السكه شمال بقلم / لولو_محمد ( كامله )

الحلقه ١٦١

((((((((((السكة شمال ))))))))))))
#لولو_محمد
الحلقه 161
احمد / ايوه بس انا بحب مصر اوى يا شريف و بصراحه مش هقدر اسافر دلوقت
شريف / انا كدا عملت اللى عليا و شكلى هدبس فى تمن العيش و الحلاوه ليك فى الزيارات
شريف يقوم يروح ناحيه الباب
احمد / شيكو
شريف يبصله
شريف / نعم
احمد / تعال اقعد
شريف / لا مهو المشوره دى مش ببلاش خير قول و انا هنا
احمد / الا هى حياه صحبك تساوى عندك ايه
شريف / هههههههههههههههههههه ايه غيرت رايك و قررت تقتله +
احمد / لا اقتله ايه مازن حياته غاليه عندى اوى اغلى من حياتى بس عندى حاجه تهمه
..........................
شريف / لا معندكش بطل الحركات بتاعتك دى
احمد / لا عندى مسدسه اللى كان جاى يقتلنى بيه عندى و عليه بصماته تفتكر لو لا قدر الله حد اتقتل بيه صحبك هياخد كام سنه سجن
شريف / سامعك
احمد / انا هديك المسدس ده و تدينى الورق اللى عندك كلو بالسى دى اياه و نبدا على نضيف
شريف / من امتى بتعرف تلعب نضيف يا احمد
احمد / ههههههههههههه مقبوله منك
شريف / تمام هتدينى المسدس امتى
احمد / هتعرف تجيبلى الورق امتى
شريف / مش لما اضمن الاول انك فعلا مستخدمتوش مش يمكن تكون فعلا قتلت حد بيه
احمد / لا متخافش لسه
شريف/ تمام الورق معايا كله بالسى دى بتاعك كل حاجتك معايا
احمد / و مازن ادهولك بالبساطه دى
شريف / مهو اكيد مازن عامل حسابه ان لو لاقدر الله مات او جراله حاجه لازم يكون فى حد عارف كل حاجه فين عشان يفضح الدنيا
احمد / و انت يا شيكو عامل حسابك
شريف / ملكش دعوه بيا مازن موجود هياخد باله من اهلى كويس و يمكن احسن منى كمان
احمد / طيب اوى مازن ده
شريف / خلينا فموضوعنا هتسلمنى المسدس امتى
احمد / روح هات الورق و تعال
شريف / يعنى المسدس هنا معاك دلوقت
احمد / لا هبعت اجيبه ... الا صحيح مازن عارف بالاتفاق اللى بنا
شريف / ملكش دعوه بمازن انا هتعامل معاه بطريقتى
احمد /هههههههههههههههه و ماله يا شيكو تمام هستناك هنا بقى تجبلى الورق بس متتاخرش عليا
شريف / تمام بالاذن انا بقى 
احمد  / متتاخرش عليا يا شيكو اصلى بنام بدرى نورت يا حبيبى ابقى كررها
.................
فى شقه ميار
الباب يخبط ميار تروح تفتح تلاقى مازن
مازن / مساء الخير يا طنط اسف لو كنت جيت من غير معاك
ميار / ازاى بس يا حبيبى البيت بيتك اتفضل اتفضل
مازن يدخل
ميار / اتفضل تحب تشرب ايه
مازن / و لا اى حاجه انا بس كنت عاوز اتكلم مع لبنى لو هى موجوده هى موجوده مش كدا
ميار / ايوه يا حبيبى جوه ثوانى اناديهالك
مازن يهز راسه و ميار تدخل اوضه لبنى نايمه بتعيط فى السرير
لبنى / قولت سيبونى لوحدى
ميار / اسيبك لوحدك ايه انتى عارفه مين بره
لبنى / مش عاوزه اعرف سيبونى فى حالى
ميار / مازن مازن بره
لبنى تقوم تنط مالسرير تقف قدام المرايه و تظبط شكلها و شعرها و تحط مكياج
لبنى / مازن مازن بره متاكده انه مازن
ميار / هتلخبط فيه يعنى اه بره
لبنى / شكلى ايه هاه مظبوط شعرى حلوه اطلع كدا ولا اغير
لبنى تجرى عالدولاب تقلب فى الهدوم
ميار / انتى بتعملى ايه
لبنى / انتى اللى بتعملى ايه روحى اعمليله حاجه يشربها لحسن يزهق و يمشى
ميار / اما نشوف اخرتها
لبنى تطلع فستان قصير اسود
...........................
قدام شركه احمد
شريف خارج من الشركه يروح ناحيه عربيته يادوب يفتح الباب عيل يدخل عليه من ورا يديله بالمطوه فى جنبه و يسيبه و يجرى شريف يقع فى الارض الامن بتوع الشركه يشوفوه يجروا عليه
..........................
فى شقه ميار
مازن قاعد بره مع ميار
ميار / لا لا يا مازن انت لازم تبقى اقوى من كدا الحى ابقى من الميت يا حبيبى 
مازن يبتسم لبنى تطلع من جوه على سنجه عشره تروح تسلم على مازن و تقعد
لبنى / البقاء لله يا مازن ... ايه يا مامى ده مفيش عصير قهوه اى حاجه ينفع كدا
مازن / لا لا ملوش لازمه انا قولتها مش عاوز
ميار / لا ازاى ثوانى ثوانى
ميار تقوم و لبنى تقعد جنب مازن
لبنى / ازيك
مازن / ازيك انتى مالك كنتى معيطه و لا ايه
لبنى / لا ايه اللى خلاك تقول كدا
مازن / عينيى حمره دم
لبنى / سيبك منى خير سورى يعنى بس مش متعوده على زيارتك ليا
مازن / لبنى انا هسالك سؤال واحد بس
لبنى / تحت امرك
مازن / انتى عرفتى منين حوار مسدسى
لبنى تبص الناحيه التانيه
مازن / سمعتى السؤال و لا ايه
لبنى / عرفت و خلاص هيفرق فى ايه المهم تتصرف
مازن / بصى يا لبنى كل اللى فات من حياتى كوم و اللى جاى كوم تانى خالص تقدرى تعتبرى كدا انى ببدء مع نفسى صفحه جديده هجيب مصفه و اعبى فيها كل اللى فى حياتى و اهزها و اشوف مين هيفضل و مين هيقع
لبنى / انا عارفه انك مبتثقش فيا و عارفه انك شايفنى وحشه بس والله العظيم انا مش كدا خالص
مازن / لبنى عرفتى منين ان مسدسى عند احمد عرفتى منين انى اخدته معايا اصلا و انى نسيته هناك عرفتى منين اذا كان زياد نفسه ميعرفش انى رميت المسدس هناك دا شريف اللى دخل قبل زياد مكنش يعرف يبقى انتى عرفتى منين غير من احمد انتى ايه علاقتك باحمد
لبنى / مليش علاقه بيه
مازن / شكلى بضيع وقتى عن اذنك
مازن يجى يقوم لبنى تمسك فى ايده يقعد تانى و يبصلها
لبنى / انا مليش علاقه بيه صدقنى مليش اى علاقه بيه بس ...
لبنى تبص الناحيه التانيه
مازن / يا بنتى اتكلمى لو فى حاجه لو فى مشكله اقدر اساعدك
لبنى تبصله
مازن / احمد هيقولك ليه حاجه زى دى يعنى ايه اللى يخليه يحرق اهم كارت معاه
لبنى / عشان بيحبنى
مازن يرفع حاجبه
مازن / و زياد 
لبنى / لا لا لا الموضوع مش زى مانت فاهم خالص انا مفيش بينى و بينه حاجه بس هو اللى مش عاوز يشيلنى من دماغه بص متشغلش بالك انت انا هعرف اتعامل معاه تمام
مازن / من امتى الكلام ده و زياد عارف
لبنى / و هو انا مجنونه اقول لزياد عشان يمسكوا فى بعض مكفايا انت و هو مقطعين بعض و ياريت على حاجه تستاهل كلها هبل عاوزنى كمان دخل زياد فى الموضوع قال يعنى زياد هيعرف يعمل حاجه اصلا احمد هيديله على دماغه قال يعنى انت مش عارف خيبته
مازن / انتى ازاى بتتكلمى عن زياد كدا بعد كل اللى عمله و اللى بيعمله عشانك 
لبنى / يااااااه معلش اصلى قليله الاصل اصل زياد بيعرف يشيل الدنيا و يحطها بيعرف يتصرف امال لو مكانش على يدك حتى خناقاته الهبله بيناديك تتخانقهاله نسيت محمود لما ضربه اول حاجه عملها اتصل بيك و غيرها و غيرها هيحصل ايه بقى لما زياد يقع فى احمد هيتصل بيك مش كدا بس لا لبنى هى اللى وحشه لبنى اللى ناكره جميل زياد عليها بدل متقول لبنى خايفه عليه بدل متقول لبنى شايله القرف عشان متدخلكوش فى مشاكل جديده بسببها لا لبنى وحشه لبنى بنت كلب على العموم يا مازن لحد كدا و كفايا انا و زياد هنسيب بعض انا هخرج من حياتك خالص بحلوى بمرى بقرفى متدايقش نفسك و لا تشيل همى اخرجوا من حياتى زى مهخرج من حياتكوا انسونى و سيبونى انساكوا ابعدوا عنى انا اللى وحشه انا اللى بنت كلب و انتوا ملايكه كلكوا ملايكه و انا اللى بنت كلب
مازن يقوم يقف مستغرب من صريخ لبنى فوشه و ميار تطلع تجرى تاخد لبنى اللى بقت بتعيط بهستريا لحد ميغمى عليها
ميار / لبنى لبنى ردى عليا يا بنتى ردى عليا يا قلبى فوقى يا ماما فوقى
مازن / هى مالها فيها ايه
ميار / معرفش والله معرف
مازن / هطلب الاسعاف
مازن يروح فى جنب يطلب الاسعاف
.....................................
فى المستشفى
شريف نايم على سرير يفتح عينه يلاقى احمد قاعد جنبه
احمد / صح النوم ايه كنت بتحلم و لا ايه
شريف يبص حواليه و يرجع يبص لاحمد
احمد / شوفت انا جدع ازاى كان ممكن اسيبك تتصفى
شريف / محدش غيرى هيجيبلك الورق و لو جرالى حاجه انت اللى هتلبسها مش كدا
احمد / و انا مالى انا كنت فوق و الكاميره مصوره كل حاجه حتى وش اللى عمل كدا منور فيها و هديك الفلاشه اللى عليها التسجيل و لو عاوز اجيبهولك هجيبهولك انا مليش دعوه باللى جرالك مليش مصلحه فيه اصلا
شريف / لا مصلحه ايه دانا حياتى طلعت غاليه عندك اوى دانت حتى مش جبتنى المستشفى و مشيت دانت حتى قاعد جنبى لحد مفوق و هتجبلى اللى عمل فيا كدا انا بدلت اتغر والله
احمد / حتى و انت فى الحاله دى دمك خفيف تحب اتصلك بمازن حد من اهلك ازاى محدش اتصل يسال عليك لحد دلوقت مع ان اللى حواليك مش قليلين يعنى لو لاقدر الله اللى حصل ده كان حصل فى اى حته تانيه كان زمانك لحد دلوقت بتتصفى منغير حتى مياخدوا بالهم من غيابك و انا اللى كنت فاكر نفسى وحيد
شريف / الاعمار بيد الله و محدش بياخد اكتر من نصيبه ان كان على اهلى فهما متعودين انى بغيب كتير و ممكن ابات بره عادى و مليش مواعيد فطبيعى محدش يقلق بالعكس لو كانوا اتصلوا انا اللى كنت هقلق عليهم انا مازن بقى انه ميتصلش فدا يخلينى اقلق عليه هو اكيد حصل حاجه و حاجه كبيره كمان
احمد / استر يا رب طب متكلمه انت يا شيكو اطمن عليه دا واجب عليك برده اتفضل موبايلك اهو
احمد يدى لشريف الموبايل و شريف يبص لاحمد باستغراب احمد مبتسم
........................
فى مستشفى تانيه
زياد / و انت كنت بتعمل ايه عندها
مازن / هقولك بس توعدنى انك تفضل هادى و متتجننش و تعمل حاجه نندم عليها
زياد / مهو لو انت مقولتش انا هتجنن فعلا بس هتجنن عليك و عليها انت فاهمنى و لا لا كنت بتعمل ايه عندها و اشمعن دلوقت بعد مسبنا بعض
مازن / الدهبى كان بيدايقها
زياد عنيه توسع
مازن / فاكر المسدس بتاعى ان روحت بيه عند احمد بس مرجعتش بيه احمد هددها بالمسدس ده بس هى حذرتنى عشان كدا روحتلها
زياد / عشان كدا سابتنى عشان هو ابتزها عشان اجبرها
مازن / انا معرفش بس هى كل اللى كانت بتقوله انا بنت كلب كلكوا ملايكه حاجات غريبه متطلعش من لبنى اصلا
زياد / لا لا هى كدا بقالها فتره من يوم موت خالك تقريبا من يوم حدثتك و هى طول الوقت تقول انا مش وحشه انا مش وحشه بتلوم نفسها انها دعت على خالك فيوم من الايام حاسه ان هى اللى قتلته
مازن / مين دى لبنى ... لا انا كدا قلقت
زياد / ليه يعنى على فكره لبنى مش وحشه زى مانت فاكر و لعلمك اكتر كلامكوا الوحش اللى طول الوقت بتقولوها و نظراتكوا ليها اللى كلها احتقار هى اللى وجعاها اوى كدا انا اعرف لبنى اكتر منكوا لبنى انضف و ارق بنت فى الدنيا لبنى دى ملاك
مازن / انا مقصدش والله انا اقصد انها اقوى من كدا يعنى اللى مات ده خالى انا مش خالها
زياد / ليه و هى مرام هانم بتاعتك مدخلتش العنايه لما عرفت انه مات كانت عاشت معاه قد معاش مع لبنى كانت عرفته قد ملبنى عرفته دا حتى خالك يعتبر اللى مربى لبنى ليها حق تزعل عليه اكتر من مرام و لا هى مرام حلوه و لبنى وحشه لازم لبنى تكون وحشه عشان لبنى بتحب زياد مش مازن مش كدا يبقى لبنى وحشه اى حد يحب زياد يبقى وحش مش كدا
مازن / انا اسف يا زياد مقصدتش و صدقنى كلامك ده كلو غلط انت عارف انت غالى عندى قد ايه و اللى يخصك يخصنى
زياد / انت عمرك مقبلتها طول الوقت حاطتها تحت ضغط بتعاملها زى الزفت بتكلمها زى الزفت انت اللى عملت فيها كدا انت اللى ضغطت عليها لحد مسابتنى بعدت عنى عشان تخلص منكوا و من معاملتكوا ليها
مازن / انا اسف اهدى لو سمحت اوعدك هعاملها باسلوب تانى بعد كدا
زياد / دى لو كانت مرات شريف كانت اتعاملت كدا كانت اتشالت عالراس كانت اتعملها تمثال و مرام تاخدها فى حضنها فى الرايحه و الجايه كانه هو اخوك و انا ابن مرات ابوك ... لحظه مهى دى الحقيقه فعلا انا مش اخوك انا فعلا ابن مرات ابوك ازاى نسيت الموضوع ده ازاى فاتتنى دى
مازن / زياد لو سمحت كلامك بيوجعنى
زياد / احسن ... حس بقى حس و لو مره واحده فحياتك باحساسى الكل بيقول عنى فاشل الكل بيقول انى دلدول انت البطل انت البرنس و انا حتى دور الكومبارس مش عارف اعمله
مازن / فوق يا زياد انت مش عارف انت بتقول ايه
زياد / انا فايق فوق انت انت فاكر نفسك ايه انت و لا حاجه انت انسان وحيد ملكش حد
مازن / لا ليا ليا انت يا زيزو اخويا اللى عشنا عمرنا كله سوا كنا عالحلوه و المره سوا و كلمه ابن مرات ابويا دى عمرها متقالت بنا عمرها مدخلت حياتنا جديده معرفش ايه اللى حطها فى دماغك و انا اسف اسف لو كنت عاملتك باى طريقه دايقتك انا عمرى مفضلت عليك شريف انت كنت طول الوقت اخويا اللى بجد انت اكتر من اخويا و اسف انى عاملت لبنى وحش اوعدك ان كل ده هيتغير و اى حاجه هتسعدك انا هعملها و اى حاجه هتدايقك مش هعملها بس ارجوك متتعاملش معايا كدا انت مش متخيل كلامك ده وجعنى قد ايه انا فعلا مليش حد بس انا مليش حد غيركوا فارجوك متحسسنيش ان انتوا كمان غرب عنى متحسسنيش انى يتيم يا اخى ايه يا اخى عملت فيك ايه عشان تقولى الكلام ده قصرت معاك فى ايه
زياد / انا اسف انا والله معرفش انا قولت كدا ازاى انت عارف غلاوتك عندى بس لبنى فى الحاله دى لبنى هى كل حياتى يا مازن انا منغيرها اموت اتحنن انا بحبها بحبها اوى اكتر من اى حاجه تانيه فى الدنيا اكتر من نفسى بحبها بجد
زياد يعيط مازن ياخده فى حضنه
مازن / حقك عليا اوعدك انى هعاملها كويس هعتزرلها هنبه على الكل يعاملها احسن معامله اللى يرضيك يا زياد انا هعمله اى كان اللى هيرضيك هعمله بس تهدى عشان خاطرى انا مستحملش اشوفك كدا
تليفون مازن يرن زياد يبص
زياد / شريف اجرى عليه سبنى و اجرى عليه يلا
مازن / لازم ارد عليه شريف راح لاحمد شريف كان بيساومه على مسدسى لازم ارد مش عشان هو اهم عشان لازم ارد
زياد / شريف كان عند احمد رد عليه شوف وصل معاه لايه و لو معرفش يجيبلك المسدس متشلش هم انا هجيبهولك
مازن يبص لزياد باستغراب التليفون فى ايده يفصل
مازن / هتجيبه ازاى
زياد / انت فاكر ان اللى يقرب من مراتى و اخويا يعدى كدا بالساهل حسابه معايا تقل و كان لازم قبل ميلعب معايا يتقى شر الحليم اتصل بشريف شوف حصل ايه
مازن يتصل بشريف
مازن / ايوه يا شيكو ايه الاخبار .... ايه ؟؟ امتى الكلام ده ؟؟ فى انهى مستشفى ؟؟ مسافه السكه سلام سلام
زياد / خير
مازن / ضربوا شريف بالمطوه فجنبه على باب شركه احمد و الدهبى نقله المستشفى
زياد / طب روحله روحله و انا هحصلك
مازن / تمام تمام تليفونات بقى سلام
مازن يطلع يجرى و هو بيتكلم فى التليفون زياد يطلع موبايله و يتصل بحد فى التليفون
زياد / ازيك ... اجهزوا عاوزكوا فى حوار
..............................
فى شقه سميحه
محمود يخبط عالباب مرام تحط الطرحه و تقوم تفتح تلاقيه شايل تساعده يدخل
محمود / ايه جم و لا ايه تليفون شريف مقفول
مرام / معرفش مكلمتهمش ثوانى هجرب اكلم مازن ايه دا كلو
محمود / مسبتش حاجه فى المكتب و فضلت رايح جاى بالصندوق ده و كل شويه انادى حد يساعدنى افضى المكاتب عشان كل الناس تعرف ان الشركه اتباعت و الخبر ينتشر فكل حته
مرام / ههههههههههه لا ناصح ناصح
محمود / شامم ريحه مكرونه بشاميل متقوليش ان الحلو تارت
مرام / الحلو تارت
محمود / على فكره يعنى مش معنى انه بيحبهم انه هياكلهم كل يوم
مرام / تفتكر
محمود / لا مفتكرش مدام من ايدك هياكلهم حتى لو كل يوم
مرام تبتسم اوى
محمود / ربنا يسعدك و يهديهولك
مرام / امين
محمود / و يبعد عنكوا ولاد الكلب
مرام تدحك تليفون محمود يرن
محمود / الله دا بيجى عالسيره ... مازن .... ايوه يا برنس ... ايه ؟؟ انهى مستشفى ؟؟ انا جاى حالا
مرام / مستشفى ايه فى ايه مازن جراله حاجه ايه اللى حصل
محمود / سلام سلام ... ضربوا شريف بالمطوه فى جنبه
سميحه تطلع من جوه
سميحه / يا قلبى يا ابنى مين اللى ضربه هو كويس جراله حاجه قلب امه يا حبيبى استنى يا محمود انا هلبس و اجى
محمود / مش هينفع مازن لوحده و رايحله بصى اللبسوا و انا هبقى ابعتلكوا عربيه تجيبكوا و كمان اشوف لو هيقولوا لاهله و لا لا ابعتلهم عربيه هما كمان بس دلوقت لازم امشى
مرام / ايوه ايوه روحله يا محمود بس بالله عليك تطمنى
محمود / تمام تمام
محمود يجرى
مرام / استر يارب دا غلبان يارب استرها معاه يارب
سميحه / ادخلى ادخلى اللبسى و انا هدخل اللفله لقمتين تلاقيه خسر دم كتير يا قلبى و عاوز غذا
مرام / صح صح حالا حالا
مرام تدخل تجرى و سميحه تجرى عالمطبخ
...................
فى المستشفى عند شريف
احمد قاعد جنب شريف حاطت رجل على رجل
شريف / متاكد انك عاوز تستنى مازن اما يجى للدرجادى حياتى عندك اهم من حياتك
احمد / هيعمل ايه يعنى مانا و انت عرفنا ديه مازن علقه تفوت و لا حد يموت
شريف / يا راجل دانت وشك محتاج احلال و تركيب بعد اللى عمله فيك و لسه فيك حيل تتكلم انت بتضرب ايه بجد قولى بجد الصنف لحسن انا الوجع هيفرتك جنبى
احمد / سلامه جنبك يا شيكو اناديلك حد يزود المسكن
مازن يفتح الباب و يدخل و اللهفه مليه وشه يجرى على شريف
مازن / انت كويس مين عمل فيك كدا مين .. انت
مازن يجرى يمسك فى احمد و يخنقه فى الحيطه احمد يتكلم بالعافيه
مازن / هتفضل تضغط عليا لحد متخلينى اقتلك بجد مش كدا و ماله من عنيا حاضر هنولهالك حاضر
احمد / و هو لو انا اللى عملت كدا هفضل جنبه ليه هجيبه المستشفى ليه مكنت سبته يتصفى و لا يروح فستين داهيه هجيبه هنا ليه
مازن يضرب احمد بالدماغ و يسيبه يقع فى الارض بيكح
مازن / اخرج من حياتى يا احمد اخرج و انت لسه قادر اخرج بمزاجك بدل متخرج مالدنيا كلها
احمد / احم احم على العموم انا خلاص اطمنت عليك يا شيكو هستاذن انا بقى
احمد يمشى و عين مازن معاه مازن يجرى جنب شريف
مازن / ايه اللى حصل مين عمل فيك كدا
شريف / مشوفتوش كنت بركب العربيه لقيته هجم عليا من ضهرى ضربنى و جرى كان سريع اوى ملحقتش اخد بالى منه بس الكاميرات بتاعه شركه احمد جيباه واضح احمد ادانى الفلاشه 
مازن / و من امتى الحدايه بتحدف كتاكيت
شريف / كتاكيت ايه قول ورق
مازن / بلع الطعم
شريف / و بلعه بشويه ميه
مازن / حقك عليا يا شريف كل ده بسببى انا اسف
شريف / انت عبيط كل ده بسببى انا انت و احمد مكنش فى بنكوا مشاكل لحد موقفت عشانى فى الحفله و بعدها فى الكليه و بعدها فكل المواقف التانيه كل المشاكل اللى بينك و بين احمد بسبب انك كنت صاحب جدع ليا
مازن / مين فينا اللى عبيط ياله دانت اخويا يا جزمه .... بتوجعك
شريف / جدا المسكن الزفت ده و لا كانه عامل حاجه و بيزيد
مازن / هشوف حد بره يديك حاجه
محمود يفتح الباب و يدخل
محمود / عامل ايه ايه اللى حصل مين عمل فيك كدا
ثوانى و الممرضه تدخل
مازن / هو عامل ايه جنبه بيوجعه
البنت / لا متقلقش معاد المسكن بتاعه جه و هحطهوله فى المحلول
مازن يطلع فلوس و يديها للبنت تبتسمله و تحط لشريف الحقنه فى المحلول و تمشى
................................
على باب المستشفى
احمد خارج عربيه ميكروباص تزنق عليه و يزقوه يركب جواها و ياخدوه و يمشوا فثوانى
....................
فى المستشفى فى اوضه
محمود / تيته و مرام بيلبسوا و تيته هتجيبلك اكل عاملين بشاميل و تارت
شريف / فكرنى لما نلاقى ابن الكلب اللى فى الفلاشه ابقى ابوسه قبل منربيه
مازن / هههههههههههههههههه حتى فى حالتك دى طفس يخربيت دمك العسل يا اخى
شريف / اهو اتصفى يا سيدى
مازن / بعد الشر عنك يا ارخم خلق الله
محمود / ايه يا عم مالك متنشف كدا الموضوع مش صعب اوى يعنى عادى هتقوم و هتبقى قرد مانا قدامك اهو
شريف / هههههههههههههههه معاك حق بطل بقى تنطيط
محمود يبص لشريف شريف و مازن يدحكوا محمود يعمل نفسه بيضربه
......................