السكه شمال بقلم / لولو_محمد ( كامله )

الحلقه ١٨٤

((((((((((((السكة شمال )))))))))))
#لولو_محمد
الحلقه 184
مازن / واضح انك كنتى فى اجازه تانيه خالص عشان دى اطول اجازه عدت عليا انا كنت بدعى ربنا كل يوم انها تخلص من كتر الملل اللى فيها
مرام / ملل ايه حرام عليك طب دا كان فيها كميه احداث
مازن / كلهم اى كلام الحدث الاساسى مش موجود موجود فى الاجازه الجايه
مرام / ههههههههههههههههههه معلش حقك عليا
مازن / عقبال الترم ده ميتنيل يخلص هو كمان اما نشوف هندخل و لا مش هندخل فى ام الجوازه دى تعرفى
مرام / ايه
مازن / انا حاسس انى نحس
مرام / هههههههههههههههههه يا عم حرام عليك
مازن / لا بجد انا حاسس انى حتى لما نروح من الفرح و يتقفل علينا باب واحد هيحصل اى حاجه و الموضوع يبوظ برده
..............................
مرام / يا حرااااام والله مجرد انى اتخيلها صعبت عليا
مازن / ميصعبش عليكى غالى ياختى تعاطفك لوحده مش كفايا اتبرع و لو ببوسه
مرام / اموووواه
مازن / عالهوا كدا مبتوصلش بتروح فى الهوا شاشى و انت متدراشى يا جدع
مرام / ههههههههههههههههه طب و العمل
مازن / العمل عمل ربنا بقى هنعمل ايه
مرام / على فكره انا اتصلت بيك عشان اقولك انى خلصت الكوفيه بتاعتك لونها اسود و مرسوم جواها حرفين ام
مازن / يا سيدى
مرام / الام ناحيه الشمال دى اللى هى فوق القلب دى علاطول عارفها
مازن / دى اكيد مرام
مرام / حبيبى ايوه و التانيه بقى مازن لما هتلفها كدا هتلاقى الام دى بقت جنب الام دى هتعجبك اوى لما اشوفك بكره هديهالك و جبت خيط صوف كحلى حلو اوى اعملك بيه بلوفر تلبسه على قميص ابيض الاستايل ده بيبقى تحفه عليك
مازن / مش واخد انا عالدلع ده
مرام / لا خد لما هخلص البلوفر ده هعملك جاكت صوف تحفه شوفت صورته عالفيس النهرده بس كنت اشتريت الخيط خلاص فقولت اخليه لما اخلص
مازن / تسلم ايدك بس انتى كدا هتتعبى اوى
مرام / تعبك راحه طب دانا كدا اتاخرت اوى على مبدات لو كنت بدات من اول الاجازه والله كنت خلصت و ظبطك فى كام طقم
مازن / ههههههههههههههههههه تسلم ايدك مع انى مش عاوز اتعبك بس صدقينى انا فرحان اوى بيهم انا عمر محد عمل لى حاجه قبل كدا  .. جتلى هدايا كتير بالهبل بس جاهزه يادوب نقوها و دفعوا فلوسها لكن محدش عملى حاجه بايده و لا حتى لقمه الاكل كان ياما دليفرى ياما انا اللى بعمله
مرام / بعد كدا كل حاجه تخصك انا اللى هعملهالك بايدى اكل شرب غسيل مكوى كل حاجه هعملهالك بنفسى
مازن / طب و المواعين
مرام / هههههههههههههههه و ترجعوا تقولوا الستات نكديه ايه اللى جاب سيره الملاعين دلوقت
مازن / الملاعين
مرام / انت مش عندك غساله اطباق يعنى مش فاضل غير الحلتين خلاص ابقى اغسلهم انت
مازن / ههههههههههههههههه بس كدا من عنيا
مرام / بقولك ايه اوعى تيجى بعد الجواز و تدحك عليا و تدبسنى فيهم العقد شريعه المتعاقدين
مازن / عيب عليكى
مرام / ايوه
مازن / مش عارف ايه اللى جاب الفكره المجنونه دى فى دماغى دلوقت
مرام / فكره ايه
مازن / ايه رايك لو
..........................
قدام شقه نورا فى امريكا
على يطلع من الشقه شايل شنطه هدوم يحطها فى التاكس و نورا تقفل الباب و يركبوا و يمشوا
على / الموضوع هيبقى تمام متقلقيش
نورا / لو مامتك طردتنى انا مش هيبقى ليا مكان اروحه فى مصر انا عمرى مهرجع شقتى و لا هروح عند امى مهما حصل
على / مش هيحصل انا مش هاخدك ابهدلك و بعدين انا ليا شقتى هناك لو حكمت يا ستى هحجزلك فى اى فندق لحد مالاجازه بتاعتى تخلص و نرجع لكن مش هسمح انك تتبهدلى و دا وعد
نورا / تمام
على / بمناسبه مامتك انتى لسه برده مصره انى متعرفش عليها بما اننا فى مصر
نورا / انا سمعت كلامك و عرفتك ب بابا كسبنا ايه تقدر تقولى
على / معترضش على علاقتنا
نورا / لا اعترض و لا شجع و لا قال اى حاجه اهلا و سهلا تشرفنا و خلاص
على / كان ممكن يتنرفز و يتعصب و يقولى ابعد عن بنتى و انت بتعمل ايه هنا فى بيتى و اطلع بره كان ممكن يكون اسوء و بعدين الام مختلفه برده
نورا / الام!!!! و هى دى ام
على / فى اسوء بكتير و بعدين احنا اتكلمنا فى الموضوع ده مليون مره قبل كدا مفيش داعى نفتحه و ننكد على نفسنا احنا مش هنروح البيت اصلا انتى هتكلميها و هتقابلنا بره نتعشى سوا و الموضوع ينتهى
نورا / تمام اللى تشوفه
على / بالنسبه لموضوع الكليه الراجل بتاعك ده انتى ماليه ايدك منه
نورا / بيخلصلنا الورق كل سنه مدام قالى تعالى هروح
على / تمام على بركه الله انتى لسه مصره تبقى انتساب
نورا / احسن كتير انا مش عاوزه احتك باى حد من حياتى القديمه انا حتى مش هقولهم انى رجعت و كدا كدا بيتك الحمد لله بعيد جدا عنهم
على / مينفعش يا نورا الهروب من كل حاجه ماينفعش افرضى اتقابلتوا صدفه
نورا / معرفش بقى ساعتها هما و نصيبهم و بعدين انت ليه مصر توترنى زياده انا اللى فيا مكفينى
على /  خلاص خلاص انا اسف معاكى حق احنا نمشى حاجه حاجه و نسيب كل حاجه لوقتها
نورا / شكرا
.................................
فى الشركه تانى يوم
شريف بيبص فى ورق و يديه لمازن
شريف / كدا العقد تمام شوفت بقى البند الزياده ده فرق  و لا مفرقش
مازن / والله انا مش عارف انا منغيرك كنت هعمل ايه
شريف / كدا كل حاجه تمام قولى بقى جهزت حاجتك للكليه
مازن / اللى هى كشكول و قلم اه الحمد لله مرام اشترتهملى
شريف / ههههههههههههههههههههه يابنى مقصدش كدا
مازن / امال يعنى ايه الجديد اللى ممكن اعمله اجهز بيه نفسى للكليه
شريف / تصدق معاك حق امال عندنا فى البيت تحس ان فى حاله طوارئ ليه
مازن / هههههههههههههههه انتوا كل حاجه فى حياتكوا حاله طوارئ
شريف / لا بجد والله كل يوم فى الشارع كل يوم ينزلوا و ماما كل يوم اسمعها بتزعق فنفس الموال لازم تسيبوا كل حاجه للاااااااخر اى هى كل حاجه انا مش عارف و بينى و بينك معنديش استعداد اسال
مازن / اوعى ليدبسوك
شريف / ليه و انا تلميذ
مازن / هههههههههههههههههههههههه
شريف / لا و كله كوم و شنطه المدرسه بتاعه تقى دى لففتهم مصر كلها تلت مرات بتدور على شنطه شافتها عالنت ايه الاعجاز فى شنطه مدرسه يعنى عشان اللفه دى كلها
مازن / ياعم ربنا يخليكوا ليها و تدلعوها و تجيبولها اخر العنقود بقى و بتدلع
شريف / تدلع يا عم مقولتش حاجه خليها تدلع
مازن / صحيح محكتليش عملت ايه لما جبتلها الديزاينات بتاعتها من الورشه عند صافى
شريف / مش عايز اقولك يختااااااى البت عملت فوتوسيشن فى البيت و اخواتها المجانين الكبار بقوا يساعدوها و جايين يفرجونى على الصور لا و امى فرحانه بيها اوى و لا صافى مقولكش يلاهوى على صافى و الله محد بوظ البت تقى و طلع الحكايه دى فدماغها الا صافى
مازن / هههههههههههههههه ياعم انجز ايه اللى حصل
شريف / صافى خدت الصور بتاعه الفوتوسيشن دى و نزلتها عالصفحه عندها لسه هكلمها لقيتها بتقولى ان امى انا وافقت الكلمه اللى كنت هقولهالها وقفت فزورى معرفتش انطق بحرف
مازن / هههههههههههههههههههه امال انا مشوفتش حاجه استنى افتح و اتفرج
مازن يطلع الموبايل و يقلب فيه
شريف / كل اللى فات كوم و الحته دى كوم
مازن / اشجينى
شريف / التعليقات عالصور تقى فاضلها كومنتين و لايك و تجيبلها مدير اعمال عشان نعرف نكلمها بعد كدا
مازن / ههههههههههههههههه طب والله عسل
شريف / صافى بتقول ان الطلب عالموديلات عالى جدا و انها قالت للورشه ينفذوها بكميات و كلها محجوزه و هتنزلها الاتيليه بعد ما تعمل سيكشن للاطفال و طبعا بعتت لتقى مبلغ محترم قال ايه تمن الديزاينات دى و جزء من نصيبها من الارباح بتاعه الموديلات دى كلها
مازن / كام بقى بالتحديد المبلغ
شريف / اربع تلاف جنيه
مازن / ههههههههههههههههههههههههههههه
شريف / انا مش عارف اكلم تقى فى البيت يا مازن
مازن / ههههههههههههههههههههههههههههههههه مش قادر يخربيت كدا هموت
شريف / ليك حق تدحك دا شيماء و رؤى هيتشلوا عارف رؤى عامله زى حريم السلطان كدا و هما مسكيلنها فى البيت مراوح و لا نهله يختااااااى لما عرفت داحنا عايشين فى فيلم كوميدى بقالنا يومين
مازن / هى عامله ايه صحيح نهله اقصد
شريف / كويسين الحمد لله جوزها مبسوط اوى فى شغله الجديد
مازن / طب الحمد لله على الله يهدى بقى
شريف / هو جدع طيب و ابن حلال هو بس اللى مستعجل
مازن / مكلنا مستعجلين الطموح مش وحش برده
شريف / على رايك ربنا يهدى
مازن / امين
.......................
فى القاهره فى شقه فى حى متوسط
الباب يتفتح و يدخل راجل و شاب ووراهم على و نورا فى الاخر ستات كتير تتجمع تسلم و تحضن فى على و نورا واقفه فى جنب
ست 1/ وحشتنى وحشتنى اوى يا حبيبى يا حبيبى
ست 2/ وسعى كدا خلينى اسلم حبيبى يا على ازيك
بنت / ازيك يا ابيه وحشتنى اوى
على / ماما مجده و خالتو منى و عمتى منال و اختى اسراء و جارتنا الحجه ام سعيد اللى ساكنه فوق نورا خطيبىتى
ام سعيد / ما شاء الله تبارك الله يا زين ما اخترت يا على والله يا زين ماخترت
اسراء / هو احنا هنفضل عالباب
منى / لا ازاى يلا ادخلوا ادخلوا تلاقيك جعان يا حبيبى
مجده / الاكل عالسفره عملتلك كل الاكل اللى انت بتحبه دانت خاسس خالص يا حبيبى
على / يا ماما حرام عليكى دانا حتى زياد يجى خمسه سته كيلو عن اخر مره
مجده / زياده منغير غذا اكل شوارع
منال / قوليلى يا حبيبتى بتعرفى تطبخى اقعدى اقعدى
نورا / على قدى حاجات بسيطه يعنى
منى / و دا ينفع برده
نورا / هتعلم ان شاء الله
على / امال انا جايبها هنا ليه انا جايبها بقى تقعد مع ماما الكام شهر دول تعلمها الطبخ على اصوله و تسلمهالى ادخل بيها ماستر شيف امريكا دوقى بقى يا نورا طبيخ ماما عشان تعرفى انى مكنتش ببالغ
منال / لا دا كلو الا طبيخ ماجده دا كلو بيحكى و يتحاكى عليه
نورا / جميل اوى تسلم ايدك فعلا استاذه
اسراء / على فكره انا اللى حاشيه المحشى ده
نورا / تسلم ايدك
ام سعيد / قوليلى يا حبيبتى هو شعرك ده طبيعى و لا صبغاه هناك كنت اقولك يا على تجبلى اصل لونه حلو اوى
نورا / لا دا طبيعى يا طنط
ام سعيد / والله انا برده قولت كدا حلو عليكى ما شاء الله
اسراء / جبتلى مكوه الشعر اللى طبلتها منك يا ابيه
على / طبعا و انتى كنتى هتدخلينى من غيرها بس مش نفس الموديل اللى بعتهولك فى الصوره نورا نقتلك موديل احلى هى بتفهم فى الحاجات دى اكتر منى
نورا / التانيه فيها سينسور عشان متحرقش الشعر
اسراء / شكرا
على / و جبتلك كمان يا عمتى شنطه المكياج اللى طلبيتها لسها
منال / و دى برضه جبتها انت و لا نورا اللى نقت
على / لا نورا فى المكياج استاذه
منال / باين عليها
على / بس هى مش حاطه حاجه دلوقت
منال / والله يعنى دا وشك مش بودره و لا روجاجو و دى شفايفك لا ما شاء الله يا زين ماخترت حمار و حلاوه
اسراء / تبقى تعلمينى بقى احط
نورا / اكيد
اسراء / انتى هتبقى معايا فى اوضتى ابيه نقل سرير ابيه على من اوضته لاوضتى عشان ابيه كريم مرضاش يبدل الاوض
كريم / اصلا اوضتها اوسع و ببلكونه و عالشارع بتقول مبدلتش يعنى كانى خدت الاوضه العدله و سبتلها الوحشه
نورا / اى حته عادى
ام سعيد / و انتى بقى هتقعدى هنا قد ايه مش هترجعى تانى امريكا يعنى
نورا / اكيد هرجع بس دراستى و كدا
ماجده / على صمم انها تكمل تعليم هى كانت بتشتغل هناك سابت الشغل و رجعت تكمل
ام سعيد / اه طبعا لازم تليق بالباشمهندس بتاعنا
ماجده تبص لنورا نورا تبصلها ماجده تبص فى الطبق بحزن نورا تبص لمنال تمصمص شفايفها تبص لاسراء تلاقيها مبتسمه تبتسم
على / انتى مبتاكليش ليه
منى / تلاقيها عامله دايت مانا عارفه اكله المسلوعين دول بتبقى قد اللقمه
نورا تبص لمنى و تبتسم و تاكل بالراحه
......................
فى الكليه
مازن يركن العربيه و ينزل و مرام تنزل من جنبه و يلف يمسك فى ايدها و يدخلوا الكليه سوا تقابل صحابهم
بنت 1 / ازيك يا واطيه كنتى غطسانه فين الفتره دى كلها
مرام / هى مين دى اللى واطيه على اساس انى غيرت رقمى مثلا مانا رقمى زى ما هو
بنت 2/ احنا مرضيناش نرخم عليكوا بقى قولنا عرسان و كدا
شاب  / لا واضح انكوا مسافرين بقالكوا كتير الفرح اتاجل لاجازه نص السنه
البنت / احلف
مازن / تخيلى
بنت3 / اووووف يا حراااام تعرفى تستاهلى عشان متبقيش تعزمينى
مرام / مين دى اللى متعزمتش انتى هتصيعى انا عملالك منشن فى بوست الفرح
بنت3 / بس مخدتش دعوه
اريج تدخل
اريج / ازيك يا مرام
مرام / اهلا ازيك
اريج / البقاء لله يا مازن معلش مجتش مناسبه اعزيك 
بنت 2/ ايه ده تعزيه فمين مين مات
الشاب / يابنتى دانتى مكنتيش مسافره دانتى كنتى مهاجره امال الفرح اتاجل ليه خال مازن توفى
بنت 2/ يا حول الله يا رب البقاء لله يا مازن
مازن / و نعم بالله يا جماعه شكرا ايه هنفضل واقفين كدا مش هنقعد فى حته
سعد يدخل
سعد / صباحو بيغنى اخباراتكم
الشاب / الباشا اللى اشتغل و معدش بيعبر حد و عمال يتهرب مالعزومه اللى عليه الفطار النهرده عند سعد يا جماعه
سعد / يعنى الموظف يعزم و المدير موجود
مازن / لا ميصحش الفطار عليا يا شباب
...........................
فى الحمام
مرام بتظبط الطرحه و جنبها اريج و بنت 2
اريج / ايه ده يعنى دى اشاعه
مرام / انا معرفش انتى عرفتى منين بس هو لسه مخطبش انتى بتسالى عنه ليه
اريج / قولت اباركله مش اكتر امال مين البنت اللى منزل صور كتير ليهم سوا دى
مرام / انهى
اريج / كانت متصوروه معاكوا فى الهانيمون
مرام / و انا هاخد شريف معانا الهانيمون يا اريج مكنش فى هانيمون اصلا دا كان مصيف و البنت دى تبقى صافى موديل و فاشون ديزاينر و عنده اتيليه فى وسط البلد
اريج / ااااه دى من شله مازن
مرام / اه مامتها تركيه و دمها زى العسل بسكوته ويفر كدا فى نفسها هى اللى ظبطتلى اللوك بتاعى كله و كل لبسى بقى من عندها
بنت 2 / لا شكلها جامده فعلا و الاسعار بقى
مرام / لا الصراحه اسعارها اوفر اوى بصى هى اسعارها حلوه جدا بالنسبالهم بس بالنسبالنا بقى لا غاليه جدا بصراحه بس هى قالتلى انها هتعمل كولكشن مناسب للى زينا يعنى
اريج / للى زينا و انتى لسه بتحشرى نفسك وسطنا ليه انتى مليونيره مرات مليونير
مرام / اعتبريه تواضع يا اريج اه صحيح صافى و شريف مش مخطوبين رسمى بس هما اين اريلايشنشيب يعنى عن اذنكوا
مرام تسيبهم فى الحمام و تطلع 
........................
فى الشركه عند شريف
تليفون شريف يرن يفتح فيديو كول
شريف / مساء الخير مش معادك ده خير
صافى / ازيك
شريف / انا تمام الحمد لله و انتى
صافى / انا كويسه
شريف / مستنى
صافى / هههههههههههههههههه كنت عاوزه منك خدمه
شريف / عيون شريف اؤمرى
صافى / بص انا ليا واحده صحبتى هتنزل مصر قريب و صحبتى دى غاليه عندى اوى
شريف / مين دى
صافى / انت متعرفهاش اسمها ميجان
شريف / اهلا و سهلا و المطلوب
صافى / ممكن لو سمحت اعطلك عن شغلك و تستقبلها فى المطار
شريف / بنفسى يعنى مينفعش ابعت حد و كدا
صافى / بص بصراحه هى اصلا كانت متردده تنزل مصر عشان سمعتنا بخصوص التحرش و كدا قولتلها متخافيش انا هكلم شريف راجل و ابن بلد و هيظبطك
شريف / ميجان دى بتتكلم عربى
صافى / يعنى
شريف / تمام حاضر هروح استقبلها هتنزل فى انهى اوتيل
صافى / هديك كل التفاصيل لما تاكد الحجز المهم ان المبدء عندك موجود
شريف / انا مقدرش ارفضلك طلب يا صافى بس سؤال خبيث
صافى / ههههههههههههههه اتفضل
شريف / هل ميجان دى حلوه
صافى / قمر يا شريف قمر
شريف / لا اروح استقبلها بنفسى بقى
صافى / يا سلام
شريف / الله دى سمعه مصر اسيب بنت حلوه تمشى فشوارع مصر لوحدها
صافى / لا اصيل يا شريف
شريف / لا دانا مع الحلوين اعجبك اوى
صافى / لما افوقلك اصلى للاسف مشغوله دلوقت و لازم اقفل
شريف / طب مفيش صوره لميجان على منكلم تانى
صافى / سلام يا شريف
شريف / اخد فكره يعنى
صافى / سلام
صافى تقفل
شريف / ههههههههههههههههه حلوه شكلها حلوه عشان كدا غارت
..................................
فى شقه مرام
مازن / هههههههههههههههههه شريره
مرام / تستاهل و لا لا
مازن / بصراحه تستاهل
مرام / انا مش قادره اصدق هى ازاى كدا
مازن / انتى اللى هبله
مرام تبصله  
مازن / هههههههههههههه اعملك ايه اريج انسانه وصوليه وواضحه جدا انتى اللى مش قادره تشوفى ده هى مصحباكى اصلا عشان الملخصات و تشرحيلها و الحاجات دى بزمتك سالت عنك و لا عبرتك طول الاجازه
مرام / خلاص فهمت المهم عملت ايه فى الحوار اللى كنا متفقين عليه
مازن / خلصته و كلو تمام
مرام / يا راجل
مازن / عيب عليكى وراكى رجاله
مرام / ايوه بقى داحنا كدا هنولعها
مازن / هههههههههههههههههههههه مفيش حاجه حلوه بمناسبه الخبر السعيد ده
مرام / امممم
مازن / انتى هتفكرى لسه ارزعينى واحده
سميحه تطلع من الاوضه
مازن / فادج من جوه واحده فادج مش فى منه و لا خلص كان فى امبارح
مرام / فى فادج هقوم اجيبلك
مازن / اه قومى و لا اقوم انا و لا نقوم احنا الاتنين و لا ايه
مرام / لا هقوم هقوم انا
...................................