السكه شمال بقلم / لولو_محمد ( كامله )

الحلقه ١١٤

(((((السكة شمال ))))))
#لولو_محمد
الحلقه ١١٤
فريده / صباح النور مزاجك رايق يعنى
مازن / مرام معايا تحت سقف واحد هعوز ايه تانى
فريده / ههههههههههههههههههه بركاتك يا مرام
مرام تبتسم
مازن / انا كلمت خالو هنفطر و اطلع اللبس و نروحله قلق جدا طبعا بعد معرف اللى حصل امبارح
فريده / مانت غلطان يا مازن مكنش المفروض تقلقه خلاص عدى و فات انسى
مازن / كان هيعرف فكل الاحوال مفيش حاجه بتستخبى على خالو محضرتك عارفه
فريده / صحيح باباك اتصل
.........................
مازن / خير
فريده / طبعا فى الاول لما عرف ان مرام هنا اتعصب جدا بس لما عرف هى هنا ليه هدى و بيقولك كلم اونكل عرفات
مازن / ملوش لزوم انا متاكد ان خالو صفوت هيتصرف
فريده / براحتك ... امال زياد فين يا لبنى معقول لسه مصحيش
زياد يدخل
زياد / انا هنا يا ست الكل
زياد يبوس مامته و بعدين يبوس لبنى
زياد / صباح الخير
فريده/ صباح النور يا حبيبى لابس يعنى و متشيك على فين كدا
زياد/ الشركه فى ميتنج مهم اوى و انت يابنى لازم تيجى
مازن / ليه خير
زياد / الحيوان اللى اسمه امير بسيونى ده فاكر انها شركه ابوه و احنا موظفين عنده و اى قرار يتصل ببابا و قال ايه انا اصلا بدخل بصفه ايه
فريده / بيتهيالى بابا حل الموضوع ده يا زياد
زياد / صح بداليل الميتنج اللى عرفته بالصدفه فاخر لحظه بعت فاكس للكل و حلقلى
مازن / متدايقش نفسك هاجى معاك
زياد / صحيح يا مرام لقيت ده اكيد بتاعك صح 
مرام / اه شكرا دخت عليه الصبح لقيته فين
زياد / تحت الكومدينو  جنب سرير مازن اكيد وقع منك و انتى بتوضبي السرير .. توضب مكانك بعد كدا قالتلى ان الكركبه بتعصبها و انت حر بقى
مازن/ لا هتتعب معايا اوى .. بس هحاول اخد بالى
مرام / مفيش مشكله الحاجات دى بتيجى بالتعود
زياد / تمام ناويين على ايه بقى النهرده
مازن / انت مش لسه قايل هنروح الشركه هفطر و اخد دش سريع و اللبس و نيجى معاك
زياد / انا بتكلم عن مرام على فكره
مازن / هتيجى معانا
فريده / مازن حبيبى بلاش النهرده
مازن / مش فاهم
فريده / يعنى انا متاكده ان امير ده مش هيسكت و هيكلم بابا اصلا و يقوله ان زياد كان جايب مازن و يعمل فيلم تخيل بقى لو عرف كمان انك كنت واخد مرام معاك
مرام تبص لمازن
فريده / انا عارفه انها مراتك و هى بنت زى العسل و انا والله حبتها من اول ثانيه شوفتها فيها بس باباك ميعرفهاش لسه و خصوصا يعنى انها ردت عليه فى اخر مره اتقابلوا
مازن / ردت عليه ؟؟؟ هو ده اللى حكاه لحضرتك
مرام / مفيش مشكله خلاص
مازن يبص لمرام
مرام / روح معاه و انا هروح البيت اشوف هدومى و اشوف عملوا ايه و ارتب الحاجه و لما تخلص ابقى كلمنى عادى
لبنى / بيت ايه و هدوم ايه انا رايحه النادى و لازم تيجى معايا هتنبسطى اوى بجد
فريده / فرصه اعرفك بصحباتى مش هتصدقى نفسهم يقابلوكى قد ايه
مازن / متخليها مره تانيه اكون معاكوا
فريده / ليه
مازن / يعنى انا كمان محتاج اغير جو
فريده / خلاص خلص اللى وراك و حصلنا هنتغدى هناك ايه رايك يا مرام الا اذا كنتى انتى اللى مش عوزه تيجى معانا
مرام / لا خالص مفيش مشكله اجى
لبنى / انا متاكده اننا هننبسط اوى
مازن / عن اذنكوا هطلع اجهز
زياد / صحيح يا مازن ايه الشنطه اللى فاوضتك دى انت ماشى و لا ايه
مازن / دى زباله و قولت لامانى عليها متقلقش انت نفسك
مازن يمشى
لبنى / امانى دى الهاوس كيبينج هنا بس بجد استغفر الله العظيم اصلا انا قولت بلاش مصريين مالها الفلبينيه و لا الماليزيه يعنى
فريده / اتكلمنا فى الموضوع ده قبل كدا
لبنى / سكت
مرام / هى بنت واحده بس للبيت كلو
لبنى / و فى جناينى غير البواب ليه
مرام / يعنى اقصد انها لوحدها و البيت كبير ممكن يكون ده اللى مدايقك يا لبنى عشان كدا يعنى انتى شيفاها مش كويسه
فريده / هى لو شايفه نفسها اول باول و ايدها فى الحاجه مش هتحس بتعب و لا بحاجه و بعدين البيت معظم الوقت فاضى و الاكل دليفرى يعنى مش بتتعب التعب اللى بتتخيليه
مرام تهز راسها و تبص تلاقى زياد باصصلها و مبتسم تبتسمله و تاكل
.............................
فى اوضه مازن
مرام تخبط و تدخل تلاقيه بيتكلم فى التليفون
مازن / لا متقلقيش انتى خالص .. اهى جت اهى ... خدى تيته عاوزه تطمن عليكى
مرام / ايوه يا تيته ازيك
سميحه / الحمد لله انتى عامله ايه طمنينى عليكى
مرام / انا كويسه الحمد لله بركه دعاكى
سميحه / شوفتى قولتلك مسافرش
مرام / بس بقى يا تيته الله محصلش حاجه يعنى و بعدين مازن معايا متخافيش
مرام تبص على مازن مبتسم
سميحه / هاين عليا ارجعلك يا ضنايا
مرام / لا طبعا اوعى بصى انا عوزاكى تركزى فى العمره و تستمتعى انتى فى حضره النبى يا تيته الله
سميحه / عليه الصلاه و السلام
مرام / طمنينى عمتى عامله ايه
سميحه / عاوزه تشترى السوق كله تقوليش مفيش فمصر
مرام / خليها تجيب و تنبسط
سميحه / مرام حبيبتى
مرام / متقلقيش عليا يا تيته انا مش لوحدى
سميحه / ماشى يا قلبى هبقى اكلمك تانى
مرام / ماشى يا تيته لا اله الا الله
سميحه / محمد رسول الله
مرام تدى لمازن الموبايل
مازن / الباشا مرتاحش الا لما رعبهم
مرام / حصل خير كويس انى كلمتها انا كمان اطمنت عليها بقولك هما هيمشوا خلاص هتعوز حاجه
مازن / لو مش عاوزه
مرام / مش مشكله خلينى اقرب من اهلك اكتر يمكن ربنا يحنن قلب باباك علينا
مازن / متعشميش نفسك
مرام / ابقى حاولت و عالعموم انا كلمت صافى فى الخباثه و اتفقت معاها تيجي تسندنى هههههههههههه يلا خد بالك من نفسك و ارفع راسى
مازن / انتى هتروحى كدا
مرام تبص على لبسها
مازن / اصل صحبات طنط فريده من اللى بيقولوا عليهم بلاستيك المحنتفين بزياده دول فكنت بقول لو تروحى لصافى تظبطلك طقم حلو جديد يعنى
مرام / فكره هكلم لبنى و اشوف لو ينفع
مازن / خلاص ربنا يسهل استمتعى و ملكيش دعوه بحد اى كلام يدايقك ارميه و را ضهرك انتى حبيبتى و معنديش اغلى منك فى الدنيا و لو عوزتى اى حاجه كلمينى تمام
مرام / هكلمك منغير معوز يلا يا قلبى مع السلامه
مرام تشاور لمازن و تمشى و هو باصصلها و مبتسم و يكمل لبس
......................
فى النادى
فريده / كانت فكره ممتازه انك تغيرى هدومك بصراحه كنت عاوزه اقترحها عليكى بس خفت اوى تدايقى او تاخديها بحساسيه
مرام / لا عادى مفيش مشكله انا اصلا ان شاء الله لما نخلص هحاول اعدى عالبيت اجيب حاجتى
فريده / ايه ده انتى مجبتيهاش معاكى
مرام / جيت بالطقم اللى عليا
فريده / معقول يا مرام سبتى طقم سولتير حر هناك
صافى / مهو شريف قالى انهم صلحوا الشقه وركبوا حديد عالشباك و الحرامى مش هيعرف يدخل تانى
فريده / برده افرضى دى مهما كانت حاره و انتوا عارفين المناطق اللى زي دى نوعيه الناس اللى بتعيش فيها عامله ازاى اذا كانت قعدت لوحدها كام ساعه الحرامى اتهجم عليها بصى يا مرام و انتى بتجيبى هدومك اهم حاجه مجوهراتك الست مننا ملهاش غير مجوهراتها
مرام / حاضر هجيبهم
لبنى / سورى يا طنط بس انا ليا اعتراض صغير على ان الست مننا ملهاش غير مجوهراتها
ميار تدخل
لبنى / هاى مامى
ميار / فريده هانم حبيبتى وحشتينى موت مش هتصدقى سعيده قد ايه انى شوفتك
فريده / اهلا يا حبيبتى اتفضلى اتفضلى
ميار / كنتوا بتتكلموا فى ايه شكلكوا كنتوا بتتكلموا فى موضوع جد ... اه سورى ازيك يا مرام ازيكي يا صافى
صافى / اهلا طنط
مرام / اهلا
فريده / احضرينا هى الست ليها ايه اهم من مجوهراتها
ميار / مفيش
لبنى / طب و جوزك حبيبك
ميار / شوفى عايشه معايا بقالها كام سنه لسه متعلمتش لو كان الراجل يا حبيبتى بيكتفى بست واحده مكنش الشرع حلل اربعه و بعدين فلوسك و دهبك هى امانك لازم تعملى حساب بكره الرجاله ملهاش امان معندك صافى اهى شوفتى شهاب عمل معاها ايه
فريده / هو مش انتى هتبقى مرات ابنى انا بقولك اهو الراجل متعجبوش الست المدلوقه عليه عاوز دايما يحس ان فى شالنج جديد انما الكتاب المفتوح دى اخرها بتتركن عالرف و يشوف غيرها يفك اسرارها
ميار / فدى عندك حق و هنروح بعيد ليه عندكوا مازن مثلا هى لو كانت مرام مدياه ريق حلو كان وصل معاها للجواز كان اتسلى يومين و خلع الرجاله بتحب الصيد مع ان السمك ماللى المحلات هما كدا ربنا خلقهم كدا عينهم زايغه و ملهمش امان و لا انتى ايه رايك يا مرام
مرام / الحقيقه انا مش معاكوا خالص انا بالنسبالى الفلوس ملهاش لزمه يعنى الفلوس عمرها مهتعوضنى عن جوزى
ميار / هههههههههههههههههههههههههههههه
مرام تبصلها
ميار / تعالى نتخيل كدا ان مازن بعد يوم و لا اتنين رجع لطبعه القديم و طبق السمك السخن اللى كان مشتاقله برد و زهق و طلقك عندك استعداد ترجعى لعيشتك القديمه فى الحوارى و المواصلات
مرام / انا حياتى متغيرتش اصلا من يوم معرفت مازن عشان انساها
ميار / سمحينى يا مرام انا شوفتك فى الحفله بتاعه مونى متقوليش ان حياتك متغيرتش
مرام تبص لصافى
فريده / بس مازن بيحب مرام و انا متاكده انه عمره مهيقدر يستغنى عنها
ميار / اكيد دا ساب ماهينور الشربتلى عشانها هههههههههههههههههههه
اتنين ستات يدخلوا الكل يقوم يسلموا عليهم
...............................
فى الشركه عند مازن
محمود / انا قرفت كل التعب ده و برده ملقيناش اى حاجه ... انت يابنى بكلمك
سعد / بقولك ايه بص كدا عالعقد ده
محمود يسيب اللى فايده و يروحله جرى
محمود / فى ايه ورينى
سعد / دا عقد بيع شقه من مازن للبنى بس متمش مازن بس مضى و مفيش اى اختام يعنى بيتهيالى كان حوار و فكس
محمود / اه دى شقه مازن
سعد / انت متاكد ان ده عنوان مازن
محمود / اه متاكد روحتله هناك اكتر من مره ليه
سعد / اصل انا متاكد اننا كنا بنودى اكل على العنوان ده بس مكنش لمازن كانت واحده ست بس البواب اللى كان بيستلم الاكل منى و يحاسبنى
محمود / ميمكن بنت البواب هى اللى بتطلب
سعد / مش عارف بس برده ليه مدام البيعه متمتش محتفظين بنسخه منه فالارشيف ليه مقطعوهوش
محمود / معرفش انت ليه شاغل نفسك بالعقد ده
سعد / اصل تاريخ العقد ميتنسيش دا اسود يوم فحياتى لما اطردنا من شركه ابن الكلب اللى اسمه الدهبى
محمود / دا المفروض يكون معناه حاجه يعنى ساعدنى هنا
سعد / لا الحقيقه نفسى اربط اى احداث ببعض يمكن نمسك اى غلطه على مازن بس للاسف الواد نضيف و ان قولت غير كدا ابقى كداب داحنا مسبناش خرم ابره مالحسابات للارشيف فاضل ايه يعنى
محمود / اوووووف بقى
سعد / ميمكن الارشيف ده متفلتر
محمود / تقصد ان هنا الورق النضيف عشان لو حد فكر ينخور و لا حاجه
سعد / اه شوفت دخلنا بسهوله ازاى
محمود / مامنين نفسيهم طب تفتكر غسيلهم الوسخ بيخبوه فين
سعد / اكيد فى خونه الشركه فوق عند الراس الكبيره
محمود / صفوت
سعد / عليك نور شوف انت بقى هتتصرف ازاى
............................
فى النادى
الست 1/ انا اصلا خلاص كلمت المحامى و هيمشى فى الاجراءات هو فاكرنى ايه
فريده / يلا فداهيه دا حتى كان بخيل
الست 1/ بقى انا بعد مقف جنبه و اعمل منه راجل عاوز يروح و يتجوز عيله حته عيله
ميار / الرجاله كلهم كدا الفقر ليهم دوا الواحده مننا تاخده محلتوش و تقف جنبه و تستحمل و اول ميبقى معاه فلوس يرميها ورا ضهره
فريده / الواحد اعصابه تعبت من كتر الحاجات اللى بيسمعها امال انا ماشيه ورا ابراهيم من بلد لبلد ليه دانا قاعده وسطيكوا و حاطه ايدى على قلبى
لبنى / كلو الا زيزو انا اسيبه وسط مليون واحده و انا مطمنه
فريده / طبعا انا مربياه على كدا الست تاج على راسك لو محافظتش عليه يقع و تضيع هيبتك
ميار / هو فى زى زياد دا اللى زيو انقرضوا خلاص اخر الرجال المحترمين
الست 2 / و هو يعنى اللى معاه لبنى يقدر يبص بره دا حتى ميصحش
لبنى / ميرسى يا طنط
فريده / انا كامل خطيب مونيكا بنتى كدا برده على فكره ملوش خالص فقله الادب كل حياته للشغل و مونى و بس
الست 1/ انتى هتقوليلى دا جد جدا انا عمرى مشوفته بيكلم بنت اصلا مامته كانت دايما تشتكى مالموضوع ده و يقولها انا ببنى مستقبلى بس مقدرش يقاوم جمال مونيكا بقى ههههههههههههههههه
الست 2/ انا كنت دايما اقولها سبيه تقولى انا خايفه يطلع لبخه و غشيم كان نفسها يطلع زى مازن كدا ههههههههههههههههههههه
فريده / فال الله و لا فالك حرام عليكى الحمد لله انه مطلعش زيه
لبنى / مازن مش وحش اوى كدا يا طنط
فريده / لا طبعا مقولتش انه وحش مازن زينه الشباب بس كلنا عارفين كويس مازن و طباعه قولولى على علاقه واحده جد دخلها مازن اخره ايه اسبوع اتنين تلاته عمره مطول حتى خطوبته الاولانيه هو شهر
ميار / و لا الشغل دا زياد حبيبى شايل الشغل كلو و لولا صفوت بيه الله اعلم كان مصير الشركه هيبقى ايه مش معقول اللى بيعمله ده
مرام / بس مازن متابع الشغل كله
الكل يبص لمرام
مرام / دا غير ان مازن له شغله الخاص
الست 1/ قصدك التصوير ههههههههههههههههه مكلنا شوفنا الفيديو كليبس اللى كان بيصورها و ينزلها عالنت كل دى كانت حجج عشان يوصل للموديلز دول يصورها كام صوره و بعدين يعيشله كام ليله و يقلبها
صافى / سورى يا طنط بس التصوير بالنسبه لمازن اكتر بكتير من كدا
مرام / مازن بيحب التصوير بيلاقى نفسه فيه
الست 1/ انا اعرف مازن من قبل مانتى تتولدى عمره مكمل حاجه للاخر يعنى فتره و هيزهق و هيشوف هوايه تانيه زى النشان و التايكوندوا و الكراتيه و السباحه كان ممكن يدخل بطولات دوليه بس هو طنش حتى الكليه هاتيلى حاجه واحده مازن مشى فيها للاخر
صافى / مرام
الكل يبص لصافى
صافى / مازن مشى لمرام للاخر مرام و مازن مكتوب كتابهم دلوقت هو مصر انها تبقى مراته و اتغير عشانها و قطع كل علاقاته القديمه مع كل البنات و اهتم بدراسته و الشركه و اتغير عشانها كل ده عشان مرام
فريده / ربنا يسعدهم
الست 2/ انتى بتفكرينى بجوزى الاولانى الله يحرقه
الكل يدحك
الست 2/ تعرفى كان بيفرشلى الارض ورد حرفيا هبقى اوريكى الصور المره الجايه لو يطول يجبلى نجمه مالسما كان جبهالى لحد متجوزنا معداش شهر العسل و عرفت انه على علاقه بسكرتيرته و متجوزين عرفى اطلقت و عرفت بعدها انى حامل كان عندى وقتها حاجه و عشرين سنه و صغيره و حلوه حبيت تانى و قررت انى اتجوز خد منى بنتى و حرمنى انى اشوفها و كرهها فيا مع انه اتجوز بدل الواحده اتنين و تلاته بس تقولى ايه بقى
فريده / فى ايه يا جماعه خوفتوا البنت
مرام / الحقيقه لا مخوفتش عشان انا مؤمنه بمازن و انه اتغير و بقى انسان كويس و بحبه و عارفه قد ايه بيحبنى مش بالكلام و لا بالورد بالفعل بخوفه عليا و غيرته و رقته
فريده / مازن قالك بحبك يا مرام
مرام / قالى بحبك يا طنط و مش مره و لا اتنين و لا تلاته كتير كتير اوى
لبنى / ايه يا طنط انتى مشوفتيش الفيديو اللى كان بيغنيلها فيه عالفيس
مرام / لا الحقيقه غير ده هو قلهالى كتير و فكل موقف يقولى قد ايه هو ندمان عاللى فات مازن حفظ سوره النساء عشان انا كنت فاكره انى بكده بعجزه فاشترطت انها تبقى مهرى مازن مش شهوانى هو ممكن يكون لعبى شويه بس هو مش حيوان برجلين مازن ارجل بكتير من ناس كتير اوى عدوا عليا الفتره اللى فاتت
فريده / ربنا يسعدكوا
مرام تبتسم و تبص للكل
..........................
فى المكتب فى شركه زياد
مازن / يابنى مش نروحلهم النادى نتغدى معاهم احسن
زياد / انا مش ماشى من هنا الا لما اعرف الحيوان ده ناوى على ايه
مازن / مخلاص يا زياد الموضوع اتلم و كل واحد عرف وضعه
زياد / انت طيب اوى دلوقت تلاقى تليفونى بيرن ابوك بيتصل يمسح بيا الارض عشان خاطر سعاده البيه المهم
مازن / احنا بقالنا ساعتين قاعدين و مفيش حاجه حصلت
زياد / مهو ده اللى مجننى اكيد الراجل ده بيدبرلى حاجه اكبر
مازن / ههههههههههههههههههههه انت مصر تتعب نفسك يعنى متكبر مخك و لما يبقى يعمل حاجه نبقى نظبطه
زياد / انت خسران ايه يعنى
مازن / و انت خسران ايه يا زيزو
زياد / باباك لاول مره فحياتى يدينى فرصه يحسسنى انه بيثق فيا
مازن / و انت قد الثقه دى انا متاكد
زياد / المهم هو يتاكد يا مازن المهم هو
مازن / طب انا جعان دلوقت هنعمل ايه يعنى
زياد / يوووووه خلاص خلاص قوم نروحلهم الزفت النادى
مازن / يلا
..................................
فى النادى فجنب
مازن / والله زياد اللى عطلنى
مرام / مش مهم المهم انك جيت و انقذتنى من شويه الخناشير دول
مازن / هههههههههههههههههههههه عملوا فيكى ايه يا قلبى فقعوكى ازاى
مرام / يعنى زى متقول كدا كانت حفله كل واحده بكلمه يعنى اللى تقعد معاهم عشر دقايق تجرى تحدف الرجاله بالطوب
مازن / ههههههههههههههههههههههههههه
مرام / بجد مشوفتش كدا فحياتى ايه الهبل ده
مازن / متاخديش فبالك خلاص انسى بصى زى متوقعت خالوا قال نروحله
مرام / الحمد لله بجد الحمد لله انا مش هقدر اقعد معاهم اكتر من كدا حقيقى مازن انت عارفنى انا ماسكه لسانى بالعافيه اقسم بالله هنفجر و اعك و ابوظ الدنيا
مازن / ههههههههههههههههههه متعكى هو حد له عندك حاجه
مرام تبصله
مازن / بقولك ايه انا جعان ممكن ناكل بقى و تهدى خالص كدا و تحكيلى كانوا بيحاولوا يسخنوكى عليا ازاى
مرام / اووووووه دا حوار مسابوش حاجه مقالوهاش و الله لو واخدين فلوس على انهم يسخنونى عليك او يكرهونى فيك يبقى لازم تشغلهم عندك لانهم بيحللوا قرشهم لاخر مليم
مازن / هههههههههههههههههههههههه انتى بتجيبى الكلام ده منين
مرام / من مرارتى هجيبه منين
مازن / هههههههههههههه طب احكى احكى
...........................
فى شقه مروه
محمود قاعد و قدامه بوكيه ورد و مروه بتمسح دموعها
محمود / انتى لازم تقدرى موقفى كان شكلى فانله قدام امى و تيته و هما بيسالونى عليها
مروه تدحك
محمود / بتدحكى
مروه / كان شكلك فانله
محمود / انا تعبان يا مروه انا اللى زيى بيخرج و يتفسح مع صحابه انا بزاكر و اشتغل و اخد بالى من امى و تيته و مرام و دلوقت انتى انا فى مليون حاجه فدماغى
مروه / و عشان كدا بحبك عشان انت راجل بجد تعرف انا جالى عرسان كتير قبلك بس انا كنت عاوزه راجل عارف قيمه نفسه مش من بتوع فلوس بابا و ماما راجل ابدء معاه حياتى و نبنى بتنا سوا و نبقى مع بعض عالمره قبل الحلوه انا مش زعلانه منك انا زعلت عشان زعلتك
محمود يبتسم
............................