السكه شمال بقلم / لولو_محمد ( كامله )

الحلقه ٧٦

(((((((السكه شمال )))))))))
#لولو_محمد
الحلقه السادسه و السبعون
لبنى / ممكن يا مرام تناولينى ميه و بالمره تورى زياد الحمام
مرام / اكيد اتفضل 
زياد و مرام يمشوا
محمود / اتوزعوا هاتى مالاخر ورايا مزاكره جايه ليه
لبنى / حقيقى احساس الظلم وحش اوى والله جايين نطمن عليك انا اصلا مصدقتش انك وقفت للبلطجى ده و دافعت عن مرام بتدافع عن واحده فضلت عليك واحد تانى
.................................
محمود / ههههههههههههههههههه انتوا جايين توقعوا بينى و بين مرام هههههههههه
لبنى / فوق يا محمود مرام بيتلعب بيها لعبه كبيره اوى هى مش قدها
محمود / و انا بقى المفروض اصدقك
لبنى / المصالح بتتصالح لو عاوز مصلحتها و كمان مصلحتك بيتهيالى لازم نتفق بالنسبالى النتيجه واحده هتاخد وقتها زيها زى غيرها و عندك نيفين و حتى خطيبته ماهينور كلهم خدوا وقتهم فبراحتك بقى
مرام تدخل لبنى و محمود يبصولها مرام تدى للبنى كبايه مايه تشرب منها بق
لبنى / تسلم ايدك قوليلى بقى البشاميل ده معمول ازاى بجد تحفه
مرام / الف هنا ثوانى هجيبلك
مرام تروح الشقه التانيه و مديحه تدخل
مديحه / الشاى اهلا و سهلا نورتوا
لبنى / دا نورك يا طنط
جرس الباب يضرب
لبنى / دى اكيد مرام هفتحلها
لبنى تجرى عالباب تلاقى مازن ماسك بوكيه ورد
لبنى / معقول ده عشانى هههههههههههههههههههه
مازن وشه يقفل يشوف زياد خارج مالحمام
مازن / زياد ؟؟
زياد / ازيك انت ايه مشكلتك ازاى متقوليش ان محمود انضرب بالمطوه الاول معزمتناش عالخطوبه و دلوقت مبتقولناش عشان منقومش بالواجب انت عاوزنا نبان وحشين مع اهلك الجداد و لا ايه حكايتك بالظبط
مازن / نعم ؟
زياد / احنا جايين نقوم بالواجب و خلاص بغض النظر بقى عن اللى بينى و بينك
مازن / و ايه اللى بينى و بينك
زياد / انا زعلان منك
مازن /و انا مقدرش على زعلك حقك عليا
زياد يحضنه و يدخلوا عند محمود
مازن / عامل ايه دلوقت
محمود / كويس
مازن / الحمد لله
مرام تدخل شايله البرام تلاقى مازن قاعد يبتسملها وشها يحمر
لبنى / احنا الحمد لله اطمنا عليك يا محمود لو احتجت اى حاجه ابقى كلمنى صدقنى هساعدك
لبنى تحضن مرام و تبوسها بتناكه و تمشى
زياد / المره الجايه نتقابل فى ظروف احسن من دى سلام ... سلام يا حوده سلام يا مرام سلام يا ميزو
مازن / مع السلامه
زياد يمشى صمت
مرام / انا كنت جايبه ده للبنى حطيتلك اكلك هناك عالترابيزه
مازن / اه كويس اصلى جعان اوى مفطرتش متيجى معانا يا حوده
محمود / سبقتك الف هنا
مازن / طب كويس انى اطمنت عليك عن اذنك
مازن يروح مع مرام على بيتهم و محمود بيبص عليهم
............................
فى شقه سميحه
مرام تدخل ووراها مازن تقفل الباب
مرام / تيته مازن هنا
مازن يوطى عليها
مازن / على فكره دا تانى بوكيه اجيبهولك و معرفش اديهولك
مرام تبتسم و تدخل جوه و هو يروح يقعد سميحه تطلع من جوه
سميحه / اهلا اهلا اتارى البيت نور اقعد اقعد
مازن / ازيك يا تيته
سميحه / هشوفك و ابقى وحشه
مرام تطلع تحط اطباق عالترابيزه
مرام / و دا من ايه دا بقى ان شاء الله
سميحه / الله الله لاتكونى غيرتى
مرام / يا سلام اهو عندك اشبعى بيه
مازن / ايه ده هتبيعينى بالبساطه دى
سميحه / سيبك منها دى حلاوه روح
مرام / انتى معايا و لا معاه
سميحه / معاه
مازن / هههههههههههههههه
مرام / ماشى خليكى فاكره
مازن / مش هاكل انا صح بقولك مفطرتش
مرام / بالراحه حاضر
مرام تبرطم و هى بتمشى
مرام / شكلك خاطبنى اكلك اصلا
مازن / سمعتك على فكره
سميحه / هههههههههههههههههههه عملت ايه فالشركه طمنى رفعت راسى
مازن / فاكره البريزنتاشن اللى قولتلك عليه
سميحه / عملته
مازن / بهرتهم
سميحه / الله اكبر الله اكبر
مازن / و خالو هينفذه فى اقرب وقت
مرام تدخل تحط البرامات و تدخل المطبخ تانى
سميحه / ايوه كدا ارفع راسى
مازن بصوت عالى /على الله نعجب
سميحه / هتعجب كمل انت كدا و انا اضمنهالك
مازن يقرب من سميحه
مازن / بجد
سميحه / امبارح
مرام تدخل مازن يتعدل هو سميحه مرام تحط الحاجه و تقعد
مرام / مالكوا سكتوا ليه
سميحه / مسكتناش و لا حاجه بناكل
مرام تبصلهم مش مرتحالهم مازن يطلع الخاتم
مازن / نسيتى ده معايا لقيته فى العربيه
مرام / نسيته خالص شكرا
سميحه / ورينى ورينى الله دا حلو اوى
سميحه تفتح العلبه و تبص عالخاتم خد لبسهولها بقى
مرام / مش وقته بناكل
مازن / و فيها ايه يعنى
مرام / مش وقته قولت مش وقته الله متبقاش زنان بقى
مازن يحط الخاتم عالترابيزه و يبص لسميحه
مازن / علاطول كاسره نفسى كدا هى طالعه مفتريه لمين
سميحه / هههههههههههههه
مرام / صحيح متنساش بقى تاخد السيفيهات بجد عماله ادارى مالناس فاكرينى مطنشه
مازن / حاضر والله هصورهم بعد الاكل و ابعتهم و بعد كدا خليهم يدوكى نسخه سوفت و ابعتيهالى او يبعتوهالى علاطول عادى برده و بعدين الفتره الجايه باذن الله هنفتح تعينات كتير
سميحه / ربنا يجعلك باب و سكه للغلابه يابنى و يبعد عنك ولاد الحرام و يحنن قلب مرام عليك
مازن / امين و النبى يا تيته امين
مرام تبتسم و تبص الناحيه التانيه
مرام / خلص اكل عشان ورانا مزاكره
مازن / حاضر يا ابله الناظره
...............................
فى الشركه عند احمد
ماهى / يعنى ايه خلاص كدا
احمد / اللى انتى طلبتيه انا عملته
ماهى / جبتلى عيل عبيط فاكر نفسه حاجه و بوظلنا كل حاجه و فالاخر تقول عملت اللى انا طلبته
احمد / بقولك ايه يا ماهى انا عندى شغل
ماهى / خفت منه لما جالك صح
احمد / انا مبخافش من حد
ماهى / على العموم يا احمد براحتك انا هتصرف
الباب يخبط و السكرتيره تدخل ووراها لبنى
السكرتيره / لو سمحت
لبنى / دى جديده دى و لا ايه ... ايه ده ماهى ازيك
احمد يشاور للبنت تمشى
احمد / اهلا اهلا ايه المفاجاه الحلوه دى
لبنى / اخص عليكوا تتجمعوا من غيرى ايه الحفله على مين ... لا متقولوش مرام
ماهى / مازن
لبنى / مفرقتش كتير اخلصى من مرام هتنتقمى من مازن
احمد / هههههههههههههههههه امال زياد فين
لبنى / زياد فالشركه اونكل مسكه كوووول حاجه بدل مازن و قريب اوى هيكتبهاله
ماهى / هههههههههههههههههههههه
لبنى / ادحكى بكره تشوفى
ماهى / بكره مش بعيد
لبنى / المهم انا عرفت باللى انت عملته بس واضح انى المفروض ان اللى انتوا عملتوه و عندى سكه تانيه احلى بكتير لو تحبوا نتفق انا معنديش مانع عاوزين بقى تفضلوا تخبطوا كدا براحتكوا
ماهى / عاوزه تقنعينى انك هتبيعى مازن
لبنى / انا عندى اشوف مازن مع معزه عارجه و لا اشوفوش مع مرام دى فهمتوا
ماهى / و زياد موقفه ايه
لبنى / ملكيش دعوه بزياد انا هتعامل معاه
احمد / يبقى اتفقنا اتفضلى سمو الاميره قوليلنا بقى اللى عندك
لبنى تبتسم و تقعد و تحط رجل على رجل و تبص لماهى و بعدين احمد
......................................
فى شقه مرام
مازن و مرام ماسكين كتاب وورق و قاعدين يزاكروا و سميحه قاعده فى البلكونه بتشتغل تريكوا
مازن / انا تعبت
مرام / لحقت
مازن / هو ايه اللى لحقت دانتى مفتريه اوى
مرام / وطى صوتك
مازن / انا عاوز قهوه مش هتدوقينى قهوتك
مرام / ماشى
مرام تقوم و مازن قاعد شويه و بعدين يقوم وراها
مازن / نمتى كويس امبارح
مرام تبصله و ترجع تركز مع القهوه
مرام / جدا
مازن / امال انا ليه معرفتش انام
مرام / معرفش
مازن يقرب منها
مرام / حاسه ان بطنك خفت بسرعه
مازن / هههههههههههههههه انا بس هملا كبايه مايه
مرام تبصله و تكمل اللى بتعمله يجيب كبايه و يملاها و يشرب
مازن / متيجى نلعب
مرام / نلعب ؟؟
مازن / اه انا اسالك سؤال انتى تسالينى سؤال
مرام / ماشى ابدء
مرام تصب القهوه مازن ياخد بتاعته و يدوقها
مازن / تسلم ايدك
مرام / الف هنا اسال بقى
مازن / تحبى نخرج نروح السينما
مرام / ايه هو ده السؤال
مازن / مش عارفه كنت داخل مرتب اساله كتير بس طارت
مرام / راحت فين
مرام تقرب منه و تبص فى عنيه و هى مبتسمه
مازن / لو قربتى اكتر من كدا هجيب الماذون
مرام تروح تجيب صينيه و تحط عليها الفناجين و تطلع بره و مازن وراها
مازن / مردتيش على سؤالى
مرام / هو فين السؤال
مازن / تحبى نروح السينما سوا
مرام / مفتكرش ينفع
مازن / تيته
سميحه تبص
مازن / هو انا ينفع اخد مرام السينما
سميحه / ينفع
مازن / ليه بقى مينفعش
مرام / تيته تعالى لو سمحتى
سميحه تقوم و تدخل تقعد
سميحه / نعم
مرام / هو انتى ايه حكايتك
سميحه / الله مش خطيبك
مرام / يا سلام
مازن / خشى اللبسى
مرام / لا النهرده هزاكر
مازن / كفايا مزاكره بقى
مرام / قولت لا
مازن / اقولك انتى مش وش نعمه اقعدى زاكرى يلا يا تيته قومى اللبسى
سميحه / على متشرب قهوتك هكون لبست
سميحه تدخل جوه و مرام واقفه حاطه ايدها فوسطها و بتبص لمازن
مازن / ها هتقعدى تزاكرى و لا هتيجى معانا
مرام / انا اللى هختار الفيلم
مازن / ماشى يلا اللبسى
مرام تدخل تلبس و مازن مبتسم يقعد يشرب القهوه
..................................
فى شقه محمود
سعد / لا يا محمود البت دى حيه بجلاجل اوعى تثق فيها
محمود / يعنى هى و لا مازن
سعد يسكت
محمود / اسيبهاله يا سعد اسيبه يلعب بيها و يرميها اسيبه و اقعد اتفرج
سعد / بص يا صاحبى انت ليك عندى النصيحه محدش بيدخل البيت من بابه و فنيته غدر و الجدع الصراحه
محمود / ساب خطيبته بعد اسبوعين مالخطوبه و جه خطب مرام  و تقولى يدخل مالبيت مش ناوى غدر
سعد / ميمكن زى مقال كان مجبر عليها
محمود / و انت مصدق الكلام ده طب و نيفين فاكر لما جت لمرام فاكر مرام اتغيرت ازاى بعد متكلمت معاها فاكر
سعد/ هى نيفين بس دا معتقش يا جدع
محمود / و نورا اللى سابت الكليه كلها و هجت مالبلد و غيرها و غيرها لا يا سعد لا مش هسمحله
سعد / يعنى هتعمل ايه
محمود / مشعارف لسه مشعارف
...............................
فى السينما
سميحه قاعده جوه و مرام فالنص و مازن عالطرف و بيتفرجوا على فيلم كوميدى و يدحكوا و مرام بتاكل فيشار مازن بص عليها بطرف عينه بتدحك و بتاكل سند كوعه على ايد الكرسى و فردها و يزق مرام بكوعه تبص على ايده و تبصله بطرف عنيها و تاخد شويه فشار و تحطهم فى ايده ياخدهم ياكلهم و هو بيدحك و يبصوا لبعض و يدحكوا و يكملوا الفيلم
..................................
فى شقه مرام
سميحه و مرام يدخلوا
سميحه / اما حته فيلم نفسى اتقطع من كتر الدحك
مرام / تدوم عليكى الدحكه يا قمر
سميحه / هاااااااااه اما اقوم انام لحسن انا على اخرى
مرام / انا هقعد اقفل كام حاجه كدا و بعدين انام
سميحه / و مدام هتسهرى ترغى معاه للصبح مبتديش للواد ريق حلو ليه هاه
مرام / ارغى مع مين هو فى ايه يا تيته انا قولت هقفل كام حاجه و ارتب يعنى حاجه الكليه و كدا مقولتش انى هرغى
سميحه / انا قولت النهرده الحب هيولع فالدره خصوصا بعد امبارح يعنى
مرام / انتى معايا و لا معاه
سميحه / انا مع اللى ميتسمى الحب ياختى
مرام / ههههههههههههههههه هو انتى كنتى بترخمى على ماما كدا برده
سميحه / ههههههههههههههههه يا لهوى دانا عملت عمايل
مرام / ههههههههههههه خشى نامى يا تيته خشى نامى
سميحه / تصبحى على خير يا ست البنات
مرام / و انتى من اهله يا تيته
سميحه تدخل تنام و مرام تفتح البلكونه و تقف فيها
محمود / انبسطتى
مرام تبصله
مرام / اه فيلم حلو اوى
محمود / كويس
مرام / زاكرت انت و سعد
محمود / اه و حضرنا محاضرات بكره كمان
مرام / دانت داخل حامى اوى
محمود / مهو واحد فينا لازم يشد حيله
مرام / احم سعد اكل مالتارت
محمود / اكيد هو فى حد يشوف التارت بتاعك و يقدر يقاومه
مرام / الف هنا
تليفون مرام يرن جوه
مرام / هشوف مين
محمود / خدى راحتك انا اصلا داخل انام اصل عندى كليه الصبح
مرام تهز راسها و تدخل تمسك الموبايل و تقعد عالكنبه و ترد
مرام / الو
مازن / نمتى و لا ايه
مرام / لا كنت فى البلكونه بكلم محمود
مازن / باين على صوتك
مرام / هههههههههههههههه للاسف معاه حق انا مضيعه فى الدراسه خالص
مازن / امال احنا كنا بنعمل ايه قبل منخرج
مرام / لا بس انا كنت متعوده احضر قبل مروح الكليه عشان لما الدكتور يشرح ابقى فاهمه
مازن / الله امال هو بيشرح ليه مش عشان يفهمك
مرام / ايوه بس لما بتبقى محضر بتبقى مستوعب اكتر و سهل تسال
مازن / هههههههههههههههههههه مهو امثالكوا اللى كرهوا امثالنا فى التعليم
مرام / ههههههههههههههههههههههه
مازن / انبسطتى النهرده
مرام / بصراحه اه الفيلم كان حلو اوى
مازن / الحمد لله اى خدعه
مرام / تعرف تيته بتحبك اوى
مازن / و انا كمان بحبها اوى و بحب حفيدتها اوى اوى اوى
مرام / كنت بستغرب لما كانت تدافع عنك و مره اتخانقت معاها عشان مش عاجبها احمد و قولتلها فاتحه بيتك لمازن و بتتكلمى عن احمد قد ايه انا غبيه
مازن ساكت
مرام / تيته اصلها من النوع الديمقراطى تعرف يعنى هى اخرها لو شيفانا بنغلط تقولنا انتوا بتغلطوا بس مش بتمنعنا اننا نغلط و لو محتارين بين حاجتين تقولنا على رايها بس متجبرناش نعمله هى كدا ساعات كتير كنت ببقى محتاره اوى و عاوزه حد يقولى اعمل ايه و للاسف مبلاقيش لان تيته كانت دايما تقولى انتى عارفه الصح مالغلط انا مقدرش اخد قرار مكانك انتى اللى هتتحملى عواقبه متعبه تيته اوى
مازن / و طلعت ايه فالاخر بنت بمليون راجل قادره تشيل المسؤليه و متحكمه فى حياتها و مبتسمحش لاى حد يكسرها بتقف قدام الاسد منغير متتهزلها شعره
مرام / بس دا مش حقيقى
مازن / بجد
مرام / ممكن ابان من بره كدا بس انا مش كدا انا جبانه جدا
.................................