السكه شمال بقلم / لولو_محمد ( كامله )

الحلقه ١٢٩

(((((((((السكة شمال ))))))))))
ً#لولو_محمد
الحلقه 129
شريف / موجود فالنقط البيضه الصغيره التايهه فوسط الرمادى و النقط السودا الكبيره مدى شكل حلو للموضوع بس مش قادره تظهر نفسها
مرام / لا مش صح
صافى / انتى صح يا مرام كلنا عافين بس محدش فينا يقدر يتكلم لانا و لا شريف و لا اى حد مالجروب كلنا هنا ضيوف منقدرش نقف فوش زياد او مازن حتى لو هما غلط
مرام / يا سلام
شريف / ممكن بينى و بينه لكن قدام الناس اكيد مقدرش
مرام / هيعملوا ايه يعنى هيطردوكوا انتوا كمان هيهينوكوا هيعملوا ايه
شريف / اى كان رده الفعل كلنا هنندم عليها بعدين
...................
مرام / انا مفهمش فى الكلام ده ... طب و مونيكا و كامل و انجى دول كمان محتاجين او هيخافوا
شريف / كامل مش هيقف قدام اخوات خطيبته و لا هيدخل بينهم و بعدين هو كمان مشافش حاجه و انجى زيه ضيفه اما مونيكا بقى فمستحيل تقف قدام اخواتها
مرام / ليه
شريف / عشان لما الموضوع يخص لبنى مازن الوحيد اللى بيقدر يقف عشان زياد بنفس مبدانا مش هيقدر يسوق فيها مازن هو المحفظه لكن مونيكا سهل اوى يشخط فيها او يحرجها دا مره ضربها بالقلم عشان اتكلمت على لبنى وحش مع العلم ان لبنى وقتها كانت سايبه زياد
مرام / ايه العك ده كلو
صافى / اسكت يا شريف بصى يا مرام انتى جديده عالجو ده فطبيعى تحسى انك مش فاهمه بس انتى على قد مانا بقول انك مغلطيش لما اتكلمتى انتى كان المفروض فعلا تستنى مازن و متدخليش دلوقت الموضوع مبقاش بينك و بين لبنى بقى بين مازن و زياد و كل واحد فيهم هيدافع عن اللى تخصه و الاخوات هيخسروا بعض
مرام / و دا بسببى انا مش بسبب لبنى
صافى / كان احسن تتكلمى بينك و بينه
شريف / اصلا لو كنتى استنيتى كان مازن حل الموضوع و انتى بعيد عن الصوره مازن لا هيرضى بالظلم و لا هيرضى يزعلك
مرام / يعنى اعمل ايه دلوقت اروح اصالح لبنى يعنى
صافى / لا طبعا هى هتيجى تصالحك
مرام / يا سلام
شريف / يا بنتى هو انا هقولهالك صبح و ليل انتى مراه مازن منتصر يعنى مفيش حد فيكى يا مصر هيقف قصادك و لا هيقدر يزعلك
مرام / بتتكلم كان مازن ده رئيس الجمهوريه مثلا
شريف / الفلوس بتحرك الحجر يا مرام و اديكى شوفتى اولجا جت اعتزرتلك ازاى بعد مكانت نافشه ريشها و السفير و السفاره جت زى الكتكوت المبلول تعتزر الفلوس هى السلاح رقم واحد فالعالم و كل متعلمتى ده بدرى كل معرفتى تندمجى فى اللعبه
مرام / مش هقدر اتعامل كدا مش هقدر اشوف الفلوس هى رقم واحد
صافى / بصى صعب انك تفهمى الدنيا بسرعه كدا خصوصا انك معشتيش تجارب كفايه فى الوسط ده فانسى و حاولى تستمتعى بالاجازه دى و تتعلمى من اخطائك
مرام / اجازه ايه بس دا كان مفيش غير مرام اللى عماله تعمل مشاكل من يوم مجينا من اولجا للبنى يا قلبى لا تحزن
شريف / ههههههههههههههههه معلش معلش بكره تروق و تحلى
مرام / امتى بس انا اتخنقت
.............................
قدام باب اوضه زياد
زياد / يابنى والله هديتها خلاص و الموضوع انتهى صدقنى متقلقش انا لبنى بعرف اسيطر عليها كويس
مازن / انا مبتكلمش على لبنى انا بتكلم عليك
زياد / هو اكيد انا قافش شويه من مرام بس انا كنت مكانك فيوم مالايام و مقدر موقفك فاكر كام مره وقفت قصادك او قصاد اى حد عشان خاطر لبنى فاكر كنت بتلومنى ازاى شوفت انت النهرده عملت ايه
مازن / انا وقفت مع الحق ممكن مرام يعنى اتصرفت بتلقائيه بس هى مغلطتش 
زياد / انا و انت عارفين ان مرام مش هتقدر تندمج فوسطنا انا و انت عارفين ان المشاكل عمرها مهتخلص مرام مبتعرفش تاخد الامور بسياسه
مازن / و لا لبنى بتعرف
زياد / ليه عمرك شوفت لبنى اتصرفت زى بياعين الخضار فى السوق و مدت ايدها على حد
مازن / زياد
زياد / ايه مرام مكنش ينفع تمد ايدها على اولجا بالطريقه دى كان ممكن تتصرف بطريقه احسن تاخد و تتدخوا جوه تستناك انت ترفض البنت بس هى لا كانت واثقه فيك و لا فنفسها
مازن / مش صح
زياد / و لا النهرده كانت واثقه فيك حتى و عشان كدا مقدرتش تستنى اما انت تتصرف و لا حتى تفهم فى ايه
مازن / مانت كمان لبنى مستنتكش
زياد / المشكله فى الاصل كانت مع لبنى و لما انا ادخلت لبنى سكتت
مازن / مرام عصبيه شويه بس قلبها طيب و الموقفين رد فعلها كان طبيعى
زياد / انتى ادرى
مازن / اه معاك حق مرام مبتعرفش تاخد الامور بالراحه هى دمها حامى للحق بس انا عارف ده من زمان و عاجبنى فيها جدا فاكر لما زقتنى عشان ضربت محمود فى السكشن و لا لما اتخانقت معايا عشان اتخانقت معاه عشانك اول مره و لا لما روحتلهم البيت مرام بتقف قدام القطر و متخافش مدام معاها الحق دا بيعجبنى فيها مرام مبتخافش من مخلوق مرام مش حوار مش واثقه فيا لا هى واثقه فيا جدا هى بس مبتقدرش تتحكم فى نفسها لما تشوف غلط قدامها و ده مش عيب
زياد / لا عيب فى دنيتنا دى عيب فى شغلك عيب انت مثلا مع شهاب عشان الوزير و المصالح ميلت للريح شويه تعدى مع انك كان ممكن تجيب عليها واطيها لو كانت مرام كانت سابت شهاب و الفوج اللى معاه هنا و لا كانت لا انا صح و هو غلط و يانا يا هو احنا مبنتعاملش انك لما تحط واحد عالواحد يديك اتنين احنا بنتعامل مع اللى يدينا عشره و عشرين مليون لو ينفع
مازن / بكره تتعلم احنا يعنى كنا كدا زمان الله يرحم
زياد / و لحد ممرام تتعلم هنفضل فمشاكل بس متقلقش انا فضهرك
مازن / عارف و عشان كدا مطمن
لبنى تفتح باب الاوضه و تروحلهم
لبنى / انا فكرت مع نفسى فى اللى حصل .. انا اسفه
زياد / شوفت
مازن / احنا جايين ننبسط بليز خلينا نقضى وقت لطيف تعرفوا انا قولتلهم يجهزولنا اليخت و هنطلع النهرده الفجر و نقضى طول اليوم بكره فوسط البحر دايفينج بقى و بارتيز و كل اللى احنا عاوزينه فطار غدى عشا سناكس و كل اللى هنحتاجه
لبنى / انا لو منك اللحق اعلم مرام العوم و اجرئها شويه عالميه
مازن / كنت ناوى والله بس مش لاقى فرصه
لبنى / احنا فيها مش الجروب كلو عالبحر تعال نروح نجبلها مايو محجبات و نجرب
مازن / و ماله يلا بينا
............................
عالبحر
فادى و مارينا و مروان و سوزى فريق و انجى و كامل و هانيا و مونيكا فريق و شريف و صافى و مرام قاعدين مازن يدخل هو و لبنى و زياد يقعدوا جنبهم
مرام / ازيك يا لبنى ياريت متكونيش لسه زعلانه
لبنى / انا ؟؟ لا متقلقيش انا مبحرقش دمى على حاجات تافهه زى دى
مرام / الحمد لله
فادى و مروان يخبطوا ايديهم هاى فايف
سوزى / يا بنتى قولتلك متحاوليش
مونيكا / مازن جه و هنقطعكوا ... مازن انت هتقعد و اختك بتتقطع
لبنى / بدلى يا هانيا انا هنزل مكانك ... عن اذنك يا مرام
مازن و لبنى يروحوا يلعبوا مكان انجى و هانيا
زياد / خدى يا مرام ده هديه
مرام / ايه ده
زياد / شوفى بنفسك متخافيش مش هتفرقع يعنى دا مايو محجبات عشان تنزلى معانا المايه
مرام / شكرا مع انك تعبت نفسك انا مشكلتى اكبر من المايو بكتير
زياد / مفيش اى سبب انك تخافى و انتى وسطينا يعنى مش هتبقى لوحدك متخافيش.. انتى مش هتنزلى و لا ايه يا صافى
صافى / مجبتش معايا مايو
انجى / طب ماحنا فيها تعالى نروح نجيبلك واحد على مالجيم ده يخلص
زياد / احنا جبنا المايو مالمحل اللى هناك ده عنده كولكشن حلوه اوى
هانيا / والله احسن مالقاعده
صافى تبص لشريف
صافى / و ماله تعالوا
صافى و انجى و هانيا يقوموا يروحوا ناحيه المحل
زياد / مروحتيش معاهم ليه
مرام / زحمه عالفاضى مفتكرش انى هعرف افيدها فى حاجه
زياد / طب تقدرى تدخلى اى كابينه من دول تغيرى على ميرجعوا
مرام / خليها لما صافى تيجى نبقى نلبس سوا
زياد / براحتك
مرام تبص لشريف تلاقيه مركز زياد يشاور لشاب من الاستاف ماشى عالشط بعصير يجى ينزل تلاته عصير و زياد يحاسبه
زياد / اتفضلى يا مرام .. و انت يا شريف
مرام / شكرا
شريف / حلو العصير ده
زياد / الجو حر فعلا و الواحد محتاج اى حاجه مسكره مازن قالك انه جهز الياخت بكره نعمل دايفينج
شريف / اه مانا اللى ظبط الحاجه
زياد / صحيح انا بكلم مين نسيت معلش ههههههههههههههههههه
شريف / عادى و لا يهمك
زياد / عمرك عملتى دايفينج قبل كدا يا مرام
مرام تهز راسها لا
زياد / البحر الاحمر ده سحر من نوع تانى اوعدك هتبقى تجربه تستاهل
مرام / مش عارفه يعنى انت عارف انى بخاف مالمايه فانى اغطس و السمك يبقى حواليا و كدا مش عارفه بصراحه
زياد /عاوزه تيجى البحر الاحمر و متنزليش المايه بتهزرى صح دا الاجانب بيجوا من كل حته فى العالم عشان ينزلوا هنا
شريف / الاجانب مبيخافوش مالمايه
زياد / انتى ايه سر خوفك مالمايه صحيح
مرام / مبعرفش اعوم هههههههه
زياد / ماحنا هيبقى معانا غطاس محترف متخافيش و مازن و انا مش هتبقى لوحدك يعنى و بعدين لازم تتجرئى عن كدا دا اللى يشوفك فى مصر ميشوفكيش هنا خالص
مرام / مش فاهمه
زياد / هههههههههههههههههههه عمرى مهنسى يوم متخانقنا مع محمود فى السيكشن تخيل يا شريف مرام دى بتضرب مازن ههههههههههه كان مشهد للتاريخ اقسم بالله خفت ههههههههههههه
مرام / مش للدرجادى
زياد / انتى مكنتيش حسه بنفسك باين لا و لا اللى عملتيه فى اولجا لما شوفت الكاميره داحنا نسجلك فى دابليو دابليو اى وش يا بنتى
مرام تبص لزياد و هى بتحاول تدارى علامه الاستفهام على وشها
شريف / لا دانت فايتك كتير يا زيزو مشوفتهاش انت بقى و هى بتكوم مازن فى الارض و لا مناخير احمد الدهبى لما كسرتهاله لا مرام ميتخافش عليها
زياد / ياعم دا شويه مايه يبهدلوها يا عم
مرام / عن اذنكوا هروح اغير
مرام تقوم و زياد متابعها و يرجع يشرب مالعصير يبص يلاقى شريف مركز معاه يحيه بالعصير
.....................................
فى الشركه
محمود يخبط على مكتب صفوت و شايل كيس
محمود / الغدى بتاع حضرتك وصل
صفوت / اخيرا دانا كان فاضلى شويه و اعضعض فى المكتب
محمود يحط الاكل على ترابيزه الاجتماعات و صفوت يقوم يقعد
صفوت / تعال اقعد اتغدى معايا
محمود / لا اله هنا حضرتك انا وعدت مروه اخدها و نتغدى بره النهرده
صفوت / يا اخى وماله اقعد افتح نفسى و كمل مع مروه اقعد متسبنيش اكل لوحدى
محمود / بس
صفوت / متقعد يا محمود هو انا هتحايل عليك انا اصلا عامل حسابك الله يمسيك بالخير يا شريف دا كان علاطول فاتح نفسى
محمود / مفيش اخبار عنهم صحيح
صفوت / انت مبتكلمش مرام و لا ايه
محمود / لا كلمتها امبارح يعنى بس مرضتش اكلمها النهرده مش كل يوم يعنى
صفوت / متقلقش يا سيدى مرام و مازن زى الفل الحمد لله
محمود / الحمد لله
صفوت / ناوى تاخد مروه فين بقى
محمود / هى بتحب الشاورما ففى مطعم كدا كويس هوديها هناك
صفوت / استنى
صفوت يمسك موبايله
صفوت / ازيك يا شريف اخبار البحر ايه ... هههههههههههههه لا يا سيدى الاخبار كلها عندى .... والله كنت هموت مالدحك لما عرفت بس تستاهل حد قالها تقف قدام القطر .... هههههههههههه بقولك يا شيكو عارف المطعم السورى اللى انت قولتلى عليه ... اه احجزلى ترابيزه لفردين عالساعه خمسه و نص كدا
صفوت يبص لمحمود
صفوت / اه خمسه و نص.... باسم اى حد انا او انت او محمود ..... اه فردين بس ....تمام تمام ابقى ابعتلى رساله لما تظبط ... يلا سلام يا حبيبى انبسط انت بقى هاه ... هههههههههههه اه.... سلام سلام
.... المطعم ده تحفه هتدعيلى و اعمل حسابك انا اللى عازمكوا
محمود / انا مش عارف اقول لحضرتك ايه
صفوت / تقول ايه انت لسه هتقول كل كل
صفوت يسحب ساندوتش مالكيس و ياكل و هو مبتسم و محمود بيبص عليه
...........................
عند كابينه تغيير الهدوم
مرام تطلع تلاقى شهاب واقف ساند عالباب تتخض
شهاب / ايه شوفتى عفريت
مرام / عن اذنك
مرام تيجى تعديه يحط ايده
شهاب / انا لسه مخلصتش كلام
مرام / انت الضرب اللى مازن اداهولك مكفكش قولت اروح لمرام تكمل عليا
شهاب / هههههههههههههه ليه كدا بس دانا قصدى خير
مرام / الله الغنى عدينى لو سمحت
شهاب / انا مش طالب اكتر من خمس دقايق
مرام / مش فاضيه لاخر مره عدينى بدل قسما بالله
شهاب / هتعملى ايه هتجبينى من شعرى زى اولجا و ماله اهو مازن يدينى ميه الف دولار عشان اسكت و اجى اعتزرلك
زياد يدخل
زياد / فى حاجه يا شهاب
شهاب / زيزو ازيك يرضيك كدا مراه اخوك اسلم عليها متردش السلام
زياد / ازاى يا جدع وسع كدا اما اشوف الموضوع ده تعالى كدا يا مرام
زياد يفضى طريق لمرام تعدى و تمشى ناحيه الجروب
زياد / انت عبيط و لا انت ايه حكايتك انت عاوز تبات فى المستشفى
شهاب / اللى يشوفك و انت بتدافع عنها ميشوفكش و انت بتستحلفلها انت و الحب فى الاوضه
زياد يبصله باستغراب
شهاب / ابقى وطى صوتك الحيطان ليها ودان و الحمد لله ان انا اللى سمعت لو كانت مونيكا و لا مازن هما اللى سمعوك كانت هتبقى ليلتك فحلقى
زياد / انت عاوز ايه
شهاب / خمسه مليون كويس
زياد /هههههههههههههه خمسه مليون جنيه منى ؟؟
شهاب / جنيه ايه يا زيزو دولار يا حبيبى
زياد / و ماله يا شهاب يا حبيبى و ماله ميغلوش عليك عدى عالحسابات فى الشركه و خد اللى انت عاوزه بس متنساش تجيب معاك حاجه تاخد فيها هاه عن اذنك
شهاب / و انا ايه اللى يودينى لحسابات مانا و انا واقف هنا كدا فمكانى ابعت الريكورد اللطيف ده على موبايل مازن
زياد / ابعته معاك رقم مازن و لا اديهولك
زياد يجى يمشى و هو بيعلب فى الموبايل شهاب يمسكه
شهاب / ميبقاش خلقك ديق كدا يا زيزو مش تسمع الاول الريكورد يمكن يعجبك
زياد / منغير مسمعه ابعته و ساعتها بقى هيضيع عليك الربع مليون جنيه اللى كنت هديهملك
شهاب / ربع مليون جنيه ههههههههههههههههه ليه كدا بس يا زيزو
زياد / معاك حق انا اولى عن اذنك
زياد يجى يمشى شهاب يمسكه
شهاب / استنى يا زيزو انت عارف ان الفلوس مش سكتى
زياد / ايوه كدا اسمعك عارف ليه عشان جتلى دوغرى قول بقى عاوز ايه
شهاب / عاوز مفتاح اوضه مرام و صافى
زياد / ههههههههههههههههههههههههه طب متقول مالاول ان ابوك واحشك و عاوز تحصله انت عارف انت بتطلب ايه
شهاب / يا سيدى و انت هتخسر حاجه بالعكس كلو بيصب فى مصلحتك
زياد / يا راجل بص يا شهاب انا مهما كنت شايفنى وحش مش هقدر اساعدك فى سكتك دى و لا لمرام و لا لصافى انا عندى اخت يا شهاب
شهاب / يا حنين و بعدين فلنفرض الموضوع اصلا مش اللى فبالك خالص يا عم البت اولجا محروقه من مرام و عاوزه تاخد حقها حوار بنات مع بعض ملناش فيه
زياد / و صافى
شهاب / لو تعرف تخرجها خرجها معرفتش اهو يبقى حق اخوك الغلبان
زياد / لا مش واكله معايا
شهاب / البت هتدفع الميه الف دولار اللى خدتهم من مازن
زياد يبصله
شهاب / قولت ايه
زياد / و انت هتستفيد ايه مالحوار ده
شهاب / و لا اى حاجه بس ربك بيخلص الحقوق
زياد / بقولك ايه يا شهاب متسمعنى كدا الريكورد اللى معاك
شهاب / بس كدا اتفضل
شهاب يطلع موبايله و يشغل الريكورد
صوت زياد / انا مش بس هجيبها تبوس رجلك انا هقدملك شرفها و سمعتها مهر ..انا هكسر عينها اللى رفعتها علينا دى و اخليها تتمنى الموت و متطولوش
شهاب / و بعدين لقيت مونيكا جاىه فاداريت و بعدين من اللى وعد لبنى بانه هيقدملها شرف مرام مش انت جاى دلوقت تقول عندى اخت
زياد / لحظه واحده تليفون اصلى عامله فيبرايشن
زياد يحط الهاند فرى فودانه و يروح بعيد ثانيه و يرجع يشيل الهاند فرى مالموبايل
صوت شهاب / يا حنين و بعدين فلنفرض الموضوع اصلا مش اللى فبالك خالص يا عم البت اولجا محروقه من مرام و عاوزه تاخد حقها حوار بنات مع بعض ملناش فيه
صوت زياد / و صافى
صوت شهاب / لو تعرف تخرجها خرجها معرفتش اهو يبقى حق اخوك الغلبان
صوت زياد / لا مش واكله معايا
صوت شهاب / البت هتدفع الميه الف دولار اللى خدتهم من مازن
زياد / تحب اكمل يا شهاب و لا انت عارف الباقى
شهاب يبص لزياد
زياد / كدا بقى لو فى كلب اتعرض لمرام او لصافى انت لابسها لابسها يا معلم فانا لو منك ملعبش بالنار و اتلم و انا هعمل نفسى مسمعتش حاجه بس تعمل حسابك ان عينى هتبقى عليك و لعلمك انا هسكت عشان انا عارف كويس مازن لو عرف هيعمل فيك ايه و احنا جايين ننبسط مش نتخانق اما بقى الريكورد اللى معاك كان تمثيل عشان انا عارف انك عيل واطى و ناوى تغدر بمازن و شريف خصوصا يعنى بعد اللى حصل فقولت ارميلك طعم لما خدت بالى انك واقف تتسنط علينا فلم الدور و اقصر الشر احسنلك 
شهاب يسقف
شهاب / استاذ يا زيزو لا حقيقى معلم
زياد / عن اذنك بقى يا حبيبى تؤمرنيش بحاجه تانى
شهاب / متحرمش يا زيزو يا حبيبى متحرمش
زياد يبتسم و يسيبه و يمشى و يرجع يلاقى مرام قاعده كانت بتبص عليهم
زياد / ايه ده هما لسه مرجعوش لحد دلوقت
مرام / لسه قافله مع صافى بيحاسبوا و جايين
زياد / اكيد اشتروا المحل كلو هو انا مش عارفهم
مرام تبتسم زياد يقعد و يوطى ناحيتها و يوشوشها
زياد / انتى هتقولى لمازن على اللى شهاب عمله
مرام / لا
زياد / ليه
مرام / يعنى مش عارف ... تفتكر مازن لو عرف هيحصل ايه
زياد / هيقتله اقل واجب يعنى
مرام / هتبقى مبسوط لو ده حصل يعنى
زياد / بس هو لو مترباش مش هيسكت
مرام / و انت كل الوقت ده مربتوش
زياد يبتسم و يفرد ضهره و ينام و مرام تبص عليه ثوانى و تقوم تروح ناحيتهم
مرام / انا زهقت متلاعبونى معاكوا شويه
مونيكا / بس كدا تعالى ههههههههههههههه
لبنى / خليكى انا تعبت مالشمس هنزل المايه شويه
لبنى تسيبهم و تروح لزياد يتوشوشوا و ينزلوا المايه هما الاتنين لوحدهم
...........................................
عالقهوه
شاب / بس يا سيدى و ركبوا حديد على شباك الحمام و عالباب فوق و غيرو قفل بوابه البيت و ركبوا بوابه حديد عالسطح و ركبوا شبكه حديد عالمنور من فوق يعنى باختصار تامين بنوك ياسطى
توفيق / و بعد كل ده راحت للمحروس بيته
الشاب / دا كل ده اتركب و هى هناك مقولكش كان يجى خماشر راجل شغالين فوقت واحد يمكن ازيد
توفيق / و محمود الكلب
الشاب / دا بقى محمود بيه دلوقت الجدع اللى اسمه مازن ده اشتراله عربيه بالشئ الفلانى و راكنها فى الجراج و بيدفع عليها قد كدا فالشهر ركنه بس لحد ميتعلم لا و الجديد بقى رايح جاى على سنجه عشره و لا البهوات اشى بدل و برفانات و نضارات شمس و ساعات تقولش ابن ذوات
توفيق / اش تعمل الماشطه فى الوش العكر يا ابو مخ ضلم
الشاب / النهرده مثلا عربيه بسواق جت خدته من قدام البيت
توفيق / و مفيش اخبار الحجه هتيجى امتى
الشاب / لا معرفش لو عاوز اعرفلك
توفيق / لا كتر خيرك لحد كدا عملت اللى عليك و زياده
الشاب / متاخذنيش يا تيفا انا بره الليله اخوك هينفخنى
توفيق / ليله ايه يا جدع مخلاص تبنا الى الله انا بس بطمن على اهل حتتى و انا فالرقده انا اصلا كل المعلومات كانت عندى انا بس قولت اتاكد ان الكلام اللى وصلنى كان صح مش اكتر
الشاب / طب تؤمرش باى حاجه تانى
توفيق / تسلم يا حبيبى تسلم
............................