السكه شمال بقلم / لولو_محمد ( كامله )

الحلقه ١٦٣

((((السكة شمال))))
#لولو_محمد
الحلقه 163
ست 2/ ربنا يباركله محمود امال يعنى مش هتصلحوا الوجهه اللى باظت دى داحنا مصدقنا الحاره نضفت
مديحه / محمود ابنى ربنا يباركله هيصلحها زى مصلح الحاره هيصلح بيته متشيليش انتى هم بتنا طول عمره انضف بيت فى الحاره و هيفضل انضف بيت فيها
ست 3/ الا متعرفيش يا حجه مديحه هيعملوا ايه فى الفرح الواد على ابنى شاف سى مازن بيه جاى الحاره و شكله كان متكحرت خالص
الست 4 / معزور الله مش خاله مات
ست 1/ و مات امتى منهم لله اللى عملوا كدا مش كان زمانهم دلوقت فى لندن و لا باريس
...............................
مروه / لا دول حاجزين الجونه الاول كان زمانهم فى الجونه و هيطلعوا من هناك عالبندقيه اللى هى عايمه فى المايه دى
مديحه / ياختى بكره يطلعوا ان شاء الله يعدوا بس الاربعين بتاع خالو و كل حاجه تكمل زى مكانت
ست 2/ يا ندمتى لا يا حجه مش اصول دى خالص الراجل لسه ميت
مديحه / مقولت يعدوا الاربعين و لا هو يعنى لازم يستنوا السنويه هو يعنى كان ابوه و لا امه دا حياله خاله
مروه / لا بس كان روحه فيه برده يا ماما
مديحه / قدره كدا بقى هنعمل ايه يلا اما اقوم اعمل شاى
مروه / عنك انتى يا ماما انا اللى هعمل
.....................................
فى المقابر
احمد لسه بيخبط عالباب واحد من الرجاله يفتحله يطلع و هو بيتنفض جامد و غرقان تراب و الدم مسحوب منه
الراجل / الباشا بيقولك امضدتك الكريمه هنا
احمد يمضى و ايده بترتعش
الراجل / هتتعدل و لا ندخلك تانى انجز
احمد يمضى
الراجل / و هنا كمان ... و هنا
احمد يمضى
الراجل / الباشا بيقولك المرادى قرصه ودن انما لو لمح خيالك و لو حتى صدفه انت عارف الباقى
احمد / من هنا عالمطار من هنا عالمطار علاطول
الراجل / و احنا هنوصلك
...............................
فى المستشفى عند لبنى
زياد / اى كان قرارك يا لبنى انا مش هقف فيه بالنسبالى انتى حلوه فكل حالاتك و بعدين يعنى ايه المشكله احسن هو انتى يعنى هتتحجبى منى انتى بس هتبقى ليا لوحدى
لبنى / زياد لو سمحت انا محتاجه فتره اهدى فيها و انسى كل ده محتاجه ابدء مع نفسى صفحه جديده
زياد / و ماله يا قلبى خدى الوقت اللى انتى محتاجاه اهدى و فكرى مع نفسك و لو عاوزه احجزلك تسافرى تغيرى جو و تعملى شوبينج فى اى مكان تختاريه فسخه فول بورد انا مش هتاخر انا اهم حاجه عندى نفسيتك انتى مش هتصدقى انا اتخضيت عليكى ازاى
لبنى تهز راسها الباب يخبط و يدخل واحد من رجاله زياد و يديله شنطه زياد يشاورله براسه يمشى
لبنى / مين ده
زياد يفتح الشنطه و يطلع ملف و يديه للبنى
زياد / انا خليت سى زفت يبيع الشركه و الفيلا و العربيه الجداد بتوعه و خليته يكتبهم باسمك فاضل بس حبيبتى تمضى عالعقود .... اتفضلى
لبنى / انت عملت ايه يا زياد
زياد / اوعى تفتكرى انى هسمح لمخلوق يدايقك او يحاول بس يبتزك و هرحمه ... مشكلتك يا لبنى انك برده لسه بتستقلى بيا اهو اكبر دليل ان امانك و حمايتك معايا فى ايدك اهو مش ده احمد اللى مازن مش عارف ياخد معاه حق و لا باطل هى ساعه زمن و كنت معلمه الادب و مخرجه من حياتنا للابد
لبنى / عملت ايه يا زياد قولى عملت ايه
زياد / حطيته فى مكانه اللى يستحقه خليته يشوف اخره اللى يقرب من حبيبتى يجراله ايه
لبنى / انت عملت كدا ازاى
زياد / بعته يقعد شويه مع حبايبه اللى قابلوا وجه كريم قولت اكيد هيستفيد من خبراتهم و يعقل
لبنى / قتلته
زياد / قتل ايه الموت راحه يا بنتى و انا اللى يزعلنى الراحه خساره فيه انا بس بعته زياره مش اقامه وخرجته و زمانه ساب مصر بحالها
لبنى تبص الناحيه التانيه
زياد / بعد كدا يا لبنى لو فى مخلوق دايقك او اتعرضلك كلمينى انا كلمى حبيبك و لو مجبتلكيش حقك ساعتها ابقى روحى لمازن و لا اكتئبى و لا اعملى اللى تعمليه بس صدقينى مفيش حد هيحميكى و يخاف عليكى قدى شوفى انتى عاوزه ايه و انا هعمله عاوزه تتحجى اتحجبى عوزه كنوز الدنيا هجيبهالك انتى بس شاورى انتى بس متسبينيش
لبنى تعيط زياد يقوم بلهفه يمسح دموعها
زياد / خلاص خلاص تمام تمام انا هسيبك لحد متهدى خالص مش هضغط عليكى كل اللى انتى عوزاه انا هعمله بس متعيطيش تمام
لبنى تبصله و تهز راسها ايوه يبتسم ميار تدخل
ميار / ايه الاخبار اتراضيتو و لا لسه
زياد / لسه كنت هسالها تحب تسافر تغير جو و تبعد عن كل ده فين
ميار / و ده سؤال برده باريس طبعا دا الجو هناك دلوقت ايه مقولكش تحفه
زياد / بس كدا هى بس تؤمر اهم حاجه عندنا نفسيتها تتحسن اهم حاجه تبقى مبسوطه
لبنى تبص لزياد بيبصلها و هو مبتسم تبص عالمسدس فى ايدها و تبص لزياد تانى
.............................
فى مستشفى شريف
شريف / جابته ازاى دى
مازن / زياد اللى جابه معرفش عمل معاه ايه بس احمد باع كل اللى ليه هنا و سافر
محمود / اول مره احب زياد و احس انه اخيرا عمل حاجه مفيده
شريف / مع ان الفضول هيموتنى اعرف عمل كدا ازاى بس الحمد لله ان الموضوع خلص دانا دمى نشف
مرام / هو مش انت كدا كدا كنت عملت محضر و الموضوع كدا كدا خلص دمك نشف ليه
شريف / والله مهما هتشوف هتفضل سازجه زى ماهى ... محضر ايه اللى يخلص الموضوع شويه شخبطه على ورقه ممكن تتقطع فاى وقت هى اللى هتخلص الموضوع
سميحه / يلا اهو خد الشر وراح حسبى الله و نعم الوكيل طب والله مبقيت بدعى فى الصلاه غير عليه هو و اللى زيه عمرى مدعيت على حد بس هو يستاهل
شريف / هو مقالكش عمل كدا ازاى يا مازن يعنى زياد قدر ازاى يضغط على احمد و يبيعه و يخليه يسيب البلد فى الوقت القصير ده
مازن / مقاليش قالى المهم ان الموضوع اتحل و هو اصلا مكنش فى حاله تسمحله بالكلام وضع لبنى اثر فيه اوى
مرام / و فيا انا كمان انا عمرى مشوفتها فى الحاله دى ابدا بجد صعبت عليا جدا
سميحه / ربنا يهديها و يصلحلها الحال
تليفون محمود يرن ياخده و يطلع بره سميحه تتاوب
شريف / بقولك يا مازن متخليهم يروحوا قاعدين من بدرى
سميحه / يابنى مهو لو كنت اتصلت باهلك كنا قولنا اهو منزحمش المكان انما عاوزنا نسيبك لوحدك و انت تعبان كدا و لا احنا متقلين عليك
شريف / ابدا يا تيته انتى عارفه غلاوتك عندى بس انا عليكى انتى محتاجه ترتاحى مرام كمان شكلها تعبان و لا انتوا خدتوا عالمستشفيات و لا ايه
سميحه/ ربنا يتوب علينا منها يابنى نعمل ايه بس ربنا يجازى ولاد الحرام
محمود يدخل
محمود / مسكو اللى عملها و بيحققوا معاه
مازن / خليك مع شريف
شريف / استنى يابنى رايح فين مانتش رايح فى حته اترزع هنا جنبى و انت يا محمود وصل تيته و مرام البيت يرتاحوا و الصباح رباح
مازن/ انت عاوزنى اقعد هنا و الحيوان اللى ...
شريف / اه مزاجى كدا كيفى كدا انا حر اترزع جنبى متروحش فى حته
مرام / طب انت متاكد انك مش عاوز منى اى حاجه
شريف / متحرمش يا ست الكل بس بالله عليكى يا شيخه بالله عليكى ترتاحى و تخلى تيته ترتاح متجيش على نفسك اكتر من كدا انتى لسه تعبانه
مرام / انا كويسه والله
شريف / يا ست الكل عرفنا انه صالحك و انه بلسم يتحط عالجرح يطيب بس معلش ريحينى
مرام تبص لمازن باصصلها و مبتسم
مرام / كبه
شريف / طبعا طبعا
محمود / هتعوز حاجه اجيبهالك و انا راجع
شريف / كتر خيرك يا حوده هنام
سميحه / تقوملنا بالسلامه يا حبيبى هصلى و ادعيلك
شريف  / ملناش بركه الا دعاكى يا حجه
سميحه تبتسم و تمشى هى و مرام و محمود
مازن / اتوزعوا عاوز ايه بقى
شريف / مش عاوز انا تعبان و عاوز انام و انت كمان تعبان كلنا تعبنا الفتره اللى فاتت ممكن بقى ...
الباب يتفتح بالراحه و زياد يدخل
زياد / سلامتك يا شيكو معلش اتاخرت عليك بس اكيد وصلتك الاخبار
شريف / كفايا مجيتك
زياد / سمعت انهم قبضوا علي الكلب اللى رقدك
شريف / هى الاخبار لحقت توصلك
زياد / مانت عارف الليله بتمشى ازاى
مازن / لبنى عامله ايه
زياد / هديت كتير طبعا بعد متاكدت ان الكلب ده غار فى ستين داهيه و انا سبتها نايمه و قولت اجى اطمن على حبيبى
شريف / انا كويس الحمد لله مع انى نفسى اعرف عملت كدا ازاى اصل متاخذنيش ميبانش عليك بس انا قولتلك انك سوسه و سهن فاكر
زياد / اسمها طيب يا شيكو يا حبيبى اسمها راجل طيب و مش بتاع مشاكل بس كلنا اى راجل فى الدنيا لو حد قرب من اهله و شرفه هيطلعله بدل الناب عشره يغرزهم فى قلب اللى يقرب منه صح و لا ايه
شريف/ عداك العيب برده مقولتليش عملت ايه معاه
زياد / صحيح يا مازن .. انا شوفت محمود النهرده فى الشركه بيلم حاجتك انت و شريف هو فى ايه انت بجد بعت الشركه
مازن / لا مبعتش و مش هبيع احنا بس عاملين حركه عشان الاسهم تنزل اكتر فنشترى
شريف يبص الناحيه التانيه و هيطق
زياد / انا اشتريت الاسهم اللى احمد اشتراها مالسوق بس لو عاوز
مازن / حلال عليك
زياد / تمام على العموم خير معملت عاوزين بقى نشد حيلنا الفتره الجايه عشان ننضف السوق و بعد كدا نرفع الاسهم دى تانى
مازن / شريف بس يقوم بالسلامه و كلو هيبقى تمام
زياد / طبعا هستاذن انا لحسن انا على اخرى و بعدين شيكو شكله تعبان و عاوز يرتاح
شريف يبتسم من تحت الدرس زياد يشاورله و يمشى
شريف / انت ليه قولتله
مازن / هخبى عنه ليه ... شريف ... حبيبى بص عشان خاطرى لموا اللى بينكوا ده بقى انا بجد تعبت و انتوا بتهلكونى والله
شريف / مازن هو اللى زياد عمله النهرده ده ملفتش انتباهك لاى حاجه
مازن / اه انه اخ جدع و مسابنيش و ساعدنى و جابلى حقى و بيتهيالى محدش يقدر ينكر
شريف / لا ننكر ايه و لا حتى اقدر افتح بقى اتكتمت اقولك هنام
شريف يبص لمازن بطرف عينه و يفرد نفسه و مازن يساعده و ينام
شريف / اطفى النور و ناملك ساعتين انت كمان
مازن / ماشى حاضر
مازن يطلع الموبايل
شريف / بقولك نام و سيبها تنام اقولك هات الموبايل ده هاته
مازن / دا ايه الغلاسه دى يا اخى مفيش موبايلات و بعدين انا مكنتش هكلمها يعنى دانا كنت هبعتلها رساله بس اطمن عليها يعنى انها روحت
شريف / ماشى
شريف يطفى النور من زرار جنبه و ينام و مازن يروح يفرد ضهره على سرير المرافق و يتكلم مع مرام واتس
..........................
فى شقه مرام
محمود يفتح الباب سميحه تدخل ووراها مرام عماله تكتب فى الموبايل و هى مبتسمه تدخل تقعد عالكنبه
محمود / هتعوزوا حاجه انا هروح انام شويه بقى
سميحه / تسلم يا حبيبى تصبح على خير
محمود / تصبحى على خير يا مرام
مرام / و انت من اهله
مرام عماله تكتب عالموبايل و هى مبتسمه محمود يبتسم لسميحه و يقفل الباب و يمشى
سميحه / انا داخله انام هتعوزى حاجه
مرام /لا يا تيته شكرا 
مرام عماله تكتب سميحه تبتسم و تدخل الاوضه مرام تفرد ضهرها عالكنبه و تفضل تكتب و بعدين تقوم فجاه تقلع الحجاب و تفتح الدرج و تطلع الهاند فرى و تركبها و تكلم مازن فيديو و يتوشوشو
مرام / ايه نام خلاص
مازن / غالبا يعنى و بعدين احنا مش هنعمل صوت
مرام / ايوه بلاش نزعجه
مازن / انتى فى الصاله صح تيته نامت
مرام / ايوه
مازن / وحشتينى اوى على فكره
مرام / لا يا شيخ
مازن / الله ميبقاش قلبك اسود بقى
مرام / لا مليش فيه انت لازم تصالحنى و تصالحنى مصالحه كبيره اوى كمان
مازن / اؤمرينى
مرام / اى حاجه ؟
مازن / اى حاجه
مرام / عوزاك تبقى اجمد من كدا متسمحش لاى حاجه تكسرك
مازن يبتسم
مرام / مازن اوعدنى ان اللى حصل ده عمره مهيتكرر تانى مازن لو بتحبنى متسمحش لاى حاجه تفرق بنا مازن انت متعرفش انا حسيت بايه انا عمرى مكنت اتخيل انى بحبك اوى كدا مازن
مازن / حقك عليا بجد انا مش عارف عقلى كان فين
مرام / واحشنى اوى
مازن / و انتى اكتر
مرام / تعرف سمعت محمود بيتكلم مع تيته بيقولها انه وقف الشغل فى الفيلا و انه باذن الله هيرجع يقف مع العمال من بكره تانى
مازن / مرام
مرام / قلب مرام
مازن / هو انتى لازم تتجوزى فى الفيلا دى يعنى نقى اى مكان تانى
مرام / لا مش لازم مش لازم حاجه خالص انا كل اللى يهمنى انى ابقى معاك فى اى حته
مازن / حتى لو شقتى
مرام / و مالها شقتك يعنى
مازن / انا عارف انى وعدتك بحاجه بس
مرام / انا اهم حاجه عندى اكون جنبك ان شالله نفرش عالارض هنا فى الصاله والله مهيفرق معايا المهم نبقى سوا
مازن يبتسم
مازن / مفتكرش انى هقدر ادخل الفيلا دى تانى تعرفى حاسس انى حيوان اوى عمال افتكر كل مره اتصل بيا و طلب منى اروحله و انا كنت مشغول بضيع عمرى فى حاجات متستاهلش عمال افتكر كام مره اشتكى انه لوحده كام مره قالى وحشتنى نفسى اشوفك كام مره اتصل عليا و كنسلت كام مره قفلت معاه فى الكلام عشان انا مشغول بهيافات كام لحظه ضيعتها من عمرى من غيره
مرام / بس هو بيحبك انا لسه فاكره كلامه كلو خفه دمه هزاره حتى معاكساته اللى مبتخلصش
مازن / كان بيحبك اوى يا مرام كان بيحبك بجد
مرام / و انا كمان والله حبيبته كانه ابويا و اكتر تيته مره قالتلى ان الناس الكويسين بيموتو بسرعه ربنا مبيخليهمش يطولوا فى الدنيا الوحشه دى تعرف من يوم مقالتها و انا بخاف على تيته اوى بخاف تسبنى هعمل ايه من غيرها يا مازن دا هى اللى ليا فى الدنيا
مازن / ربنا يديها الصحه و طوله العمر
مرام / مازن
مازن / قلب مازن
مرام / احنا لو اتجوزنا فى الشقه عندك تيته هتقعد فين اقصد انى مش عاوزه اسيب تيته لوحدها
مازن / العماره كلها بتاعتى و مفروشه كويس على فكره تاخد الشقه اللى تحتينا او اللى فوقينا هيبقى الفرق بنا دور و نقضى اليوم كلو سوا و نفصل عالنوم بس و عادى يعنى لو برشطنا عليها و نمنا عندها
مرام / دا ممكن بجد
مازن / اى حاجه هتبسطك ممكن
مرام / حلو اوى ... انت متاكد ان شريف نايم
مازن / هههههههههههههه ليه
مرام / امممم خلاص خلاص بعدين
مازن / كدا كدا حاطت الهاند فرى فودانى قولى
مرام تبص يمين و شمال
مازن / هو سر حربى متقولى
مرام / مش انا عملت التاتو
مرام تغطى وشها بايديها و تبتسم مازن مبتسم و الحزن مالى عينيه
مرام / حزر فزر فين
مازن / مفيش اخبار عن النتيجه
مرام تبص باستغراب
مرام / امم ... لا مسالتش اصلا ... تصدق اول مره ميبقاش فارق معايا النتيجه تفتكر عملت ايه
مازن / اكيد الاولى زى كل مره
مرام / يارب
مازن / هزعل من نفسى اوى لو تقديرك اتاثر
مرام / مازن انت بتحبنى؟؟
مازن / ايه السؤال ده طبعا ايه اللى خلاكى تسالى
مرام / معرفش يمكن كنت عاوزه اسمعها مش عارفه وحشتنى بس يعنى انت عارف اليومين اللى فاتو كانوا صعبين عليا اوى مش عارفه
مرام تتنهد و تبتسم ابتسامه مكسوره و عنيها فيها دموع
مرام / انا هدخل انام جنب تيته اصل انت كمان شكلك مرهق اوى يعنى اسيبك ترتاح و كدا ... هشوفك الصبح صح هشوفك مش كدا
مازن / انا بحبك يا مرام و مهما حصل او هيحصل مفيش حاجه فى الدنيا هتغير الحقيقه دى انى بحبك
مرام تبتسم
مازن / تصبحى على خير
مرام / و انت من اهله
مازن يقفل الموبايل و يتنهد
شريف / زعلانه منك صح
مازن / انت صاحى ؟؟
شريف / بحاول انام مش عارف
مازن / ليه فى حاجه بتوجعك
شريف / يعنى مش اوى عادى اقدر استحمله بس عقلى مش راضى ينام مش راضى يرحم امى العيانه و ينام
مازن / اه لسه زعلانه
شريف / حقها
مازن / عارف
شريف / و هتعمل ايه
مازن / اى كان اللى هعمله مش هيفرق فى حاجه يعنى اللى اتكسر عمره مبيتصلح يا شريف
شريف / ارميه و هات واحد جديد
مازن يبصله
شريف / ابدء مالاول فكك من حركات الافلام اللى انت عمال تعملها كل شويه دى خليك راجل معاها طمنها و قولها انك عمرك مهتسيبها و انها كانت لحظه شيطان و راحت لحالها و عمرها مهترجع
مازن / مهو ازاى اثبت ده مانا ياما قولت وعدتها بدل المره مليون و فالاخر وقفت قدامها زى اللوح و هى بتترجانى منسبش بعض او على الاقل اديها سبب للى بعمله فى ايه فى الدنيا ممكن يصلح اللى عملته
شريف / البنات بيتراضوا باقل حاجه و هى بتحبك و هتسامحك
مازن / بس مش هتنسى
شريف / هتنسى هى فاهمه وضعك مرت بيه قبل كدا
مازن / فالاول خالص لما بابا جه و اتخانق معاها فى البيت اول مره انا سبتها و مشيت كنت محرج منها و من تيته مكنش ليا عين ارفعها فى وشهم فاكر هى عملت ايه مرام قالتلى انا عاوزه اتاكد انك هتحارب الدنيا كلها عشانى و انا عملت سبع رجاله فى بعض و طلعت لايف و غنيت بس فى الحقيقه انا معملتش ده يا شريف زى كل حاجه فى حياتى انا مجرد بق
شريف / عارف قصه القش اللى هو الاب اللى كان بيموت و ادى لكل واحد قشايه يكسرها فكسرها قالهم جمعوهم على بعض و اكسروهم فمحدش عرف يكسرها اللى هى الاتحاد قوه و الفرقه ضعف حاجه كدا باين
مازن / ايوه
شريف / اهو كلنا كدا يا مازن كلنا فى الدنيا دى مجرد قش شويه هوا يطيرونا و اقل حاجه تكسرنا عايمين على وش المايه بس اقل حمل يغرقنا كلنا شويه قش بس لما بنتجمع مفيش حاجه فى الدنيا ممكن تقف قدامنا كل واحد فينا لوحده ضعيف بس و احنا سوا هنسند بعض و بعدين انت المفروض تحمد ربنا انه رزقك بواحده قويه زى مرام واحده تتمسك بيك رغم كل الظروف الصعبه دى واحده تحبك رغم كل اللى شافته معاك
مازن / مانا كمان بحبها انت عارف انى عملت ده عشانها انت عارف ده كويس
شريف / عارف و هى عارفه على فكره ...عارف ؟؟ فى الاسانسير لما فتحته لما هى كانت عندك قالتلى انها عمرها مهتسامحنى مع ان انت اللى جارحها مش انا بس هى مش هتقدر تزعل منك هى بتحبك فطبعا مفيش غير البطه السوده شريف اللى يشيل الليله
مازن / ههههههههههههههههههه
شريف / انسى اى حاجه حصلت هى بتحبك و انت بتحبها و انا بحبكوا و انتوا بتحبونى خلاص عاوزين ايه مالدنيا تانى
مازن / هههههههههههههههههههههههههه هنعوز ايه بعد حبك يا شيكو
شريف / انا عارف قول لنفسك قلبتها دراما و الواحد بقى اسامه منير فى نفسه عمال يقول كلام كبير متعرفش جاى منين
مازن / ههههههههههههههههه
شريف / متروحلها
مازن / اروح لمين ؟؟ اروح دلوقت ؟؟
شريف / اه دلوقت روح خبط عالباب مرام هتفتحلك تقولك ايه ده انت جيت شهقه يا مجنون بتعمل ايه هنا هيهيهيهي تقوم تيتيه سميحه صاحيه ايه ده مازن فى ايه يا حبيبى عاوز حاجه تقوم انت قايلها انا اسف يا تيته بس مرام وحشتنى شويه قولت اجى اطمن عليها تقوم مرام تتكسف ووشها يحمر و تلاقى عنيها اتحولت قلوب و فى فراشات بتطير حواليها و تنزل ستاره النهايه و الجمهور يسقف و اتعشت على كدا ... بتبصلى كدا ليه
مازن / انا عاوز بق مالبتاع اللى موصلينهولك ده شكله بيعمل دماغ حلوه اوى
شريف / مش كدا برضه ههههههههههههههههههههههههه
مازن / ههههههههههههههههههههههههههههه
........................