السكه شمال بقلم / لولو_محمد ( كامله )

الحلقه ٥٩

(((((((((((((السكة شمال )))))))))))))
#لولو_محمد
الحلقه التاسعه و الخمسون
فى اوضه محمود
مرام لابسه فستان و طرحه و عامله مكياج و محمود قاعد عالسرير مديها ضهره و هيطرشق
مرام / يعنى هتفضل مبوز كدا لحد امتى الناس تقول علينا ايه هتقعد معاهم بالبوز ده
محمود / يولعوا الناس انا اصلا مش قاعد مع حد و لا مقابل حد انتهينا
...............................
مرام / و هتسبنى لوحدى فيوم زى ده
محمود / لوحدك دانتى بسم الله ما شاء الله الحته كلها معاكى لزمتى ايه بقى انا
مرام / انت اخويا يا متخلف وجودك اهم منهم كلهم
محمود / متضربينى بالنار ارحم اقولك شوفيلى سم فران عشان اخلص
مرام / اخص عليك يا حيوان انت ليه كسره النفس دى حرام عليك
صوت زغاريط بره مرام تبص لمحمود و عنيها مليانه دموع
محمود / هياذيكى يا مرام بينتقم منى فيكى
مرام / يبقى اولى انك تكون موجود و متسيبلوش السكه سالكه
محمود يبصلها و يتنهد
مرام / عشان خاطرى
محمود / حاضر
محمود يفتح الباب مرام تروح المطبخ و هو يروح عالسلم مازن طالع يسلم عليه و ياخده بالحضن و يوشوشه
محمود / برافو عرفت تضربنى صح
محمود يبعد مازن عنه و يسلم على صفوت و شريف و يدخلهم جوه و مازن واقف متسمر فى مكانه الناس تدخله يدخل و هو بيبتسم الكل يقعد
اسعد / اهلا اهلا اتفضلوا اتفضلوا شرفتونا و انستونا
صفوت / الشرف لينا
اسعد / والله الود ودنا كنا فرشنالكوا الارض ورد
مازن / اللى عملتوه كفايا يا معلم
صفوت / الواحد عامل كانه عربيه رش هههههههههههههه
مديحه / ايد المروحه يا محمود
صفوت / لا مش قصدى والله يا ست الكل انا اقصد ان الواحد متوتر شويه اصل انا جديد فالموضوع ده
مازن / و انا هشيل عنك التوتر ده بص يا معلم انت قولتلى ان مرام زى بنتك و انا جيت اطلب ايدها منك
اسعد / و احنا يشرفنا طبعا بس معلش فى الاول عاوز اسالك عن حاجه
مازن / خير
اسعد / ولاد الحرام كانوا بيتكلموا يعنى انك لامؤاخذه خاطب
صفوت / لا يا معلم مازن مش خاطب هو كان خاطب و فسخ خطوبته هو اصلا مكنش موافق عالعروسه بس للاسف كانت ظروف و راحت لحالها
اسعد / احنا بنطمن بس يعنى ندخل بقى فى الجد
مازن / بالنسبه للجد الشبكه اللى العروسه تختارها و المؤخر اللى تقولوا عليه و المهر لو تحبوا و الشقه اللى تنقيها انا عندى شقه فارشها من كله 300 متر
صفوت / لا معلش يا مازن بص يا معلم انا متجوزتش مخصوص عشان اربى ابن اختى فانا ليا شرط انى زى مضيعت عمرى عليه يجى هو و عروسته و احفادى يعيشوا معايا فى الفيلا هى كبيره و تساعى مالحبايب الف
اسعد / ايه رايك يا حجه
سميحه / والله الراى راى العروسه
صفوت / صحيح هو احنا مش هنشوف العروسه و لا ايه
سميحه / ناديها يا محمود
محمود يروح المطبخ مرام تطلع شايله صينيه عليها كاسات ساقع و اول متدخل عليهم مازن يقوم يقف و هى متبصلوش خالص و تقدم لصفوت الاول
صفوت / بسم الله تبارك الله من اول مره شوفتك فى الشركه و انا قولت دى اللى هتعدل المايه فاكره
مرام تبتسم و صفوت ياخد كاس و بعدين تعزم على اسعد
اسعد / الله متدى لعريسك الاول
مرام تطنش اسعد يبتسم و ياخد كاس مرام تحط الصينيه و تتجنب خالص ان عينها تيجى فعين مازن فجاه مونى و كامل يدخلوا مازن اول ميشوفها يجرى ياخدها فى حضنه و الكل بيبص عليهم و اولهم مرام اللى وشها بيقلب جدا و محمود بيبص عليها و مديحه تحرك شفايفها وسط صمت
مازن / ايه المفاجاه الحلوه دى
مونى / مكنش ينفع اسيبك فيوم زى ده
مازن ياخدها من ايدها
مازن / اعرفكوا اختى الصغيره مونيكا
مونى / هاى
سميحه / اهلا يا حبيبتى اتفضلى
شريف / ايه رايك فى المفاجاه دى بقى
مازن / انت احسن صديق فى الدنيا
مونى / اول مقالى قولت لكامل و جينا فاول طياره مالمطار على هنا علاطول
كامل / مقولكش طول الطريق هنتاخر هنتاخر
مونى / مرام صح
مرام تهز راسها مونى تحضنها
مونى / مازن حكالى كتير عنك و شوفت صورتك عالفيس بس انتى فى الحقيقه احلى كتير تعرفى فكل مره كان بيحكيلى عنك كنت بحبك اكتر
مرام تبص لمازن فرحان
مرام / ميرسى
مونى / قولتلك مش كدا قولتلك
كامل / اقعدى بقى و اهدى
مونى / اهدى ايه لا بصى انتى لسه متعرفنيش بس انا لما بحب حد باخد عليه بقى و مبسيبوش ابدا
اسعد / ههههههههههههههههههه طب ايه مش هنقرى الفاتحه بقى و لا ايه
مونى / فاتحه ايه هى مش خطوبه
مرام تبص لمونى
مازن / احم فاتحه لحد منشترى الشبكه و كدا اهدى بقى
مونى / سو وات يعنى بصى يا مرام و انا جايه فى السريع كدا اشتريت ده هديه ليكى
مونى تطلع علبه زرقه من شنطتها تفتحها فيها طقم سولتير غالى اوى خاتم و انسيال و كوليه
مونى / خد لبسهولها على متشتروا الشبكه
مرام تبص لمازن مديحه تزرغط و الستات كلهم يزرغطوا و يشدوا مرام جنب مازن و مونى تديله العلبه مازن يمسك ايدها و يلبسها الخاتم و ايد مرام بترتعش و تبصله هو مبسوط اوى و مونى و شريف و كل البنات بيصوروهم و يلبسها الانسيال و بعدين الكوليه و محمود واقف يتفرج بحرقه
صفوت / مبروك يا ولاد زرغوطه بقى يا جماعه
الستات و البنات يزرغطوا
اسعد / هههههههههههه طب نقرا الفاتحه برده معلش
الكل يقرا الفاتحه
اسعد / والله الليله عيد داحنا سهرتنا للصبح
صفوت / والله فرحتك مش هتكون قد فرحتى يا معلم
اسعد / احنا هنسيب البنات هنا بقى و ننزل احنا الرجاله نهيص تحت دانا عامل حته بروجرام خرافه
صفوت / و انا فى الفرح مقولش لا يلا
الرجاله ينزلوا و مازن قاعد شريف و كامل و محمود واقفين اسعد عند الباب
اسعد / متيلا يا شباب انتوا مستنين عزومه و لا ايه و ان كان على عروستك شويه و هتحصلك متقلقش عليها بس البنات محلفينى يرقصوا معاها هنا شويه لوحدهم
مازن يبصلها و يقوم و ينزلوا مروه تقفل الباب و يجروا يقعدوا جنب مرام يبصوا على شبكتها و مونى عماله تصورها
مرام / كفايا بقى
مونى/ على فكره انا كنت بعتلك طلب صداقه بس انتى لسه مقبلتيهوش
مرام / امتى ده
مونى / من يومين
مرام / انا مكنش عندى فرصه ابص عالنت خالص الفتره دى معلش هقبلك
مروه / ايه انتوا هتقضوها رغى يلا اوعى منك ليها والله محد بادئ الرقص النهرده قبلى
مروه تتحزم و يشغلوا اغانى و البنات تسقف و مونى تقعد جنب مرام و تحضنها و الكل مبسوط
.....................................
فى الشارع
المعلم اسعد راكب عالحصان و بيرقصه و الكل مبسوط محمود واقف عند باب البيت و مازن عينه عليه شريف يروح لمازن
شريف / روح كلمه
مازن / هنا دلوقت
شريف / تحب انا اكلمه ؟؟
مازن / لا انا هكلمه
مازن يروح يقف جنب محمود
محمود / خير جاى تتشفى
مازن / انا عارف انك بتكرهنى
محمود / و طبعا مليش حق
مازن / ليه مقولتش انى حبتها انا كمان
محمود / مبروك عليك بس ورحمه ابويا يا مازن مهتردد ثانيه انى اقتلك لو فكرت تاذيها او تزعلها
مازن / مش هيحصل
محمود يبصله و يروح ناحيه الحصان و يركب و يرقص بيه
......................
فى اوضه البنات
امل / طب والله هتبقى حاجه جامده
مرام / لا قومى ارقصى
مونى / تعرفى انا هقف جنبك و اصورلك وشه اول ميشوفك
مرام / لا
مروه / انا هنزل اناديله
مرام / استنى يا جزمه
سميحه / هههههههههههههههههههه خشى جوه يا مرام
مرام / يا تيته
مونى / انا هاجى معاكى تعالى
مونى تشد مرام و يقفلوا عليهم الباب
مونى / انتى مكسوفه صح
مرام / لا مش القصه بس
مونى / بصى انا اخته و عرفاه كويس صدقينى مازن شاف بنات اشكال و اللوان بس هو حبك انتى و بس
مرام تبتسم
مونى / خليه يعرف ان كل اللى شافهم دول كانوا تضيع للوقت
مرام تبص الناحيه التانيه
مونى / هما مش قالولك ان ده حلال خلاص
الباب يخبط
صوت مازن / طلبتينى
مونى / يلا هجهز الكاميره ... ثوانى .... يلا بقى
مرام تفكر و تفك الطرحه شعرها كحكه مونى تفكهولها
مونى / يابن المحظوظه يا مازن قمر ما شاء الله
الباب يخبط
مونى / جاهزه
مرام / لا
مونى / تبقى جاهزه ههههههههههههههه يلا
مونى تفتح الباب حته صغيره و تطلع مازن بيبصلها و الكل بيدحك من تحت لتحت
مازن / فى ايه
مونى / ارجع ورا شويه
مازن يرجع ورا شويه مونى تجهز الموبايل
مونى / اطلعى
مازن / بتصورى ايه هو فى ايه
مرام تطلع من جوه مازن يتنح فيها و بعدين تدخل تجرى على جوه و تقفل الباب
مازن / متقوليش انك مكنتيش عارفه انى بره
الكل يدحك
مونى / بيقولوا اسمها رؤيه شرعيه العريس بيشوف عروسته فى كامل زينتها و كدا يعنى
مازن / بجد ؟؟
مرام تطلع لابسه الطرحه
مازن / كان المفروض تقوليلى عشان اركز انا مشوفتش كويس على فكره
الكل يدحك
مازن / انا عاوز اعيد من فضلك
مرام / بعينك
مازن / ماشى خديلك واحده و سبيلى التانيه و عيدى
الكل يدحك اريج و بنت كمان يدخلوا
اريج / صحبتنا الواطيه اللى خبت علينا انها بتتخطب مين
اريج تحضن مرام
اريج / مبروك
مرام / الله يبارك فيكى عقبالك
اريج / امين
البنت / مبروك
مرام / عقبالك
اريج / مبروك يا مازن
مازن / الله يبارك فيكى عقبالك
مروه / احنا مش هننزل و لا ايه يلا بينا
مونى / استنوا انا عاوزه اخد كام صوره لمازن و مرام سوا
مرام / بيتهيالى انك اخدتى صور كفايه اوى النهرده
مازن / نسيت اقولك بتكره التصوير بتطلع بشعه فى الصور
مرام تبصله يغمزلها و هو مبتسم صوت ضرب نار فى الشارع الكل يجرى عالبلاكونه توفيق واقف تحت
توفيق / مش هتنزل نحتفل بيك و لا ايه يا عريس
مازن يجى ينزل مرام تجرى وراه عالسلم
مرام / مازن متخليهوش يستفزك
مازن / خايفه عليا و لا عليه
مرام / و اخاف عليه بمناسبه ايه ميولع
مازن / ايه الرد ده المفروض تقولى خايفه عليك يا حبيبى حاجه كدا يعنى
مرام / تصدق انا غلطانه وسع
مازن يمسك ايدها
مرام / سيب ايدى
مازن / قوليها الاول
مرام / حد يشوفنا سيب
مازن / قوليها الاول
مرام / هى ايه
مازن / خايفه عليك
مرام / لا مش خايفه عليك
مازن / جزمه
مازن يسيبها و ينزل تناديله
مرام / مازن
مازن يبصلها
مرام / عشان انت قده و قدود
مازن يبتسم و ينزل و مرام تطلع البلكونه اريج تميل عليها
اريج / كنتوا بتقولوا ايه
مرام / و لا حاجه
اريج / هتفضلى لئيمه لحد امتى
مرام / انا برده يا اريج
اريج / اعمليهم عليا يا بت ايه امال لو مكنتش خطوبتك النهرده فى الاستخبص ايه فجاه قررتوا
مرام / والله فجاه
اريج / ماشى ياختى هتيجى الكليه بكره
مرام / اه هاجى
اريج / نزل نزل
......................................
فى الشارع
توفيق يحضن مازن و يحطله حاجه فجيبه منغير محد ياخد باله
توفيق / حقك عليا اللى ميعرفك يجهلك
مازن / حصل خير دا فرح انبسط
توفيق / لا متقلقش احنا جايين النهرده ننبسط
مازن / تمام
توفيق / اوعى يابنى خلينى اركب الحصان ده
توفيق يروح يرقص و مازن يروح يقعد جنب شريف
شريف / خير كانوا عاوزينك فى ايه فوق
مازن / بعدين بعدين
مازن يبص فوق مونيكا فى البلكونه تشاورله يبتسم
مازن / شكرا على فكره
شريف / على ايه
مازن / انك قولتلها
شريف / المفروض كنت انت تقولها بس خير معملت انك مقولتش لزياد
مازن / على عينى والله بس لبنى مش هتيجى هنا تنبسط و تدحك مع مرام هتيجى تجرح الناس بكلمه او تتضرف بقله زوق فعلى ايه
سعد يدخل يسلم على مازن منغير نفس
سعد / مبروك
مازن / الله يبارك فيك عقبالك
سعد / شكرا
سعد يروح يقف جنب محمود فجنب
شريف / فرحان عشانك بس مدايق عشانه
مازن / هى مبتحبوش
شريف / طب و بتحبك ؟؟
مازن يبص على مرام يلاقيها مبتسمه يبتسم توفيق ينزل من عالحصان و يمشى بره الحاره و مازن عينه معاه
شريف / مش مرتاحله
مازن يبتسم و يرجع يبص على مونيكا و مرام فالبلكونه وسط البنات
...............................
على الناصيه
احمد ينزل من عربيته توفيق يقابله
توفيق / كلو تمام يا باشا
احمد / اختفى بقى انت دلوقت
احمد يدى لتوفيق فلوس توفيق ياخدها و يمشى و احمد يدخل الحاره مازن يشوفه من بعيد يروحله ياخده بالحضن
مازن / ايه المفاجاه الحلوه دى
احمد / معقول اعرف انك بتخطب و مجيش بس بصراحه انت قادر يا اخى اباركلك مرتين فى اقل من شهر
مازن / هههههههههههههههه من يومى مرزق
احمد / انت هتقولى بس لا بجد من ماهى لمرام دا فرق السما مالارض يا جدع هو اه الاتنين حلوين بس يعنى انت فاهم
مازن / فى حاجات اهم بكتير من الجمال و الفلوس الواحد بيتجوز عشانها فى حاجه اسمها الاخلاق و التربيه اكيد سمعت عنهم 
احمد / ههههههههههه ماشى يا ميزو حلال عليك مبروك
احمد يجى يمشى مازن يشده و يحضنه تانى
مازن / خليك السهره لسه فاولها و اكيد هتحلو
احمد / انت هتقولى ماكيد هتحلو
احمد يبص لفوق و يشاور لمرام متبعاهم و مش مبتسمه
احمد / شكلها لسه زعلانه منى
مازن / ملهاش حق مش كدا
احمد / دا بزنس هات و خد
مازن / تعال اشرب حاجه انت جاى تنبسط
مازن ياخد احمد و يقعده محمود يروحلهم
محمود / دا ايه اللى جابه هنا ده
مازن / محمود دا ضيف اهدى
فجاه البوليس يدخل و ينزل معتز و معاه عساكر كتير
احمد / ايه ده فى ايه
مازن / دا صاحبى اكيد جاى يباركلى متقلقش
مازن يروح يسلم على معتز
معتز / انا اسف يا مازن بيه بس جتلنا اخباريه ان فى هنا مخدرات و لازم نفتش
احمد يدخل يزعق
احمد / تفتش مين انت مش عارف انت بتكلم مين انا هتصل بوزير الداخليه شخصيا
معتز/ اتصل باللى عاوز تتصل بيه انا مبتهددش
مازن / انا اسف يا معتز باشا بس احمد عصبى شويه فرح اخوه و خايف يبوظ و كدا و طبعا اتفضل فتش لو تحب تبدا بيا شخصيا فتشنى
معتز يفتش مازن
احمد / انت ازاى هتسكتله ان كنت انت هتسكت انا مش هسكت
معتز / مفيش حاجه فتشلى يابنى الناس اللى هنا بسرعه
احمد / افندم ازاى
معتز / بعد اذنك ورينى جيوبك
احمد / انت بتقول ايه انت
معتز / افتشك انا و لا اخلى العساكر يفتشوك و لا تحب حضرتك تيجى معايا نفتشك فى القسم بمعرفتنا
احمد / اتفضل فتش بس اقسم بالله
معتز يحط ايده فى جيب احمد يطلع قطعه حشيش كبيره
.....................