السكه شمال بقلم / لولو_محمد ( كامله )

الحلقه ١٣٦

((((((((السكة شمال))))))
#لولو_محمد
الحلقه 136
عند لبنى الناحيه التانيه
الوايتر بيصب عصير فالكوبيات
لبنى / الكاس ده نص بس بليز و كمل سكوتش
انس / انتى هتشربى و لا ايه
لبنى / بقولك يا انس
انس / يا روح انس
لبنى / تحب تكسب مليون جنيه فعشر دقايق
…………………….
انس / احب جدا
لبنى / هتلخبط الكاسات بحيث الكاس اللذيذ ده يقع فى ايد مرام
انس / لا حياتى تساوى اكتر من مليون جنيه سورى يا لبنى باس انا
لبنى / و انا هسيبك يا عبيط انا بس هروح الحمام خمس ثوانى و هرجع اسال عن الكاسه بتاعتى و اقولك ازاى تتبدل منك و انت تتفاجئ و اهزئك شويه و الموضوع هيبان انه نصيب و بعدين يعنى هيحصل ايه هندحك شويه
انس / مازن مش هيسكت لو عرف اننا مطبخينها سوا
لبنى / لو عرف بقى ها اكتب الشيك و لا اشرب الكبايه
انس / طب خليهم اتنين مليون عشان اركز فى الكاسه حرام تتلخبط منى و اديها لحد تانى
لبنى / مليون قبل و مليون بعد
انس / ميدحكش عليكى انتى
لبنى / حبيبى يا انوس .. هستاذن انا بقى خمس دقايق الحمام
..........................
ناحيه مرام
فادى / لا والله بيخم
كامل / هو فى حد بيخم فى البلايستايشن يعنى
فادى / مهو مش معقول تكسب تلت جيمات ورا بعض فى ايه يعنى دانت لو معشى الحكم مش هيعمل معاك كدا
كامل / انت بس اللى مبتعرفش تخسر
فادى / ملحوقه المره الجايه هقطعك
زياد / انتى كويسه يا مرام
مرام تبصله
زياد / مالك
مرام / مفيش حاجه يمكن عاوزه انام او حاجه
انس يدخل ووراه الوايتر شايل كاسات لمون بالنعناع بعددهم
انس / احلى انتعاش اتفضلوا احلى لمون بالنعناع مساء الهاااااح
انس يوزع الكوبايات و الكل بيبصله و يدى لمرام كبايتها فى ايدها تبتسم و تشرب
مرام / ايه ده
صافى / ايه اول مره تشربيه
مرام / لا شربته كتير طبعا بس دا بيلسع اوى
سوزى / عشان مركز بس تلاقيكى كنتى بتشربى مخفف او حاجه
مرام / يمكن
صافى / و بعدين على فكره هو حلاوته فى مزازته اصلا
انس / ايوه تلاقى نفسك اتحولت لتنين مجنح و تنفخ نار من بقك
فادى / هههههههههههههههههه يا سلام بقى على لبانه منتول بقى
انس / اوووووف نار يا اخى نار
لبنى تدخل و تقعد و تاخد الكبايه الباقيه عالترابيزه
لبنى / سورى كنت فى التويلت ها قررتوا هتصحوا الساعه كام بكره عشان السفارى و لا هتعملوا ايه ... ايه ده دى مش كبايتى
انس / بطلو تسول بقى
لبنى / بجد يا انس دى مش كبايتى انت لخبطت الكوبايات انا شاورتلك على كبايتى و قولتلك متتلخبطش
انس / كلهم زى بعض يعنى فى ايه
لبنى تقوم تشم كبايته و بعدين تاخد بتاعه زياد
زياد / فى ايه يا لبنى
لبنى تشم بتاعه مرام و تبص لزياد
لبنى / فى انى كنت مكمله بتاعتى بسكوتش و الحمد لله مرام شربتها
مازن يقوم من مكانه و يروح يقعد جنب مرام مش منتبهه لاى حاجه بتحصل
مازن / مرام
مرام / نعم
مازن / انتى كويسه
مرام / العصير ده طعمه حامض
مازن ياخد منها الكبايه و يقومها تقوم و هى بتطوح و هو مسندها صافى و مونى يقوموا بسرعه يساعدوه و لبنى واقفه ماسكه نفسها عن الدحك بالعافيه شريف يمشى ناحيه البار
شريف / هجيبلها قهوه
لبنى / لا خدها تحت الدوش احسن و اسرع
مرام / هو انتى بتكرهينى كدا ليه
لبنى / انا ؟؟
مازن / تعالى يا مرام
مازن يجى يشد مرام تفلت و ترجعلهم
مرام / سبنى ... هو انتى مش واخده بالك من نفسك لو مش عاجبك عيشتنا ارجعى للى كنتى فيه بمزاجك هو صح بمزاجك انا بحب مازن و هو بيحبنى فاهمه
مازن يحاول يشد مرام
مازن / خلاص يا مرام كفايا يلا
مرام تشاور على انس و زياد قاعد حاطت رجل على رجل و بيتفرج و هو ساند بايده على ايد الكرسى و ساند راسه على كفه
مرام / و انت عيل تافه
انس / الله الله الله فى ايه يا مازن
صافى / تعالى يا مرام
مرام تبص لزياد
مرام / انت بتبصلى كدا ليه هاه ؟؟
مازن يشيلها تتشعلق فى رقبته و تبصله بدلع
مرام / و انت حرامى ..سرقت قلبى ههههههههه
مازن ياخدها و يمشى
لبنى / دى طلعت خفيفه اوى دانا محطتش غير نقطتين
مازن يبصلها و يهز راسه و ينفخ و يمشى و صافى و مونى معاه
مارينا / على فكره حركه سخيفه منك اوى يا انس
انس / الله الله هو فى ايه انا مالى شوفى كان فى عالصينيه كام كبايه اتلخبطت بصيلهم كلهم شبه بعض و نفس اللون
مارينا / طبعا عن اذنكوا طالعه انام جاى يا فادى
فادى / اكيد تصبحوا على خير
مارينا و فادى يقوموا
انس / و انا هستفيد ايه لما اعمل كدا يعنى بينى و بين مرام ايه يعنى
سوزى / فكك منها انت عارفها قفيله اصلا انا عارفه مين اللى عزمها
هانيا / اكيد مازن عشان صافى مانتى عارفه هما بيحبوا بعض قد ايه
زياد / كان نفسى نكمل السهره سوا بس انا و لبنى معاد نمنا جه ورانا صحيان بدرى اوى الصبح يلا يا بيبى
زياد يقوم يمسك ايد لبنى و يشدها و عنيها على انس
انس / عيل تافه قال انا اصلا ليا كلام تانى مع مازن
............................
فى اوضه مازن
مرام بهدومها تحت الدوش و مازن ماسكها و هى بتقاومه
مرام / ساقعه ساقعه
مازن / هانت خلاص فوقى بس
مرام تنزل فى الارض و مازن لسه ساندها صافى تدخل و شايله هدوم
صافى / انا جبتلها غيار اهو
مونى / شكرا يا صافى
صافى / مش كنا روحنا اوضتنا احسن
مازن / لا مش هتقدرى عليها لوحدك
مونى / انا هجيبلك غيار
مازن / لا لا انا هطلع بره اغير ساعدوها تلبس انتوا بس
مازن يقفل المايه يشد فوطه و يحاول ينشف بيها نفسه و يخرج بره ويقفل باب الحمام وراه و هو خارج صافى و مونى يحاولوا يسندوا مرام تقوم من عالارض مرام تفتح حنفيه الدوش و الاتنين يتغرقوا و يصرخوا و مرام مججيته مالدحك
مرام / هههههههههههههههههههههه
مونى / كدا يا مرام اخص عليكى
مرام / المايه ساقعه هههههههههههههه
صافى / قومى بقى كدا
مرام تقوم معاهم
مرام / دا اسوء مصيف فى التاريخ
صافى / هههههههههههههه و مالك بتقوليها و انتى مبسوطه اوى كدا
مرام / مش عارفه هههههههههههههههه
مونى / طب اثبتى بقى خلينا نساعدك
مرام / مانا ثابته اهو انتوا اللى بتتحركوا هههههههههههههههه
صافى تبص لمونى و يدحكوا و يساعدوها تغير هدومها ثوانى و مازن يدخل لابس البجامه اللى مرام كانت لبساها
مرام / الله .. حلوه اوى البجامه دى زى بتاعتى امال فين الكاش بقى
مازن / شكرا يا بنات انا هكمل من هنا
مونى / تكمل ايه بس هروح اوضى ازاى دلوقت
صافى / طب انتى اوضتك خطوتين انا هطلع دور تانى خالص
مونى و صافى يمشوا و مازن يسند مرام عالسرير تنام و تفرد ضهرها و هى بتدحك
مرام / هو انا فين
مازن / فى اوضتى
مرام / بعمل ايه فى اوضتك
الباب يخبط مازن يروح يفتح يلاقى شريف ماسك فنجان قهوه
مازن / شكرا مع انى اشك انه يعملها حاجه
شريف يهز راسه
مازن / مالك
شريف / خليك فى اللى انت فيه الاول
صوت مرام / ههههههههههههههههههههه
شريف يبص لمازن و يكتم دحكته و يمشى و مازن يقفل الباب
مازن / القهوه يا مرام
مرام / لا انا مش عاوزه قهوه انا عاوزه مالنعناع الحامض ده
مازن / دا اسكوتش وسكى يا مرام خمره
مرام / هااااااااااااااااا انا شربت خمره
مازن / اه
مرام / انا شربت خمره هخش النار كدا
مازن / طب اشربى القهوه دى عشان تفوقى
مرام / لا لا مره مره
مازن / هو انتى دوقتيها خدى بق واحد قومى اقعدى كدا
مازن يحط الفنجان عالكومدينو و يروح يقعد جنبها و يسندها تنام على صدره
مرام / الله .. تعرف انا بحب انام فى حضنك اوى
مازن يبتسم
مازن/ و انا كمان بحبك اوى ممكن بقى تشربى القهوه دى يمكن تفوقى شويه
مرام / مش عاوزه افوق انا مبسوطه اوى كدا انت مش مبسوط ؟؟
مازن / هههههههههه لا طبعا مبسوط 
مازن يبص على مرام يلاقيها مغمضه عنيها و نايمه يعدلها تنام تانى و يغطيها و ياخد القهوه و يحطها جنب التليفزيون بعيد و يشيل كومه هدوم مبلوله بتاعته و يدخل الحمام و يلم الهدوم بتاعه مرام فى جنب و يحطهم على بعض و يطلع تانى يروح يقعد جنبها و يبص عليها و هى نايمه و هو مبتسم تفتح عنيها بالراحه و لما تشوفه تبتسم
مرام / مازن
مازن / يا عيون مازن
مرام / انا بحبك اوى 
مازن / ههههه و انا والله بحبك
مرام / اوعدنى انك مش هتسبنى
مازن / اوعدك عمرى مهسيبك مهما حصل
مرام تمد ايدها يقرب منها و ياخدها فى حضنه تغمض عنيها
مرام / لو سبتنى هموت
مازن / بعد الشر عنك يا قلبى
مرام / زمان هههههههه كنت ببقى عاوزه اتف عليك
مازن / ههههههههههههه الله يحفظك
مرام / اه والله انت كنت حقير ههههههههههههه
مازن / حب الناس نعمه
مرام / ربنا عوضنى بيك عن الدنيا كلها
مازن يبوس راسها و يبتسم
مرام / ادتنى امان الاب اللى اتحرمت منه حسستنى بقيمتى انت الوحيد اللى عاملنى زى ماستحق انت الوحيد اللى وقفت للدنيا عشانى
مازن / ربنا يخليكى ليا
مرام / تعرف لما كنت مخطوبه كانوا متفقين على حاجات فى الجهاز تيته وافقت على اساس هتجوز لما هتخرج قدامى وقت و بعد مشترينا الشبكه جم زارونا ههههههههههههه عاوزين الفرح بعد شهرين فالاجازه و تبقى تكمل فى بيتها الست قالت لتيته و مدام محلتكوش تاكلو بتربطوا ولاد الناس معاكوا ليه جايه تقولى بعد مدبسنا فى الشبكه
مازن / سبتوا بعض عشان كدا
مرام / هو اللى سابنى
مرام تدحك دحكه مكسوره
مازن / انا الكسبان احسن راح فداهيه
مرام / راح فستين داهيه ههههههههههههههههههههه والله يا مازن مزعلت عليه تيته اللى زعلت كانت بتعيط من ورايا بس مش عليه تيته مزعلتش عليه تيته كانت زعلانه عليا مازن هو انت ليه بتحبنى
مازن / فيكى ايه ميتحبش يا مرام جميله و ذكيه و محترمه و متدينه و جدعه و اجدع شاب يتمناكى
مرام / امال هما ليه مشافوش ده
مازن / عشان ربنا بيحبنى
مرام تبص لمازن و تبتسم
مازن / بحبك
مرام / و انا مش عاوزه حاجه تانى مالدنيا بعد كدا
مرام تدفس روحها فى حضن مازن و تنام
........................
فى اوضه زياد
زياد / مكنلوش لزوم ابدا اللى انتى عملتيه بس نقول ايه
لبنى / انا عملت ايه
زياد / لبنى انا مش مازن ماشى عيب امشى معايا دغرى عشان اعرف انضف وراكى
لبنى / بهزر عادى يعنى
زياد / بتهزرى مع مازن و فمين فمرام و دلوقت بعد مخلاص قربنا نوصل جايه تهزرى دلوقت
لبنى / عاوز ايه
زياد / عاوزك تلمى الدور و الكلام اللى قولتيه لمرام لف و لف و جالى شوفى بقى عدى على ودن مين و مش معنى ان مازن ساكت
لبنى / انا مقولتش حاجه غلط انا مقولتش غير الحقيقه
زياد / و فادتك بايه اهى فوسط الكل قالتلك بتكرهينى ليه
لبنى / كانت سكرانه و بتخرف
زياد / اوعى تفتكرى ان مازن هيعمل حاجه النهرده اللى صبره عليها طول الوقت ده عمره مهيلمسها و هى سكرانه معملهاش مع الشمال هيعملها مع مراته
لبنى / يووووه انت مبتفصلش صدعتنى انا هنام لو هتكمل رغى اطلع بره بدل والله انزل مصر دلوقت
زياد / حقك يا لبنى حقك عن اذنك
زياد يقوم يسيب الاوضه و ينزل اللوبى يلاقى شريف قاعد يروح يقعد معاه
زياد / انت ايه اللى مصحيك لحد دلوقت
شريف / مجاليش نوم قولت انزل اشرب حاجه و انت 
زياد / انا قفشت مع لبنى
شريف / ليه
زياد / قالت لمرام ان احنا اللى لفقنا لاولجا قضيه المخدرات
شريف / ااااه عشان كدا 
زياد / انت عرفت
شريف يبتسم و يبص الناحيه التانيه
زياد / البنات دول يا اخى الواحد مهما يعمل مفيش فايده
شريف / مش كلهم
زياد / انت اللى بتقول كدا
شريف / انا اكتر واحد لازم اقول كدا مش معنى ابدا انى احكم على كل البنات من واحده و لا اتنين خصوصا لو عندى منهم اربعه فرقبتى و عارف اخلاقهم و طباعهم كويس
زياد / معاك حق و اهى صافى اهى صحيح مازن قالى شهاب بتاعك فكرت هتعمل فيه ايه
شريف / هيعجبك
زياد / ههههههههههههههههه هو عامل ايه صحيح
شريف / و لا حاجه قاعد مستنى قضاه
زياد / ياريته سمع كلامى
شريف / ههههههههههههههههههههههههه
زياد / بتدحك على ايه
شريف / و لا حاجه افتكرت حاجه كدا كان مازن علاطول بيقولها
زياد / طب متقولهالى
شريف / اوى اوى طبعا
شريف يتعدل فى الكرسى و يقرب من زياد
شريف / بيقولك متخافش مالجعجاع اللى لما تزعله يهدد و يصرخ خاف مالسهن اللى محدش بيعمله قيمه و لا حساب ده بقى اللى لازم تحطه تحت عينك و تراقبه كويس لحد متمسك عليه دليل
زياد / و مين السهن ده بقى
شريف / شهاب طبعا مش احنا برده بنتكلم عن شهاب يا زياد
زياد يبتسم و شريف يقوم يتمطع
شريف / كان نفسى اكمل معاك سهرتى بس خلاص مش قادر بالاذن
شريف يمشى و زياد متابعه و هو مبتسم
زياد / اذنك معاك يا شيكو اذنك معاك هههههههههههههه
...............................
تانى يوم الصبح
مرام نايمه فحضن مازن تفتح عينها بالعافيه و فجاه تنتبه لمازن و لهدومها و للمكان تقوم تتفزع تقع من عالسرير و هى حاطه ايدها على بقها مازن يصحى يشوفها يجرى عليها و يقعد جنبها و هى بتعيط
مازن / اهدى يا مرام اهدى مفيش حاجه حصلت ماشى
مرام تبصله
مازن / مفيش اى حاجه حصلت انتى شربتى حاجه بالغلط تحت و خليتك هنا لحد متفوقى
مرام تبص على هدومها
مازن / مونى و صافى اللى غيرولك هدومك و اساليهم والله يا مرام محصل اكتر من كدا انا وعدتك
مرام تمسك دماغها
مازن / هطلبلك لبن هيخفف عنك شويه و هجبلك حبايه للصداع
مرام تبص فكل حته و لسه الدموع بتنزل من عنيها
مازن / والله العظيم محصل حاجه والله العظيم محصل حاجه مش هيحصل غير زى محلمتى بيه مش هيحصل غير زى موعدتك بطلى عياط و اهدى
مرام تهز راسها مازن يمسح دموعها و يسندها تقعد تانى عالسرير و هى لسه فحاله صدمه يروح يمسك التليفون و يتصل بحد
................................
فى اللوبى تحت
كلو متجمع ماعدا مرام و صافى و مازن و شريف
لبنى / متكلمهم يابنى تستعجلهم
مونى / انا لسه قافله مع مازن حالا مرام صحيت مصدعه و تعبانه جدا و هترتاح النهرده فى الاوضه
لبنى / والله طيب ربنا يشفيها بقى طب و صافى و شريف تعبانين هما كمان و لا ايه
مونى / انتى بتتكلمى كدا ليه
لبنى / بتكلم ازاى يا مونى
مونى / فى نبره استهزاء كدا
لبنى / هما طالعين معانا ليه هاه عشان يتفسحوا لوحديهم على العموم يلا بينا و لما نرجع هتلاقيهم بيقولولك قد ايه انبسطوا و قضوا يوم لطيف منغيرنا اصل احنا اللى منكدين عليهم
مونى / بصراحه ليهم حق دا لو كان ده فعلا اللى بيحصل مش انها تعبانه لما شربت الكبايه بتاعتك
لبنى / محدش قالها تشربها ايه مش حاسه بطعمه يعنى
هانيا / لا سورى يا لبنى انتى بتقولى حقهم يا مونى دا على اساس اننا منكدين عليهم او مش فاهمه وجهه نظرك يعنى
مونى / بصى اللى اعرفه ان كل واحد يشوف ايه بيبسطه و يعمله
سوزى / و طلعوا معانا ليه مدام هينبسطوا من غيرنا
مونى / فدماغى احتمالين الاول انهم جربونا و اديكى شوفتى المشاكل اللى حصلت و جربوا منغيرنا و انبسطوا من غيرنا فقرروا يكملوا لوحدهم و التانى انهم جايين مع مازن اللى هو فى الاصل جاى عشان يحاسب عالرحله كلها
سوزى / قصدك ايه يعنى على فكره كل المشاكل من اول يوم فى الرحله لحد دلوقت سببها مرام محدش فينا تمام و بعدين عيب اوى اللى قولتيه ده احنا اتعزمنا و جينا عالاساس ده مجيناش فرضنا نفسنا و قولناله حاسبلنا احنا نقدر نحاسب لنفسنا
زياد / بنات بنات بنات مونى متقصدش الموضوع كدا خالص على فكره
سوزى / و لا تقصد ماخوها اللى بيصرف علينا
مونى / انا مقولتش كدا
لبنى / و لا تقولى هو فى ايه يا سوزى هى مش دى الحقيقه اه كلنا معزومين بس مازن اللى عازمنا و بيتهيالى عيب اوى انه يعزمنا و ميجيش و بعدين واحد و مراته بيتفسحوا ايه يجبرهم يقعدوا معانا يعنى خليهم ينبسطوا
كامل / غريبه اوى انتى يا لبنى من ثوانى انتى اللى فتحتى الموضوع و سالتى ليه مش عاوزين يقعدوا معانا و دلوقت انتى اللى بتبرريلهم
............................