السكه شمال بقلم / لولو_محمد ( كامله )

الحلقه ١٥٩

((((((((((السكة شمال ))))))))))
#لولو_محمد
الحلقه 159
مديحه / بركه دعايا اللهم اضرب الظالمين بالظالمين و اخرجنا منهم سالمين يارب حسبى الله و نعم الوكيل فيهم يجيهم و يحط عليهم انا هروح اتفرج
محمود / هتروحى تتحشرى وسط الرجاله و البلطجيه
مديحه / بلا تنحشرى بلا متنحشريش وسع من وشى
محمود / يا ماما بطلى الحركات دى احنا فى ايه و لا فى ايه
مديحه تزق محمود و تنزل تجرى يبص على سميحه
سميحه / اجرى ورا امك يا محمود اجرى وراها المجنونه دى هتجيب اجلى انا عارفه
محمود يجرى ورا مديحه و يقفل الباب وراه و سميحه قاعده فمكانها بتعيط
.....................
فى القسم
معتز قاعد عالمكتب و الست ام توفيق قاعده بتعيط
الست / دخلنا لقيناها بتسرق فلوس من اوضه توفيق الفلوس اللى لقيتوها فى الارض دى سعاتك اتخانق معاها و ضربها جريت جابت مطوه توفيق و ادتهاله فى جنبه و طلعت تجرى
معتز / و توفيق فين
الست / معرفش يا بيه بيجرى على اكل عيشه هيعمل ايه يعنى الايد البطاله نجسه و من لبختى ملحقتش اكلمه زمان الناس كلموه الله يعينه لما يعرف الخبر دا كان هو اللى مربيه يا بيه مجدى كان بالنسباله اكتر من اب
معتز / بس فى ناس شافوه طالع يجرى مالبيت و انتى بتصرخى
الست / لا يا بيه محصلش توفيق متخانق مع الحاره و مشاكله كتير و الف من يتمنى يضره و اميره شهاده لله جمايلها عالكل بس عمرى مكنت اتخيل انها تعمل كدا دا كان روحه فيها يا حبيبى يابنى هاتولى حقى ماللى قتلت ابنى يا بيه ابوس ايدك يا بيه
معتز / و فين المطوه اللى قتلته بيها
الست / معرفش تلاقيها خدتها معاها و هى بتجرى انا فى ايه و لا فى ايه هبص عالمطوه و لا ابنى اللى سايح فى دمه
عسكرى يدخل و معاه اميره بتعيط
العسكرى / كانت مستخبيه فى بيت امها سعاتك
اميره / ارتاحتى كدا هديتى فضلتى تسكتينى لحد مموتوا بعض ارتاحتى لما يتمتى عيالى حسبى الله و نعم الوكيل فيكى حسبى الله و نعم الوكيل فيكى
الست / حسبى الله و نعم الوكيل فيكى انتى خربتى البيت
اميره / انا
معتز / فين المطوه يا اميره
اميره / معرفش اسالو توفيق اسالو ابن الكلب اللى قتل جوزى و يتم عيالى
معتز / يعنى مش انتى اللى قتلتيه
اميره / قسما بالله مانا يا بيه قسما بالله مانا دا توفيق
معتز / امال هربتى ليه
اميره / خفت كانوا هيموتوا بعض خفت و جريت اتحامى فى بيت اهلى و سمعت بعدها ان مجدى هو اللى اتقتل لو مكنش مجدى اتقتل كان توفيق هو اللى هيتقتل فى الحالتين واحد فيهم كان هيقتل التانى كان لازم اهرب يا بيه كان لازم اهرب
معتز / انتى بتقولى كدا كدا واحد فيهم كان هيقتل التانى مش كدا
اميره تهز راسها اه
معتز / عشان الفلوس
اميره / لا يا بيه بسببى احنا كلنا عايشين فى شقه واحده بس توفيق كان حشاش و بتاع كيف بعيد عنك و مكنش عاتقنى
الست / حسبى الله و نعم الوكيل فيكى دا كان بيعاملك زى اخته
اميره / والله العظيم ابدا دى بتكدب والله العظيم يا بيه ياما دخلت عليه و منعته عنى و كانت بتمنعنى اتكلم عشان موقعش بين الاخوات و وعدتنى هتجوزه و تمشيه والله يا بيه بتكدب
معتز / كملى
اميره / مجدى دخل و هو بيتهجم عليا اتخانقوا سوا و انا اول ملقيت فرصه خدت عبايتى و جريت انا كنت عارفه ان اليوم ده هيجى
الست / بتكدب يا بيه بتكدب عشان تنجى نفسها احنا دخلنا لقيناكى بتسرقى فلوس توفيق مالدولاب
اميره / محصلش يا بيه هو اللى ادهانى
معتز / و ايه اللى دخلك اوضه توفيق اصلا مدام هو ابن كلب و بيتهجك عليكى احنا لقينا الجثه و الفلوس فى اوضته
اميره / كنت بدور عالخاتم بتاعى يا بيه ملقيتوش كنت متفقه مع مجدى هبيعه عشان محتاجين فلوس عشان الحاله يعنى حضرتك فاهم روحتله عشان عارفه ان هو اللى سرقه رمالى الفلوس و اتهجم عليا والله يا بيه هو ده اللى حصل انا عندى عيال يا بيه والله هو ده اللى حصل .. حسبى الله و نعم الوكيل فيكى اتقى الله يا شيخه و قولى كلمه حق انا عندى عيال هتنجى ابنك على حساب عيالى اتقى الله حسبى الله و نعم الوكيل فيكى حسبى الله و نعم الوكيل فيكى انتى و ابنك
...........................
فى شقه سميحه
جرس الباب يضرب سميحه تروح تفتح تلاقى مازن باصص فى الارض تتخض عليه و بعدين تمسك نفسها
سميحه / مازن !!! اسمع لو جاى عشان اجراءات الطلاق ...
مازن يرفع عينه فى عين سميحه مليانه دموع و وشه الحزن مغطيه
مازن / هى عامله ايه
سميحه / كويسه متقلقش نفسك قولتلك مليون مره قبل كدا انا بنتى مبتتكسرش بسهوله بنتى جبل هى بس مكلتش من الصبح و جالها هبوط لكن الحمد لله ركبنالها محلول و بقت زى الفل
مازن / انا تعبان اوى يا تيته تعبان و مليش مكان اروحه
سميحه تاخده فى حضنها يعيط
سميحه / هى دى الامانه اللى امنتك عليها يا مازن تقهرهلى كدا دانا محلتيش فى الدنيا غيرها هانت عليك هونت انا عليك
مازن يبصلها و الدموع بتنزل من عنيه
سميحه / مرام نايمه هى كويسه بس نايمه ادخل يا ضنايا ادخل
مازن يدخل و هو ماسك فى ايد سميحه و بيعيط يقعدوا عالكنبه يترمى فى حضنها و يعيط اكتر
مازن / انا عاوز اموت يا تيته انا عاوز اموت
سميحه / يا حبيبى يابنى قلب ستك يا ضنايا والله حاسه بيك بس انت اقوى من كدا فين ايمانك بربنا
مازن / كل اللى بحبهم بيموتوا يا تيته اللى بحبهم بس اللى بيموتوا يا تيته انا معدتش قادر استحمل خلاص تعبت
سميحه / عشان كدا كنت عاوز تسيبها كنت خايف عليها
مازن يهز راسه سميحه تاخده فى حضنها و تعيط هى كمان
سميحه / قلب ستك يابنى قلبى يا ضنايا
مازن / بس انا مش قادر ابعد عنها يا تيته مش عارف اعمل ايه خايف اقرب و مش قادر ابعد خايف عليها اوى يا تيته خايف عليها منهم انا ضعيف انا مش هقدر احميها ضهرى اتكسر يا تيته اللى كان بيحمينى و ساندنى مات يا تيته قتلوه و كسروا ضهرى اللى فى الدنيا يا تيته
سميحه / ربك اقوى مالكل اوعى تخاف ربنا موجود يابنى ربنا اقوى مالكل
مازن / هى عامله ايه يا تيته هى عامله ايه
سميحه / كويسه يا ضنايا يا حبه عينى مبطلتش عياط من ساعه مجت من عندك هانت عليك يا مازن هانت عليك دموعها و كسره نفسها دى
مازن / ممكن اشوفها
سميحه / همنعك عن مراتك يعنى مش هى لسه مراتك برده
مازن يهز راسه ايوه
سميحه / كان هيجيلك قلب تطلقها كان هيجيلك قلب تبعد عن ستك يا وله هانت عليك ستك يا وله توجع قلبها عليك لما تعرف انك هتمشى و مش هتشوفك تانى
مازن / حقك عليا
سميحه / قوم يا قلبى قوم خشلها قوم صحيها و بوس راسها و راضيها والله مفى حاجه هتداوى قلوبكوا انتوا الاتنين الا بعض قوملها و انا هعملكوا حاجه حلوه تاكلوها شكلك هفتان يا حبه عينى شكلك مكالتش اعملك ايه يا قلبى عاوز تاكل ايه
مازن / مش جعان
سميحه / قوم خشلها قوم خدها فى حضنك و راضيها انتوا ملكوش غير بعض اتحاموا فى بعض اتسند عليها و تتسند عليك قوم يا حبه عينى قوم
مازن يقوم و يقف قدام الباب و يبص على سميحه
سميحه / ادخل صحيها ادخل
مازن / مش هتسامحنى يا تيته
سميحه / هتسامحك دى روحها فيك يابنى خش راضيها
مازن يفتح الباب بالراحه و يدخل يلاقيها نايمه فى وضع الجنين سميحه تقوم و تقفل الباب عليهم مازن يتفزع و يبص عالباب و بعدين يرجع يبص على مرام و يفضل واقف ثوانى و بعدين يروح يقعد عالارض جنبها و هو بيعيط
مازن / انا اسف والله العظيم مكان قصدى انا مش عارف انا عملت كدا ازاى سامحينى مرام سامحينى
مرام تفتح عينها تلاقى مازن بيعيط جنبها تفضل بصاله و ساكته
مازن / يمكن لو كان سابنى مع نفسى اهدى يمكن لو مكنش استعجل و جابك كنت فقت لوحدى و جيتلك انا اسف اوى انا مكنش المفروض اعمل معاكى كدا بس ربنا وحده اللى يعلم باللى بيا
مرام تمد ايدها بالراحه و تحطها على خد مازن تتاكد انه حقيقى
مرام / انت هنا بجد
مازن / كنت هوكل حد عشان عمرى مهعرف انطقها عمرى مهقدر اخرجك من حياتى و كنت هسيب مصر عشان كل حته فيها هتفكرنى بيكى و طول مانا فيها مش هرتاح غير و انا معاكى
مازن يمسك ايد مرام من على خده و يبوسها و هو بيعيط
مرام / انت بجد ... انت بجد صح انا مش بحلم انت هنا صح انا مش بحلم صح
مرام تقوم تقعد على ركبها و تشد مازن يقعد جنبها و يبصلها باستغراب و الدموع على وشهم هما الاتنين و مرام عماله تحرك ايديها عليه تتاكد انه حقيقى و فجاه تترمى فى حضنه و تعيط يحضنها جامد اوى
مازن / انا تعبان اوى يا مرام تعبان اوى بجد
مرام / احسن عشان كنت عاوز تسبنى
مرام تزق مازن
مرام / انت طلقتنى ؟؟ قدرت تعملها قدرت تقولها
مازن يهز راسه لا و عنيه كلها لهفه و حزن و الدموع مغطيه وشه تمسحهالها بايديها
مرام / هونت عليك هونت عليك تعمل فيا كدا
مازن / قتلوا خالى يا مرام كسروا ضهرى و كسرونى
مرام / مهو كان خالى انا كمان
مازن / سامحينى
مرام / عمرى مهسامحك عمرى
مازن يبص فى الارض و يعيط تبص عليه و تحضنه
مرام / متعملش كدا تانى متبعدش عنى تانى انت وعدتنى انت وعدتنى انك عمرك مهتسيبنى انت وعدتنى انك مش هتسمح لحاجه تفرق بنا
مازن / كان غصب عنى كنت خايف عليكى
مرام / تقوم تسبنى بدل متاخدنى فى حضنك و تخبينى مالدنيا و تحمينى عاوز تسبنى مين هيحمينى غيرك هنت عليك تسبنى ليهم
مرام تسيب مازن و تتعدل فى قعدتها
مرام / انا اصلا مش محتاجاك تحمينى انا اعرف احمى نفسى كويس و احميك انت كمان
مازن / طب ممكن تحمينى
مرام تاخده فى حضنها و تعيط
مرام / خلاص متعيطش مفيش راجل بيعيط انشف كدا ياض مالك فى ايه انا جنبك و مش هسيبك حتى لو انت سبتنى انا مكنتش هسيبك
مرام ترفع راس مازن ليها و تبصله بحب
مرام / وحشتنى اوى كنت فكراك مش هتيجى تانى كنت بموت منغيرك
مازن / مقدرتش مجيش مقدرتش ابعد عنك اكتر من كدا والله ربنا وحده اللى يعلم الفتره دى عدت عليا ازاى كنت بموت فى بعدك كل ثانيه لا باكل و لا بشرب و لا بنام
مرام / الحمد لله انك مقدرتش عشان لو كنت اتاخرت عن كدا مكنتش هتلاقينى مكنتش هقدر اعيش
مازن / بعد الشر عنك بعد الشر عنك يا قلبى ان شاء الله انا
مرام / بعد الشر ان شاء الله هما اللى عاوزين يفرقوا بنا و بياذونا ان شالله هما بعيد عننا ربنا ياخدهم ويريحنا منهم
مازن / انا تعبان اوى يا مرام تعبان و محتاجك اوى انا عاوز انام اوى عينى بتوجعنى و عندى صداع فظيع جسمى كله واجعنى انا تعبت من غيرك اوى يا مرام
مرام تاخده فى حضنها و يناموا و تغطيه
مرام / ارتاح يا قلبى ارتاح
مازن / رجلك عامله ايه
مرام / كويسه مزق بسيط هيروح مش انت جنبى هيروح اى وجع تانى هيروح
مازن يهز راسه و يحط راسه فى حضنها و يغمض عنيه و هى تلعب فى شعره بالراحه لحد مينام
....................................
فى الشركه
شريف يدخل بنت تقابله
البنت / الحمد لله انك جيت الشركه مقلوبه هو صحيح الشركه معروضه للبيع
شريف / دى كلها اشاعات مفيش كلام من ده كل واحد يخليه فى شغله و كل حاجه تكمل زى مهى
البنت / بس زياد بيه كان هنا و ....
شريف / معلش زياد بيه بيشتغل ايه فى الشركه هنا فكرينى تانى كدا اتفضلى يا انسه على شغلك و عاوز اجتماع لرؤساء الاقسام حالا اتفضلى
البنت / حالا حضرتك
شريف / و لا اقولك استنى ابعتى لكل الصحف و الجرايد و السوشيال ميديا و قولى ان المجموعه اتباعت لمستثمر شاب
البنت / مين
شريف / م . أ حلو عليهم
البنت تبصله باستغراب
شريف / اعملى اللى بقولك عليه
البنت / حاضر
.............................
فى فيلا زياد
زياد يدخل الاوضه يلاقى لبنى بتلبس
زياد / على فين يا قلبى
لبنى / انت كنت فين
زياد / مش هتصدقى اللى حصل كان يوم غريب
لبنى / ناوى تحكى و لا مستنى موسيقى الساسبنس تنزل فى الخلفيه و التوتر يعلا و كدا يعنى
زياد / الا صحيح احمد بيسلم عليكى
لبنى / احمد !!! احمد مين
زياد / ايه ده هما كتير و لا ايه ... هههههههههه الدهبى يا قلبى احمد الدهبى بيسلم عليكى
لبنى / و يسلم عليا بمناسبه ايه يعنى و بعدين انت شوفته فين اصلا
زياد / مهو مازن عرف ان له ايد فى قتل خاله
لبنى عنيها توسع
زياد / بس كالعاده مازن اخره هوش بالمسدس بس مقدرش يقتله
لبنى تقع على اقرب كرسى
زياد / مالك فى ايه
لبنى / و بعدين
زياد / و لا قبلين ضربه كام ضربه و كل واحد راح لحاله
لبنى / انا كنت عارفه انها مش هتعدى على خير كنت عارفه اننا مش هنخلص
زياد / والله انا مش عارفه اللى اسمه زفت ده كان ضارب حاجه و لا ايه الواد بيشلب دم و عمال يدحك و يهزر و لا كانه مبرشم
لبنى / ربنا ياخده و يريحنا منه المهم سيبك من كل الهبل ده عملت ايه فى البيعه عرفت تقنع مازن بحاجه و لا زى كل حاجه باظت
زياد / منه لله ابن الكلب شريف نطلنا فيها
لبنى / قولتلك قولتلك متعشمش نفسك لا هيبيع و لا هينيل
زياد / بقولك ايه الواد شريف لفت انتباهى لحاجه لو استغليناها صح هنكسب دهب
لبنى / خير
زياد / دلوقت المساهمين بعد موت صفوت عرضوا اسهمهم فى السوق و سعرها بقى فى الارض انا بقول نلم كل اللى نقدر عليه و اهو لو مازن باع و لا مباعش نبقى مطلعناش مالمولد بلا حمص
لبنى / تمام ماشى
زياد / هو ايه اللى ماشى
لبنى / عاوز ايه يا زياد عاوز تشترى الاسهم متشترى عاوز منى ايه
زياد / مش هتشترى انتى كمان
لبنى / و انا قولت حاجه رتب كل حاجه و انا معاك خلاص
زياد / تمام
لبنى / انا هروح لماما هتكلم معاها فى الموضوع ده و اكيد هى كمان هتشترى و انا لو منك تكلم طنط فريده و بكدا نلم كل اللى فى السوق
زياد / بس تعملى حسابك الموضوع ميطلعش بره هنلاقى الناس كلها نطتلنا فيها
لبنى / فهمت حاضر
...................................
فى شقه مرام
سميحه تفتح الباب و فى ايدها طبق فيه سندوتشات تلاقيهم نايمين
سميحه / اثبت ... لف و ارجع
سميحه تطلع و تقفل الباب بالراحه خالص جرس الباب يضرب تتوتر و تبص على باب الاوضه و تجرى تفتح الباب تلاقى محمود تهمس بعصبيه و تضربه فكتفه بالراحه و هو مصدوم
سميحه / شششششششششششششششش بتضرب الجرس ليه هاه بتضربه ليه
محمود / امال اعمل ايه
سميحه / متعملش امشى امشى
سميحه تزق محمود و يروحوا ناحيه شقه مديحه و تقفل باب الشقه بالراحه خالص و محمود بيبص عليها باستغراب تلف تبصله
سميحه /فى ايه
محمود / لا مفيش فى ايه يعنى اتفضلى يا تيته
محمود يفتح باب شقته و يدخل هو و سميحه
.........................
فى اوضه مرام
مازن يصحى على صوت الجرس و يبص على مرام نايمه و يجى يقوم تصحى هى كمان
مرام / رايح فين
مازن / فى حد جه
مرام / و احنا مالنا مهم عماليين يجو و يمشوا مالصبح
مازن / ليه
مرام / يعزوا هيجوا ليه يعنى بس متقلقش بياخدوهم هناك عند عمتى عشان انا تعبانه و مش قادره اقابل حد
مازن ينام و يبص فى السقف
مرام / مالك بتفكر فى ايه
مازن / مخنوق و مش طايق نفسى
مرام / فتره و هتعدى صدقنى الايام بتنسى
مازن / هنسى ايه يا مرام هنسى خالى هنسي حقه هنسى منظر اللى قتله و هو واقف يدحك عليا و يقولى انا مش هقتلك بس هبكيك على كل حبايبك و انا واقف قدامه زى ال ... تعرفى انا مش عارف انا عاجبك فى ايه دانا مش راجل
مرام / متقولش كدا دانت سيد الرجاله كلها
مازن / لا يا شيخه بزمتك دا منظر راجل هو فى راجل يسيب الناس تديله على قفاه و يروح ينام عادى كدا
مرام / هتعمل ايه زى معملت فى شهاب
مازن / فكرت بس .. للاسف عملتها فيه كتير مبيحرمش بالعكس جتته نحست كان بيدحك و انا بضربه بيقولى ضربتى مايعه
مرام / فكرت مره تسيب ربنا هو اللى ياخدلك حقك
مازن / ربنا قال العين بالعين يا مرام
مرام / ايوه بس فى قانون و يا بخت من بات مظلوم و لا باتش ظالم
مازن / انتى بتقولى ايه
مازن يقوم يقعد عالسرير و يديها ضهره تقوم تقعد جنبه و تمسك ايده يبصلها
مرام / يعنى انت لو قتلته و دخلت السجن هترتاح لما تسبنى اضيع من غيرك و تضيع عمرك هترتاح ساعتها هتحس انك راجل تعرف يا مازن انك لو فى حرب يسقط عنك الجهاد لو ليك اهل انت العائل الوحيد ليهم او بتعول ارمله او مسكين كدا يعنى و برده بتاخد ثواب الجهاد يعنى اقصد انت متعذبش نفسك انك مقصر انت مينفعش يعنى انك ...
مازن / هههههههههههه يا مرام انا حتى لو حاولت حتى لو نسيت كل ده لو مفيش كل ده مش هعرف اقتل انا جبان زى موقفت قدام توفيق عاجز و قعد يدحك عليا وقفت قدام احمد و برده دحك عليا شايل السلاح منظر كل اللى انتى شيفاه ده كلو فايك منظر حتى الجسم و العضلات منظر اللبس الشخصيه كلو فايك منظره لكن انا من جوه فاضى مفيش فاشل فى كل حاجه لا نجحت فى تعليم و لا فشغل و لا فى اى حاجه فاشل فى كل حاجه حتى انى اجيب حقى فشلت
مرام / مش حقيقى انا عرفاك كويس انت مش كدا خالص انت اطيب و احن راجل فى الدنيا و لعلمك انت مش فاشل انت بس مكنش فارق معاك النجاح مكنتش حاسس انه هيضيفلك حاجه عشان كدا مكنتش بتزاكر بس انت نجحت و كلها حاجه بسيطه و نتيجه الترم ده كمان تبان و هتشوف هتجيب تقدير و كلها سنه و تتخرج و لعلمك انت زكى زكى جدا كمان و بتدير شركه كبيره بتاعتك و ناجح فى اداراتها
مازن / مش انا دا خالى خالى هو اللى بيدير انا بس بمضى الورق مكان مبيقولى امضى بمضى اكتر من كدا مبعرفش اعمل حاجه
مرام / كلنا بنمر بلحظات من دى صدقنى حتى انا مريت بيها و شريف لو تفتكر فى الفندق كلنا بيجيلنا وقت و بنضعف و بنفقد الثقه فنفسنا خصوصا بعد موقف صعب اوى زى وفاه خالو مازن انت لازم تفهم اننا جنبك انا و تيته و شريف و محمود كلنا جنبك انا جنبك انا بحبك و صدقنى لو كنت وحش اوى كدا انا مكنتش ههحبك لكن انا شوفت فيك اللى مشوفتوش فى حد انت ارجل واحد قابلته فى حياتى انت جوزى و حبيبى و صاحبى و كل حاجه فى حياتى اللى انت عملته هو الصح كنت هتعرف تنام و انت قاتل حتى لو اللى انت قتلتله ده كان ابن كلب يعنى لو انت قتلته دا هيرجع خالو تفتكر يعنى لو جرالك انت حاجه خالو هيبقى مرتاح انا هرتاح
مازن / مانتى لو تحسى بيا
مرام / حاسه بيك والله حاسه بيك بس
جرس الباب يضرب جامد
مرام / مين ده
صوت شريف / افتح ياله انا عارف انك جوه افتح
مرام / دا صوت شريف هقوم افتحله
مرام تقوم تلبس الاسدال و تتسند لحد الباب و تفتح
سميحه / طب بس فهمنى يابنى فى ايه
شريف / بقولك ايه يا تيته الواد ده جاب اخره معايا و عاوز قلمين يفوقوه اقسم بالله
مرام / ازيك يا شريف
شريف / جوزك الخريبئ فين هاه فين
مرام / مين ده اللى خريبئ انا جوزى ده سيد الناس متقولش عليه كدا
شريف / هااااايح و ايه كمان يا حنينه
سميحه / جرالك ايه يا شريف دانا كنت بقول عليك عاقل ايه اللى بتعمله ده
شريف / جبت اخرى يا تيته متطلع ياله الله
مرام / بطل بقى يا شريف طب والله نفسيته وحشه اوى جوه
مازن يقف على باب الاوضه
شريف / مهو من خيبتك ياختى معرفتيش تفرفشيه
مرام / بقى كدا الله يسامحك
شريف / يعنى تقوليلى انا عمرى مهسامحك و افضل اعذب فروحى و هو بكلمه تسامحيه دانتى بتتلككى بقى
مرام / اه بتلكك جوزى حبيبى
شريف / اه منكم يا بنات حوا انتوا صحيح القط ميحبش الا خناقه حقك طبعا
مرام / بقولك ايه انا جعانه و مكلتش مالصبح نجيب عشا و لا هتروح تاكل فى بيتكوا
شريف / لا احنا فينا مالحركات دى و لا ايه بتمسكينى انتى من الحته اللى بتوجعنى
مرام / انت جاى عايز ايه يا شريف
شريف / عاجبك عياطه زى الولايا يعنى ... خد
شريف يدى لمازن ملف يفر فيه
شريف / فى الوقت اللى كنت انت بتضيع وقتك مع البنات انا يا سيدى كنت بتعلم مالاسطوره خالك الله يرحمه خالك مماتش و ساب ضهرك مكشوف هتجيب حقه و لا هتعمل ايه
................................