياد فالطريق
مرام تبص لمازن و محمود باصص فى الطبق و يقوم
محمود / هطلع ابص عالعمال عن اذنكوا
محمود يطلع فوق
مرام / عمره مهيتغير هيفضل عصبى و متهور
شريف / بس للاسف عنده وجه نظر محدش ضامن رد فعل ابراهيم بيه و متحاولوش تقنعنونى انه هيعمل حساب لكل دول بالعكس دا الاهانه هتبقى الضعف
صافى / شكرا يا شريف بجد هو ده اللى كانوا محتاجين يسمعوه دلوقت منك حقيقى شكرا
مرام عينها على مازن باين عليه اوى الضيق
شريف / صحيح يا مازن المعلومات اللى انت طلبتها انا تقريبا خلصتها
مازن يبصله
شريف / فاضل تفنيشه بسيطه كدا
مازن / ابعتهالى
شريف / حاضر
مازن / عن اذنكوا
مازن يقوم و يروح ناحيه الجيم
مرام / عن اذنكوا
مرام تقوم ورا مازن
صافى / انا هعمل ساندوتشات حرام الاكل دا كلو يترمى
شريف / لا متقلقيش مش هيترمى
صافى / بقولك تيجى معايا البيت اجيب حاجتى مازن مرضاش خالص امشى امبارح و نمت فبجامه مرام هههههههههههههههههههه برمودا و نص كم عليه قطه كدا عيالى اوى بجد زوقها عسل
شريف / بحاول اتخيلك لبساها يعنى بس مش عارف
صافى / المهم هتوصلنى و لا اطلب عربيه و لا ايه
شريف / هو انا اعترضت هو انا اصلا اقدر اعترض انتى بس تؤمرى
صافى / ههههههههههههههه للدرجادى
شريف / ادينى بس ساندوتش ماللى معاكى دول اما اطلع اكلم مع حوده اهديه
صافى تناول شريف طبق السندوتشات اللى عملته
صافى / اديله يفطر
شريف / تسلم ايدك
شريف ياخد الطبق و يطلع و صافى بتعمل ساندوتشات تانيه
...........................
فى الجيم
مازن يدخل يشغل التريدميل و يجرى عليها مرام تدخل و تقفل الباب اللى برا بالمفتاح و تبص على مازن من ورا السوكريت و تدخله تبص عالتريدميل و بعدين تدوس زرار تطفى و تشد مازن يقعد جنبها على بنج
مرام / ارحم المكنه مش كفايا الصبح
مازن / محمود و شريف معاهم حق مرواحك فحد ذاته
مرام / هيعمل ايه اقصى حاجه ممكن يعملها ايه يهينى قدامهم ... بص يا مازن انا مراتك كلها كام يوم و نتجوز فى حاجه فى الدنيا ممكن تغير ده
مازن / لا مفيش اى حاجه ممكن تغير ده مش هسمح لاى حاجه او لاى حد يغير ده
مرام / خلاص يبقى لازم يقبل و ان مقبلنيش زوجه ليك اكيد هيقبلنى ام لاولادك دى محاوله اخيره عشان محدش ماللى موجودين يجيب عليا اللوم بعد كدا انى قصرت معاه
مازن / انتى متعرفيش بابا يا مرام
مرام / انا عرفاك انت و مدام انت جنبى ميهمنيش و بعدين خالو كمان هيبقى موجود
مازن / يمكن ده اللى مهدينى شويه
مرام / يعنى مجى خالو صفوت معاك مهديك و وجودى جنبك كدا مش مهديك اخص عليك
مازن ياخدها فى حضنه
مرام / ايوه بقى قلبى يا ناس
مازن / ههههههههههههههههههههههههه
...................................
فى فيلا فخمه
شهاب ينزل من فوق يروح الصالون يلاقى شريف قاعد و حاطت رجل على رجل
شهاب / جاى ليه هنا ياله
شريف / ششششششششش اقعد عاوز اتكلم معاك
شهاب / انت فاكر انك هتخرج من هنا حى انا هقطعك حتت و ارميك للكلاب و قبل مرميك للكلاب هخليك
شريف / اوووووف لما تبقى تخلص اترزع علشان نتكلم
شهاب واقف يبصله واحد مالخدامين يدخل و يدى لشهاب موبايل
شهاب / الو .... ايه امتى ده حصل .. طيب طيب
شهاب يقعد عالكرسى و يبص لشريف
شهاب / شركه السياحه بتاعتى اتشمعت
شريف /  عارف امال انا جايلك ليه اقعد كدا و اسمعنى عشان انا جاى المرادى اديك اخر قشه تتعلق بيها قبل متغرق فركز معايا كدا عشان مش هعيد كلامى انت دخلت الاوضه ازاى
شهاب / مالباب
شريف / انا مرضتش اخلى الكلام ده يحصل فى الفيلا هناك عشان الاقى طريقه انجيك بيها عشان انا عارف الحقيقه كويس فالحق نفسك بدل متشيل الليله لوحدك
شهاب / و لا و طلعلك حس يا مساح الجزم يا خدام ال
شريف يمسك شهاب من رقبته و يخبط راسه فى الترابيزه مناخيره تجيب دم
شهاب / انا
شريف / زياد قال لمازن على كل حاجه و مازن امبارح خد حق صافى بس لسه فاضل حق مرام
شهاب / انا مجتش جنب مرام
شريف / شهاب متصعش انت عارف كويس اولجا و حبايبها فين دلوقت و عارف كويس ان مازن مش هيسكت و هيسويك عالجنبين اللحق نفسك و قول كنت بتتكلم مع زياد فى ايه قدام الدريسنج روم عالبحر بعد مكنت بتعاكس مرام
شهاب / انت ايه اللى طلعك اوضه صافى فالوقت ده
شريف / صدق او لا تصدق زياد وصلنى لحد باب الاوضه عشان امسكك
شهاب يبص الناحيه التانيه
شريف / هووووف انا حاولت اساعدك بس انت بقى
شهاب / تقدر تساعدنى ازاى
شريف / بكتير اقدر اخلى مازن يسيبك فحالك و ينسى كل اللى حصل بشرط انك تخفى من وشه خالص و متخليهوش يشوفك تانى
شهاب / انا خرجت مالحمام لقيت مفتاح باب اوضه مرام على السرير فاوضتى
شريف / يا سلام
شهاب / هو ده اللى حصل مشوفتش مين حطه بس تقريبا زياد هو الوحيد اللى كان عارف انى عاوزه
شريف / و لبنى ؟؟
شهاب / ملها لبنى
شريف / مهى كانت عارفه برده مش انت طلبته منها
شهاب / ابدا انا متكلمتش مع لبنى نهائى
شريف / متنجز يا شهاب انت هتنقطنى كلمه كمله متقول ايه اللى حصل من طقطق لسلامو عليكوا انا مش فاضى
شهاب / هحكيك كل حاجه بس توعدنى انك هتنفذ وعدك و تساعدنى
شريف / اوعدك قول الحقيقه
............................
قدام مطار القاهره
احمد الدهبى خارج معاه شنطه صغيره عربيه فخمه تقف يركب فيها و تمشى
شاب  / حمد الله عالسلامه
احمد / الله يسلمك اخبار الشغل ايه
الشاب / كل حاجه تمت زى محضرتك امرت و دا ملف كامل بكل حاجه حصلت فى الفتره اللى حضرتك سافرت فيها
احمد / حد خد خبر بالموضوع ده
الشاب / لا حضرتك كل حاجه تمت باسم جميله عبد العزيز عماره زى محضرتك امرت
احمد / و فين جميله دلوقت
الشاب / فى انتظار حضرتك فى الفندق
احمد / تمام تمام
......................................
فى اوضه مرام
مرام مطلعه الدولاب كلو بره
صافى / طب مدا جميل ماله
مرام / كلهم حلوين يا صافى المشكله فيا انا
صافى / هو انتى ليه وافقتى تروحى يا مرام كلنا عارفين ان المقابله دى مش هتعدى على خير
مرام / هتحصل هتحصل دلوقت بكره بعده هتحصل انا اصلا كنت شارطه على مازن موافقه اهله بس خالو صفوت جالى و كلمنى و حكالى عن علاقه مازن بابوه و مازن كمان حكالى عن خطوبته الاولانيه و قد ايه ابوه كان بيستغله فوافقت مع انى مقتنعه ان ده غلط و فالمرتين اللى قابلت فيهم باباه النهايه كانت ماساويه بس لازم احاول دا فالاول و الاخر ابوه
صافى / امممم طب بصى جربى تلبسى الدرس ده مريح و خفيف و كمان شيك ايه رايك
مرام / حلو اوى
صافى / الكاردى ده هيبقى حلو  اوى فوقيه
مرام / هقوم اللبس و نشوف
صافى / فكره برده
مرام تاخد الهدوم و تدخل الحمام و صافى تمسك موبايلها و تتصل بحد
صافى / عاجبك اللى بيعمله شريف ده
صوت مرام / عمل ايه
صافى / اتفق معايا هيوصلنى و بعدين قالى مشوار صغير و افضيلك نفسى باقى اليوم و دلوقت اتصل بيه غير متاح اعمل فيه ايه بقى
صوت مرام / مهو قالك هيفضيلك نفسه باقى اليوم عادى يعنى معلش كل تاخيره و فيها خيره
صافى / كنت طلبت عربيه يا مرام مش يعطلنى كدا
صوت مرام / يعنى كنتى هتسبينى بجد فالحوسه و دى تمشى ايه النداله دى
مرام تطلع
صافى / ممتاز حلو جدا
مرام / ممتاز ايه هو انا رايحه الكليه مينفعش طبعا
صافى / انا تعبت منك بجد احنا قيسنا الدولاب كلو دا شافوكى بيه فالنادى و دا فالمصيف و دا فورمال اوى و دا بتاع كليه و دا سواريه اوى اعملك ايه
مرام / اووووف مش انتى بتاعه الفاشون هنا
صافى / متيجى ننزل نعمل شوبينج 
مرام / مفيش حد يوصلنا محمود و مازن راحوا الشركه و شريف فالمشوار اللى قالك عليه ده
الباب يخبط
مرام / ادخل
مونى تفتح الباب و تدخل ووراها انجى
مونى / بتعملوا ايه
مرام / بشوف هلبس ايه بالليل
مونى / اقلعى اقلعى انا جيبالك حته طقم حكايه
مونى تدى لمرام كيس كبير مرام تفتحه و تبص فيه
مونى / متتوتريش اوى كدا كلنا هنبقى معاكى يعنى متقلقيش
مرام تهز راسها و تدخل الحمام تقيس
..................................
فى الفندق
بنت تفتح باب الاوضه تلاقى احمد واقف مبتسم توسعله يدخل يحط الشنطه عالارض و هى تساعده يقلع الجاكت
جميله / وحشتنى اوى
احمد / اخبار الشغل ايه
جميله / اخص عليك بقى كل المده دى بعيد عن جميله حبيبتك و لما توصل بدل متاخدنى فحضنك تسالنى عن الشغل طب مخصماك
جميله تروح تقعد على السرير و تدى لاحمد ضهرها يروح يفتح الشنطه و يطلع منها علبه حمره جواها كوليه و يروح ناحيه جميله و يحرك شعرها لقدام على جنب و يلبسها الكوليه و يبوس رقبتها
احمد / و انا مقدرش على زعلك
..................................
فى فيلا شهاب
شريف / و فين التسجيلات دى
شهاب / التسجيل الوحيد اللى كان معايا بتاع لبنى و زياد كان عالموبايل و مجاش مع حاجتى من هناك
شريف / طب و الحل كدا مفيش و لا دليل واحد على كلامك كلمتك قدام زياد و بالتسجيلات اللى معاه هو انت كلامك ملوش تلاتين لازمه و انا مش هقدر اساعدك
شهاب / استنى
شريف / نعم
شهاب / لو ادتنى فرصه كام يوم ممكن اتكلم مع زياد تانى و احاول اجرجره فى الكلام و اسجله
شريف / زياد راجع النهرده قدامك يومين بالكتير و مش هقدر اعطل مازن اكتر من كدا مع انى متاكد انه اكيد مش هيغلط غلطه زى دى بالبساطه دى بس حاول
شهاب / تمام
شريف يمشى
...................................
فى الفيلا عند مازن
صفوت / متتوترش اوى كدا
مازن / المرتين اليتمه اللى شافها فيهم كانت النتيجه زى الزفت انا واخدهالهم بايدى
صفوت / انا مش هسمح لحد يكلمها ربع كلمه متخفش
مرام تنزل من فوق لابسه جيبه منفوشه مشجره هاى وايست فوق شميز ابيض بفيونكه على الصدر و نازله بشريطين و طرحه موف
مرام / انا جاهزه
صفوت / الله ايه الجمال ده تسلم ايدك يا مونى
مرام / هى فين صحيح
مازن / سبقونا
مرام / تمام
صفوت / مرام مهما حصل مترديش تمام
مرام تهز راسها اه و تمشى معاهم
.................................
قدام بيت صافى
شريف يشيل شنطه تقيله و يحطها فى العربيه و يقفل و يركب صافى مبوزه
شريف / تحبى تتعشى
صافى / مليش نفس
شريف / دانتى لسه مقموصه بجد بقى
صافى / ايه مقموصه دى عادى على فكره مش فدماغى اصلا
تليفون شريف يرن
شريف / ثوانى هرد تقى ... ايه يا مزه المزاميز اخبار البحر ايه .... امتى ده ... قولى والله ليه ... ههههههههههههههههه معلش هعوضهالك ... والله هعوضهالك ... يابت بحلف بالله ... طب ادينى امك .... طب هشوف كدا ... يارب قولت هشوف ... حاضر ... حاضر ... حاضر... حاضر
صافى تبصله
شريف / مع السلامه ... حاضر والله مش هنسى الله حاضر قولت ... سلام
شريف يقفل التليفون
صافى / فى ايه
شريف / امى يا ستى صعبت عليها و جابت اخواتى و رجعت
صافى / ليه كدا .. عشان كدا كنت بتقول لتقى هتعوضهالها
شريف / اه و طبعا ملتنى لسته طلبات شيبسى على شيكولاته على ساقع تقريبا طلبت محل البقاله كلو
صافى / ربنا يخليك ليهم
شريف / تحبى تيجى تتعشى معانا
.................................................